Zokam Sabbath School Lesson SINNA 4: TAANGPI MITE TAWH KIZOP NA

SINNA 4: TAANGPI MITE TAWH KIZOP NA APRIL 15-21

NIPI NI (SABBATH) NITAK LAM April 15

SIMDING TE: 1 Pet. 2:13-23; IPet. 3:1-7, 1 Kor. 7:12-16; Gal. 3:27, 28; Sawl. 5;27-32; Siampi. 19:18.

KAMNGAH: Itna in mawhna tampi khuhcip thei ahih manin lungsim takpi tawh khatlekhat kiit ding thupi ngaihsut pha pen un. (1 Pet. 4:8).

Peter laikhak te ih sim ciangin, Gamsung ki-ukna vai ah buaina tuamtuam aneih hun uh om thei zel hi. Gentehna in, A siahuai gamtat na leh mi nengniam nuam Kumpi nasem te tawh thu-um mite kikaal, Peter in bang ci bangin om dingin hong hawnthawn hiam? Ei khanghun a dingin zong ki koi ci dop theih ding ih hi hiam?

Christian sila khatin, thumaan lo in a ukcip nuama to tawh ki koi ci zopkhop theih ding hiam? Tua hun lai To leh Sila kizop na pen tu khanghun a, company sunga nasem te leh apu te dan hi tuak lo hi. Peter in bel Zeisu hun lai in, Topa Zeisu in koi ci dawn zaw hiam cih ih etteh dingin hong hanthawn zaw hi. (I Pet. 2:21-24)

Tua ci bangin ih kiim ih paam leh ih gam dinmun sungah, tangpi tang tha sep na leh kalsuan thak khat ah, ih kizop laitak in, ih Christian upna tawh a ki tukalh dinmun hong kiphuang khia mawk leh koi ci khensat ding ih hi hiam?

NIKHATNA (SUNDAY) April 16

PAWLPI LEH GAM KI UKNA

Laisiangtho sunga thuhilhna honkhat te in, nidang lai pan in tuciang dong, Kumpi thunei te leh Christian te kikaal ah gamtat zia ding hong hanthotna tungtawn pan in, a telhak, zuih dingin haksa I sak thu leh la honkhat om hi.

Mun khatkhat te ah bel siangtak kician takin hong hilh na bel om hi. A diakdiak in Mangmuhna 13 sunga Kumpi te thupiak maan sa in zuihna in, Pasian langpan na a hih zia hong lak hi. Tua bang Laisiangtho mun te ah bel ih teel zawk ding hong kician sak mahmah hi. 

1 Pet. 2:13 – 17 sim in, Hih Laisiangtho mun  sungah koi ci bangin hong uk Kumpi te pawlbawl dan ding hong hilh hiam?

________________________________________________________________________

Peter te hun lai taka, Leitung bup a uk Roman kumpi te a gitloh zia mikim theih a hi hi. Kumpi ki ukna nak siat mahmah a, kisak theihna leh thukhual lo takin ki uk na sungah gamhtat thei mahmah uh hi. A hi ta zongin, Peter in, ‘Topa’ hangin, leitung ukna aana neite’ ahi Kumpi pa a hi zongin, Kumpi pa in a sawl thunei khempeuh thu na mang un," ci hi. (1 Pet. 2:13, 14)

Bang hang hiam cih leh Kumpi’ nasep in, A gamtat siate gim pia-in, a gamtat hoihte a pahtawi na tungtawn un gamsung hoihna ding a mapang makaite ahih man uh a  hi hi. (1 Pet. 2:14)

Tua kumpi ih cih te zong, Gam a hu ding, gamsung mite ading in thuman na tawh thu a khensat ding, kizopna lampi te a puah ding, sum zon sum zuakna a puahpha ding, cih bangin a pha a bawl uh tampi mah muh dingin om hi. Bang Kumpi a hong kah zongin hoih kim thei tuan lo ding hi. A hi zongin Peter in a hong hanthot nop leh a lunggulh in, Ukna sunga om Christian te in gammi hoih ih suah ciat ding a deih a hi hi.

Kumpi sunga ki uk ziate ei deih bangin a pian lian loh hangin, ei Christian te in gammi hoih koi ci suah theih ding ih hi hiam? Gamsung, Vengsung, kipawlna te, a hoih theih zawkna dingin bang septheih nei ding ih hi hiam?

NINIH NI (MONDAY) April. 17

TO TE LEH SILA TE

1 Pet. 2:18 – 23 sim in, Hih Laisiangtho mun tawh kisai in nopmawh sak nei se lo in om lel zaw mai ding ih hiam?

_________________________________________________________________________

Hih Laisiangtho mun sunga, Sila cih kammal “oiketes” cih pen, mi inn a om sawl tawm sila (innteeng te) a cih nop na hi diak hi. Ephet 6:5 sunga om Sila’ “doulos”pen a nasem dinga a kizuak ngiat, a lei ngiat uh sila te a gen nuam a hi hi.

