Sim Dingte: 1 Cor. 12:4-7, 11; Eph. 4:7; 1 Cor. 12:14-31; Rom. 12:3-8; 1 John 4:1-3.
Kamngah: "Khasiangtho silpiak namtampi om a, apia khat bek ahihi. Nasepna panmun atuamtuam aom hangin Topa khat bek aom hi. Nasep atuamtuam aom hangin mi khempeuh tung ah na khempeuh abawl Pa-sian khat bek ahihi." (1 Cor. 12:4-6, NKJV).
Nasep vai tawh zinkhia in, tua pa in atapa a inn uk sak a, nasep dingte pia hi. Atapa in apa'n tua nasepna ading a kisamh nazatte pia khalo cih hong mu hi. Lung kia in seploh in koih hi.
Zeisu in zong vantung a Apa kiang apai ding ciangin amaute nasep ding pia a: lungdamna thu leitung khempeuh ah tangko' ding vai ahihi. Zeisu in bel azat ding uh pia lo in paisan lo hi. Sem ding a asawl te'n asep zawh nang un' vaihawm sak a, Ama min avangliatna leh Khasiangtho panpihna tawh asep ding uh ahihi. 1 Cor. 1:4-7 sung ah Paul in lungdamh ko a, “Zeisu Kha-zih sung a hong kipia Pasian hehpihna leh na khempeuh ah silpiakte ki-tangsamh lo dingin note kisap bangh in hong kipia hi. . . .” (NASB). Khasiangtho silpiakte Khazih sung ah Khasiangtho tungtawn in apawlpi lam-hna dingin hong kipia hi.
Tu kal sung in Khasiangtho pen adeihhuai mahmah silpiakte piak nading thuneihna khempeuh anei ahihna thu leh Khasiangtho gah leh khasiangtho silpiakte' kilamdannate zong ih en ding hi.
*Feb. 25, Nipini ading tu kal sinnate hong kiging in maw.
Nimasani (Sunday) Feb. 19
Khasiangtho gah leh khasiangtho silpiakte anei akibang ahihi. Ahi zon-gin tuate kibang lo hi. Mikim in Khasiangtho silpiak alah kisam lo napi, mikim in Khasiangtho gah agahkim kul hi. Khasiangtho silpiakte in khalam vaisak tuan lo a, Khasiangtho gah in bel khalam vai sak hi. Gah khat bek om a, silpiak tampi om in, pawlkhatte adangte sangin thupizaw hi.
1 Cor. 12:4-7, 11[1] sim in. Hih mun ah Paul gennop pipen bang himawk hiam?
________________________________________________________________________________________________________________________________________________________________________________________________________________________________________________________
Khasiangtho gah pen mite nuntakna ah akimu thei lim dingin Pasian seh hi na pi‟n Khasiangtho gah leh silpiakte kibangh kimlo hi. Neih hamtang ding silpiak cih zong om tuanlo hi, kamtuam pau cih bang ahi zongin. Pasian in kilawm asak bang a thu-um mite tung ah silpiakte aguan ahihi. Khasiangtho silpiakte pen mite ih panpih theih nangin Khazih pumpi ahi pawlpi ih picin sak nang a hong kipia ahihi. Ei lungnop nading leh vangg ding a hong kipia hi lo hi. Pasian nasep ih picin sak zawk nang a hong kipia ahihi. Tua ahih manin Khasiangtho silpiakte pen Khasiangtho gah lo tawh akimanhna omlo hi. Khasiangtho silpiakte lak ah itna vai tawh kihuang to den cih pen alung luthuai thu ahihi. 1 Cor. 12 khit lian ciangin itna lianpen vai alian 13 in hong zomto hi. Eph. 4:11-13 zong aneu 15 leh 16 pen itna vai hong hi hi. Rom. 12:3-8 khit ciang Khasiangtho silpiakte hong pulaak khit ciangin itna vai genna tawh zomh hi (Rom. 12:9, 10 [2]en in).
Tua silpiakte in hehpihna silpiak hi a; itna silpiakte ahihi. Itna tawh kipia hi a, midangte Pasian itna tawh ih panpih theih nang ahihi. Midangte ih itna tawh, Pasian itna akilangh sak ihihi. Itna leh na khempeuh athei Pasian in amite sep ding a apiakte azawhzawh nading un akisamh teng hong pia hi. Tua hang mah in itna pen silpiak lianpen hi khangel ding hi (1 Cor. 13:13).
