SINNA 1: PETER

Sinna 1: PETER                                                           March 25-31

________________________________________________________

NIPINI (SABBATH) NITAK LAM Mar. 25 
SIM DINGTE: Luke 5:1-11; Matt. 16:13-17; Matt. 14:22-33; Luke 22:31-33; 54-62; Gal. 2:11-14.
KAMNGAH: “Ahi zongin huihpi nung a muh ciangin lau a, tui sungah tum dektak ahih manin, “Topa aw, hong hon in,” a ci hi. Zeisu in thakhat a khut zan a, Peter len in, “Upna neu pa aw, bang hangin umkhial na hi hiam?” a ci hi. (Matt. 14:30-31).
Peter a kici pa pen, Zeisu Nungzuite sung pan in, sepna a ngah masa pen pawl hi a, Laisiangtho Bu sungah, a ma min tawh bu nih a at pa (Peter 1,2) a hi hi.
Topa Zeisu tawh a kikhawl mahmah khat hi a, Nung zuipi te sung panin, thawhkik ni zing tungin, Zeisu han hawm ahih lam a mu masa pen pa zong a hi hi. A tuahkhak thu leh a theih thu tam mahmah a, Khasiangtho panpih na tawh hih laikhak a hong gelh khia a hi hi. 2 Pet. 1:16 sungah, “I Topa Zeisu Khrih a vangliatna leh a hong paikikna ding thute note kiangah ka hong gen uh ciangin mihingte’ phuahtawm tuanthute siksanin a hong gen hiloin, ka mit mahmah uh tawh ka muh uh a vangliatnate a hong gen ka hi uh hi.” ci hi.
Lungdamna thubu sung te ah zong, Peter tangthu pen, a phalam hi ta leh, a sia lam hi ta leh, kitam dawk simsim hi. Nungzuipi te sung panin zong, Topa Zeisu tawh, a kiho pen, a kikup pih pen khat zong a hi hi. Topa Zeisu thawhkik khit, van a kah khit ciangin, Sawltak te leh Galatia laibu sunga ih muh mah bangin, Biakna sungah a makai pi leh mi minthang mahmah khat hong suak to to hi.
Peter Laikhak te suna panin, a thupi pen Peter in zong, a tel mahmah thu khat-in, Chriatian te masuan ah, upna leh kiniam khiatna tawh I kasuan nak leh, khialhna I bawlkha phial mah ding hi a hi zongin Pasian hehpihna tungtawn in maisakna kingah lua hi, cih thu a hi hi. Tua hehpihna a ngah kha mikhat in, hehpihna a kisam mi khempeuh tungah hehpihna a ngah theih na dingun a panpih theih zah, a panpih dingin masuan a nei tek uh a hi hi.