Roman Empire gam ki-ukna a dawldawl om a, tua te in Sila nei tek uh hi. Tua Sila te pen, a galmat sila te, khanggui zui a khantawn Sila te, Leibat lohna hanga a ki la sila cih bangin om hi. Tua tung tawnin, Sila khat khat te in, a Pu neihsa khempeuh a len kha, khat khat te bel a sum apaai a keem bek, khat khat te in, a Pu te tate’ lai peuh hilhsak uh hi.

Sila panin a suahtak theih na dingun, a mau leh amau ki tankhia thei uh hi. Tua banga suahtakna pen Paul in Zeisu hong tatkhiat na tawh na genteh hi. (Eph. 1:7,; Rom. 3:24; Kalose 1: 14; 1 Pet. 1:18, 19).

____________________________________________________________________________________________________________________________________________________

A phawk huai thu khat ah, Christian masa tampi tak te sila in na om hi uh hi. Tua banga mite’ Sila a om thu-um te tungah Peter in, Khrih mahmah in zong note-a’ dingin thuak hi. (1 Pet. 2:18-20)ci in na hanthawn hi. Gimna na thuak luat uh leh zong na tawnggawp kei un la, a manin thu a khen Pasian muan’in a na nei zaw un, ci hi. (1 Pet. 2:23)

Hih thu tawh kisai in, Tua banga hong simmawh te tungah langdo se lo in a gum thuak ding mah ih hi diam? Mihing khatin a ma khom in a kihun theih na dingin (human right) nei lo ding ih hi hiam?

NITHUM NI (TUESDAY) April. 18

ZI TE LEH PASAL TE

1 Pet. 3:1 – 7 sim in, Peter in hih mun ah bang thu tawh kisai a gen nuam a hi hiam? Adiak diakin, tulai ih khanghun a dingin koi ci bangin ki tuak mahmah mawk  hiam?

Ih phawk mahmah ding thu khatin, Peter gennop nupa te pen, Christian zi khatin, thu-um lo mi khat pasal dingin a tenpih khak leh cih thu a hi hi. 

Upna ki batpih lo pasal a nei Christian nupi khat a dingin, a hong piang thei thu khatin, buaina a hong tuakkhak ciangin, “A pasal khen pah ding maw?” cih thu hi a, Siangtak in, Peter hi ta leh Paul hi ta, a hong hanthot nop zawk un, “ma kei hen”cih thu hi zaw hi. (IKor. 7:12 – 16). A kikhen se uh sangin, a pasal etteh dingin nungta aw hen ci hi.

Laisiangtho hun lai in, Rome gam ah, Numei te dinmun pen pasal te zahin vangnei zo taklo uh hi. Biakna sung, Gamuk na sung, Kumpi vai sungah Numei te kihel thei khol lo hi. Peter in bel Christrian numei te a hih theih nak leh gamtat hoihna tawh zahtak kai taka om ding lunggulh hi. “A puatham kizepna ahi sambawlna, kham  leh suangmanpha tawh kizepna, puan hoihnono silhnate bulphuh se sangin a sunglam hoihna kizep ding hanthawn hi. (1 Pet. 3:2-5). A pasal tawh kilem thei pen a om ding deih zaw hi.

Pasal te in zong zi te simmawh ding hi lo a, a thahatlo zawdeuh ahihna thu phawk den ding leh Pasian’ piak nuntakna a ngahte ahih uh man un zahtak bawl ding hong hanthawn hi. (1 Pet. 3:7) 

Thu um leh um lo nupa kiteen na tungtawna buaina panin, Peter in hong hanthot nop zawk thu in: Upnakibang Christian nupa kop te enhuaia zaw in, khat leh khat kihuh kipan pih thei zaw In, thusim langneih tuak cih om se lo in, cihtakna tawh nisim a ki-itna pen gamtatna tawh lahkhiat na in, Biakna mi suah vai zaw hi ci hi.

NILI NI (WEDNESDAY) April 19TAANGPI TAWH KIZOP NA

Paul in a genna: Rom 3:1-7; Eph. 5: 22-33; 1 Kor. 7:12-16; Gal. 3:27, 28; sung leh

_______________________________________________________________________

Peter in a gen na (1Pet. 2:11-3:7) saikak in.

________________________________________________________________________

Paul leh Peter te a hong gen thu in, ‘A kuamah peuh in hong ukte’ thu na man ciat ding a hi hi, ci uh hi. (Rom. 13:1), Bang hang hiam cih leh, Ukna thuneite pen note’ hoihna dingin Pasian’ nasemte ahi uh hi. Tua bek tham lo in, “phiangsiah piak dingte tungah pia-in, zahtak dingte zahtak bawlin, pahtawi dingte pahtawi ta un” ci hi. (Rom. 13:7).