Christian masuan ah bang hang in itna pen apangpi hi ngiat hiam? Itna in ih teci panna bang ci bang in vangg neisak hiam?
______________________________________________________________
Ninihni (Monday) Feb. 20
Bang silpiak neih ding cih ei khentat theih hilo hi. Khasiangtho silpiakte pen Greek kammal in charismata - hehpihna silpiak hi a, Pasian ngiat in apiak ahihi. Ei hih theihna, zaa, min, pilna, ahihkeh khalam gamtatziate tawh ngah theih hilo hi. Silpiak hi a, itna tawh hong kipiahong hi in, ih ma-panna ah ih picin‟ nang ahihi.
Eph. 4:7[3] sim in. Silpiakte pen Khasiangtho piak bangin ih ngaihsun hi. Paul in bel Zeisu Khazih tawh nakinahvawh sak hi. Silpiakte piakna ah Zeisu hong koici kihel hiam?
______________________________________________________________
Khazih hehpihna in silpiakte piak nangin thu nei hi cih Paul in hong gen hi. Khasiangtho in pawlpi mite tung a ahawm ahi hi. Zeisu Khazih amau honpa a asang amah aumte Khasiangtho in silpiakte “Ama deih bang a” api-ak ahihi (1 Cor. 12:11, NASB). Silpiakte piak ding pen vanglian Pasian khentatna ahi hi.
Pianpih siamnate pen Khasiangtho silpiak hilo hi. Khasiangtho silpiakte pen sinna tawh siam tohtohte agen nuam hilo hi. Christiante ahi lo te'n zong tua bang siamna talentte nei ve uh hi. Ahoih adeihhuai silpiak in Pasian ki-ang pan hi ngiat a, (James 1:17), Pasian in Christian dangte thupha pia ding leh apawlpi lapsang nang a apiak ahihi. Pianpih talent aneite in zong apiapa Pasian kiang pan ahihna aphawk siam ciangin tua talent pen thungetna tawh kipumpiak in Topa' nasepna adingin aapna tawh zangh thei uh hi.
1 Cor. 12:4-31[4] sung ah silpiakte hawmna vai Paul in bang gen hiam? Khasiangtho silpiak hawmna vaite pawlpi sung a silpiakte omzia telsi-amna vai ah bang hang in thupi mahmah hiam?
____________________________________________________________________________________________________________________________
Hih Khasiangtho silpiakte Khasiangtho in Ama ciimna leh deihna tawh kizui in hawmmsak hi. Amah in eite hong it a, Ama na ahoih pen a, ih sep theihzia ding thei ahih manin, midangte leh amau ngah silpiakte hazat zong kullo hi. Midangte silpiak ih en leh Pasian tung ah alungdam thei lo, silpiak-te hawmna vai ah Ama ciimna amuang lo ih suak hi.
Na pawlpi mite tung ah Pasian in bang silpiakte pia hiam? Mite in silpi-ak tuam tek ngah cih thu pan bangh thupuak ngah thei ding ihi hiam?
Nithumni (Tuesday) Feb. 21
Rom. 12:3-8 leh Eph. 4:8-12 sim in. Pasian hong piak Khasiangtho silpiakte bangh ding a hong kipia hiam?
__________________________________________________________________________________________________________________________________________________________________________________________
Khasiangtho silpiakte pen Ama na' ih sep nang a hong kipia hi a, ei kisiansuah nang hi lo hi. Ih lungkim nang a hong kibumna zong hi lo in ciimphong ding zong hi lo hi. Khasiangtho silpiakte pen ih kha lam ki-tangsapnate picin sak nang ahihkeh Pasian tawh ih kikolhna ah vang hong pia ding bang in kingaihsun kha hi. Tua bangin Christian te ngah bang dan in kingaihsun in Khazih kibulphuh kha lo hi. Pasian tung ah nga lo in ei tung ah ih nga kha hi. Pasian bulphuh Khasiangtho silpiak lamsang a ih theih ciangin Pasian hong silpiakte in Ama deihna tampi picing sak in: pawlpi kipum-khatna ding leh picin sakna ding a, hong kipia ahih lam ih phawk thei hi (Eph. 4:12-16). Pasian hong piak masuante ih sep khiat nang a hong kipia ahihi (Eph. 4:11, 12). Atawpna ah Pasian minthanna ding a hong kipia ahihi (1 Pet. 4:10, 11).
