Chapter 7 NUNGZUI-HIHZIA SITTELNA

“Mi khat peuh Christ sungah aom leh, amah apiang thak ahi hi; alui nate bei mangin, na khempeuh athak asuak hi.” (2 Corinthians 5:17).

Mi khat in ama kikhelna ah a hun lian ahi zongin, amun ahi zongin, athupiang khempeuh suutin gen thei khol lo ding hi; ahi zongin tua in amah a kikhel lo ahih lam alak hi tuan lo hi. Christ in Nicodemus kiangah, “Huih a utna lam peuh ah nunga, aging bek na za hi; ahi zongin koi pan hong pai-a, koi lam va tung hiam cih na gen thei kei hi. Tua hi-a Kha Siangtho a suak khempeuh zong tua bang mah ahi hi,” ci hi (John 3:8). Huih a kimuh theih loh hangin a nasepnate kimu-in kithei thei ahih mah bangin, Pasian’ Kha in mihing’ lung sungah na a sepna zong kimu-in kithei thei hi. Mihing’ mit in amuh theih loh tua pian thak theihna vangg in mihing’ sungah nuntakna athak guan hi; Pasian’ lim asuun ding mi thak khat piang sak hi. Kha’ nasepna pen kimu thei lo ahih hangin, A nasepna pan a apiang pen hong kilang khia veve hi. Pasian’ Kha in lungtang athak sak nak a leh, nuntakna pan tua thu hong kithei khia ding hi. Eite in ih lungtangte neu kha zong ih kheel thei kei-a, Pasian tawh a kilem dingin ih kibawl thei kei hi; ahi zongin ih sungah Pasian’ hehpihna a om leh a om loh ih nuntakna ah hong kilang ding hi. Sepna bawlnate, zongsatnate le, zia-le-tongte ah kikhelna hong kimu ding hi. Ni dangin bang ci ngei-a, tu-in bang ci ta, cih a kilamdanna hong kitel ding hi. A pha-a gamtat zelna le asia a gamtat zelna tawh hi lo-in, kampau ngei zelte le gamtat ngei zelte tawh zia-le-tong a (58) kilang hizaw hi.

Christ’ pian thak sakna om lo pi-in, a puatham a kibawl phatna pen a om thei mah ahi hi. Huzap neih nopna le midangte’ thupi seh ding utna hangin nuntak hoih a nei om thei mah hi. Ei le ei kithupi seh nopna hangin ih siatna a dawk ding zong ki-ut lo thei hi. Huaiham sa pipi-in citna le siamna zong kibawl thei hi. Tua ahih leh kua’ lam ah apang zaw ih hiam cih, bang tawh khen tel thei ding ih hiam?

Lungtang a nei kua hiam? Ngaihsutnate kua tawh om hiam? Kua’ thu gengen nuam ih hiam? Eite Christ a’ ih hih leh ih ngaihsutnate Amah tawh om dinga, Ama thu bek mah ngaihsut in kinei ding hi. Ih neih ih lam khempeuh Amah ki-ap ding hi. Ama lim kipua nuam leh, Ama hu kidiik nuamin, Ama deih bang kisem nuam a, na khempeuh ah Amah kilungdam sak nuam ding hi.

Christ Jesu’ sunga piang thak ahite in Kha gah ahi, “Ki-itna, lungdamna, lungnopna, lungduaina, lungnemna, hoihna, upna, kiniam-khiatna, kidek-kidamna,” cihte gah khia ding hi (Galatian 5:22, 23). Ni danga a lunggulhnate bangun gamta nawn lo-in, Pasian’ Tapa a upna uh tawh Ama khekhapte zui-in, Ama zia-le-tong kilang khia sakin, Amah a siantho mah bangin amaute zong siangtho ding uh hi. Ni danga a muhdahte uh tu-in hong it ding uha, ni danga a it ngei te uh tu-in hong mudah ding uh hi. Kiphasak a a kiliansakte hong lungneem in hong kiniam khiat ding uh hi. Kihisak a a kisatheite, hi hithiatin hong thunuam ding uh hi. Zu a khamkhamte hong pil ding uh a, a paktatte hong siangtho ding uh hi. Leitung kiphatsakna ngeina le kizepnate hong hem khia ding hi. Christian-te in pua lam kizepnate hong kin nawn lo-in, (59) lungnemna le lungsim hoih tawh kizepna ahi, a kisia thei lo sung lam mi, hih ding kin zaw ding hi (1 Peter 3:3, 4).

