April 08 Gabon Gam
Gabon gam sungah a kiphut Adventiste taan(12) saangpi ah ka tanu Juana a kah theih nawn loh ciangin ka dah mahmah hi. Gabon Mission in a hihtheih tawpin hanciam a, ahizongin Sum leh paai haksatna hangin tan (12) tungsiah zom zo nawnlo hi. Ka tanu tan (12) Adventist sang dang khat ah kahsak thei lengbel ka lung nuam tuam mah ding hi ven! Ka gam vuah taan (12) saangpi khat bek nei sawnsawn!
Juana in nisim in a sangkahna Adventist saangpi ah biakpiakna leh thungetna tawh ki-apna nei den hi. A lai sinna ah, “Lai Siangtho” thu zong kihel hi. Ama’ saangsiate in amah it in, pantah uha, a sangkahpihte’n zong veeng leh paam vaphaakna Pasian’ nasepna ah akihel dingin hanthawn uh hi. Ahizongin tu in thu leh late a kikheel ding hita hi.
Lungkhamna Tampi Tak
Juana in a pualam ah saang va kah leh a upna bangci ding?! Topa Jesu tawh a kinaai in a om zolaai ding hiam? A pualam saang ah a tate saang a kahsak ka lawmte kiangpan ka zak thu om hi. Ka lawmte khat in, “Ka tapa kithuahpihte’n zuu dawn in guihtheihte zang uh hi,” ci-in thaneem takin gen hi. Alawm nupi khat inzong, “Saangpawite leh kimawlna te kiginni (Friday) leh Sabbath (Saturday) nita in bawl uh hi,” ci-in hong gen lailai hi. A dang nupi khat in, “Saangsiama khat bang, a ut hunhun in laihilh in, sangnaupangte a uutbangtakin omsak hi,” ci-in gen ziahziah hi. Ka lungkhamna pen nupite hong gen uh thusia lasia baanah ka tanu laivuan ni dingpen Sabbath ni tawh kituak hi. Tua in ka lung hong khamsak pha diak hi.
Khuukvun Sah Tektek
Ka tanu Juana pen saang thak ah a va kah tak ciangin a sawt loin a khalam nuntakzia hong kikheel lam ka thei hi. Amah in Lai Siangtho sim hun leh thunget hun tam zat nawn hetlo baanah a pualam Pasian’ nasepna ah zong lawp lo seemseemta hi. “Kong it mahmah ka tanu aw, nang aadingin ka lungkham hi. “Nakhempeuh a lem hiam?” ci-in ni khat ka hopih hi.
Juana in a lang lam nga kawmin maigum in om hi. “Nu aw ka vaai te lem meello hi. Tu mahmah in nakhempeuh in Topa Jesu kiang pan hong kaaikhia tawh kibang hi. Topa Jesu tawh a kigamlata dingin kingaihsun ing,” ci hi.
Topa Jesu in ka tanu Juana tel zawhloh zahdongin leh ama’ tha tawh bangmah a kheel theihlohna genpih in thaa ka pia hi. “Lung himawh kei in. Kong huh ding hi. Ka khuukvun a sah seemseem zongin khuukdin in thungetna tawh hong huh ning,” ci-in ka hanthawn hi.
Nidang Saangin Khalam Thahaat Zaw
Ka tanu Juana aadingin khukdin in thu ka ngetsak a, ka lawm it pawlkhat tungah zong thu a ngetsak nadinguh huhna ka ngen hi. Kha thum bang hong sawt ciangin maitai takin ka kiangah hong pai hi. “Nu aw, Topa Jesu tawh kinaai mahmahta ing. Amah ka lawm hoihpen hi. Topa’ hoihna thu ka lawmte kiangah ka hihtheih tawpin genpih ing,” ci-in lungdamtakin hong gen hi.
Juana in ama’ saang ah a upna genkhia hi. Lungdam lua ing. “Kong it mahmah tanu aw, bangteng hihhih nahi hiam?,” ci-in ka dong hi.
“Laivuanneu ka neih uh ciangin Topa Pasian in hong huh nadingin thu ngen khawm dingin ka lawmte zawn ing. Thu haksa khat peuhpeuh a om ciangin zong Topa Pasian in hong huh nadingin thungen khawm ding in ka zawn hi. Nisim in mi tawh kihona ah zong Topa Jesu thu gen nading hunpha ka ngah hi,” ci-in kipaaktakin Juana in hong gen hi.
