Zeisu leh Tangpi’ Lak a Nasepna Vai: SSLQuarter, Lesson 5

Sinna 5                                                                                                                                            July 23 - 29

  

Zeisu leh Tangpi’ Lak a Nasepna Vai

Nipini (Sabbath) Nitak lam                                                             July 23

Sim Dingte:  Luke 4:16-19, 10:25-37; Matt. 5:13; Isa. 2:8; John 4:35-38; Matt. 13:3-9.

Kamngah:   “Zeisu in amaute kikhopna inn sung ah vantung gam lungdamhna thu hilh a, cinate damsak in, Galilee gam sung teng ah avak kawikawi hi”  (Matt. 4:23).

Robert Louis Stevenson in hangsan tak a asepkhiatna thu ahi Treasure Island (tuikulh) tangthu ah thasanna vai tawh akithei pipen pa in; sang zong akah zo mel lo adam-loden mipa khat ahihi.  Atawpna ah anu apate in ahuh ding sia khat leh apumpi kisapna apanpih ding nupi khat cial’ sak hi.  Nitak khat alup ma in tua nupi hong pai leh alupna ah  na om lo in akhut leh anakte tawlet tawh taih a om mu hi.  Khuasik angah ma in alupna ah lum dingin tua nupi nu in khauh takin gen hi. 

  Robert in, “tawlet lam ah hong pai in la, ka na muh hong en in” ci hi. 

  Nupinu hong pai hi.  Anuai lampi ah lam-mei avaakpa in mei vavak kawikawi hi. “En dih ve”, mi khat in khualmial lak ciang khat tawh hawlh kawikawi!  Robert in ci hi.  Margaret Davis, Lau kei ou! Pasian ading ahaksa lua om maw leh? (Aspect Books), p. 332.

  Laisiangtho lui ah atasamhte huh ding vai pawl khat mu khin hangh.  Tun bel Laisiangtho thak en ding hi leng, Zeisu gennate tawh pat kan a hoihzaw aom mawk tam maw?  Zeisu gen akithei kim diak khat penn “leitung khuavak ih hih ding ahihi” (Matt. 5:14).  Tua cileng khuavak diktak Zeisu a sunnte ih hi ding hi (John 8:12).  Leitung a hong nuntak lai a, Zeisu’ hong hilhna thute in Ama tungtawn in nasia tak a khuamial sung koici hawlh thei ding cih hong theisak ding hi. 

  *July 30 Sabbath ni ading kiging dingin tu kal sinnate limtak in hong sin in maw.

Nimasani (Sunday)                                                                     July 24

Zeisu in Amasuan Vai Agenna

           Nazareth pan a akhangno Rabbi Zeisu pen Galilee kiim ah hong minnei mahmah hi (Luke 4:15).  Laitheite bangh lo in Ama thu genzia ah, thuneite bang in gen a, laitheite bangin gen lo ahih man in mite in lamdangsa uh hi (Matt. 7:28, 29, NKJV).  Nipini Sabbath ni khat, Isaiah laizial akipiak ciangin, Zeisu in Isaiah 61 aneu 1, 2 te asim khit madeuh, “Topa ih Pasian’ thuhkik ni”  acih madeuh ah hong khawl hi (Isa. 61:2, NIV).

Luke 4:16-19 sim in.  Hih kammalte koi ah za khin ih hi hiam? (Isa. 61:1, 2 sim in).  Tua munte asimhna tungtawn in bangh atangko hi mawk hiam? 

______________________________________________________________

______________________________________________________________

______________________________________________________________

  Ih muh sa bangin, “Topa lungkim kum” pen Jubilee kum tawh akibangh ahihi (Siampi 25 en in).  Hih tungtang Nazareth ah hong hawh in Messiah vai genna hong simkhia a, “tu ni in note zakna ah hih thu hong tangtung hi” (Luke 4:21, NIV) hong ci ngiat hi.  Hih thu genna tawh Amah sathau kinilhpa ahihna, mi-zawngte lungdamna thu ahilh, thongkiate asuakta sak, mittawte khua amu sak, aki simmmawhte honkhia in ditkikna pia hi. 

Hih thute in aleitung nasepte hong gen a; hilhna, damhsakna, leh panpihnate, akitangsamhte pia hi.

Isa. 61:2 bang hang a Zeisu in simsuak lo se ahitam? 

______________________________________________________________

____________________________________________________________________________________________________________________________

  “Topa thuhkikna ni” cih pen bang cia zomsuak lo se cih thu ah  Ama nasepna pen tua hun lai a, adeih kaih thu uh ah Messiah in galkapte makaih in galte zo mang in Israel te khut nuai suak sak mang dingin ngaihsun uh hi.  Tua pen ngaihsutkhialhna hi a, gam mi tampite in Ama nasep mukhial kha ding uh hi. Ama sep sak ding te alunggulhte ading ngim’ in nei a akiim apaam mite’ ngaihsutna vai tuamtuamte donn’ in nei lo hi.

