Zomi Sabbath School LESSON 6: CHRIST ADING THUAKNA

LESSON 6: CHRIST ADING THUAKNA                                  April. 29-May 5

NIPI NI (SABBATH) NITAK LAM April 29

SIM DINGTE: 1 Pet. 1:6; 3:13-22; 2 Tim. 3:12; 1 Pet. 4:12-14; Rev. 12:17; 1 Pet. 4:17-19.

KAMNGAH: Khrih mahmah in zong note-a’ dingin thuakin, ama khekhap na zuihtheihna dingun etteh ding lim hong nusiat ahih manin hih Chris bangin a thuakding mahin Pasian in note a hong sam ahi hi. 1 Pet. 2:21

Pawlpi masa te hun lai in, a thuaksiatna te uh ih theihsa a hi hi. Sawltakte tangthu sungah, thuaksiat na athuak Pawlpi te thu te hangin Peter laikhak in a sim mite lungsim muibun sak mahmah hi.

Peter in a hanthot na ah: “Tu laitakin mite’ bawlsiatna a tuamtuam na thuak manun tawlkhat na lungkham uh ahi zongin hihbang thuakna hangin lungdamzaw un. Hihbang  thuaknate in a um takpi mah na hihna uh hong kilangsak hi. A siathei khamte nangawn, a

hoih taktak mah ahi hiam, ci-in mite in mei tawh sin uh ahih manin, kham sangin a  manphazaw note’ upna zong a kiptak mah ahi hiam, ci-in Pasian in hong sin ding mah ahi

hi. Tua bangin na thuakzawh uh leh Khrih hong kilat Ni ciangin phatna, minthan’na, leh pahtawina na ngah ding uh hi. 1 Pet. 1:6,7; 5:10). 

Peter laikhak tom no sungah “Pawlpi in, Zeisu hangin tuahsiatna thuak ding" cih kammal thum vei vilvel na genkhia hi. (I Pet. 2:18-25; 3:13-21; 4:12-19).

Peter masa laikhak in, bawlsiatna hangin thuaksiatna thu a bulphuh kammal a hi hi.

NIMASA NI (SUNDAY) April. 30
PAWLPI MASA TE THUAKNA

1 Pet. 1:6; 5:10 sim in, A laikhak a sim mimal khempeuh tungah Peter in, bawlsiatna a tuamtuam te ih  thuak ciangin koi ci om ding cih hong hilh hiam?

________________________________________________________________________

Nungzui masa te thuaksiat zia, Rome Kumpi, (Pontus leh Bithynia gam Ukpi) Trajan tungah Pliny a ci pa in, a laikhat na tung tawnin a ki mu thei thu in, “Christian a ki ci peuhmah that cih takin ka that uh a, Christian hi nawn kei ung a ki ci te nangawn, nungtolh a hih na uh a kilah tel na ding un, Kumpi pa milim mai mahmah ah meihal biakpiakna piak hamtang ding leh, a Topa Zeisu mahmah samsia dingin ka sawl hi," ci hi.

Tua hun laitak in, Rome Ukna huam sungah mun khempeuh a hih loh hangin, Kumpi biakna (Emperor Worship) kizang pha mahmah hi. A diakdiak in Rome Ukpi a hi, Nero (54-60 AD) leh, Domitan (81-96) hun sungin, Christian te in nasia takin, bawlsiatna thuak uh hi.

Peter masa sunga bawlsiat na bel, a mau tenna khua, tualsung buaina hi kha ding hi. Tua te sungah, “mawh zawnna" (I Pet. 2:12), a hih zongin, “bawlsiatna leh Kosiat na” (I Pet. 3:9) te ki hel hi. Tua bangin na siatak a bawlsiat hun ciangin, a upna uh a cihtak zia a lakkhiat ding laikhak tawh a hanthawn a hi hi.

NINIH NI (MONDAY) May. 1
ZEISU CHRIS LEH BAWLSIATNA

1 Pet. 3: 13-22 sim in. Christian khatin, a Upna hangin bawlsiatna athuak ciangin koi ci thukkik ding a hi hiam? A Upna hangin bawlsiatna a thuak khat leh Topa Zeisu thuak bawlsiatna koi ci kizop theih ding hiam?