Ei lungkim na ding a hong kipia hi lo hi. Midangten thumann aphawk siam nang uh ahihi (1 Pet. 4:10; 1 Cor. 14:12, 26). Kha lam hamphatna leh pawlpi bup in telsiamna aneih nang a kipia ahihi. Pawlpi kipumkhat nang a kipia Pasian silpiakte mi pawl khat bek kitawisan‟na a akizat mawk pen khasiathuai mahmah hi. Hih bang hun ciangin pawlkhatte akilawm lo pi in kitawisang hi. Tua in kiphelkhapna leh kikhen thangna lam zuatpih hi.
Khasiangtho silpiakte pen pilna siamna leh ih talentte bangin ih ngaihsun kha hi. Khasiangtho‟ gahte lak ah talentte akihel ta zongin Khasiangtho in silpiakte apiak kawm in sep ding masuante zongh guan hi (1 Pet. 4:10). Tua hi a, Khasiangtho gahte in, Pasian in Khasiangtho tungtawn a, atuam a apiak hihtheihnate zong ahihi. Hih silpiakte in mi khatpeuh tua masuan ah pang thei sak in pawlpi picing sak hi. Tua bang hong pian nang in silpiak tampi kisamh hi.
Silpiakte pen pawlpi kipumkhat nang hi ci in bang hang in ngaihsun na hi hiam? Silpiak tuamtuamte ngah thu um mite in pawlpi sung kipum khatna ngim khawm thei ding hiam? Silpiakte in kikhenna suak lo a, thupha asuah nang in bang hong pian kul hiam?
Nilini (Wednesday) Feb. 22Nidang leh Tulai, Silpiakte’ Vai
1 Cor. 14:1 leh 1 Cor. 12:7-11, 27-31; Rom 12:3-8 leh Eph. 4:11, 12 sung a silpiakte saikaak in. Tua silpiakte laisiangtho thak hun lai thu-um mite bek akipia maw? Bang hang in tua silpiakte tun zong om thei hiam?
_________________________________________________________________________________________________________________________________________________________________________________________________________________________________________________________________________________________________________________
Pawlkhatte in Laisiangtho sung a kigen khasiangtho silpiakte pen Zeisu leh nungzuite hun sung bek ding bangin ngaihsun uh hi. Nungzuipite sih a kipan pawlpi ah silpiak beita ci uh hi. Aki tan'sak nading un 1 Cor. 13:10 sung a Paul in “atak hong tun ciang, alimm hong bei ding hi” acihna man uh hi (NASB). Silpiakte atawp hun bel om mah ding hi. Ataktak hong tun ciang hi ding a, tua pen; limlangh mial sung pan a muh bang hi nawnlo a, maitang kimuh hun ah Zeisu hong paikik ciang hi ding hi. Laisiangtho hong genna ah Khasiangtho silpiakte pen pawlpi picin nading ahihi (1 Cor. 12: 28). Paul in “Khasiangtho silpiakte adeih takpi” dingin hong hanthawn hi (1 Cor. 14:1, NASB). Pumpi ading a kisamte ahihi. Tua bangte Pasian in bei-sakta cih thu aom mateng, pawlpi in amasuan tun a, Khazih hong paikik khit mateng hong pianuam cih ih ngaihsut ding ahihi.
Nitawp ni hun ciang Pasian nasep hong picing ding a, hat tak leh vanggnei takin akipat masakpen hun khengval pek ding hi. Kumkikna hun adingin pawlpi akigin akul mah bangin, Pasian in pawlpi mite'n amasuan uh atut nang un panpih lo in omlo ding hi. Ahi zongin hih silpiakte in Laisi-angtho khuplet lo ding uh a, Laisiangtho tawh zong kikim sak lo ding uh hi. Thu um mite'n Khazih pumpi picing sak in Laisiangtho' kamciamte tang-tun'na hi a, Zeisu hong pai baih nang a leitung akigin sak nang ahihi.
