Kumkikna Lamen Innkuan - Khen 12 (Azom7)

THUKHEN 12

Innkuan Nuntakna Tuktehna

UHAM NU LEH PA

“Nanu Napa Zahtakun.”—Tate in nu leh pa zahtak ding tavuan pen hin laiteng manding thupiak ahi hi. Nu leh pa in teekin guaiin thanemin, aom ciangin nu leh pate tungah tate in akitangsap bangun ngaihna leh kinbawlna apiakding uh ahi hi. Akisap lehzong tate in amau’ deihna nialin, anuntaknauh laihin nu leh pa lungkhamna leh buainate alakkhiat zawh nadingin kipiakhia ding uh hi.

Nu leh pa aitdaldal dingin tate in pilna asin uh kul hi. Tate aw, amaute kemun, midangte in no kin bangin hong kepsaklo ding uh hi. Nakim napam uhah hehpihna khaici bangin vawh kawikawi un.1

Nu leh pa tunga tavuanin beihun neilo hi. Eite ading amau’ nuntakna, amau ading eite nuntakna in kum leh agamlatna tawh akiteh hiloa, ihtavuan pen ki-awnghawh theih zong hilo hi.2

Uham nu leh pa in aneihtheihding uh ahoihpen thu in nopsakna leh kipakna bek ahi hi. Atate kiangpanin

awlmawhlohna longalin alianzaw dahsakna amaute pialo hi. Uhamte tunga dahna ihtutna losiah nu leh pa tungah alian zaw mawhbawlna omtuanlo hi.3

Lampi Nuamsakun.—Tate kumcingin akhancin uhciangin nu leh pa teen nading inn piakding tavuan kakhin zo hi, aci pawlkhat om uh hi. An leh inn akipiak laitakin amaute’ itna leh hehpihna pialo uh hi. Nu leh pa uham khitciangin ngaihna leh hehpihna akitangsap laitakun, tate in lungtang neiloin koihdap uh hi. Nu leh pa zahtak piaknawnloh ding hun omlo hi. Amaute adam laiteng uh amaute zahtak piakna in tate nopsakna ahi hi. Ahihtheihzahun nu leh pa kiangah maitaina leh nitang ahong piadending uh ahi hi. Hankhuk azuatna lampi anuamsak ding uh hi. Nu leh pa zahtakna sangin aphat huaizaw thudang omlo hi. Vantung laibu sungah ciamtehna sangin nu leh pa zahtakna in ahoih zaw hi.4

Nu leh Pa Tunga Lungdam Theihlohna.—Tate in nu leh pa’ ngetnate amitsit san manun dahna piangsak hi. Tuabanga abawlna ahangte pulaakse lo in, tatsat loin kiapna tawh akem ding uh hiam? Nu leh pa hun tawpna nite ahoihpenin abawlna uhin anopsakna uh ahidingin avaihawm thei uh hiam? Tanu tapate in bangci bangin nu leh pa theihngeiloh mite khut sungah nusia in kemsak uh hiam? Nu in thu-umlo ahia, thukimhuai ahikei zongin Pasian’ piak nasep ahi nu leh pa kepding tavuan panin kiawnghon theituanlo ding uh hi.5

Nu leh Pa Pawlkhattein Zahtakna angahloh amauhang.—Naupangte aneulaiin nu leh patein tate’ azahtaklohna aawi-am uhciangin kam khauhtakin, leh ciamnuihbawlin paupihding aphalciangin anungciangin thaman ngahding uh hi. Nu leh patein atate kiangpanin thumanding kal cintenlo ahihmanin taneute zia leh tong ding suangphah aphahsak uh ahi hi. Amaute azahtak lodingin abawl uh hia, asihkuan uhciangin tua in dahna hong vaitut ding hi. Christ ie hehpihna in alungsim akhelkei buangleh tuabangin tuak ngelngel ding uh hi.6

Athumaanlo Nu leh Pate Thukkiklo.— “Kanu kamudah kikken hi, kanu-in keimah hong mudah hi,” cih kaza mun hi. Hih kammalte in vantung Laibu sungah kigelha, thukhenni ciangin kisim ding hi. Tuani ciangin mikhempeuh thaman kipia ding hi.

