NEKKHAWM NEK MA IN KHE KISILSAK KUL LAI MAW?
John 13:1-17 a Jesu in a nungzui te a thupiak pen ei tu laitak a Pasian tate sep ding thu hi. Khe kisil-sak cih pen hi bangin kimu thei hi:
1. Laisiangtho lui lai in amau te a ki leng-naat uh ciangin, khat le khat ki-zahtakna, ki-niamkhiatna, ki-itna leh kilemna lahna in ki-nam in, ki-kawi in, tua khit teh lengna te uh tusak, khedap suahsak in a khe silsak uh hi. (Gen 18:4; 19:2; 24:32; 43:24; 1 Samuel 25:41)
2. Topa Jesu in anungzui te‟ khe asilsak ciangin a theihsak thu-te zong Laisingtho Lui sung mah tawh ki zawi mahmah hi.
a. Khat le khat ki-niamkhiat in, mawhna ki-maisak ding cih thu hi.
b. Jesu in Peter tungah agen mah bangin Pasian tawh „kisaina‟ lahna hi lai hi. John 13:8
3. Athupi mahmah khe ih ki sil sak na in, a. Khe ki-silsakna ih neih hun sung leh ih man khit ciangin nekkhawm nekna ah lut huai ih hi hiam cih kitel kul hi. Atung a thute mah bangin ih lungsim ih ki-niamkhiat khin hiam, khat le khat ih mawhna te ih ki-maisak khin zo hiam cihte leh Jesu in a sisan tawh ei mawhna pan hong tan a ih mawhna te hong maisak takpi bangin kei zong mite mawhna ka maisak zo hiam cih ki-sittel masak ding ahi hi. Tua hileh nekkhawm sung ih lutna hangin Pasian pumpi sungah pumkhat suakin, Jesu hong itna leh hong tatkhiatna tungtawn in hong luang khia damna thupha te ih ngah pan ding hi. [1 Cor. 10:16, 17; 11:23-30; Matt. 26:17-30; Rev. 3:20; John 6:48-63; 13:1-17] [SDA Bible Commentary Vol.5 Pp. 1139; Spiritual Gifts Vol.3, Pp 226-7]
b. Tua ahih manin khe kisilsakna na neih sungin na lungsim sungah na puak ding lungsim te na neih zawh kei aa na kizawh kei leh nekkhawm nekna ah lut huai lo hi cih thu hi. Ki-khelna omlo pi in ih lut ciangin eite nekkhawm nekna in bangmah thupha omlo in hamsiatna tam zaw hi.
c. Jesu in anungzui te khe kisilsak ding ahilhna in, “akha uh leh a nuntakna uh ah amaute a ninsak thei zel a mawhna te uh sawpkhiatna leh siangthona an-gahna ding uh ahi hi.” (Matthew Henery‟s Concise Commentary, John 13:1-17)
4. Tua leh Pawlpi ah tam zaw ten Bang hang zang lo ahia????
a. A tatak in pawlpi pawlkhat te in khe kisilsakna abawl loh uh pen bang hang hiam cih abulpi om tuanlo hi. Jews minam te‟ ngeina ahih lelna leh mi-hing te gupkhiatna tawh kisai lo hi cih thu hi. b. A tatak in theologian (Laisiangtho siamte leh Bible commentaries) atam zaw in khe kisilsakna pen zat ding mahin lungkim uh ahih hang… c. khangthak upna ahi Khasiangtho nasepna thupi zaw hi cih upna tawh ih lungsim sung ciat ah ih mawhna ciat Pasian tung pulaak in, khat le khat mawh ki-maisak in ki-niamkhiatna lungsim nei ciat peuh leng, ci le sa tawh khe kisilsakna akul tuanlo hi cih upna tawh hi.
d. 1818 ciangciang Chrisitian te in khe kisilsakna zang lai ahih hang tuhun in upna makai te i thu muh thakna leh lungsim ngaihsutna thakte hangin khe kisilsakna abei bei hi lel hi cih himai hi. Ahih hangin khe kisilsakna azang zong pawlkhat om lai hi. [Wikipedia]
5. Topa Jesu thu-hilhna (teaching) in kician mah-mah in bangmah lung hihmawh nang omlo leh up lah nang omlo a, Daniel leh Mangmuhna Laisiang-tho te bangin akhiatna in‟ mangmuhna leh mai lam thupiang ding genkholhna, gentehna (prophecy/ Symbolic/Law) ahih loh manin khe kisilsakna pen Pasian mite in Pasian kiang pan in siangthona leh mawhmaina ngah na hi.
Laisiangtho cih mah bangin eite khat le khat ih mawhna te ih ki-maisak zo kei leh Pasian kiang panin mawhmaina ngah zolo ding hihang (Matthew 6:14). Jesu i lungsim puak bangin khat le khat itna tawh ih neihsa te, ih thatang mahmah, ei pumpi ih ki-it bangin khat le khat Jesu sungah ki-itna ih ki-lahna in leh ih mawhna te Jesu in hong sawp siang sak aa siangthona ih ngah nang khe a kisilsak ih hihna thu ahi hi.
