Sim Dingte: Sawl. 5:1-4; 1 Cor. 2:10, 11; Isa. 63:10-14; Titus 3:4-6; Rom. 8:11; 1 Pet. 1:2.
Kamngah: "Topa Zeisu Khazih’ hehpihna thupha ahi zongin, Pasian hong itna ahi zongin, Khasiangtho holimpihna thute in note khempeuh tawh omkhawm ta hen." (2 Cor. 13:14, NASB).
Laisiangtho ah bel Pa Pasian pen theihsa in kikoih hi. Hih vai Laisiangtho lui leh thak ah hong kigen hi. Hong kigen thumannte lak ah athupipen leh abulpi ahihi.
Zeisu Pasian ahihna zong Laisiangtho mun tampi ah kigen a, Laisiangtho thak diakdiak ah ki limhgen in lungdamhna thubute leh laikhakte ah hidiak lai hi.
Ahi zongin, Khasiangtho Pasian ahihna vai ki heemgen zaw hi. Laisiangtho genna tuamtuamte pan kimu thei hi. Hih vai ah Khasiangtho vai Laisaingtho hong gennate ih tel-et hong kul ding hi. Tua bang a ihih ciangin Laisiangtho gennate pen khiam tuan lo in zong “uang gen tuan” ding zong hi lo hi (1 Cor. 4:6, NASB). Hih vai ah kiniamkhiat tak a hilh theih ih hih ding kisamh a; mihingte‟n Pasian ih ngaihsutzia peuh tehna in ih neih khak loh ding theihsa a ih koih ding ahihi. Tua bang in Laisiangtho teci pannate, san theih hak ih sa kha phial zongin ih san‟ ding ahihi.
*Jan. 21, Nipini adingin tu kal sinnate hong kiging in maw!
Khasiangtho leh Pasian
Laisiangtho in bel Khasiangtho pen Pasian ahihzia lim takin hong gen linlian tuan lo hi. Alunglawphuai ih muh theih pen in Khasiangtho pen Pasian tawh kikim ahihna thu ahihi. Sepna bawlna kibang thute ah Pasian leh Khasiangtho zong akibang in akigenna munte om zel hi.
Sawl. 5:1-4 sim in. Peter leh Ananiaste’ kammalte pan in Pasian leh Khasiangtho vai bangci thu khupna bawl thei ding ih hi hiam?
____________________________________________________________________________________________________________________________
Khasiangtho pen Pasian hi lo hi leh Peter bel agenkhial ahihkeh lamlakkhialpi khat suak ding hi. Khasiangtho pianzia alunglawphuai thu ah, Peter in Pasian leh Khasiangtho akikim in koih hi. Aneu 3 ah, bang dia Khasiangtho tung ah zuau cih adot khit ciangin aneu 4 ah zom kik a: “mihing tung ah zuau hi lo in Pasian tung hi” (NASB) na ci hi. Peter in Khasiangtho leh Pasian na kikim sak hi. Acih nopna ah Ananias pen sawltakpite tung a azuau bek hi lo in Pasian tung ngiat a azuau na ci hi. Khasiangtho tung ah zuauna pen Pasian tung ah zuauna hi a, Khasiangtho in Pasian ahi hi; cih hih mun ah siang mahmah hi.
Hih mi 2 te sepna vai bang cia daan kipia pahlian mawk ahi tam?
Sawltak sung a pawlpite pen “thukhat in luang” uh na ci hi (Sawl. 4:32, NIV). Hih kipumkhatna pen Khasiangtho tungtawn hi a, tua ziak a amau zong aneih peuh uh lungkim taka anei khawm uh ahihi. Tua bang lak a, zuauna in kipumkhatna apiang sak, acing akem Khasiangtho tung a zuauna ahihi.
Tua hi a, Ananias leh azi in hih pawlpi masate Pasian ompihna leh nasepna, apaikhial sak suak hi. Hih bang thumanlohna in Pasisan tung ah thumann lo hi in, thusia piang sak a, thu um mite tung a Pasian Khasiangtho nasiataka agamtatna dal hi. Pasian in lungheineihna omlo a ih biak ding deih hi. Tua thu-um mite in athupi kalsuanna aneih thak laitak uh ahih manin Pasian in tua pawlpi thak thumann thutak ah thukhat in luang a Khasiangtho makaihna azuihnop nading uh adeihna hangg ahihi.
Ananias leh Sapphira in bel, amau mawhna vai ah kidiksak thei kha ding uh hi. Ei innmun ei logam ih zuak hi a, pawl khat pawlpi ah apia hi lo ihi hiam? Tawm khat ih kep, bang phamawh buang ding? Hih thu ah ei sepnate ih kidik sak khaktheih vai ah kidop-huai peuhmah mawk hilo hiam?