Kipuahphatna apian sak kei leh kisikkikna pen a taktak a hihna a kilatna om lo hi. Mawh nei mi in a kamciam bangin asep kik a, asuhsa nate loh kik in a mawhnate thuum a, Pasian le a mihing-pihte a it ciangin, sihna panin nuntakna ah a galkah ta ahih lam kitel thei hi.

A khial pipi, a mawh pipi mah in eite in Christ zuan a, Ama mawh maisakna thupha ih saan ciangin, ih lung sung pan itna hong po khia hi. Van gik khempeuh hong zang ta hi, banghang hiam cihleh Christ’ hong suat hakkol apuak nuam hi. Hih dingte a nuam hong suakin, kipiakkhiatna dingte lungdamna hong suak hi. Ni danga khuamial’ tuamcip abang lampi pen tu-in Dikna Ni pan a nizangte tawh hong taang hi.

Christ’ zia-le-tong a pahtak huaina pen A nungzuite’ sung ah hong kimu ding hi. Christ in Pasian’ deih bangbang sep ding nuam sa hi. Pasian itna, Ama min thansak-nopna, cihte in ih Honpa’ nuntakna a uk vanglian tha ahi hi. Itna in Ama gamtatna khempeuh etlawm sakin gamta zo sak hi. Ki-itna pen Pasian a’ ahi hi. A ki-ap lo lungtang in tua itna nei thei lo hi. Jesu a tenna lungtang sung bek ah itna kimu thei hi. “Pasian in eite hong it masa ahih manin, eite in Amah ih it hi,” (1 John 4:19). Pasian’ hehpihna hanga a thak suah lungtang sungah itna in gamtatna zungpi ahi hi. Zia-le-tong hong puahpha hi; ngaihsutnate hong uk hi; lungsonate hong len hi; kitotnate daai sak hi; ki-itnate khang sak hi. Lung sunga a teeng hih bang itna in, gamtat et lawm sakin, kim-le-pam ah huzap hoih nei sak hi.

Pasian’ tate – a diakdiakin Pasian’ hehpihna hong muang cilte – a kidop mahmah ding uh a lauhuai thu nih om hi. A khatna pen, ih gen sa mah bangin, Pasian tawh a kilemna ding (60) uh a amau’ sep theih khat peuh suanga, amau’ sepna tawh hanciamna ahi hi. Thukham zui-a ama sepna tawh siantho ding a hanciam mi in, apiang zo lo ding pi khat a kipan ahi hi. Christ tawh lo-a mihing’ hih theih khempeuh ah huaihamna le mawhna baang kim hi. Eite ahong siangtho sak thei ding pen upna tungtawn a Christ’ hong hehpihna bek mah ahi hi.

Hih thu tawh kileh bulh napi, a lau huai veve khialhna dang khat in: Christ ih upna in Pasian’ thukham zuihna ding panin hong khah khia hi; upna bek mah tawh Christ’ hehpihna a ngah ih hih ciangin, tatkhiatna pen sepna tawh bangmah kisai lo hi, cih thu ahi hi.