Lamet Ngamloh Lungdamna
Ka tanu Juana in Topa Pasian tungah a ki-aapna thak ka theih ciangin ka lungdam lua mahmah hi. Adventist khangnote in a upna uh kiptakin a let theih nadingin Gabon gam ah taan (12) saangpi thak khat lam nadingin Sabbath sawm leh thumna sumpi pawlkhat tawh hong kihuh ding ahihmanin ka lungdam sawnsawn hi. Ka tanu Juana zong Adventist pilna a sin nuam adang saangnaupang za vaal tawh Adventist saangpi ah kahkik theita ding uh hi.
Seventh-day Adventist Pawlpi in Gabon gam ah a nasep uh pen sawt nailo ahimanin ih pawlpi thu tawmtawm kithei pan hi. Tan (12) saangpi Pasian in amaute kiangah Amaa’ hong itna thu geenkhiat ding hunphaa hong pia hi. Amaute in Topa Pasian’ mawhmaisakna leh hehpihna thu a sin kawmkawm un hong kikheelna uh ka muh ciangin septaak mahmah kasa hi.
Ka lawm it mahmah khat in Pasian hopih dingin kilawmkisa lo aa, mawhna tampi a bawllam, a thusim hong geen hi. “Thu zong ka ngen thei nawnkei hi. Banghanghiam cihleh Pasian in hong ngaai nawnlo dingin ka ngaihsun hi. Ka kizopna uh kitatsak ta ing,” hong ci hi.
Ka lawm in Topa Pasian in amah a itna a kiam ngei lohna thu geenpih in thaa ka pia hi. “Suakta takin Topa tawh kiho in. Na mawhnate lungsim takpi tawh pulaak inla, mawhmaina ngen in. Tua khit ciangin Amah in nang hong et ciangin mawhna a neilo Topa Jesu’ nuntaakna mu hi cih um in, muang in,” ci-in ka hanthawn hi. A sawt loin amah zong a mawhnate damdam in pulaak aa navaak kisa seemseem hi.
Khangno tampi takin haksatna tuamtuam tuak uh hi. Ka theih pasalno khat pen pau ngei selo in a mahbek mah om lel hi. Amah tawh kilawmtaa kahih manun, a ngaihsutsut thu hong pulaak hi. “Saang aa ka lawmte in kei pen a kiphasak leh kithuahpih theih ding hi loin hong geen uh hi,” ci-in mai khing ngeungau in hong geen hi.
“Tua ahihleh, na lawmte hong geen maan in na um hiam?” ka dong hi.
“Maan lo hi. Kei pen a zum thei mahmah khat kahi hi. Thu khat peuh ka geenkhialh khaak ding aa, mi khatpeuh’ lungsim ka natsak khaak ding ka laauthawng hi,” ci-in lungnuam het loin hong geen hi.
“Midangte lungsim na natsak nop lohna pen amaute in hong paaktat nading uh ahive lawm,” ka ci hi.
“Lawm aw, tua bang hikei veh aw. Amaute in kei pen a kiphasak in hong ngaihsun ngiat uh hi,” hong ci hi.
“Lawm aw, amaute’n hong paakta kei zongin ke’n hong paakta ing. Midangte inzong na om zia hong paakta ding ai ve,” ci-in ka dawngkik hi.
Hih pasalno inzong mi khempeuh in a mudah ahih lohlam hong tel seemseem hi. Mi pahtaak nadingin bangmah kheel a kisap lohlam hong telsiang hi. Amah leh amah kimuan theihna hong nei theita a, ka lung hong nuamsak hi.
Adventist Khangnote’ Pasian nasepna ah a kihel pawlpimite in midangte zong thaa ka pia kawikawi thei uh hi. Sabbath ni kikhop khit ciangin, “Muutpuak tawh Pasian Thugeenna” cih ka bawl uh hi. Lai Siangtho thak pen Gabon gammi te kiangah Topa Jesu pen amau’ Topa leh Gumpa aa a saan theih nadingun, a va taangko ding khangnote pattahna phualpi in kizang ding hi. Khangnote pen ih pawlpi’ mailam makaaite ahihmanun a sin uh pilna tungtawnin ih Adventist pawlpi hong khangto ding hi. Pilna sin Adventist khangnote in Gabon gammite Topa Jesu hong pai kikna a dawn dingin kigingkholsak thei ding uh hi.
Ka tanu Juana pen hih leitung ah Topa’ nasepna Lungdamnathu taangkona akizawh masiah Adventist Mission sungah Topa’ lenggah huan ah mapang ding hi cih pen kei lametna ahi hi. Hih thu pen Adventist khangno khempeuh aadingin ka thunget sakna ahi hi.
Hih Adventist khangnote a pantah ding tan (12) saanginn thak khat lam nadingin hehpihna tawh phal takin Sabbath sawm leh thumna sumpi nong piakhia ding uh hiam?