______________________________________________________________
Pasian’ Zia Anei Khasiangtho
Laisiangtho muntampite ah Khasiangtho in Pasian zialehtongg aneih lam hong kigen hi.
Khasiangtho’ zialehtong Pasian a bang bek a ih ngaihsut bang teng khawng hiam?
1 Cor. 2:10, 11; leh Isa. 10:13, 14 saikaak in. ________________________
Late 139:7 ____________________________________________________
Heb.9:14 leh 1 Timo. 6:16 saikaak in ______________________________
Luke 1:35; Rom. 15:19; leh Late 104:30 saikaak in. ___________________
Paul in Pasain ciimna akankhiatna ah Khasiangtho' hong hilh hi ci in na gen hi. “Akisunnte kipawl thei” cih dan pian pen Paul hong gen dan hi a, Pasian tawh akikimmte bek in Ama thu thuukte theihpih (1 Cor. 2:10, 11) cih dan hong suak hi. Kha Siangtho bangh a Pasian athei cih om thei lo in asungtawng dong in Amanh thei hi. Khasiangtho in athei vannuai taktak ahihi.
Khasiangtho ompihna pen Pasian ompihna hi pah hi. Pasian Khasiangtho‟ omlohna ah pai theih nang aom kei leh Amah mun ci teng ah aom-vannuai ahihi (Late 139:7 tawh siakaak in).
Khasiangtho pen atawntung a om kici hi (Heb. 9:14). Laisiangtho ah atawntung in kua teng om hiam? Pasian bek in atawntung ahihi (1 Timo. 6:16). Khasiangtho om tawntung kici ahih leh, Amah Pasian ahih kul hi.
Khasiangtho in zong avanglian-vannuai ahihkeh ahat vannuai ahihi. Luke 1:35 sung a kammalte “tua khasiangtho” leh “sang pen pa' vangliatna” (NASB) cih te pen laimal kihuangte hi uh hi. Hih te in alamdang pen thu ahi, ngaknu siangtho‟ nauneihna vai ahihi. Rom. 15:19 sung ah, nungzuipi Paul in hih thute pen “anasia mahmah limm leh nalamdangte, Pasian Khasiangtho vangliatna tungtawn a piang hi” na ci hi (NKJV). Khasiangtho in Pasian‟ na lamdang bawl thei takpi hi. Zeisu in zong Khasiangtho gensiatna pen kimaisak theilo na ci hi (Matt. 12:31, 32; Mark 3:28, 29). Khasiangtho Pasian hi kei leh hih thute ngaih tuah thei hi peuhmah lo hi.
Ahi zongin alamdang pen Khasiangtho nasep in mihing lungsim leh ngaihsutnate akhel-theihna thu ahi hi. Khasiangtho in athak khalam suahthakna picing sak hi (John 3:5-8). Pasian bek sep theih vaite picin’sak theih vangliatna nei hi.
Laisiangtho Hong Kawhmuhnate
Laisiangtho sung ah Khasiangtho leh Pasian agenna ahi khawm kawikawi thei mun tampi om hi.
Isa. 63:10-14 sim in la, Gamlak. 14:11 leh Thuhilhk. 32:12 tawh saikaak in. Hih munte ah kua aci nuam hi a, Khasiangtho Pasian ahihzia bang gen hiam?
____________________________________________________________________________________________________________________________
Isa. 63:10 sung ah, mihingten langdo a, Khasiangtho khasia sak uh hi. Tua tawh akibang Gamlak. 14:11 sung ah, Pasian in Moses kiang ah hih mite‟n bang tanvei kei hong nawlkhin ding uh hiam?” (NASB). Thuhilhk. 32:12 ah zong, “Topa bek mah in amakaih hi a, Amah lo buang adang omlo hi. Laisiangtho gelhte te in Pasian leh Khasiangtho pen khat ah koihkhawm uh ahihna hong kilangh hi.
2 Sam. 23:2 sung ah “Pasian Khasiangtho in hong gen hi” na ci a, tua tawh kizom khawm aneu 3 ah, “Israel Pasian in kei hong gen in ah . . . (NASB) na ci hi. Hih mun ah zong Khasaingtho pen Pasian tawh kikim, kibang cih thukhupna kibawl thei hi.
1 Cor. 3:16, 17 tawh 1 Cor. 6:19, 20 leh 1 Cor. 12:11 tawh 1 Cor. 12:28 saikaak in. Hih munte ah Khasiangtho leh Pasian agenna uh koici bangin kizangh khawm kawikawi hiam? Pasian leh Khasiangtho akibang a agenna bang hiam?