_________________________________________________________________________

Peter in bel, “Thuman thutak hangin bawlsiatna na thuak uh leh, thupha na ngah ding uh hi”, ci hi. (1 Pet. 3:14). Topa Zeisu in zong “Dikna thu hanga bawlsiatna a thuakte in thupha a ngah ding uh hi, (Mat. 5:10) na ci ngei hi. A Lungsim sungah Khrih a zahtak, Topa-in anei

te nuntakna (1 Pet. 3:15) ah langpang te’ dona limlim lau ngei lo ding uh hi.

Christian khat I hih nak leh, ih lametna thu a hong dong a omkhak leh hoihtakin a genthei dingin kiging tawntung na ding leh, lungnemna leh zahtakna lim tawh gen ding (1 Pet. 3:15, 16)cih te hong hanthawn hi. Khrih nungzui hihna a hong gensia- simmawhbawl nuam a om ciangin kisuan’na a om hetlo na dingin ih lungsim te siangtho taka kep ding (1 Pet. 3:16) a hi hi.

Gamtatsiatna sangin Pasian’ deihna zuihna hanga gimna i thuak pen hoihzaw hi. (1 Pet. 3:17) “Khrih mahmah zong eite-a’ dingin si a, Pasian’ kiangah hong tun’pih theihna dingin mihoih khat pen mihoihlote’ mawhna hangin khatvei a si hi.” (1 Pet. 3:18). Zeisu sihna pen a ma mawhna hi lo in, mi te mawhna hangin a hong si hi zaw a hih manin, hih thuman a um te a dingin nuntak tawntung ngah theih na ding kamciam om hi. 

Siatna na bawlna hangin hi lo in, a pha na bawlna hangin, bawlsiatna na, gimna na gumthuak kha ngei hiam?  Zeisu nuntak zia kilat sak na dingin, Christian te in koi ci kisin ding i hi hiam? 

NITHUM NI (TUESDAY) May 2
A KIHTAK HUAI MEIKUANG THUSIT NA

1 Pet. 4: 12-14 sim in. Bawlsiatna thuakna ah lamdang sak ding ahih loh zia Peter, in hong koi ci gen hiam? 2 Tim. 3:12; John 15:18 sim kawm in.

_________________________________________________________________________

Peter tel mahmah thu khat in: Christian hihna hanga bawlsiat thuakna in, Zeisu thuakna a thuak pih ih hi zia hong theisak nuam hi. Paul in zong a laikhak na sungah; “Khrih Zeisu tawh kipawlin Pasian’ deihna bangin a nungta nuam khempeuh in bawlsiatna a thuakding mah hi” (1 Tim. 3:12) Topa Zeisu mahmah in a nungzui te kiangah, "Tua ciangin note hong kibawlsia-in hong kithat ding a, keima hangin mi khempeuh in note hong mudah ding uh hi, mi tampi in a upna uh khahsuah ding a, khatlekhat kimudahin khatlekhat kilehhek ding uh hi" (Mat. 24:9,10) ci hi. 

EGWhite cihna ah: “A hun zui in bawlsiat dan a tuamtuam  hong om dinga, tanglai a Pasian teeltuam Abel khang panin, Zeisu sungah upna kician leh khasiangtho ompihna a nei, mi khempeuh tungah bawlsiat na in hong ngak takpi hi." ci hi. The Acts of Apostles, p. 576. 

Rev. 12:17 sim in. Nitawp ni huna om Christian te a dingin, bawlsiatna a om ding zia hong koi ci gen hiam?

_________________________________________________________________________

Dot kullo in, a citak Christian khat tungah bawlsiatna om thei tawntung hi. Tua thu hangin Peter in, “a kihtakhuai meikuang bang thusitna” a ci na hi hi.

