Zo Phualva Thupuak - Vol 07, Issue 06: LUNGDAMNA THU TANGKONA: UTNA MAW Ahk MAWHPUAK?

LUNGDAMNA THU TANGKONA:  

UTNA MAW  Ahk MAWHPUAK? 

 Thu Masa: Nakpitak aa adah huai mahmah thukhat om aa tua in- “Thu-um mi tampi tak te in Pawlpi akiphuhna pen Lungdamna thupuak gending ngimna bulpi ahih lam tel lo uh hi. Lungdamna thupuak atangko ding in Zeisu in Thuciam thak sung a pawlpi bek hi lo, thuciam lui aa pawlpi te a naphut ahi hi”(Sawltak 7:38). Pawlpi kimkhat te pualam mitmuh ah akipkho ding bang napi, kha lamah misi bang uh hi. Khal sung hun tomno sung bek in Effort leh Crusade bawl zel uh aa, tua lo kal in mi tampi tak te’n lungdamna thu man zakha lo in si uh hi.

Lungdamna thu tangko (Evangelism) ih cih in ahun ding nei tuam deuh hiam?  Pawlpi mawhpuak bek maw mimal mawhpuak zong hi maw?  Zeisu Christ ie Pasian nasep pen akua akua ci lo “Amang te zong ding leh gumkhia ding” (Luke 19:10),  Mawhneite a kisik kik nading aa a sam ding(Mat 9:13), Pasian gam ong tung zo cih thupuak(Luke 8:1), a nuntakna pia ding(John 10:10) cih te ahi hi.

 Zeisu in Pawlpi lutang ahih takpi mawk leh banghang in ei apumpi meng teng in Ama sep bang sem lo aa, aki lehbulh peuh sem mawk ding ih hi hiam? (Hih Lai ie deihna in Kumkikna lamen pawlpi te ie let Lundamna thu tangko zia thukhun ahuampi aa et na a hihi)

 

THUDANG TEEL DING OM LO! MAWH PUAK AHI NGIAT

Khanghamte asih kuan aa kam vaikhak te pen athupi mahmah in kingaihsun phadiak hi. Zeisu in zong Vantung a paima in akammal vaikhak tawpna ah ‘Gospel thupuak gen ding’  vaikhak pi pen hi.  Hih sawlna ih tangtun sak zawh kei leh Pasian thu mang lo in ong ki ciamteh ding hi. Adventistte in ‘nu leh pa mawhna bawlna’ in thukham palsat hi..… cih ih theih mah tawh kibang in Lungdamna thupuak asem lo peuhmah zong Zeisu thupiak palsat mah ahi uh hi.

Zeisu nungzui maantak te in hih Zeisu sawlna sepding lo buang thudang peuhmah sepzawk  leh teel zawk ding nei lo uh hi.

Paul nuntakna en leng kician tak in kimu thei hi. 1Cor 9:16 sungah Paul in ‘Lungdamna thu ka hilh hangin kisialh nading thu bangmah om lo hi. Banghang hiam cih leh hih thu a gen ding mah aa hong kisawl  ahi hi.  Tua ahih man in Lungdamna thu  ka gen kei peuhmah leh samsiatna om hi” ci hi.  Hih mun ah  Paul in teel ding thu dang peuhmah om sak lo hi.

Jeremiah 20:9 ah… Keimah in “Ama thu ka gen kei ding a, ama min ka lo kei ding hi” ci mah leng zong, ama thu ka lungsim sungah mei bang in hong kuang a, kaguh katang sungah kikhumcip ahih manin ka ki –ipip na-in ka gimlua a, gen loin ka om thei kei hi” ci hi.

Peter leh John te in zong hih lungdamna thu genlo  aa adang kasep ding le teel ding peuhmah om lo hi. Ka gen loh uh phamawh hi ci in Sanhedrin’ te mai ah hangtak in gen uh hi.

AWLMAWH LOHNA IN MITHAHNA HI

Ezekiel 33:2-8 …Mi khat peuh in patau kohna peengkul za napi athudon kei aa asih leh ama mawhna hang hi ding aa, ahi zong in galvilpa in galte ong  pai mu napi in patau kohna pengkul atum kei leh galvilpa mawhna hi ding aa amipihte sihna zong galvilpa ka ngawh ding hi Topa’n ci hi.

 Lungdamna thu tang ko ding nialna leh khaktanna in mi thah nopna lungsim pua mah tawh a kibang ahihi. (1Bible Commentary, 1091.3).

Pasian in “mi nuntakna khat alak sak mipa in ama nuntakna pia kha ding hi” ci hi. (Piancil 9:5).

 

MAWHPUAK KIPATNA BULPI TE

Enoch zong tanglai pan in Lungdamna thu tangko nasep mah na sem hi. (Jude 1:14-15)

Noah zong “Thumaan thutak” tangko ding sawlna ngah hi. (2Peter 2:5)

Abraham zong ama tungtawn mah in thupha leh tawntung Lungdamna thu om ding ahihna Pasian in gen aa thumaan in teci pang hi.(Sawltak 3:25-26)

Jesu in a nungzui te “Gam khempeuh ah “Lungdamna thu puak ding in sawl”.  (Matt 28:19)

Mark in zong “Leitung mun khempeuh, mi khempeuh tung  mah ah” tangko ding, hilh ding ci.(Mark 16:15-15)

Luke(Siavuan) in zong “ Jerusalem pan kipan minam khempeuh tungah” gen ding ci hi. (Luke 24:47; sawltak 1:8)

Zeisu in zong leitung ah Honpa hongpai ding Gospel pen Piancil 3:15 ah tanglai pek in na gen khin zo hi. Hih Lungdamna thupuak hang in mawhna pen hih lei pumpi pan a ki phiatsiang theih nang leh Eden bang nuntak kikna ngah theih nang thu  ahih man in, akhangkhang in Pasian in ong tangko toto sak hi.