***************
Nu Khat’ Thungetna (Agen: Michale Nathalie)
Gabon gam sungah a kiphut Adventiste taan(12) saangpi ah ka tanu Juana a kah theih nawn loh ciangin ka dah mahmah hi. Gabon Mission in a hihtheih tawpin hanciam a, ahizongin Sum leh paai haksatna hangin tan (12) tungsiah zom zo nawnlo hi. Ka tanu tan (12) Adventist sang dang khat ah kahsak thei lengbel ka lung nuam tuam mah ding hi ven! Ka gam vuah taan (12) saangpi khat bek nei sawnsawn!
Juana in nisim in a sangkahna Adventist saangpi ah biakpiakna leh thungetna tawh ki-apna nei den hi. A lai sinna ah, “Lai Siangtho” thu zong kihel hi. Ama’ saangsiate in amah it in, pantah uha, a sangkahpihte’n zong veeng leh paam vaphaakna Pasian’ nasepna ah akihel dingin hanthawn uh hi. Ahizongin tu in thu leh late a kikheel ding hita hi.
Lungkhamna Tampi Tak
Juana in a pualam ah saang va kah leh a upna bangci ding?! Topa Jesu tawh a kinaai in a om zolaai ding hiam? A pualam saang ah a tate saang a kahsak ka lawmte kiangpan ka zak thu om hi. Ka lawmte khat in, “Ka tapa kithuahpihte’n zuu dawn in guihtheihte zang uh hi,” ci-in thaneem takin gen hi. Alawm nupi khat inzong, “Saangpawite leh kimawlna te kiginni (Friday) leh Sabbath (Saturday) nita in bawl uh hi,” ci-in hong gen lailai hi. A dang nupi khat in, “Saangsiama khat bang, a ut hunhun in laihilh in, sangnaupangte a uutbangtakin omsak hi,” ci-in gen ziahziah hi. Ka lungkhamna pen nupite hong gen uh thusia lasia baanah ka tanu laivuan ni dingpen Sabbath ni tawh kituak hi. Tua in ka lung hong khamsak pha diak hi.
Khuukvun Sah Tektek
Ka tanu Juana pen saang thak ah a va kah tak ciangin a sawt loin a khalam nuntakzia hong kikheel lam ka thei hi. Amah in Lai Siangtho sim hun leh thunget hun tam zat nawn hetlo baanah a pualam Pasian’ nasepna ah zong lawp lo seemseemta hi. “Kong it mahmah ka tanu aw, nang aadingin ka lungkham hi. “Nakhempeuh a lem hiam?” ci-in ni khat ka hopih hi.
Juana in a lang lam nga kawmin maigum in om hi. “Nu aw ka vaai te lem meello hi. Tu mahmah in nakhempeuh in Topa Jesu kiang pan hong kaaikhia tawh kibang hi. Topa Jesu tawh a kigamlata dingin kingaihsun ing,” ci hi.
Topa Jesu in ka tanu Juana tel zawhloh zahdongin leh ama’ tha tawh bangmah a kheel theihlohna genpih in thaa ka pia hi. “Lung himawh kei in. Kong huh ding hi. Ka khuukvun a sah seemseem zongin khuukdin in thungetna tawh hong huh ning,” ci-in ka hanthawn hi.
Nidang Saangin Khalam Thahaat Zaw
Ka tanu Juana aadingin khukdin in thu ka ngetsak a, ka lawm it pawlkhat tungah zong thu a ngetsak nadinguh huhna ka ngen hi. Kha thum bang hong sawt ciangin maitai takin ka kiangah hong pai hi. “Nu aw, Topa Jesu tawh kinaai mahmahta ing. Amah ka lawm hoihpen hi. Topa’ hoihna thu ka lawmte kiangah ka hihtheih tawpin genpih ing,” ci-in lungdamtakin hong gen hi.
Juana in ama’ saang ah a upna genkhia hi. Lungdam lua ing. “Kong it mahmah tanu aw, bangteng hihhih nahi hiam?,” ci-in ka dong hi.
“Laivuanneu ka neih uh ciangin Topa Pasian in hong huh nadingin thu ngen khawm dingin ka lawmte zawn ing. Thu haksa khat peuhpeuh a om ciangin zong Topa Pasian in hong huh nadingin thungen khawm ding in ka zawn hi. Nisim in mi tawh kihona ah zong Topa Jesu thu gen nading hunpha ka ngah hi,” ci-in kipaaktakin Juana in hong gen hi.