Ahi zongin, thumanna ih cih in a puatham a zuihna bek hi lo-in, itna i nasep ahi hi. Pasian’ thukham in Ama pianzia mahmah a hong kilatna ahi hi; tua tham lo-in itna thuguipi kituahna hi lai hi; tua ahih manin Pasian in lei le van ukna in zang pah hi. Pasian a’ tawh kibangin ih lungtangte hong kibawl thak hen la, ih lung sungah Pasian’ itna hong kituh leh, Pasian’ thukham ih nuntakna ah hong kilang khia mah lo ding hiam? Itna thuguipi ih lungtang sungah hong kituh ciangin, amah a piang sak Pa’ lim bangin mihing a kibawl thak ciangin, “A lung sung uh ah ka thukhamte ka guang dinga, a lungtang tung uh ah ka gelh ding hi,” cih thuciam thak hong picing ding hi (Hebrews 10:16). Lungtang tungah thukham kigelh leh tua in nuntakna zuun mah lo ding hiam? Thumanna in itna’ nasep le gamtatna ahih manin, nungzui-hihna lim taktak ahi hi. Tua ahih manin Lai Siangtho in, “Pasian’ thupiakte zuihna in Amah itna ahi hi.” “Amah ka thei hi, ci napi-a, Ama thupiakte a zui lo mi in, zuau agen hi-a, Ama sungah thutak a om kei hi,” ci hi (1 John 5:3; 2:4). Thu zuihna ding pan hong khah khia ding hi zaw lo-in, (61) upna taktak ih neih ciangin, Christ’ hehpihna a ngah ki hi-in, tua in thumanna hong nei thei sak hizaw hi.

Thumanna tawh gupna kingah lo hi; gupna pen Pasian’ hong piak khong hi-a, upna tawh saan ding ahi hi. Ahi zongin thumanna pen upna’ gah ahi hi. “Ih mawhnate a la khia dingin Amah hong kilang ahih lam na thei uh hi; Ama sungah mawhna a om kei hi. Ama sungah a om mi in mawhna ahih kei hi. Mawhna ahih mi in Amah a mu nai lo, a thei nai lo ahi hi” (1 John 3:5,6). Hiah sittelna a maan om hi. Eite Christ’ sungah ih om a, Pasian’ itna ih sungah aten leh, ih lungsim, ih ngaihsutna, ih ngimna le ih gamtatnate, Ama thukham siangtho sunga hong kilang khia bangin Pasian’ deihna tawh hong kilem ding hi. “Ka ta neute aw, kuamah kikhemsak kei un. Topa midik ahih mah bangin dikna ahih mi in midik ahi hi” (1 John 3:7). Dikna pen Sinai mual a hong kipia thupiak sawm sunga hong kilak bangin Pasian’ thukham siangtho tawh sit lehang kithei thei hi.

Pasian’ thu manh nading pan a mite hong khah khia dinga agen uh Christ upna a kici pen, upna hi lo-in upmawh ahi hi. “Upna panin hehpihna tawh gupna a ngah na hi uh hi.” “Upna in gamtatna a neih kei leh asi ahi hi” (Ephesians 2:8; James 2:17). Leitung ah a hong pai ma-in Jesu in Ama thu na gen a, “Ka Pasian aw, Nangma deih bang hih ding ka lawp hi. Hihi, Na thukham ka lung sungah om hi,” ci hi (Late 40:8). Vantung a kah toh ma deuhin zong, “Ka Pa’ thupiakte ka zui-a, Ama itna sungah ka om hi,” ci hi (John 15:10). Lai Siangtho in, “Ama thupiakte ih zuih leh Amah athei ih hih lam kithei hi;…Ama sungah ka om hi a ci mi in, (62) Topa’ gamtat banga a gamtat ding ahi hi.” “Bang hang hiam cih leh eite a’ dingin Christ in gimna hong thuak a, Ama khekhap na zuih theihna dingun; lim hong nusiat hi,” ci hi (1 John 2:3-6; 1 Peter 2:21).