Eph. 4:11-13 sim in la, adiak in aneu 13, ―upmuanna mun khat, Pasian tapa theihna ah mipi cing in, Khazih sutkim dong‖ (NKJV) na ci hi. Hih thu in silpiakte tu mahmah a pawlpi sung ah ikisapzia bangh hong gen hiam?
__________________________________________________________________________________________________________________________
Ningani (Thursday) Feb. 23Khasiangtho leh Telsiamna Silpiak
1 Cor. 12:10; 14:29 leh 1 John 4:1-3; sim in. Bang hangin telsiamna sil-piak thupi hiam?
__________________________________________________________________________________________________________________________________________________________________________________________
Khasiangtho silpiak diktak pawlpi ah aom hangin, kha khempeuh umlo dingin Laisiangtho in hong hilh khol a, Laisiang-tho tawh kituak, akikhel themthum lo, Zeisu Topa a sang takpi maw cihte etkim ding ahihi. “Kha te telsit” ding akulna thu in (1 Cor. 12:10, ESV) Pasian kiang pan a hong pai a akinei khem-peuh hi kim lo hi. Dawimang in avangg tawh pawlpi lam apial-sak nop vai leh, atak akineih dawi nasepnate ahi, adiklo hilhnate, amannlo genkholhna leh mangmu-khemte, kamtuam pau diklote, dawi vang tawh damhna, alamdang adiklo nalamdangte khawng ahihi.
Tu lai Khasiangtho silpiak asangte lak ah pawlkhatte in na lamdangte leh apicinglo kamciamte tungtawn in, na lamdangte limhgen uh hi. Alunglut huai thu khat ah Paul in telsiamna silpiak agen madeuh in “na lamdang bawlna” leh “genkholhna” silpiak na gen masa hi (1 Cor. 12:10, NASB).
Kamsang zuau theite‟ khemna leh adiklo limm leh na lamdangte kawmkal ah; thumann thutak, kipumkhatna, aom theih nangin Pasian in telsi-amna silpiak apia ahihi. Laisiangtho tawh kituak picinna, theihna, Pasian kammal ah muanhuai takin upmuanna leh sepkhiatna thute ah hoih tak a khinkhai kul hi. Tua te khinkhaina bulpi in Pasian kammal ahih kul hi. Pasi-an kammal tungtawn in ih zak ih muh te Topa kiang pan maw, mundang pan cih ih thei thei ding hi.
“Na lamdang bawlna tungtawn a, khentatte tung ah Satan in na lamdang pawlkhat tawh auphuai dingin atak tawh kibang sak phialmawk ding hi. . . . Lungsim, ngaihsutna leh nuntakna tawh Topa zon' ding phawk khial kha ken. Thutak itna tawh ih san kei leh Satan' nalamdangte mu a, a um khate lak ah ih kihel kha ding hi. A piandang na tampi pen zuautheite' pa bawltawm hi a . . . kha-ninte huzaap nuai ah mite in na lamdangte bawl ding uh hi.” -- E. G. White, Teltuam Thupuakte, 2 SM pp. 52, 53.
Kiginni (Friday) Feb. 24Ngaihsut beh Ding:
E.G. White, Kikingkalhna Lian, GC, pp. 511-517, 593-602.Pawl khatte in, “Laisiangtho hun lai bang a alamdang damhsaknate tun bang hangin kimu lo hiam? ci thei uh hi. Amasa pen in, na lamdangte thu ih za kei hi. Pawl khatte‟n bel na mu uh hi. Anihna ah, Laisiangtho ih sin ciangin na lamdang apiang den ahihna ih mu hi. Tua bang ahih theihna pen Khasiangtho in Laisiangtho gelhte kiang ah pawlpi phuh nading a kisamh thupiangte agen hi a, tua te ah nalamdang zong kihel zel hi. Nidang pen tu hun tawh akibang mah hi a: mite tung ah Pasian kammal kihilh in Khasiangtho huzaapna sang uh hi. Atawpna ah E.G. White, gelh mah bangin: Khazih‟ sepzia pen Pasian kammal hilh in, natnate na lamdang bawlna tawh damsak hi. Ahi zongin tu in tua bangin ih sem kei hi. Bang hang hiam ci leh Satan in ama vang tawh natnate damsak ding hi. Pasian nasemte in tu in na lamdang tawh na aseplohna uh athu in Pasian nasep banghkeek a dawi nasepnate hong om ding ahih man ahihi. Hih thu hangin Pasian mite in pumpi damhna vai asepzia ding uh pen Pasian thugenna tawh kop ding uh hi. Zato te hong in damhsakna tawh amapang om ding hi. Tua bangin zato a hong pai mite tungtawn in hong kizel ding hi.” -- E.G. White, Teltuam Thupuakte, 2 SM p. 54.