Paul in zong Peter mah bangin, Upna kibang lo a kiteeng kha te in, a nuntakna uh etteh tak acing dingin om leh, a umlo apasal pen a zi’ hangin thu um mi suakthei ding hi ci hi. (1 Kor. 7:12-16). Christian Nupa kop ih cih te pen kithu tuak taka om ding ahi hi. Zeisu in Pawlpi a it mah bangin Pasal in a zi a it ding a hi hi, ci hi.(Eph. 5:25). Sila te tungah a hanthot na ah zong, “Khrih’ na na sep uh mah bangin na to te a dingun, lungsim takpi tawh na na sepsak un, ci hi. (Eph. 6:5)

Ngeina tuamtuam te om na ah nasep dingin Paul pen, a lawp mahmah khat a hi hi. A hun leh amun tawh kizui in, gamtat dan zong siam mahmah hi. Buaina a piangsak thei midang te ngeina khat suksiat sak sawm ngei lo hi. Peter, Paul, Zeisu cih te in, taangpi te tawh kizopna a suksiak sangun, mipi te a huzap zawh na dingun gamtat pha tawh a nuntakna uh lak zaw uh hi.

Gal. 3:27-29 sim in, Zeisu in ei adingin a hong bawlsak kilem na bulphuh in, koi ci bangin Christian te khat leh khat ki pawlbawl in kilem thei ding ih hi hiam?

NINGANI (THURSDAY) April 20

CHRISTIAN BIAKNA LEH TAANGPI VAIHAWM NA

Kumpi te gitnat lohna, kiim leh paam taangpite thangtatna, Biakna makai te leh Gamuk te khiahna,khiampeuh thei mahmah uh hi la leh, Paul leh Peter te in, Leitung hong uk te thu ih man ding hong hong  kun tentan veve hi. (1 Pet. 2:13-17; Rom. 13:1-10).  Christian te pen gammi hoih a etteh huai model a hi dingin lunggulh mahmah uh hi.

-(IPet. 2:13-17 sim in, Ei tunga thunei te thuman na tawh, ih kizop zia ding a hanthawn, Peter leh 

-(Sawl. 5:27-32) sunga Peter leh nungzui dangte om dan thupiang te koi ci bangin zom khawm thei ding ih hi hiam? 

Pawlpi masa te nasepna a lawhcin luatna man un, Peter leh Johan (Sawl. 4:1-4) te mat hong thuak uh hi. Jew mi makaite, upate, leh Thukham hilh siate in khauh takin thusit dikdek uh h. Thugen nawn lo dingin kham uh a (Sawl.4:5-23). khah khia uh hi na pi, a sawt lo in kiman kik hi. Tua bang thu te hilh nawn kei un, ci in khauhtakin thu pia uh hi. A hi zongin Peter in dawnga, “Mite’ thu sangin Pasian’ thu ka mangzaw ding uh hi.” (Sawl. 5:28,29) ci san hi.

Hih Kammal panin, bang thu ngaihsut huai mu khia ih hiam?

________________________________________________________________________

Peter pen, kineih khem siam zong hi lo hi. A gen bangin a semngam pa hi. Mihng’ nuntakna ah Pasian thuman na ding leh Mihing te thuman na ding a hong ki tukalh ciangin, ih teel zawkzawk ding pen ih kiciat sak kul hi. Gam uk Kumpi te tungah ih hih theih zah khopa thuman ding hi mah hi. Kumpi maikai te tawh Gam khantoh na ding kalsuann na ah citak taka sepkhiat ding mah a hi hi.

Siam. 19:18, leh Mat. 22:39 sim in, ih vengte ei mah banga it ding cih thupiak na ah, na veng te a dingin, nuntak zia ahoih zaw, a nuam zaw I sepsak theih bang om thei ding hiam?

KIGINNI (FRIDAY) April 21

SIMBEH DING: E G White genna ah, SDA te pen, gammi hoih a hi ding leh gam thukham a zui ding te ih hi a, ih gam ih lei ah, Pasian Thukham ahi Sabbath nite nuamtaka ih zat theih lai nak leh, Sunday Law tawh kisai thu a thukhunte te uh langdo vanvan pah ding hi tuan lo hi…. A hi zongin Pasian’ Thukham leh Mihing te’ thupiak a hong ki kingkalh ciangin Pasian thu mah I man zawk ding a hi hi. Pasian pen na khempeuh a ukpa, anei pa hi zaw a hih mahin kuamah in a ma khut pan in hong sutkhia zo ngei lo ding hi.(1T. pp.201, 202).

KIKUP DING:

1. Kiim leh paam kizop na ah, ih gam ih lei a khantoh na ding a hanciam makai te masuan ah, Chrisian te in koi ci bangin panpih thei ding ih hi hiam?

2. Khuatual khantoh theih nading kalsuan makaia zia a thaneem makai te’kicin lohna, ei Christian te in koi ci bangin huh thei ding ih hi hiam?