Tu-in zong tawntung nuntakna ih ngahna ding pen thu om ngei sa – ih nu le ih pa masate apuk ma uh a Paradise a a omsa bangin, dikna kicing ahi, Pasian’ thukham akim a zuihna ahi hi. Hihci bang nunzia picing lopi in tawntung nuntakna hong kipia mawk leh, khuavannuai buppi’ nopsakna lauhuaisak dinga mawhna hanga apiang lungkhamna le buaina khempeuh le, mawhna mahmah ahin tawntung nadinga lampi akihong suak ding hi.

Adam in apuk ma-in Pasian’ thukham a zuihna tawh zia-le-tong adik nei thei hi. Ahi zongin amah in tua pen sem zom lo ahih manin ama mawhna hangin ih pianzia mahmah hong kisia a, a diktang dingin ei le ei ih kibawl thei kei hi. Mawhna tawh kidimin siangtho lo ih hih manin, thukham siangtho ih zui kim zo kei hi. Pasian’ thukham in ahong kalhte acin zo dingin dikna bangmah ih nei kei hi. Ahi zongin Christ in ih suahtakna ding lampi hong bawlsak zo hi. Ei’ thuak ding ze-etna le mawh zolnate’ lak hih leitung mah ah mawh neilo in Amah hong nungta hi. Eite a’ dingin hong si a, tu-in ih mawhnate hong laak khiat sak ding le Ama dikna hong pia dingin om hi. Ama tungah nang mahmah kipia-a, na Honpa dingin Amah na saan leh, na nuntakna bang zahta-in mawhna dim taleh, Ama hangin nang midikin hong kisim ding hi. Nangma zia-le-tong tangin Christ’ zia-le-tong hong kikham ahih manin, mawhna a bawl ngei het lo bangin Pasian’ mai-ah nang hong kisang ding hi.

Tua tham lo in Christ in lungtang hong kheksak hi. Upna tawh na lung sungah Amah hong om hi. Upna pan a Christ tawh na kizopna leh na lungsim Amah na piakna pen na kip (63) tawntung sak ding kisam hi; tua banga na hih lai teng, Ama lung kimna bangbang hih nopna le hih zawhna na neihna dingin na sungah Ama’n na hong sem ding hi. Tua hileh nang zong, “Tu-a pumpi tawh ka nuntakna in kei hong it a, kei’ a dinga hong kipia Pasian’ Tapa upna tawh a nungta ka hi hi,” na ci thei ding hi (Galatians 2:20). Nungzuite’ kiang ah zong Jesu in, “A paupau pen no na hi kei uh a, note’ sungah a hong pau na Pa’ uh Kha ahi zaw hi,” ci hi (Matthew 10:20). Na sunga na a sem Christ hangin, nang zong tua bang lungsim le dikna i nasep le thumanna ahi gamtatphate mah na nei ding hi.

Tua ahih manin eite in kisialh pih ding bang mah ih nei kei hi. Ih kiphatsakna ding zong om lo hi. Lametna khat bek ih nei-a, tua in, ei hong kipia Christ’ dikna le, ih sung le ih tung tawna Kha Siangtho’ nasepna bek mah ahi hi.

Upna thu ih gen tak ciangin, lungsim a ih phawk den ding thu khat om hi. Upna tawh a kilamdang kilkel upna tuam khat om hi. Pasian om takpi a hihna le A vangliatna, Ama thu a maanna, cihte, Satan le a pawlte in a nial theih het loh thute ahi hi. Lai Siangtho in, “dawite in zong umin a ling uh hi,” ci hi (James 2:19). Hih pen upna bucing hi lo hi. Pasian’ thu upna saanna ciang bek hi lo, lungtang Amah pia in, Amah bek lunggulh a, lungsim khempeuh Amah apna hong om ciangin upna bucing a om hipan hi. Tua pen itna tawh gamta-a, mihing a siangtho sak upna ahi hi. Hih upna tung tawnin Pasian’ lim a sun dingin lungtang kibawl pha hi. A kibawl thak ma-in Pasian’ thukham a mang nuam lo, zong a mang thei lo lungtang in tu-in thukham siangtho sungah nuam hong sa-in, la phuak siam pa bangin, “Na thukham ka paakta mahmah hi. Sun thapai-in ka ngaihsunsun hi,” hong ci ding hi (Late 119:97). “Ci le sa’ deihna bangin gamta lo-a, Kha Siangtho’ deihna banga gamta,” thukham’ dikna pen ih sungah hong kicing (64) ding hi (Romans 8:1).

