Sinna 2: Kikingkalhna Lianpi

Nipini (Sabbath) Nitak lam   Oct. 1

Nipini (Sabbath) Nitak lam Oct. 1
Sim Dingte: Job 1:1-5; Job 1:6-12; Zech.3:2; Matt. 4:1; Ezek. 28:12-16; Rom. 3:26; Heb. 2:14.
Kamngah: Topa in Satan kiang ah, “Satan aw, Topa in nang hong tai hi. Jerusalem a it Topa in hong tai hi. Hih Joshua pen, mei khuk sung pan a kiteennkhia singkhuah tawh kibang hi” aci hi. (Zechariah 3:2)

Laisiangtho lui leh thak sung mun tuamtuamte ah Pasian leh Satan kikal avengg ngeilo kidona tuamtuamte ah sialehpha kikal vannuai bup leh mimal vai tuamtuamte ah hong kidawk thei zel hi. Hih munte ih etkaakna tungtawn in thumann omzia Laisiangtho sung thute tungtawn in akicianzaw in en in ih mu thei tuam semsem toto hi.” - The Hand Book of SDA Theology, p. 969. Kikiangkalhna thu omziate in hih thute “atomkaih” a Laisiangtho sung a thute leh hotkhiatna thu geelnate ih telsiam zawk nang in hong panpih hi. Laisiangtho thak ah akitel zawk hangin Laisiangtho lui ah zong kimu thei hi. Laisiangtho lui sung ah Satan leh hih buaina vai hong siang muh sak theizaw leh ih nuntak hong huzaap theizaw Job thubu kan omlo hi. Tu kal sung in Job thubu pan a zaizaw in hih vaibuai omzia Job thubu hong lahna ih ento ding hi. Job vai leh ei vaite akilamdan hang in akibang thu khat ah: Job bang mah in hih vaibuai lak ah ih kihel tek hi. *Oct. 8, Nipini adingin tu kal sinnate hong kiging in maw?

Nimasani (Sunday) Oct. 2
Leitung ah Van Nunno Khat
Job thubu thu hoih tawh hong kipan phot hi. Leitung muhna pan in na khempeuh ah thupha asang mipa khat ih mu hi. Job 1:1-4 sim in. Hih munte in Job nuntakzia hong koici lah hiam? Job nuntak ahoih bangci bang teng hiam? ______________________________________________________________ ______________________________________________________________
Job bel kitangsap anei lo adikkim hih tuak hi. Job 1:1 ah “kawk bang lo” cih pen “kicing” ahihkeh “muanhuai” cihna zong suak thei hi. A “dikkim” cih pen “tang” tangpai cihna suak thei hi. Atom in hih thubu pen Eden abang mun a mihau mimuanhuai micitak hawmthawh kailo mipa khat thu ahihi. Mawhna dim leitung a deih teng anei kim ahihi. Job 1:5, 6 sim in. Job tenna mun mawhna dim sim lei ahihzia hih munte in bang hong lak hiam? ______________________________________________________________ ______________________________________________________________
“Atate in gualnop abawlkawm un Pasian alungkim sak loh khak ding uh patau hi. Innkuan siampi ahih mah bangin amaute ading biakpiakna bawl sak ciat hi. Amah in mawhna‟ huathuaizai theitel a, atate‟n Pasian awlmawh lohna peuh nei kha le uh ci in amau tangin thumna bawl sak hi.” - E.G.White, 3 SDA B.C. p. 140. Job in bel ama hih theih tawp, ahoih pen in bawl hi. Ama nuntak Eden bang a nopci in hong kipulak a, innkuan picing, min hoih minpha leh neihlehlam akicing mahmah ta zongin mawhna adim leitung hi a, hih bang mun a nuntak alauhuaizia hong phukha ding hi. Na nun sung in ahoih apha bang teng na ngah kha hiam? Tua te ah lungdam takin lungkimna bangci ngah thei ding na hi hiam? ______________________________________________________________ ______________________________________________________________