Kikup Dingte:1. Khasingtho gah leh khasiangtho silpiakte koici bangin kilamdang hiam?2. Pasian in itna leh ciimna tawh hong piak ahih lam theihna tawh pawlpi sung a silpiakte hangin koici lungkim’ ding ihi hiam?3. Alamdang damhsakna nalamdangte pen thumann thutak khentat nading in bang hangin lungmuan huai lo hiam? Bang kisamh lai hiam?4. "Hehpihna tawh ka ngah thute tungtawn in kong gen in ah, ki hisak kha mawkmawk lo in, Pasian in milip tunga hong kilatna tawh kizui in, kiniamkhiatna tawh na gamta un." (Rom. 12:3, NKJV). Banghci hanthotna hih mun ah hong kipia hiam? Ih ngaihsutna ah ei leh ei ,ki koici "sang khai" ding ihi hiam?
Bible References
-
4 Letsong a tuamtuam a om hangin Kha a kibang ahi hi. 5 Nasepna a tuamtuam a om hangin Topa a kibang hi. 6 Sepsakna nam tuamtuam a om hangin mi khempeuh sungah tua Pasian mah in a sem hi. 7 Tu-in mi khempeuh i hoihkim nading mikim tungah Kha kilatkhiatna kipia ciat hi. 11 Hihte khempeuh a kibang Kha khat nasep hi-a, amah in a sehsa bangin amaute a pia ciat hi.
- 9 Itna, a taktak hi pelmawh ding hi. Gitlohna na mudah un, a hoih na pom cinten un. 10 Note khat le khat unau ki-itna kho tawh na ki-it thuk un. No sangin midangte a sangzaw-in na kipahtawi thuk un.
- 7 Ahi hangin Christ sehsaknasa bangin eite tungah hehpihna hong kipia ciat hi.
- 4 Letsong a tuamtuam a om hangin Kha a kibang ahi hi. 5 Nasepna a tuamtuam a om hangin Topa a kibang hi. 6 Sepsakna nam tuamtuam a om hangin mi khempeuh sungah tua Pasian mah in a sem hi.
7 Tu-in mi khempeuh i hoihkim nading mikim tungah Kha kilatkhiatna kipia ciat hi. 8 Mi khat tungah Kha tungtawnin pilna thupuak kipia hi. Midang khat tungah tua Kha mah in theihna thupuak, 9 midang khat tungah a kibang Kha in upna kipia a, tua Kha khat mah in cina damsakna letsongte, 10 midang khat tungah nalamdang bawl theihna vangte, midang khat tungah thu magen theihna, midang khat tungah khate khentel theihna, midang khat tungah pau nam tuamtuam a pau theihna, midang khat lai tungah paute khiat theihna b kipia hi. 11 Hihte khempeuh a kibang Kha khat nasep hi-a, amah in a sehsa bangin amaute a pia ciat hi.
Pumpi Khatah Na Tampi
12 Pumpi in na tampi tawh kibawl hi napi pumkhat ahi hi. A nate tampi ahi hangin pumpi khat a piangsak uh hi. Christ zong tua mah bang ahi hi. 13 Ahang in, eite Jew-te i hi-a, Greek-te i hi zongin sila i hi-a, sila lo i hi zongin Kha khat in c pumpi khat sungah i vekpi-in hong baptise a, eite i vekpi in i dawn ding Kha khat mah hong kipia hi.