Christ in itna tawh mawhna a maisakna thu thei a, Pasian’ ta a suak nuam takpi mi om hi napi-in, amaute in a zia a tong uh kicingtaak lo, a nuntakna uh mawhna tawh kidim ahih lam phawk in, Kha Siangtho in amau’ lungtang abawl thak sak leh abawl thak sak loh zong hong um lah lai uh hi. Tua bang mite’ kiangah, lungkia-in ton kik kei un, ka ci nuam hi. Ih ginat lohnate le ih khialhnate hangin Jesu’ khe phung ah ih kun zelzel zaw dinga, ih lungkia kei ding hi. Galpa in ahong zo ahi phial zongin, eite hong kipaai khia lo hi; Pasian in hong nusia lo, hong nolh lo hi. Eite’a dinga thuum sakna palai asem Christ pen Pasian’ ziat lamah om hi. It luat John in, “Mawhna na bawl lohna dingun hih thute kong gelh hi. Mi khat peuh a mawh leh, midik Jesu Christ ahi palai khat Pa’ kiangah ih nei hi,” ci hi (1 John 2:1). Christ in, “Pa mahmah in note a hong it hi,” a cih pen mangngilh kei un (John 16:27). Ama a ding mahmahin Amah in note hong bawlpha nuam a, note’ sung panin Ama hoihna le sianthonate a kilat khiat ding mu nuam hi. Note ut takpi in no mahmah Ama tungah na ki-ap uh leh, note’ sunga gamtat pha ahong pan khia pa in Jesu Christ hong pai kik ni dongin sem pai suak ding hi. Nakpi takin thu ngen zaw unla; um pha sem zaw un. Eima hatna ih kimuan loh ciangin, hong Tanpa’ hatna muang ni; tua hileh ih meel ih sa ii cidamna ahi Amah ih phat ding hi.

Jesu’ kiang nai semsem lecin, nang mahmah mawhna adim pi-in na kimu ding hi; na khuamuhna hong siang zaw ding ahih manin, nangma kicin lohnate pen Ama pianzia (65) kicing tawh kikhai lua ahih lam kimu ding hi. Tua pen Satan’ khemna in hong zo lo ahih lam, Pasian’ Kha in nakpi-in nang’ sungah na sem ahih lam a kilatna ahi hi.

Ama mawhna aphawk taktak lo lungtang sungah, Jesu itna taktak om zo lo hi. Christ’ hehpihna tawh a kikhel mi in, Ama zia-le-tong siangtho hong paakta ding hi; ih gamtat a ginat lohna ih muh kei a leh, Christ’ hoihna le phatna a mu tel nai lo ih hih lam tua in tel tak a ahong kilangsak ahi hi.

Ei le ei ih kimuh neu semsem ciangin, Honpa’ sianthona leh ngaihbanna ih lian muh semsem hi. Ih mawhna ih muh telna in, a maisak thei Pa’ kiangah hong hawlin Kha in hong naisak hi; ama cihmawh lam tel a Christ a zaph ciangin’ Christ mahmah A vangliatna tawh hong kilang hi. Ih kitangsapna ih phawkna in, Ama kiang le Ama thu lamah hong hawl semsem ciangin, eite in Ama zia-le-tong a pahtak huai zaw semin ih nei dinga, Ama lim a kicingzaw in ih kilang sak thei ding hi.