Ninihni (Monday) Oct. 3
Vannuai Buaicip Mang
Job thubu pen lungmuanna tawh akidim laitak keek mah in leitung ah hong kipankhia hi. Tua bangin alian 1 aneu 6 na pan in azia hong kilaih hi. Pasian theihsakna lo tawh mihingte‟ theihzawh loh ding thu hong piang hi. A lungngaih huai hih vai pan et pak in, vantung pen leitung zah nangawn in lungmuan huai lo khat hong bangh hi. Job 1:6-12 sim in. Hih munte telsin kik ding ihi ta zongin bang thu piang mawk hiam? Leitung ah Job vai hong koici kilamdan mawk hiam? ______________________________________________________________ ______________________________________________________________ ______________________________________________________________ ______________________________________________________________
Hih vai ah ih kansuut ding thu tampi hong om hi. Telescope te‟ muh theih khak loh leh phawk khak bekloh khat hong ki pholaak hi. Vannuai ah thubuai gawp khat om cih thu hong kilangh hi. Lungnuam tak a kiho hithiat vai hi lo hi. Hih mun ah Pasian in Job apaaktat vai, pa‟te in tate a kisaktheihpih dan bang keek khat hong suak hi. Satan in lah Job vai na zahpih bawl sawnlai hi. Tua bangin Satan in Topa adawnkikna ah, “Job in bel azahtakk mawk ahi beek mah hiam? maw” ci selai hi (Job 1:9). Satan kampau zia ah kona, kawkna, tawnbawlna tawh kidim hi.

Hih vai vantung a thupiang hi cih akigen lian loh hangin vantung na hi gige mawk hi. Hih mun ah piansak vantung mi khat in piansakdangte (“Pasian tate”) muhna ah Pasian atawnbawl gawp ahihi. Leitung uliante khat tua cih ding pen ngaihsut bek zong baih lo hi a, tu‟n Pasian ngiat atua cih hi liangzen hi. Akoici bang hi mawk hiam?

Adawnna bel Laisiangtho mun dangdangte a genna tuamtuamte pan kimu thei hi. Tua pen kikingkalhna lian kici a, hih vai in Job thubu bek hi lo in Laisiangtho buppi ih telsiam nangin hong panpih a, leitung ah mawhna leh thuaksiatna hong piankhiatzia a dahhuai thu hong pholaak hi. A thupi zawlai ah, hih thu in singlamteh tung a, Topa Zeisu in hong sepkhiat thute vai ahi mawhna leh thuaksiatna vaite hong telsiam theizaw sak hi.


Nithumni (Tuesday) Oct. 4
Leitung Ah Buaina 
 Jobthubu in dalna puan khat hawkkhia in imit ibilte leh leitung lungngaihna tuamtuamte‟ hong lah theih ngeiloh ding thu omzia hong lak ahi hi. (Hih thu in tu lai imuh izak ingaihsutnate atoizia hong lak suak mawk hi!). Hih munte ah zong Pasian leh Satan kikal kilangneihna hong lak hi. Vantung a thupiang kikingkalhna vai Job thubu ah hong kigen masakpen hangin leitung ah a kikhin pahlian na hizaw hi. Laisiangtho sung ah hih buaina vai akawk mun tampi kimu thei a, ei te mahmah zong kipengg lo hi.

Anuai a munte sim in. Leitunga a siahuai vangliatnate tawh kigalneihna vai hong koici lah hiam? Pian. 3:1-4 ___________________________________________________ ______________________________________________________________
Zech. 3:2 ______________________________________________________ ______________________________________________________________
Matt. 4:1 ______________________________________________________ ______________________________________________________________
I Pet. 5:8 ______________________________________________________ ______________________________________________________________
I John 3:8 ____________________________________________________ ______________________________________________________________
Mang. 12:9 ____________________________________________________ ______________________________________________________________
Hih munte in tampi om lak a, ih kaihkhop pak hi a, suuksia mahmah dawi a om lamtak tel takin kawk hi. Mitampite‟n Satan pen tangthu khat bang mawk bek in angaihsut uh hangin Laisiangtho in hong telgen mahmah ahih ciang ngaihsut khialh loh ding ahi hi. Tu mah a na muh theih Satan nasepnate ataktak ahihzia bang te khawng hiam? Ei kidal theihna’ omsun bang hiam?