Thu genteh na dingin, Meikuang pen hoih mah mah hi. Meikuang in suksiat theihna power nei hi. Tua mah bangin a niin te siangtho sak thei hi. Meikuang in neih leh lam inn te ne tum thei a, thudang khat panin, kham leh ngun te leulelu siansuah zel hi. Tua mah bangin lam-et loh laitak in, bawlsiatna ih thuakkhak ciangin baih lo hi, siatna abat hangin, Pasian in tua siatna sung panin a pha hong bawlsak ding hi cih pen, Peter in a hong hanthawn nuam a hi hi. Ih Upna lenkip ni. 

Upna hangin bawlsiatna athuak khat ih muh ciangin, koi ci bangin, hanthawn in thapia ding ih hi hiam?

NILI NI (WEDNES DAY) May 3
PASIAN MITE LEH THUKHENNA

1 Pet. 4:17-19 sunga kigen thu leh, Isa. 10:11,12; Mal 3:1-6 sunga kigen thu te tehkaak in. Bang thu agen nuam hi ding uh hiam?

__________________________________________________________________________

Atunga Laisiangtho mun te ah, Pasian mite tungah thukhenna kipan khin a hih zia hong ki lang hi. Peter mahmah in, bawlsiatna leh thukhen na a kizop zia hong theisak nuam hi. “Tua ahih ciangin Pasian’ deihna bangin gimna a thuak mite gamtat hoihin, a kamciam a tangtungsak tawntung hong Piangsakpa muangin ama khutsungah a ki-ap ding uh ahi hi.” (1 Pet. 4:19) na ci hi.

Luke 18:1-8 simin. Hih Laisiangtho mun in, Pasian’ thukhenna hong koi ci tel sak hiam?

__________________________________________________________________________

Hih a tunga Luke 18 sunga, meigongnu tungtawn panin, thukhenna maan pen a kilunggulh tek ahi hi. A ma buaina pen thukkhen pa bekin hong ngaihsut sak thei ding hi cih um hi. Tua nu in sum leh paai, pilna siamna zong a kicing in neihtuak lo hi. A thubuai a ven na ding leh a ngah ding zah a ngah theih na dingin, thukhen mang pa kiang hong kun ta hi. Zeisu genbehna ah tua mah bangin “A sun a zanin ama tungah a thumthum ama mite’ thu a manin Pasian in khensaklo ding ahi hiam?" Amaute a huhding kizekaisak ding ahi hiam? ci hi. Mawhna in Leitung siatna hong tun hi. A khanga khanga Misianghto te in a ngei a bang kik dingin Pasian kiangah thum in tau in ngak uh hi.

“Topa aw, nang, kua in hong kihta lo ding a, na liatna hong phatlo ding ahi hiam? Nang bek na siangtho hi. Thumanin na sepnate mi khemnpeuh in mu uh ahih manin minam khempeuh nang kiangah hong pai-in, na maiah hong bia ding uh hi,” (Rev 15;4).

Leitung nuntak sungah Mawhna hang a, siatna te a vengkhin leh a om lai, chi te ngaihsun kawm in Christian nuntak na sungah, Pasianin amaan in thukhen ding hi cih, Upna leh muanna tawh Pasian thuciam koi ci muan theih ding ih hi hiam?

NINGA NI(THURSDAY) May 4
THUSITNA SUNGAH UPMUANNA

Bang hangin thusitna thuak ih hi hiam? Hih dotna pen tangtawng panin a kdong thei zel thu khat a hi hi. Laisiangthok sungah a ki-aat masa penpen Job bu sung ih et ciangin, a thubulphuh in thuaksiatna thu a hi hi. Zeisu sim loh Leitungah, "mi thahna, guktakna, gamtat khialhna, leh thusia bawlna hangin gimna a thuak”(1 Pet. 4:15) a hi lo, mawh lo pi a gimthuak dikdek a om sunsun pen, Job a hi hi. Pasian ngiat in Job thu a genna ah, “Ka nasem Job na phawk kha hiam? A paubaanglo, a thutang, Pasian zahtakin gamtat hoihlo a pel amah tawh a kibang midang leitungah na mu kei ding hi,” (Job. 1:8) a ci hi. A hi zongin a hehpih huai Job in, a gitnat lohna hang hi lo in, a dikna hangin siatna na thuak mikmek hi.