NIMASA NI (SUNDAY) Mar 26
KA KIANG PAN’, PAIKHIA IN.
Peter cih ih theihcil na pen, Galilee tui kama, ngasa beng pa a hi hi. (Matt. 4:18; Mark 1:16; Luke 5:1-11). Zan thapai in, nasep hanciam mahmah na pi, ngasa aman vet lo, nitha a tung lo pa a hi hi. A hi zongin, a lawm te tawh, Topa Zeisu sawlna mang in, tuithuk na lam manawh in khatvei hong hanciam kik sawm hi. A ngasa mat uh hong dimlet in, a gunkuang uh hong tum dektak ciangin, Peter leh a lawm te in lamdang hong sa mahmah uh hi. Hih bangin na lamdang a muh uh ciangin, hih mite lungsim sungah bang a om diam? 
Luke 5:1-9 sim in. Peter in, Zeisu tungah bang kammal hong zang hiam? (Luke 5:8) Tua kammal te in, eite a dingin, kha sungah ih kalsuan zia ding, khami suah zia ding hong koi ci hilh hiam? 
Hih na lamdang a pianna limlim in, Peter in Topa Zeisu pen a na pakata sim khinkhian khin zo hi. Zeisu in ngen khuh dingin a sawl ciangin, ngasa a om loh lam thei mahmah ta leh, “na kammal tungtawn in khuhin nong cih leh ka khuh ding hi,” ci ngam hi.
Hih kammal tungtawn in, Peter in Zeisu pen, a theihna ciang khat om ngei cihna hi a, tua a theihna in, a thuman na dingin, a lawpsak a hi hi. Zeisu thu zong a hi ciang khat a na theingei takpi mah na hi hi. 
Luke 5:3 sim in, “Tua gunkuangte sung panin Simon’ gunkuang sungah Zeisu tuang a, lei tawh tawm a kigamla zek dingin a gunkuang tawm a hawtna dingin Simon kiangah a gen hi. Tua ciangin gunkuang sungah tu a, tua lai panin thu a hilh hi.” 
A ngasa mat ma un, Zeisu thuhilhna tungtawnin Peter in, Zeisu pen na pakta mahmah khin cihna a hi hi. Hih bangin na lamdang a hong piankhit ciangin, Zeisu tungah Peter in a muhdan, a santheih dan hong khang semsem a, mimawh a hih zia leh, Zeisu sianthona hong tel mahmah ta mawk hi. A mawhna pen, koidan, koi zah, koi bang a hi phial zongin, mipi te zak mahin, hangsan takin hong pulaal khia ta hi. Nungzui suahna sungah manpiak ding bangzah om toto ding hi mah ta leh, Topa Zeisu nunga zui dingin, hong kiging ta hi. Peter pen, khami mahmah ding hong hi ta hi.
Luke 5:11 sim in, A deihna bulpi bang hi ding hiam?
Hih ngasa bengte in, a ngen dim in ngasa man uh a, a hi zongin bang hangin a nasep uh ngasa teng leh a gunkuang mahmah uh nusia ngam mawk uh hi ding hiam? Eite zong, Nungzuih suahna ah, bang dinmun ciangciang ki-aap ngam ding ih hi hiam?

NINIHNI (MONDAY) Mar. 27
CHRIS’ KI PULAAKNA
Peter leh Zeisu, tua banga kam a kikup laitak mahin, Farisaite leh Saddusite te in, Zeisu thusit kawmin, ama hihna tellah na ding, lim leh na lamdang a bawl dingin kalhna hong nei uh hi. (Matt. 16:1-4). Tua khit zawh ciangin a nungzui te kiangah Zeisu in, a nalamdang bawl ngei nam nih te a hi, mi tulnga kiim, khomun tawm leh ngasa tawm tawh a vaak na a gen khit ciangin, Farisaite leh Saddusite panin kidop a kul zia hilh kawm in, “Farisakte leh Saddusite’ silngo na kikeem un” ci hi. (Mat. 16:11)
Mat. 16:13-17 sim in: Hih mun ah bang thupiang hiam? Zeisu tunga Peter’ kammal te in bang deihna nei hiam?Hih lai munah, Peter in Zeisu sungah, hangsan takin a Upna agen khiatna leh, “Chris in Messsiah” a hih zia milip in ih pulaak ding kician takin hong thei sak hi. (Mat. 16:20) Tua thu in, Zeisu’ mungtup nasepna leh a masuan’ theihcian na a hi hi. A hi zongin Peter leh Nungzui dang te in, a sih beh dinguh tampi om lai hi.
“Nungzui te in Zeisu pen a kumpi ding uh hi ci-in lametna nei uh hi. Ama ngimna te sawtvei liahcip zo si, hi ci bangin gentheih haksat nate, sawt vei ki khuhcip thei nawn lo dinga, a sawt lo in, Ama kumpi gam hong phut taktak ding hi. Hih leitunga Siampi te leh Rabbi te huatna in gualzawhna ngah peuhmah lo ding hi. A ma mipih te in a nialna, migi lo banga amawhsak na te uh, Nungzui te in bel lamdang sa in, sang zo mahmah lo uh hi.” EG. White, The Desire of Ages, p. 415 
Tua ci bangin, Zeisu in Messiah hi cih’ Nungzui te in a telcian khit uh ciangin, Zeisu in a hong thuakdan ding leh a sihdan ding hong genkhia ta hi. Tua thu pen Peter in sang thei mahmah lo a hih manin, Zeisu hong mawhsak kha hi. Zeisu hong kihei in, “Satan aw, Ka nungah kinkhia in” ci hi. Hih kammal in Zeisu a dingin, kuama tungah acih ngeiloh a haksa pen kammal ahi hi. A hi zongin Peter hoih na dingin a ci khia hi zaw hi. Peter mahmah in zong, a kammal te tungtawn in ama aituam lunggulhna, ama utdan a thu a piangsak nuam
a hi hi. Tua kammal te in Peter muk panin a ginkhiat hangin, Zeisu in Satan tung mahmah ah a genkhia hi zaw hi. Tua a hih manin, Zeisu in tua kammal a khaktan kul a hi hi.
Peter theih tohtoh ding thu in, A Topa’ nasepna ah thuakna om ding hi cih thu hi a, a nung ciangin a lai-at na te ah nung telsan’ mahmah cih kilang hi. (I Pet. 4:12).
Na nuntak na ah, Pasian thu tawh ki kingkalh mahmah ding thu khat a hi zongin nangma lunggulh mahmah hi zel ding, tua bang dinmun na phukha ngei hiam? Tua bang dinmun ah koi ci khensat ding na hi hiam?

