Sabbath Sawmlehthumna Hungeelna

December 31, 2016

Mission Story - Nipi 14na (4th Qtr, 2016)

Sabbath Sawmlehthumna Hungeelna

           

Kipatna la:       “A Sia Ding Honkhia In”  ZBC                    

Muakna:          Superintendent (Sabbath School Makai)

Hun Ap thungetna:                

Gamdang Tangthu genna:       “Khangnote leh Khanghamte aading Europe te laivuanna”

Sum donna:    

Tawpna la:       “A Sia Ding Honkhia In”  ZBC

Tawpna thungetna:    

* * *

Gamdang Taangthu Gente

Thugen nihte—Thugen khatna in dotna sim ding a, thugen nihna in  a dawnna sim ding hi.

Biakinn sungah koih khol ding:  Austria, France, Italy, leh Romania te laan (laan a haksat leh laidal gol tungah suai ding a, Pulpit mai a nuai lam a lemna ah koih ding.

* * *

Thugen 1: Tu kuata sungin, Austria, France, Italy, leh Romania gam panin amau’ taangthu ih za hi.  Hih gamli

                 ah amau geelna aadingin Kuata sawmlehthumna sumpite kipuak ding hi.

Thugen 2: Tuni Sabbath school hunah, tu kuata sung ih zak thute  “Europe te Laivuanna” cih thulu tawh

                 suutkikna ih bawl ding hi.

Thugen 1: Maantakin dotna bangzah dawng thei na hi uh hiam cih en dih ni. Avekin na dawn theih kei uhleh

     dah lua kon. Thu hoih sin ding zekai lua cih omlo hi.

Thugen 2: A dawnna thei aa na ki-up leh dingto in la, dawng in.

Dotna leh Dawnna

Dotna 1: A taangthu ih zak gam 4 te bang Division sungah om uh hiam?

Dawnna: Inter-European Division (EUD). Hih division sungah Adventist pawlpimi 178,380 om a,  pawlpi

                2,550 leh company 548 om hi.

Dotna 2: Adventist-te inn ii sual tungah a kikhopna uh bang gam leh bang khuapi hiam?

Dawnna: Ragusa, Italy, Sicily gam tuikulh tungah om hi.  Sabbath sawmlehthumna sumpi pawlkhat tawh

                biakinn thak lam ding uh hi.

Dotna 3: (Maan ahihkeh khial)—“Sawm tungsiah 10+ ”  Romania gam sung naupangte nambattuat a siamna

    khantohsak nading ahi hi.

Dawnna: Khial.  “10+ Tungsiah Nungta” pen Seventh-day Adventist pawlpi in Austria gam sung Kumpi tan

                (8) sang leh tan (10) sangte ah atuam aa cidamna, a hoihlo zongsatna paih khiatna, gamtathoih sinna

                cih thusinnate a cih nopna hi.  

Dotna 4: Anneek kisam innkuante huhna ah kumpi in Seventh-day Adventist pawlpi tavuan a laksakna bang

               gam bang khuapi hiam?

Dawnna: Sicily gam tuikulh tung aa om Ragusa leh Italy hi.

Dotna 5: Jew minam khangno khat, Seventh-day Adventist suah a sawm ciangin  ama’ pa in inn pan hawlkhia

                hi.  A innkuanpihte bang gam leh bang khuapi sungah teeng uh hiam?

Dawnna: France gam Paris khuapi.  Sabbath sawmlehthumna sumpi pen Paris khuapi aa om  Jew minamte leh

                Adventist-te Kilawmtaatna phualpi hi.                     

Dotna 6: Nisuahna a laizang gam lam panin Adventist pawlpite ah hong beel gambeel galtaite kikhual hi.

                Pawlkhat-te tui kiphum uh hi. Tua khuapi min bang hiam?

Dawnna: Austria gam Vienna khuapi. A biakinn uh luita ahih manin khapi sung nehzaw in inn thak khat lam

                 nadingin Sabbath sawmlehthumna sumpi pawlkhat  kizang ding hi.

Dotna 7: Maan (maw) Khial —Piantit (France) ah Adventist zatopi om lo hi.

Dawnna: Maan. Tuni aa Sabbath sawmlehthumna sumpi khen khat pen Jew-Adventist kilawmtatna phualpi lam

                nadingin kizang ding hi. . France gam pen Jew minamte a tam teenna gam thumna hi. A khatna

                Israel leh a nihna America gam hi.

Dotna 8: Tu kuata sungaa ih zak tumtheih tuamtuam sinna bang khuapi hiam?

Dawnna: Austria gam Vienna khua hi. Leitung gam tuamtuam pan tumtheih sin dingin sangnaupang tampi

                hong pai ahih manin Sabbath sawmlehthumna sumpi pawlkhat kizang ding hi.

Dotna 9: Inn nei lo pasal khat sahamte tawh a lupkhopna bang gam hiam?

Dawnna: Austria gam Vienna khua hi. Ama’ min pen Ferdinand hi a, lamdung ah kum tampi a teen khit

                ciangin ADRA ah geelna makaipi (program director) sem hi.

Dotna 10: Tu kuata sung ih zak gam (4)te lakah, bang gamah pawlpimi leh pawlpi tampen hiam?

Dawnna: Piantit (France). Pawlpi 122 pawlpimi 13,712 om hi.

Dotna 11: Sangsia khawmpi ah Adventist a hilo sangsia 90 hong kihelna bang gam hiam? 

Dawnna: Romania gam hi. 

Dotna 12: Gambup nambattuat kidemna ah Adventist khangno khat in Sabbath ni kidemna ah kihel loh ding

                 khensat a, Kidemna lam makaite’n dotna tampi a dotna bang gam hiam?

Dawnna: Italy.

Dotna 13: Tu kuata sung ih sin Italian, Romanian, French, leh German gamte lakah kua kampau kisin pen

                 hiam?

Dawnna: Piantit (French) pau pen leitungah Mangpau zom in a kisin a kizang kampau ahi hi.

Thugen 1: Tu kuata sung aa ih zak thute kidot kikna  ih neih pen nuam a sa dingin kong lamen uh hi.

Thugen 2: Tu kuata Sabbath sawmlehthumna ah na piak uh sumpi in hih gam li aa teeng mite’

                  nuntakna kikheelna lianpi piangsak ding hi.

Thugen 1: Italy leh Austria gamah akisapna mun ah na sumpi uh tawh kihuh ding hi. Piantit ah zong Jew

                  minam leh Adventist kilawmtaatna phualpi lambeh nadingin na sumpi uh kizang ding hi.

Thugen 2: Tuni in kuata Sabbath sawmlehthumna  sumpi phalna taktawh  geelna tuamtuam aadingin nong piak uh lungdam mahmah hi. Topa Pasian in a zah tampi thupha tawh hong thuh sak ta hen.