14 Na khat bek tawh pumpi kibawl hi loin na tampi tawh kibawl ahi hi. 15 Khe in,"Khut hi lo ka hi manin pumpi aa ka hi kei hi," cileh tua a cihna lel tawh pumpi na a hina a bei tuan kei hi. 16 Tua ciangin bil in, "Kei mit hilo ka hi manin pumpi aa ka hi kei hi," cileh tua a cihna lel tawh pumpi aa a hihna a bei tuan kei hi. 17 Pumpi a vekpi in mittang khat hi mawk leh khuazak theih nading koi-ah om ding ahi hiam? Pumpi a vekpi-in bil khat hi mawk leh a gimnam zak theih nading koi-ah om ding ahi hiam? 18 Ahi hangin Pasian in amaute, ama deihna bang tektekin pumpi tungah a guang kim hi. 19 Amaute khempeuh pumpi na khat bek hileh pumpi koi-ah om ding ahi hiam? 20 Tu in ahileh pumpi na tampi om a, ahi hangin pumpi khat ahi hi.
21 Mit in khut kiangah,"Nang kong kisam kei hi," a ci thei kei hi. Lutang in zong khepek kiangah, "Nang kong kisam kei hi," a ci thei kei hi. 22 Tua sangsikin pumpi na a gina lo hileh a kilawmte a kisampente hizaw hi. 23 Tua hi-a i thupisim loh pumpi nate i nak pahtawite hi thei zaw hi. A kithusim tham lo pumpi nate nakpi-in dop kulzaw hi. 24 I thusimzawk pumpi nate, tua banga limbawl tuan a kul kei hi. Ahi hangin Pasian in pumpi nate ki-awhsaka a kisamzaw pumpi nate tungah nakpitakin pahtawina pia-in, 25 pumpi sungah tua bangin kituam khenna om loin, a nate khat le khat a kibanga a kithusim tuah ciat nading uh ahi hi. 26 Khat in a thuak leh adang khempeuh in a thuakpih hi. A nate khat a kipahtawi leh adang khempeuh in a lungdampih uh hi.
27 Tu-in note Christ pumpi na hi uh a, a pumpi nate na hikim uh hi. 28 Tua hi-a Pasian pawlpi sungah a masapenin Pasian in sawltakpite, a nihna-in kamsangte, a thumna ah lai hilhte, tua ciangin nalamdang bawlte, cina damsak theihna letsong ngahte, midang a huh theite, ki-ukna letsong ngahte le pau nam tuamtuam a paute zong a seh hi. 29 Mi khempeuh sawltakpi ahi uh hiam? Mi khempeuh kamsangte ahi uh hiam? Mi khempeuh lai hilhte ahi uh hiam? Mi khempeuh in nalamdangte a bawl uh hiam? 30 Mi khempeuh in cina damsakna letsong a nei uh hiam? Mi khempeuh paute a in a pau uh hiam? Mi khempeuh in a khiatna a gen uh hiam? 31 Ahi hangin letsong lianzawte lawpin na lunggulh zaw un.
-
4 Letsong a tuamtuam a om hangin Kha a kibang ahi hi. 5 Nasepna a tuamtuam a om hangin Topa a kibang hi. 6 Sepsakna nam tuamtuam a om hangin mi khempeuh sungah tua Pasian mah in a sem hi. 7 Tu-in mi khempeuh i hoihkim nading mikim tungah Kha kilatkhiatna kipia ciat hi. 11 Hihte khempeuh a kibang Kha khat nasep hi-a, amah in a sehsa bangin amaute a pia ciat hi. - 9 Itna, a taktak hi pelmawh ding hi. Gitlohna na mudah un, a hoih na pom cinten un. 10 Note khat le khat unau ki-itna kho tawh na ki-it thuk un. No sangin midangte a sangzaw-in na kipahtawi thuk un.
- 7 Ahi hangin Christ sehsaknasa bangin eite tungah hehpihna hong kipia ciat hi.
- 4 Letsong a tuamtuam a om hangin Kha a kibang ahi hi. 5 Nasepna a tuamtuam a om hangin Topa a kibang hi. 6 Sepsakna nam tuamtuam a om hangin mi khempeuh sungah tua Pasian mah in a sem hi.