1 Pet. 5:8; Rev. 12:9; Rev. 2:10 sim in. Hih Laisiangtho mun te pan in, Leitunga ih thuakkhak gimna te tungtawna dotna a om thei te hong koi ci telsiam sak ding hiam?

__________________________________________________________________________

A tom thei pen in dawng le’ng, Eite in Zeisu leh Satan kikaal a kidona lianpi sungah I om khak man in hi ci banga gimna te a thuak i hi hi. A ki gentehna mawkmawh leh sia leh pha khentelna bek hi dek lo hi. Leitung mite tungtawn in Satan takpi leh, Zeisu takpi amkido takpi ngekngak mah a hi hi. 

1 Pet. 4:19 sim in. Leitung ah gimna ih thuakna tungtawn pan in Peter in ei te hong bangci hanthot a hi hiam?

__________________________________________________________________________

Eite in, eite bawlloh thuak gimna ih tuahkhak ciangin, Job bangin “Bang hang!, Bang hang Topa!” ci in ih dongdong kha zel thei hi. A hangh zong ih tel thei tuan kei hi. A hi zongin Peter in hong hanthot na ah, “Tua ahih ciangin Pasian’ deihna bangin gimna a thuak mite gamtat hoihin, a kamciam a tangtungsak tawntung hong “Piangsakpa muangin” ama khutsungah a ki-ap ding uh ahi hi" (1 Pet. 4:19) hong ci hi.

Christian nuntakna sungah, Pasian zia leh tong na theihna, a hoihna leh hong itna na tel mahmah laitakin, gim athuak, bawlsiatna a thuakkha mikhat a hehnem ding in leh, Pasian Itna a hoih zia a gensawn dingin ki koi ci gin theih ding na hi hiam?

KIGINNI (FRIDAY) May 5

SIMBEH DING: Sunday ni a, I thusin: Pliny a ci pa in, Pontus leh Bithynia gam uk ahi Rom kumpi Trajan tungah a laikhat na a tomin hi bang a hi hi.

“Tua bangin a mau leh amau Christian a kici a kiman te, ka sittel dan hi dan ahi hi. Hi ci bangin, Christian hi maw hi lo ci in- ka sittel ciangin Christian hing’ ci a a ki pulaak te kiangah, nih vei bang ‘hi takpi maw’? ci kawm in, dong phapha phot inga, sihdan hong kipia ding hi aw, ci in ka vau kawm hi. Tua bangin a upna uh a lenkip tentan te bek mah sihdan ka pia pan bek uh hi. Bang zah takin amau te in,a Upna uh hangin a sihngam uh hangin, kei

ngaihsutna ah gam adingin a langpang te leh paupeeng te dantatna pen bangmah pi in lungsim in zong ka nei kei hi, ….A hi zongin amaute tha kipia in a ki hanthot na tungtawnin, a upna uh kip na pi in kum thum panin a sawt lo in, a vekpi un na milim mai leh pasiante mai ah kun tek uh a, a Topa Zeisu uh a samsiat tek uh hi." Pliny letters (London: William Heinemann, 1915), (Vol.2. pp 401-403).

KIKUP DINGTE:

1. Hih Friday ni a, tanglai Christian te tuahkhak bawlsiatna thu a ki-aat laikhak I sim na pan in, Mang. 14:9-12 sunga Vantung mi thum tangko na thu tawh koi ci bangin kituak mahmah hiam? Hih kidona lianpi sungah bang hong phawk sak hiam?

2. khol thei ding ih hiam? Pasian Thukham a zui nuam te Leitung a dingin kipawlkhop na a buaisak te ki hi dinga, Satan mahmah inbawlsiatna tawh ma hong pang ding hi. Bang

hun ciangin hong piang ding hi cih ih theih loh manin, koi ci bangin ih Upna tungtawn pan in, haksat hun a dingin kiging.