Sia Mangpu
John 13:1-17 a Jesu in a nungzui te a thupiak pen ei tu laitak a Pasian tate sep ding thu hi. Khe kisil-sak cih pen hi bangin kimu thei hi:
1. Laisiangtho lui lai in amau te a ki leng-naat uh ciangin, khat le khat ki-zahtakna, ki-niamkhiatna, ki-itna leh kilemna lahna in ki-nam in, ki-kawi in, tua khit teh lengna te uh tusak, khedap suahsak in a khe silsak uh hi. (Gen 18:4; 19:2; 24:32; 43:24; 1 Samuel 25:41)
2. Topa Jesu in anungzui te‟ khe asilsak ciangin a theihsak thu-te zong Laisingtho Lui sung mah tawh ki zawi mahmah hi.
a. Khat le khat ki-niamkhiat in, mawhna ki-maisak ding cih thu hi.
b. Jesu in Peter tungah agen mah bangin Pasian tawh „kisaina‟ lahna hi lai hi. John 13:8
3. Athupi mahmah khe ih ki sil sak na in, a. Khe ki-silsakna ih neih hun sung leh ih man khit ciangin nekkhawm nekna ah lut huai ih hi hiam cih kitel kul hi. Atung a thute mah bangin ih lungsim ih ki-niamkhiat khin hiam, khat le khat ih mawhna te ih ki-maisak khin zo hiam cihte leh Jesu in a sisan tawh ei mawhna pan hong tan a ih mawhna te hong maisak takpi bangin kei zong mite mawhna ka maisak zo hiam cih ki-sittel masak ding ahi hi. Tua hileh nekkhawm sung ih lutna hangin Pasian pumpi sungah pumkhat suakin, Jesu hong itna leh hong tatkhiatna tungtawn in hong luang khia damna thupha te ih ngah pan ding hi. [1 Cor. 10:16, 17; 11:23-30; Matt. 26:17-30; Rev. 3:20; John 6:48-63; 13:1-17] [SDA Bible Commentary Vol.5 Pp. 1139; Spiritual Gifts Vol.3, Pp 226-7]
b. Tua ahih manin khe kisilsakna na neih sungin na lungsim sungah na puak ding lungsim te na neih zawh kei aa na kizawh kei leh nekkhawm nekna ah lut huai lo hi cih thu hi. Ki-khelna omlo pi in ih lut ciangin eite nekkhawm nekna in bangmah thupha omlo in hamsiatna tam zaw hi.
c. Jesu in anungzui te khe kisilsak ding ahilhna in, “akha uh leh a nuntakna uh ah amaute a ninsak thei zel a mawhna te uh sawpkhiatna leh siangthona an-gahna ding uh ahi hi.” (Matthew Henery‟s Concise Commentary, John 13:1-17)
4. Tua leh Pawlpi ah tam zaw ten Bang hang zang lo ahia????
a. A tatak in pawlpi pawlkhat te in khe kisilsakna abawl loh uh pen bang hang hiam cih abulpi om tuanlo hi. Jews minam te‟ ngeina ahih lelna leh mi-hing te gupkhiatna tawh kisai lo hi cih thu hi. b. A tatak in theologian (Laisiangtho siamte leh Bible commentaries) atam zaw in khe kisilsakna pen zat ding mahin lungkim uh ahih hang… c. khangthak upna ahi Khasiangtho nasepna thupi zaw hi cih upna tawh ih lungsim sung ciat ah ih mawhna ciat Pasian tung pulaak in, khat le khat mawh ki-maisak in ki-niamkhiatna lungsim nei ciat peuh leng, ci le sa tawh khe kisilsakna akul tuanlo hi cih upna tawh hi.
d. 1818 ciangciang Chrisitian te in khe kisilsakna zang lai ahih hang tuhun in upna makai te i thu muh thakna leh lungsim ngaihsutna thakte hangin khe kisilsakna abei bei hi lel hi cih himai hi. Ahih hangin khe kisilsakna azang zong pawlkhat om lai hi. [Wikipedia]
5. Topa Jesu thu-hilhna (teaching) in kician mah-mah in bangmah lung hihmawh nang omlo leh up lah nang omlo a, Daniel leh Mangmuhna Laisiang-tho te bangin akhiatna in‟ mangmuhna leh mai lam thupiang ding genkholhna, gentehna (prophecy/ Symbolic/Law) ahih loh manin khe kisilsakna pen Pasian mite in Pasian kiang pan in siangthona leh mawhmaina ngah na hi.
Laisiangtho cih mah bangin eite khat le khat ih mawhna te ih ki-maisak zo kei leh Pasian kiang panin mawhmaina ngah zolo ding hihang (Matthew 6:14). Jesu i lungsim puak bangin khat le khat itna tawh ih neihsa te, ih thatang mahmah, ei pumpi ih ki-it bangin khat le khat Jesu sungah ki-itna ih ki-lahna in leh ih mawhna te Jesu in hong sawp siang sak aa siangthona ih ngah nang khe a kisilsak ih hihna thu ahi hi.
Sia Mangpu
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.