“Paakhuan Sungah Paina”

Nipi 4na (1st Qtr, 2017)

January 28                                                                                                                            Poland

“Paakhuan Sungah Paina”

(Agen: Dorota (Dolota)

            A neulai pek panin Dorota in Pasian’ aw za nuam mahmah hi. Poland gam ah hihbang aa lunggulhna a nei naupang om lo hi.

            Kum 5 bek a phaak pat hangin Dorota pen a pu tawh RC biakinn ah Sunday ni sim kikhawm uh hi. Sunday ni khat akikhop khit uh ciangin, “ Oh! Pu aw, hih biakinn ah Pasian aw za lo ka hih manin dah lua ing”, ci-in geenkhia vat hi.

            A pu in zong lopa pona khuanawl lam ah paipih in, “Tu in na lungsim leh na ngaihsutnate hong in la, suakta takin Pasian tawh na kiho thei ta hi. Pasian in hong za ding hi,” ci-in tha pia hi.

            “Ka lungdam lua hi, banghanghiam cih leh ka pu tawh khua nawl aa ka pai uh aa kipan Pasian’ aw za takpi ing,” Dorota in ci hi. Apu sih zawh tawlkhat khit ciangin, Dorota in, “Mival tawh kibang ing. Mi lak ah kihel zong nuam sa kei mai ing. Mi tampi’n Pasian tawh ka kizopna hong theihpih lo uh hi,” ci-in gen hi.

Cidamna Lam Buainate

            Hunte hong beito zel in, Dorota in nisim in Pasian’ tungah thungen a, Pasian tawh kinai takin, nungta hi. Amah in pasal nei in tapa khat leh tanu khat zong nei hi. Kamsiatna tawh Dorota pen hong cidam lo seem seem mawk hi. Nasia takin thu a nget hangin damtuam thei lo hi.

            “Thu nasiatak in na ngen hi. Pasian a om takpi hi leh cidam lo aa na om ding deih hetlo ding hi,” ci in hong kigen hi. Ahi zongin ka thunget ka khiam tuan kei a, Pasian in hong cidam sakkik ding hi. Hong nusia ngeilo ding hi. Pasian in hong ompih tawntung lam ka thei hi,” ci hi.

A cinatna vai in akibawl dingin England gam saklam ah zin ding khensat hi. Belfast khua hong tun ciangin Siavuan ten a veel ciangin natna mu lo hi. Sawt loin Dorota hong dam seemseem a, Belfast khuapi ii khanglam pan a gamla lo, Carryduff khuapi neu ah teen ding khensat hi.

Paakhuan Ah

            Dorota in paakhuan sung om nuamsa ahih manin a gol pianta atanu tawh tua huan sungah hong paikhawm zel uh hi. Nikhat, a nuta un Poland pau tawh kiho kawm in paakhuan ah hong vaak uh leh khuttawi phong tawh Poland pau aa mi tawh akiho nupi khat kampau za uh hi. Thakhat thu in nupi thumte nutate mai ah dingin nuihsan uh hi.

            Amau leh amau hong kipulaak in amau zong Poland gammi ahih na leh Ireland gam saklam a tunna thu gen uh hi. Hong kihoho uh ciangin biakna thu tawh hong kizom to a, cellphone (khuttawiphong) a zang nupi nu in a upna thu hong gen khia hi.

            Amah pen Seventh-day Adventist thu ummi khat ahihna gen in Baraba in amaute geel LaiSiangtho thu sin ding in sam hi. Dorota zong thukim hi. Lai Siangtho thu a sin kawmkawm un Barbara in Poland gam ah a om “Hope Channel” “Lametna Zawi” thu leh Poland kam tawh akigelh Sabbath School geelna thu pulaak hi.

Lawpna Tampi

            Lai Siangtho thu simna hangin Dorota pen lungdam mahmah a, Seventh-day Adventist biakinn ah kikhopni te ah kikhawm tawntung hi. A sawt loin kituiphum dingin Dorota in khensat himah ta leh a gam uah kiphum teekteek nuam hi.

            Tui kiphum dingin Poland ah a pai ciangin, a tanu in zui thei lo citciat ahihmanin Dorata kisik simsim hi. “Ka tate zong tuikiphum na ah hong kihel theih nadingin nakpi takin thu ka ngen hi. Tua mah bangin Hope Channel pan tuikiphumna Internet tawh ki lakkhia ahihman in ka tate zong kei tawh a hong om tawh a ki bang ahi hi. Ka innkuanpih te leh ka lawmte in “Hope Channel pan ka tuikiphumna na en thei uh hi. Lawpna, nuamna, tampi om aa, a na kapkap zong om uh hi”, ci-in lawptak in Dorota in gen hi.

Nai Khat Kicing Lo

            Ireland gam hong tunkik ciangin, Biakinn ah nai khat sungbek ka kikhawm zo kei” Dorota in ci hi. Kikhop man khit ciangin Dorota in Poland pau a zang a lawmte Sabbath School vai leh khalam thu pulaakna mun ah a hawh dingin sam hi.

            Poland gam aa Adventist a hilo a lawmte zong Poland pan aa thugenna Hope Channel a en, angai dingin zawn hi.

            “Cinatna tawh Ireland gam hong zuan sak Topa Pasian tungah ka lungdam mahmah hi” Dorota in ci  hi. “Pasian thei taktak ta in Seventh-day Adventist pawlpi thu zong thei kha kahih manin ka lungdam mahmah hi. tuin ka lungzuang nawn peuhmah kei. Ka inn, ka khua bang in ngaihsun ta ing” ci-in lawptak in genbeh lai hi.

Geelna Lian Khat

            Tu kuata Sabbath sawm leh thumna sumpi pen Poland Hope Channel ah aw khumna (Studio) innkhat a kilam nadingin kizang ding hi. Tu laitak in tualai ah nasem siate in Warsaw khuapi aa om Polish Union Conference zumpi nuai mun aneu mahmah na mun ah nasem uh hi.

            “Hih in geelna lianpi khat hi, banghanghiam cihleh awkhumna (Studio) thak khat kisam pha mahmah hi. Sia, siama te in a thupi mahmah na a sem uh hi a, Topa’ gam zai nadingin nasepna a nuam zaw mun, a tungzaizaw mun leh a kicingzaw vanzat tuamtuam kisam uh hi,” Dorota in ci hi.

            Studio thak kilam mateng Polish Union Conference zumpi nuai ah nasep kizom ding hi. “Hope Channel” geelna hangin Sabbath School lam leh thu dangdangte keima kampau teekteek tawh en thei ngai thei ka hih manin lungdam thu ka ko nuam hi. Hih Hope Channel pen gamdang mun tuamtuam aa om Poland minam te aadingin huhna lianpi khat ahihi,” Dorota in ci hi.

            “Poland gam ah a kibawl ding camp ah ka tanu tawh ka pai khop nop hangin vanleng saap tam lua hi. Ka pai theih kei zenzen uh leh zong “Hope Channel pan limtak in ka en ka ngai thei ding uh hi”, ci-in Dorota in gen zom hi.

**********