Tate in amaute’ neulai in ngattakin kisek akisak uhleh, hehpihna leh Christ theihnaah khantoh nadingin phattuamna pia ding hi. Ama’ lim leh meel alenghkik dingin huh hi. Ahizongin uhamin tha anemciangin nu leh pa thuhna in nanei zaw hiam? Acimawh nu leh pa in tate hehpihding angen ding uh hiam? Uham nu leh pa kitangsapna in hehpihna lungsim piangsak zaw hilo hiam? Christ ie hehpihna tawh tate in nu leh pate zahtakna pia lo ding hiam?

Nu leh pa langpang dingin mihing lungsim sik bang suaksak kei un. Christ ka um hi, aci tanu in bangci bangin anu teekin acinat ciangin muhdahna gending ahi hiam? Itna leh migitna in Christiante gah limpen hisak ni. Tua in tate’ lungsim tawngah nu leh pa ading mun khat hongguat sakding hi.7

Damlohna ah Lungduaiun.—Thanema ateek nu tungah muhdahna anei tanu adingin alauhuai hi. Tuabang nu tungah tate in bangzahin lungduai, ziadam ding kisam hiam? Hehna apiangsaklo awnem tawh paupih kul hi. Christian taktakte gilo ngeilo a, nu leh pa zong banghun hitaleh nelhsiah ngeilo hi. “Nanu napa nazahtakun” cih phawkden uh hi. “Samkangte thawh ma-in nangmah natho dinga, uhamte mai nazahtak ding hi,” Topa in ci hi.

Tate aw, nu leh pate in amau leh amau kikemzo nawnloin adamloh uhciangin nuntakna abeikuan nite lungkimna, itna leh tawldamna tawh kidim sakin. Christ’ tangin migitna, itna, hehpihna, leh mawhmaisakna kammalte tawh ahankhuk uh zuansak un. Nangmahin Topa in hong itding, hong hehpihding leh mawhna hong maisakding nadeiha, nacinat ciangin zong nalupna hong kibawlsak leh nadeihbangin nangtungah hong kibawlding nadeih bangin midang zong bawlding hilo ahi hiam?8

Uhamte Kepding Pasian’ Geelna.—Inn neilo uham sanggam numei leh pasalte kepding tawh kisaiin hong kingen den hi. Topa in ahong piak khuavak kagenkiknaah, Uhamte kep nadingin kipawlin ahonin kepdingpen ahoihpen hilo hi. Kepna angahdingin mun dangah khakding hilo hi. A innkuanpihte mahin kem uh hen. Tua apiantheih keileh pawlpi tawh kisai ta hi. Tuaciangin tavuan leh hamphatna in sanding ahi hi. Christ ie lungsim anei khempeuhte in akumtam leh athamnemte zahtakna leh ziadamna atuamdiak piakding thei uh hi.9

Lungkimna leh Kipakna apia Hamphatna.—Nu leh pate’ nopsak nadingin tate in kepding ngaihsutna in khang tawntungin lungkimna apia ngaihsutna hia, tate mahmah in zong hehpihna leh itna akisap hun uhciangin lungnopna piangsak hi. Itna tawh akidimte in hanlam amanawh nu leh pate’ lampi nuamsak dinga hamphatna in man akiseh theilo hamphatna mahmah ahi hi. A it, angaih uh nu leh pate nuntakna abei kuanin tawldamna leh lungnopna apiak theih uhpenin lungnopna ahi hi. Hibang hiloin, huhding aneilo uhamte apanpih dingin atanu atapatein anial uhciangin, amaute’ lungtangin suangtum bang ahihleh anuntakna uh dahna leh kisikna tawh akidim sak uh ahi hi.10