NITHUMNI (TUESDAY) Mar. 28
TUITUNGA PAINI
Zeisu tawh a kikholh lai un, Nungzui pi te in, na lamdang tampi mukha uh hi. Tua sung panin tawmmo khat enkak dih ni, (Mat. 14:13-33; Mark 6:30-52; John 6:1-21). Hih Laisiangtho mun te ah, Zeisu in khomun nga leh ngasa nih tawh mi 5,000 vaak hi, cih thu dawk hi. Hih bangin na lam dang a muh na tungtawn pan un, nungzui te lungsim hong koici om hiam?
Mat. 14:22-33 sim in, Hih mun tungtawn panin, Topa tawh ih kalsuan khopna ah, ei a dingin, a thupi pen thupuak bang hong hi ding hiam?
Mi honpi a vaakna panin, Nungzui te in, teci a pankhop ding uh Zeisu’ Vangliatna teltakin mukhin uh hi. Amah in Leitung buppi a lenkip thei pa a hi lam thei ta uh hi. Tua ahih manin, Peter in hang takin a ngetna panin I muhtheih thu in, “ Topa aw,… kei zong nangma kiangah kong tun na ding, tuitung ah hong paithei sak in” Mat. 14:28), ci in muanna tawh angen hi.
Upna (Upmuanna) koi ci lahkhiat theih ding ih hi hiam?Peter in amuan zia Zeisu in tel a hih manin, a kiangah pai dingin sawl hi. Tuidaih mahmah laitak in, Upna muanna tawh a hong paitheih mah bangin, Peter in tuihual pi kilok gawp lakah zong a pai theih ding a hi hi.
Hih tangthu panin, ih sintheih ding thu in, Zeisu ih mitsuan na panin kihei khiatna a poizia hong hilh hi. Muanna tawh a kalsuan na mun ciangciang hong lem mahmah na pi, Lauhna leh dipkuatna tawh a hong kituam ciangin, tumsuk ziau hi.
     Peter in, a lau hangin tui sungah a tum lo dingin, Zeisu in panpih thei lo hiam? Peter cimawh in, bangmah a hih theihloh tawp hun “Topa aw hong hon in” (Mat. 14:30) ci in, cimawh takin Topa a koh tak ciangin A Topa in a khut zan in, a kaito hi. Zeisu tungah bangzah in, muanna tawh kinga ding cih Peter in hong tel mahmah ta hi. Zeisu “deihna bul” zong tua bang cihmawh hun ciangin amah bek tungah mitsuanin kingak ding bek mah ahi hi.
Ei te in zong, ih Topa muanna leh Upna tawh, ih kipat khiat, I lahkhiat ding a hi hi. A hi zongin a lauhuai dinmun i nawk ciangin, “Upna neu pa aw, bang hangin umkhial na hi hiam? (Mat. 14:31), cih Zeisu kammal ih phawk tawntung ding hi. 