7 Tu-in mi khempeuh i hoihkim nading mikim tungah Kha kilatkhiatna kipia ciat hi. 8 Mi khat tungah Kha tungtawnin pilna thupuak kipia hi. Midang khat tungah tua Kha mah in theihna thupuak, 9 midang khat tungah a kibang Kha in upna kipia a, tua Kha khat mah in cina damsakna letsongte, 10 midang khat tungah nalamdang bawl theihna vangte, midang khat tungah thu magen theihna, midang khat tungah khate khentel theihna, midang khat tungah pau nam tuamtuam a pau theihna, midang khat lai tungah paute khiat theihna b kipia hi. 11 Hihte khempeuh a kibang Kha khat nasep hi-a, amah in a sehsa bangin amaute a pia ciat hi.
Pumpi Khatah Na Tampi
12 Pumpi in na tampi tawh kibawl hi napi pumkhat ahi hi. A nate tampi ahi hangin pumpi khat a piangsak uh hi. Christ zong tua mah bang ahi hi. 13 Ahang in, eite Jew-te i hi-a, Greek-te i hi zongin sila i hi-a, sila lo i hi zongin Kha khat in c pumpi khat sungah i vekpi-in hong baptise a, eite i vekpi in i dawn ding Kha khat mah hong kipia hi.
14 Na khat bek tawh pumpi kibawl hi loin na tampi tawh kibawl ahi hi. 15 Khe in,"Khut hi lo ka hi manin pumpi aa ka hi kei hi," cileh tua a cihna lel tawh pumpi na a hina a bei tuan kei hi. 16 Tua ciangin bil in, "Kei mit hilo ka hi manin pumpi aa ka hi kei hi," cileh tua a cihna lel tawh pumpi aa a hihna a bei tuan kei hi. 17 Pumpi a vekpi in mittang khat hi mawk leh khuazak theih nading koi-ah om ding ahi hiam? Pumpi a vekpi-in bil khat hi mawk leh a gimnam zak theih nading koi-ah om ding ahi hiam? 18 Ahi hangin Pasian in amaute, ama deihna bang tektekin pumpi tungah a guang kim hi. 19 Amaute khempeuh pumpi na khat bek hileh pumpi koi-ah om ding ahi hiam? 20 Tu in ahileh pumpi na tampi om a, ahi hangin pumpi khat ahi hi.
21 Mit in khut kiangah,"Nang kong kisam kei hi," a ci thei kei hi. Lutang in zong khepek kiangah, "Nang kong kisam kei hi," a ci thei kei hi. 22 Tua sangsikin pumpi na a gina lo hileh a kilawmte a kisampente hizaw hi. 23 Tua hi-a i thupisim loh pumpi nate i nak pahtawite hi thei zaw hi. A kithusim tham lo pumpi nate nakpi-in dop kulzaw hi. 24 I thusimzawk pumpi nate, tua banga limbawl tuan a kul kei hi. Ahi hangin Pasian in pumpi nate ki-awhsaka a kisamzaw pumpi nate tungah nakpitakin pahtawina pia-in, 25 pumpi sungah tua bangin kituam khenna om loin, a nate khat le khat a kibanga a kithusim tuah ciat nading uh ahi hi. 26 Khat in a thuak leh adang khempeuh in a thuakpih hi. A nate khat a kipahtawi leh adang khempeuh in a lungdampih uh hi.
27 Tu-in note Christ pumpi na hi uh a, a pumpi nate na hikim uh hi. 28 Tua hi-a Pasian pawlpi sungah a masapenin Pasian in sawltakpite, a nihna-in kamsangte, a thumna ah lai hilhte, tua ciangin nalamdang bawlte, cina damsak theihna letsong ngahte, midang a huh theite, ki-ukna letsong ngahte le pau nam tuamtuam a paute zong a seh hi. 29 Mi khempeuh sawltakpi ahi uh hiam? Mi khempeuh kamsangte ahi uh hiam? Mi khempeuh lai hilhte ahi uh hiam? Mi khempeuh in nalamdangte a bawl uh hiam? 30 Mi khempeuh in cina damsakna letsong a nei uh hiam? Mi khempeuh paute a in a pau uh hiam? Mi khempeuh in a khiatna a gen uh hiam? 31 Ahi hangin letsong lianzawte lawpin na lunggulh zaw un.
إرسال تعليق
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.