____________________________________________________________________________________________________________________________
1 Cor. 3:16, 17 sung ah Paul in 1 Cor. 6:19, 20 tawh aki valaak kammal na zangh hi. Paul cihna ah Khasiangtho ompihna pen Pasian ompihna hi pah hi. “Pasian biakinnpi (NIV)” leh “Khasiangtho biakinnpi (NIV)” akibang hi a, Paul in Khasiangtho leh Pasian akibatna hong lak ahihi.
1 Cor. 12:11 ah, Paul in Khasiangtho silpiakte Khasiangtho in thu um mite apiak hi naci hi. 1 Cor. 12:28 khit deuh teh Pasian in pia hi na ci leuleu hi. Athubul en leng: Khasiangtho sep leh Pasian sep kibang a, Khasiangtho pen Pasian tawh kikim cihna suak hi.
Gamlak. 14:11 sim in. Tu hun eite adingin kikoici bulh thei ding hiam? Pasian lamdang tak a pawlpi ah asepziate ngaihsun in. Ih up nang a hong piak ahangg thute ngaihsun in. Tu ma kum tul tampi lai a, Pasian mite bang a ih omloh nang in koicih thei ding ihi hiam?
Khasiangtho in Pasian Bang a Asepnate
Laisiangtho in Pasian bek sep a agente pawl khat Khasiangtho in sem hi. Amah piansak nasepna ah manlah a, mawhneite piansak thak kikna vai ah zong manlah hi.
Titus 3:4-6 sim in. Pian sak thakna vai ah Khasiangtho’ kihelzia Paul in hong koici lahtel hiam?
__________________________________________________________________________________________________________________________
Khasiangho leh “eite honpa Pasian” (Titus 3:4, NASB) pen tuiphumna ahi siansuah piankhiat sak kikna thu leh khalam kipuahphatna vaite ah na kigen khawm hi (Titus 3:5). Amah pen hong suakthak sak ahihi. Ih lungtang thaksuah sak hi. Khazih zuihnopna lungsim hong guan hi. Amah in ih nuntakna ahihi (Rom. 8:2). Amah in mawh neite siansuah a, azia uh khel hi.
Amah in eite hong honkhia Zeisu thu, hong mang thei sak hi. Pasian ahi takpi bek in tua bang na lamdang bawl thei hi.
Isa. 6:8-10 leh Sawl. 28:25-27 saikaak in. Apau ahopih Pasian pen laisiangtho gelhte in kua hi ci uh hiam?
__________________________________________________________________________________________________________________________
Laisiangtho mun tuamtuamte ah apau agen pen Pasian hi in, Khasiangtho peuh zong na kici zel hi. Khasiangtho in lamdang tak a, eite Laisiangtho hong pia hi a (2 Pet. 1:21), amundang ah Pasian humuapna hi naci zel hi (2 Timo. 3:16). Laisiangtho piakkhiat pen Pasian nasepna ahihi.
Rom. 8:11 in Khasiangtho Pasian ahihna bang hong hilh hiam?
_____________________________________________________________
Laisiangtho ah Khasiangtho in Zeisu sihna pan thosak ci a, ei zong hong thosak ding ahihi. Pasian bek in mite sihna pan phongg thei hi. Tua hi a, Khasiangtho in Pasian ahihi.
Khasiangtho makaihna bangh azui nuan ding a kikhel nuam dingin na bawl theih bangte om hiam? Na nuntakna ah Ama hong lampina telmuh theih nang pan in hongliah hongdal, na omzia banghte khawng hithei ding hiam?
Ama Pasian Hihna Athupitzia
Khasiangtho pen Pasian hi kei leh bang tasamh ding ihi hiam? Khasiangtho Pasian taktak hi kei leh eite hong kihotkhiatna vai leh biakpiakna vaite hong buaihuai mahmah hi. Khasiangtho in thu-um mite a suahthak sak ding ahih vai Laisiangtho in hong hilh hi. Amah hong tengg a hong dimh ding ahihi. Ih ngaihsutnate hong thaksuak sak in ih zia ih tongg hong khel ding hi. Amah in thawhkik sak theihna vangg nei hi. Amanh Pasian nungzuite Pasian bangin siangtho sak hi. Khasiangtho Pasian hi kei leh Amanh Pasian‟ san‟taak acingte ahih lam, koici telcian thei mawk ding?
1 Pet. 1:2; 2 Cor. 13:14; leh Matt. 28:18, 19 sim in. Khasiangtho pen Pa Pasian, Tapa Zeisu Khazih tawh kituiphum vai ah leh thukhupna ah akihelnate in biakpiakna leh zahtak piakna ah Khasiangtho’ mun hong koici gen hiam?