NILINI (WEDNESDAY) MAR. 29

A TOPA NIAL HI

Luke 22:31-34 sim in, Peter’ khialhna panin, bang thu sin thei ding I hi hiam?

Peter’ ngimna pen hoih phial mawk hi. Atak takin zong, Nungzui dangte sangin ahang sanna lakkhia thei hi. Zeisu tungah bang thu teng piang ding cih a theihnop manin a nung a zuizui zong a hi hi. A hi zongin, a ma hihna, a dinmun mite theih dingin seelcip kha hi. A hi zongin, Tua banga angimna, a kalsuan na hangin, a dik a man lampi pan in, amah lam pial ta hi. Zeisu in a genkhol sa mah bangin a Topa thum vei hong nial kha hi. 

Mihing te in, ei deihkaih kalsuan, na tampi te in, siatna lianpi tun thei hi, cih Peter tungtawn pan-in kimu thei hi. Christian tangthu tam simsim ah zong, eima thu a, kilemna bawlsawm na hangin, buaina lianpi piang ngei lua hi. Mailam ah zong I tuahkhak pelmawh ding Ci leh Sa, Kha lam thu ah a hoih mahmah lah a bang , Pasian thu tawh kituak lo kalsuan na, I tuak pelmawh ding hi. ( Mang 14:12). Tua bang hun ciangin, eite in kiptak in I ding dinga, a piang bangbang I pom siam hong kul ding hi.

Ellen G. White in, “Peter in tua ze-etna (mite tawh akilem sawmna, Mihuat alauh na hangin a Topa a nialna), ah a puuk khak na in, Gethsemane huan sungah, thungen lo in a ihmut man a hi hi. Tua ahih manin a kha lam dinmun a dingin kiging man lo hi. Citakin thu

a ngen hi zen leh, a Topa nial lo ding hi,” ci hi. DA. p.714

Peter in, a cihtakna a tawp dongin tangtun zo lo hi. A hi zongin Pasian hehpihna lian zaw a hih manin, a kisik mite tungah mawhmai sakna a nei, “khiatna a khan na ah hehpihna a khang zaw sem sak Zeisu in,(Rom. 5:20), Pawlpi makai dingin na koih veve hi. Tua hi a, I

theih ding thu in, a citak zo lo, mawhnei te nuntak na ah, Upna tawh masuan in a kalsuan nuamte a dingin Pasian’ hehpihna in gualzawh na pia veve cih thu a hi hi.

Peter in Zeisu a lungkiat sak mah bangin, ei te hong lungkia sak te, I upmawh a banglo mite koici maisak theih ding I hi hiam?

NINGANI (THURSDAY) Mar. 30

PAWLPI MAKAI PETER

Nungzui 12 sung panin Zeisu in Peter pen, makai dingin zang thei mahmah hi. Nungzui te min a kisap ciangin leh, nungzui te min a kigualh na ah, Peter min mah, a masa pen ah kihel hamtang hi. (Mat. 10:12) Pawlpi masa hun lai in, Peter pen a madawk mahmah khat a hi hi. Zeisu a lehhekpa, Judas Iskariot zalaih dingin nungzui thak a kiteel na ah Peter mahin

panmun la in makaih hi. (Sawl. 1:15-25) Pentecost ni ciangin, Khasiangtho kibua amu mipi te kiangah Khasiangtho thu a hilhcian pa zong, Peter mah a hi hi.