 

BANGMUN TENG AH GOSPEL TANGKO DING

Lungdamna thu tangko nading mun ngiat pen Hih Leitung hi. Mihing akici limlim te kiangah gen ding hi.  Pasian in Zeisu kiang ah ih thu napia aa, Zeisu in a nungzui te kiang ah na pia sawn hi. Mun khempeuh ah gen ding ci hi( Gen deuhna leh gen deuh lo na ding mun om lo).   Zeisu ong pai kik na ding zong hih gospel thupuak nasep na kizawhbaih leh kizawh baihlo tungtawn ah kinga hi. A  2 vei na ong pai ma-in zawh hamtang ding ci lai hi.

Bang hang in hih Lungdam na thu mi khempeuh kiang ah gen aa hilh ding kisam hiam? A hang pen Gospel Lungdamna thu ih cih in nuntakna hotkhiatna thu hi aa, Adam hang aa a mangthang sa leitung mi khempeuh ie kisap pi pen thu ahihi.

 

ETYMOLOGY OF EVANGELISM

“Evangelism”  ih cih ciang in Gospel thupuak kizelh sakna cih a gennuam ahi hi. Greek kammal (euangelion) “good message” cih khiatna nei hi. Laimal nih kigawm khawm hi aa “eu” (good) and (I bring message) a cih nopna hi. Thuciam thak sungah Gospel ci in na kizang hi. Tua gospel thupuak nasep a  sem te “Evangelist” ki ci aa, anasep uh ahih leh “Evangelism” kici hi. “to preach the gospel” pen (euaggelizo) kici hi.

Galati 3:8  Gentile mite(ci le sa Israel mi ahilo te) in zong upna hang tawh Pasian tawh kipawl theih na ngah thei ahih lam Paul in teltak in gen hi. Tua upna in Pasian thupiak tawh aki thuhual upna ahi hi. Zeisu kiangpan aa ong pai Gospel (Rom 1:16; 2Cor 4:4)leh Satan gospel (Galati 1:8-9) zong om thei zel hi.

Adventistte dinmun leh tanglai Israel,  Abraham leh Jewste dinmun te tawh aki bang ahi hi. Akiim apaam vuah Pasian taktak athei nai lo mite in umcih uh hi. Tua mite tung ah ih thumaan thupuak ih hilh ding ahi hi.

Pawlkhat te in ih Lungdamna thupuak pen mimal khatciat ie sep ding in tuak kha hetlo uh hi. “Vangtung gam aa gup ngah khempeuh te lukhu tung ah AKSI a omlo om lo ding hi….” (Last Day Events, 282.3)ci hi.. Kha ih matte pen Vantung kongpi lut na ding aa ticket hi ding hi ci hi. Lungdamna thu akizelh baih theih nading in Vantung in nang na kihel dingong ngak hi.  Randy Skeete in Adventist Affirm, Volume-24-Number-2 ; translated by James Mamang

THUPILTE:

A Lungdamna thu tangkona pen Christian biakna ie lungtang tawng hi a, hong tung ding Pasian’ thukhenna tawh kisai tangko diing a sapna ngah khempeuh ie sep ding thu lian pen ahhi hi. Ellen G White

A Kha mangthang khat hotkhiatna nasep in leitung a mi thupi te le a lunzun huai thute kaikhawm a gelhkhiatna sangin thupi zaw hi. C S Lewis

A Pawlkhatte bel biakinn dakging sungah om nuam zaw uh a, kei ka hih leh hell lam tanzau a omte va honkhia  dingin va delh ingh. C T Studd

A The Great Commission pen teel theih(option) hilo a, zuih ding thupiak ahi hi. Hudson Taylor

A A vengte kiangah Khazih ahi dingin Christian khemepuh ie mawhpuak ahi hi. Martin Luther

A Eite in Kumkikna nihna thu nakpi in ih tangko a, leitung ie a lang phial in ong pai masakna thu za nai lo uh hi. Oswald J Smith

A Lungdamna thu tangkona pen Khazih lungsim hi a, Amah tawh ih kinai semsem leh missionary hoih ih hi semsem ding hi. Henry Martyns

A Lainatna cih pen gamtatna tawh lahkhiat ding lo adang omlo hi. Living Stone

A Na (Pasian’) nasepan pen mi(pawlpi) lamh nang hisak inla, na pawlpi in na nasepna lam sak kei in. Jacquelyn K. Heasley

A Lungdamna Thu tangkona pen nang deihna mun ah mipi kaikhawm a gen hilo a, amaute omna munmun ah tangkona ahi hi. Amaute omna ciat panin Lungdamna thu a zak uh ciangin, amaute kiangpan na muhtheih a gah in, tua mun ah pawlpi thak khat hong ding hi. Vincent Donovan

A Lungdamna thu tangkona ah kivakna leh siamna namcin a nei kisam masa lo a, itna leh thumanna hi zaw hi. Rebecca M Pippert

A Leitung bup lungdamna thupuak tangkona ah a khaktan den khat in  pawlpi sunga om te na hi gige hi. John R Mott