_______________________________________________________________________________________________________________________________________________________________________________________
Khasiangtho Pasian ahihna thu in Ama hihna diktak kilawm tak a ih theih siam nang hong huh hi. Amah Pasian ahihna pen Pasian bulphuh a nungtate‟ ngaihsutna omsa ahihi. Laisiangtho thak pawlpi in Khasiangtho pen too dangte tawh na hel khawm ngiat lel hi. Kituiphumna vai ah Khasiangtho in Pa leh Tapa tawh mun kibang len hi. Ki tuiphumna in khalam thuthuuk tawh kipawl biakpiakna vai khat ahihi. Tuiphum‟ vai ah leh thupha piakna ah dik khawm tuak hi. Biaksapna a phatna ah Pa leh Tapa tawh Khasiangtho zong ki pahtawi hi. To thumte kigen khawm in ki kipsak khawm hi.
Laisiangtho thak ah Khasiangtho tuiphumna leh thupha piaknate ah biaktaak cing in kikoih in khalam vai ah Amah tung ah ih kinga tek a, thuhilhpa leh siansuahpa bang a, athu manh ding ahihi. Khasiangtho Pasian ahih akulna om maw leh? Kul takpi mah hi. Ama hihna ih theih takpi leh Ama Pasian hihna ciapteh in nei a, Ama sepnate thupi laak in ei khantohna vai ah leh kisiansuahna vaite ah Ama tung‟ ih kinga ding hi.
Khasiangtho Pasian ngiat in na nuntakna ah bang khiatna nei hiam? Pasian in na sung ah na sem in Ama sung a na pian theih nading bangin na nuntakna ah kikhelna hong piakna in bang zahta a lian kamciam hiam? Hih thu in bangh hang in hong tawisang akip akhoo thumann hi thei hiam?
Ngaihsut Beh Ding: E.G. White, “Misrepresentations of the Godhead,” pp. 613-617, Evangelism laibu ah sim in.
Tu kal sung ah ih muh mah bangin Khasiangtho Pasian ahihna pen Laisiangtho ah kitel mahmah hi. Khasiangtho in Pasian ahihi. Ahih hang in ih phawk ding thu in Khasiangtho vai ih ngaihsut ciangin Pasian thuthuuk vai ahihi. Athu omzia akigen nawi hi a: Pasian pianphung kitel zo ngeilo ahih manin, ei teldan pen ahi lian bang a ngaihsut khak ding hilo hi. Thumann thutak in Pasian ngiat i pianphung vai ah mihingte lungngaih theihna khuplet hi.
Tua ban pan in Khasiangtho, Pasian ahih vai ah thum gawm Pasian khat cih upna kheng lai pek hi. Pasian tung ah kinga in Pasian hotkhiatna nasep ahi Tapa tungtawn a Pa nasep Khasiangtho vangliatna tawh apiang ahihi. “Khasiangtho bang hiam cih ih telsuut hong kul lianlo hi. Khasiangtho‟ pianphung in thu thuuk ahihi. Mihingte gen siang theih hilo a, Pasian in hong theihsak thu zong hilo hi. Mihing in ngaihsutna tuamtuam tawh Laisiangtho mun pawl khat kaikhawm in Ama ngaihsut dan agen mawkte‟ thu sanna in pawlpi‟ tha khauh sak lo ding hi. Tua bang thuthuuk vaite pen mihingte teltheih ding in thuuklua a, daih khinkhian pen hoihpen ding hi” E.G. White, Sawltaakpite Nasep, A.A. pp. 51, 52.
Kikup Dingte:
1. Austrian philosopher Ludwig Wittgenstein in khatvei agelhna ah: "ih gen theihlohte kheng khiamang phot ni" na ci hi. Ama genna vai pen E.G. White genna vai tawh thu tuampi ahih hangin, azungpi khat ahihi. Tua ziak in Pasian vaite leh Khalam vai thute ah humuapna tawh hong kilaklote gen loh hoihzaw hi.
2. Khat veivei Pasian thu tawh kisai thute ah: ―Hih bang ngaihsut piakna khial leh bang supna baina om ding cih ih dot ding ahihi. Gentehna in: "Khazih pen Pasian hi takpi kei leh bang supna om ding?" Khasiangtho vai ah, “Khasiangtho pen Pasian hi takpi kei leh bang supna piang ding?” cih ngaihsun in.
3. Sepkhiatna vai ah anuai a thu in bang hong thei sak hiam? "Eite hong dimh ding Khasiangtho in huzaap mawkmawk hi lo in, atuanpian tha khatpeuh zong hi lo hi. Amah in Pasian hi a, kiniamkhiatna, zahtakna tak leh thumanhna tak tawh san’ ding ahihi. En Amah ih neihna vai hizaw lo in Amanh ei bang zah hong nei - ih vekpi, ipum itangg in maw, cih thu hita hi." - LeRoy Edwin Froom, The Coming of the Comforter, p. 159.
إرسال تعليق
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.