Lamet Ngamloh Lungdamna
Ka tanu Juana in Topa Pasian tungah a ki-aapna thak ka theih ciangin ka lungdam lua mahmah hi. Adventist khangnote in a upna uh kiptakin a let theih nadingin Gabon gam ah taan (12) saangpi thak khat lam nadingin Sabbath sawm leh thumna sumpi pawlkhat tawh hong kihuh ding ahihmanin ka lungdam sawnsawn hi. Ka tanu Juana zong Adventist pilna a sin nuam adang saangnaupang za vaal tawh Adventist saangpi ah kahkik theita ding uh hi.
Seventh-day Adventist Pawlpi in Gabon gam ah a nasep uh pen sawt nailo ahimanin ih pawlpi thu tawmtawm kithei pan hi. Tan (12) saangpi Pasian in amaute kiangah Amaa’ hong itna thu geenkhiat ding hunphaa hong pia hi. Amaute in Topa Pasian’ mawhmaisakna leh hehpihna thu a sin kawmkawm un hong kikheelna uh ka muh ciangin septaak mahmah kasa hi.
Ka lawm it mahmah khat in Pasian hopih dingin kilawmkisa lo aa, mawhna tampi a bawllam, a thusim hong geen hi. “Thu zong ka ngen thei nawnkei hi. Banghanghiam cihleh Pasian in hong ngaai nawnlo dingin ka ngaihsun hi. Ka kizopna uh kitatsak ta ing,” hong ci hi.
Ka lawm in Topa Pasian in amah a itna a kiam ngei lohna thu geenpih in thaa ka pia hi. “Suakta takin Topa tawh kiho in. Na mawhnate lungsim takpi tawh pulaak inla, mawhmaina ngen in. Tua khit ciangin Amah in nang hong et ciangin mawhna a neilo Topa Jesu’ nuntaakna mu hi cih um in, muang in,” ci-in ka hanthawn hi. A sawt loin amah zong a mawhnate damdam in pulaak aa navaak kisa seemseem hi.
Khangno tampi takin haksatna tuamtuam tuak uh hi. Ka theih pasalno khat pen pau ngei selo in a mahbek mah om lel hi. Amah tawh kilawmtaa kahih manun, a ngaihsutsut thu hong pulaak hi. “Saang aa ka lawmte in kei pen a kiphasak leh kithuahpih theih ding hi loin hong geen uh hi,” ci-in mai khing ngeungau in hong geen hi.
“Tua ahihleh, na lawmte hong geen maan in na um hiam?” ka dong hi.
“Maan lo hi. Kei pen a zum thei mahmah khat kahi hi. Thu khat peuh ka geenkhialh khaak ding aa, mi khatpeuh’ lungsim ka natsak khaak ding ka laauthawng hi,” ci-in lungnuam het loin hong geen hi.
“Midangte lungsim na natsak nop lohna pen amaute in hong paaktat nading uh ahive lawm,” ka ci hi.
“Lawm aw, tua bang hikei veh aw. Amaute in kei pen a kiphasak in hong ngaihsun ngiat uh hi,” hong ci hi.
“Lawm aw, amaute’n hong paakta kei zongin ke’n hong paakta ing. Midangte inzong na om zia hong paakta ding ai ve,” ci-in ka dawngkik hi.
Hih pasalno inzong mi khempeuh in a mudah ahih lohlam hong tel seemseem hi. Mi pahtaak nadingin bangmah kheel a kisap lohlam hong telsiang hi. Amah leh amah kimuan theihna hong nei theita a, ka lung hong nuamsak hi.
Adventist Khangnote’ Pasian nasepna ah a kihel pawlpimite in midangte zong thaa ka pia kawikawi thei uh hi. Sabbath ni kikhop khit ciangin, “Muutpuak tawh Pasian Thugeenna” cih ka bawl uh hi. Lai Siangtho thak pen Gabon gammi te kiangah Topa Jesu pen amau’ Topa leh Gumpa aa a saan theih nadingun, a va taangko ding khangnote pattahna phualpi in kizang ding hi. Khangnote pen ih pawlpi’ mailam makaaite ahihmanun a sin uh pilna tungtawnin ih Adventist pawlpi hong khangto ding hi. Pilna sin Adventist khangnote in Gabon gammite Topa Jesu hong pai kikna a dawn dingin kigingkholsak thei ding uh hi.
Ka tanu Juana pen hih leitung ah Topa’ nasepna Lungdamnathu taangkona akizawh masiah Adventist Mission sungah Topa’ lenggah huan ah mapang ding hi cih pen kei lametna ahi hi. Hih thu pen Adventist khangno khempeuh aadingin ka thunget sakna ahi hi.
Hih Adventist khangnote a pantah ding tan (12) saanginn thak khat lam nadingin hehpihna tawh phal takin Sabbath sawm leh thumna sumpi nong piakhia ding uh hiam?
***************
إرسال تعليق
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.