(Sawl. 2:14-36). Biakna makai te leh Siampi te tungah sihna panin thawhkik na thu a gen hangin mat athuak pa Peter mah hi.(Sawl. 4:1-12). Gentile mi Kornelius, Zeisu nungzui a suah nadingin a makaih zong Peter a hi hi. (Sawl. 10:1-48). Paul a pianthak khit ciangin, a

masa pen Jerusalem ah a hong zin laitak in, Ni 15 sung Peter tawh om khawm uh hi. (Gal. 1:18). Jerusalem a om, Nungzuipi te sung pan in, Paul in amuan penpen, Pawlpi “Khuam” a cih mithum te in, Peter, James (Zeisu sanggampa) leh Nungzui Johan te a hi uh hi. (Gal. 2:9).

Gal. 1:18, 19; 2:9; 11-14 sim in. Pawlpi masa hun lai in, Peter in Pawlpi sungah bangzah in huzaapna a nei hiam?

Pawlpi makaipi, A Topa ngiatin a sapkhiat, “Ka tuu te na vaak in” cih sawlna a ngah,(John 21:17), “Mi a kuama peuh a niin hi, cih loh ding mangmuhna angah (Sawl. 10:28),Peter in, sin tohtoh ding, tampi hong nei lai veve hi.

Pawlpi a kipat cil in, Christian I cih te in Jew mite bek mah hi uh a, “Thukham hahkatin a zui te” (Sawl. 21:20) a hi uh hi. Tua Thukham zuihna sungah, Gentile mite tawh anneek khop ding pen a siangtho lo, a niin in seh uh hi. Jerusalem pan in, Jew Christian te in, James kiangah hong hawh uh hi. Antioh khua a Gentile te tawh an a nekhawm den Peter pen, Jew Christian te a lau manin, an hong nekhawm nuam nawn lo mawk hi. Pawl a dingin, tua banga gamtatna pen, Lungdamna thupuakte kalsuan na tawh ki eelpuak a hih manin, nasia takin, mawhsak tawh taigawp hi. Tua thu siksan in, Pawlin, Christian te adingin Upna tawhtang ahi, “Upna bek tawh diktanna a kingah” zia na genkhia hi. (Gal. 2:14-16)

Mawhmat ding tampi leh puahphat huai tampi nei mah ta leh, A nasem dingin Topa in Peter sam hi. Midang te in, mawhmat na ding hong zon ciangin, eite in koi bangin dawng kik ding I hi hiam?  

KIGINNI (FRIDAY) Mar. 31

SINBEH DING:

Ngabeng mawkmawk khat, a mawhna hangsan taka apulaak pa, Zeisu kiangah “Nang pen a nungta Pasian’ Tapa, Khrih na hi hi,”(Mat. 16:16)a ci pa, A Topa mahmah a tangnial kha, Pawlpi makai sepna ah tampi khialhna a nei Peter pen Pawlpi masa a dingin ma apang pen hong suak to hi. Khasiangtho huzap na tawh leitung theihna a neih loh hangin, ama phutkhak theihna tawh lai a hong at khia a hi hi. A piangthak Peter pen, Lungsim a manlang, a phengphi Peter tawh hong kibang nawn lo hi. A kithei sak, nialhat pa, mi kimuang pa in, lungsim neem taka thuhilh thei, a kiniamkhiat pa hong suak hi. A Topa tuu huang sunga tuu te a cing ding a vaak dingin mi muanhuai mahmah hong hi ta hi. EG.White: 5T. pp. 334,335.

KIKUP DINGTE

1. A zumhuai mahmah, a Topa ngiat a nial ngei pa khat in, Pawlpi makai pi khat a suahna leh Upna thu suut nadingin helloh a phamawh thugui pi a aat khia pa, Pasian lapsangna angah Peter tungtawn panin, Pasian Hehpihna koi ci teltheih ding I hi hiam?

2. Pawlpi sungah kilem na a pian theih na dingin hanciam luatna leh, kitelsiam na I zatluat na in, bang buaina piang to sak thei zaw hiam? (Dangers of Compromise) 

3. Peter in a khialhna leh amawhna te a phawk khak theih na dingin, lam haksa na tawn hi. Ei tei in Peter sangin a baih zaw lampi panin, I mawhna te I phawk thei diam?