Nilini (Wednesday) Oct. 5
Job pen Tellahna Neuno Khat Bangin 
Job thubu patna ah vai thupi pawl khat hong dawk hi. Amasa pen in, Pasian ahi lo ih theih loh van mi dang khat gamtat omzia takpi khat hong dawk hi. Nihna ah, hih leitung a thupiangte vantung tawh akizop gige dan zong hong kilangh hi. Thumna ah, vantung tawh kinahvawh hih leitung a lungsim kuanzia buai huai van ah om cih zong hong dawk hi. Atom in ci leng, hih apatna munte leh azomte in kikingkalhna lian alahkhiatna nonote ahihi. Hih munte in kikingkalhna thubuaipi pen vannuai teng ahuam thu ahih hangin Job akici mi khat nuntakna tungtawn in hong kilangh hi. Hih thupiang in eite hong kimvell cih ih mu ding hi. Job thubu ah, Satan in Pasian adona vai hong lak hi. Akipat tungg vai hong lak lo bek hi. A nuai a munte in kikingkalhna vai hong koici telsiam thei sak hiam? Isa. 14:12 -14, Ezek. 28:12-16, I Timo. 3:6. ______________________________________________________________ ______________________________________________________________ ______________________________________________________________
E.G. White in Pasian ukna bul pen “itna thukhun” hi ci in hong gen hi. Acihna ah, Pasian in “thu mang sak hamtang pong mawk” nuam lo ahih manin, “suakta taka ngaihsut theihna” mite tung ah pia hi. Ahi zongin Pasian piak tua suahtakna alehzat khat na om hi. Mawhna ih cih amah pan kipankhia hi; amah vantung mi lak pan a vanglianpen ahi hi. Tuulpite leh Kamsangte, P.P. pp. 34, 35. Atung a Isaiah leh Ezekielte‟ gelhna bangin Satan omzia hong lakkhia hi. Hih thu ah athupi pen ngaihsutna in “itna thukham” vai leh suakta taka ngaihsutna vai ahihi. Laisiangtho hong genna ah Satan pen amah etlawmna leh vang neihna tawh hong ki hisak kha hi. Ahang ih theih loh hangin 2 Thesso. 2:7 in “thukham zuihlohna, awlmawhlohna‟ omzia” (NKJV) na ci a, Pasian thukham pen amah ukna bulpi hi acih tawh hong kituak peuh mah hi. Job thubu sung a, Satan hong kigen hun in Amah mawhna sung ah puk khin a, apat khiat kikingkalhna vai ah zong maban tampi neikhin in omkhin hi. Tu lai tak in athupi na tel ding bang om a, adik tak a na tel theih nangin na masaut ding Laisiangtho kamciam bang thute om ahi hiam?

Ningani (Thursday) Oct. 6 

Singlamteh Ah Hong Dawnnate 

Job thubu in vai tampi hong pulaak hi. Tua vai tampite singlamteh ah hong kidawng kim lo hi. Laisiangtho bup pi pan zong “akimu pian philhphelh” bek ahi hi (I Cor. 13:12). 

Zann a ih muh sa bangin, Job thubu ah langdona kipatkhiatna vai bang mah hong gen lo hi. Kikingkalhna vai ah Satan akizawh thalna zong hong gen tuan lo hi. Ama vai vive hi pi pen na pi Ama thu mun 2 ah kigen khit teh (Job 1:6-12, 2:1-7) -Satan muh khak in om nawn lo hi. Asuksiat teng om lai na pi amah mang vingveng hi. Amah kigen kha kik beek lo a, anung lam teng ah Satan peuh mah kigen lo in Pasian vai vive kigen hi. Tua bang mah in atawpna ah Job thubu in Pasian vai hi a, Amah bangci bang Pasian hiam cih thu ahi hi. 

Ahi zongin Laisiangtho in kikingkalhna lian vai ah Satan guallelhna vai gen lo in omlo hi. Tua ama guallelh vai ah athu laigil pen singlamteh tung ah Zeisu hong sihna thu ahi hi. 

Anuai a munte in hih kikingkalhna lian vai Zeisu in ma ahialzia hong koici tellah hiam? John 12:31, 32, Mang. 12:10-12; Rom. 3:26; Heb. 2:14. ______________________________________________________________ ______________________________________________________________ ______________________________________________________________ 

Singlamteh ah, Satan pen mi suampa ahihna hong kitellah siang hi. Van a ukpi asepna atheite adingin Satan sawltakte‟ simmawh bawlsiatzia amuh uh ciangin lamdangsa mahmah ding uh hi. John 12 a Zeisu in Satan “ki thu khenna” agen pen hih thu ahihi. Singlamteh ah, gumpa “leitung mite‟ mawhna tang a, hong sih ciang bek in” (I John 2:2), vantung in hotkhiatna hong tung ta cih tangko thei pan uh hi. Lei pianma a, kamciam hih mun ah hong tangtung hi ta a, (2 Timo. 1:9), ataktak hong suak hi. Eite tang a hong sihna tungtawn in Khazih in “dik tang thei a Zeisu ah upmuanna aneite dik a tangsakpa hong suak thei hi (Rom. 3:26, NKJV). Tua hi a, Zeisu in singlamteh ah langdopa‟ mawhsakna thu ahi; thukham palsat te honkhia a, dik tang sak kawmin, athukham kiplet in amann (adik) hi thei lo hi; cih thu pen hong nial siang kieuhkeuh ta hi. 

Singlamteh a Khazih hong sepsakna ah, kikingkalhna vai a ih tuah khak khialkhemnate kawmkal ah, bangci bangin kipaak thei ding ih hi hiam? ______________________________________________________________

Kiginni (Friday) Oct. 7 

Ngaihsut Beh Ding: 

Sialehpha kawmkal kitalsikna kikingkalhna vai minam tuamtuamte‟ zia tuamtuamte ah kimu thei hi. Tua bang ngaihsutnate akum tul a sim hun sungin tangthu tuanthute ah kilangh hi. Tu hun in, lehgenna sangpaizaw (higher criticism) leh khangthak vai ngaihsutzia (modernist rationalism) cih te‟ huzaapna tawh Christian tampite in dawite leh van migilote om lo bangin ngaihsun uh hi. Tang lai a mi leh thusiate genna bang lel hi ci uh hi. Adventist ih hihna tawh dawite leh van mi gilote om cih aum lote lak ah laisiangtho san‟sak theih ding baih peuhmah lo hi. 

Hih vai ah Christiante khempeuh puuk kim samlo uh a, vangliatna nei adik leh adik lote asang thei zong om hi. Gregory Boyd, kici Evangelical scholar khat bangin Pasian leh Satan kikal kumsawt kigalneihna vai na limgen mahmah hi. “God at War,” cih laibu agelhna ah, Daniel 10 sung a thute Boyd in agenbeh khit teh: “laisiangtho apat pan atawp dong kikal ah Pasian leh mite kawmkal a mihingte nuntakzia asukha asia apha khat lam zawzaw ah om cih vai tawh thu gen hi. Laisiangtho sung ah tua bang lian mah in na gen hi cih thu hong sungg nuam ingh” ci hi. - Gregory A. Boyd, God at War (Downer‟s Grove, I 11.: InterVarsity Press, 1997), p. 11. Hih thu dik mahmah hi. 

Kikup Dingte: 

1. Satan leh adang dawi vai vangliatna thu agen bang munte om lai hiam? Hih te dawi vai, zin leng vai cih mawk tawh akisumh bang vaite om hiam? 

2. Niccolo Machiavelli, kum zalom 16 lai Florentine khuavak vai laiat siam khat genna ah, a kiit ukpi hih sangin akikihtaa ukpi hih ding hoihzaw hi na ci hi. Tua tawh kilehbulh in E.G. White gelhna ah: vantung om huai nawn peuh mah lo cih khentatna a om khit na ngawn in mong nei lo ciimna tawh Satan kisusia lo hi. Itna tawh sepna bek Pasian in asang thei ahih manin piansakte in Ama thumanna leh citna thu ah akingak uh kul hi. Van mite leh leitung dang a mite in mawhna’ om zia telsiam nailo ahih manin Satan vai ah Pasian hehpihna leh thumanna mu thei nailo ding uh hi. Satan ki mangmai sak pah hi mawk leh amaute in Pasian pen itna sang in kihtakna tawh bia mawk ding uh hi.” Kidona Lianpi, G.C. pp. 498, 499. Bang hang in Pasian in launa tawh hi lo in itna tawh Amah hong biasak nuam hiam?