Zeisu in Ama nasep hih bang teng tawh hong gen  ciangin bang hong thei sak a, ei sep ei bawl ding vai hong lim gen thute koici lah ding ihi hiam?

Ninihni (Monday)                                                                       July 25

Vengte Itna

            “Na Topa Pasian na lungsim khempeuh, na nuntakna khempeuh, na thahatna khempeuh, tawh it in la” na vengte nang mah bangin it in” (Luke 10:27).

Luke 10:25-37 sim in.  Hih mun ah atasamhte panpihna vai bang thupiak om hiam?

______________________________________________________________

______________________________________________________________

______________________________________________________________

  Thukham thutheite in thupiakte khempeuh in ih neih khempeuh tawh Pasian itna leh vengte ei bang mah a itna vai vive ahihi.  Dot ding thu pen “ka veng kuate hiam?” cih thu bek ahihi. 

  Khazih hun lai a akihilhzia uh ah amau mipihte bek avengte ci uh a, minamdangte khempeuh ahilo bangin ngaihsun uh a tua thu asiang sak ding a Zeisu asawl uh ahihi.  Zeisu in gentehna gen in ngaihsutzia tuamdang hong kilangh sak hi.  Atasamh mi ih tuah khak peuh ih veng suak sak hi.  Veng khat pamm khat pen kitangsapnate ah kipanpih hi.  Siampite leh Levi te in amau anin, asianglo asuak sak dingin asep ding uh sem nuamlo uh hi.  Amau bangh mah apia kik zolote ading a sih akul lo dingin biakna vai tawh kisiansuah tawmna pen zat nop mahmah khat suak mawk hi. 

  Tua thu tawh kitalsik in Samaria mipa in tua “midangpa, galpa,” ama tangin pia hi.  Cihnopna ah “ka vengte kua?” cih thu dot tangin “mi cimawhte kuan lawm bawl ding” cih thu ih dot ding ahihi.  Kua mi hi mah leh: akitangsamhte khempeuh eima huh ding vive ahihi. 

  “Kua gammi, kua beh kua phung cih Pasian ah omlo hi. Amah in mi khempeuh a piangsakpa ahihi.  Piansakna thu tawh mikim innkuan khat hi a, tatkhiatna tungtawn in khat ih hihi.  Khazih in kikhennate khempeuh susia dingin dalna puankhaite khempeuh hong khia mang a, Pasian kiang oltak in kizuan thei hi.  Ama hong itna zaii lua, thuuk lua, diim lua a mun citeng ah leet mangg hi.”  - E.G. White, Khazih Gentehna Thute, COL p. 386.

 

Vengta khat hihna ding pan bang thupoi in hong khaktan hiam?

____________________________________________________________________________________________________________________________

Nithumni (Tuesday)                                                                    July 26

Ahuamkim  Thupiak

           “Note in leitung ci na hi uh hi” (Matt. 5:13, NIV). 

             Hih mun ah, Zeisu in anungzuite “ci” bang a nate akilamdang sak dingin hong deih hi.  Pawlpi in “cibawm” no bangh a cikhawlna ahihi.  Tua “ci te” bang tawh kua te vasawh ding ahi hiam?  Ei leh ei bek maw?  Ei abanglote tawh kihel khawm zaw ding?

  Hih dotna’ dawnna ih telsiam nangin ci bek adim annlum leh ci pen alim sak nang bek a kisawh namtampi akihel annlumte tehkaak ni.  Akuang masa ah ci bek kisawh leh lim khollo in duh huai theilo ding hi.  Anihna kuang ah, ci pen alim bek tak ding a adangte tawh kigawmkhawm ahihi.  Tua bang in tua annlum pen amawkmawk pan alim mahmah hong suak hi.  Ci in adangte tawh hong kihel khawm ciangin limsak semsem hi.  Christian te zong tua bang dan mah ahihi.  Pawlpi sung “cibawm” sung ah ih om leh kikhelna bang mah hong piang lo ding hi. 

  Tua hi a, hih mun ah ih phawk ding thu khat om hi.  Lam tampi pan eite deih huai in; teep lo, dawn lo, phee kap lo, thusia lak ah kihel kei kha mah ni.  Tua te thupi mah hi.  Ih hih ih bawl loh vai bek hong hi lo in, ih sep ih bawl vai hong hi zaw mawk lo maw?  Ih veng ih paam leh akitangsamhte tagahte en bang ci bawl cih hi zaw mawk lo maw?

Matt. 5:13 sim kik in la, athudangte lim ngaihsut in.  Ci in a alna koici tann thei ding? 

______________________________________________________________

  “Ci in a alna nei kei leh, kam bek, huih bek hi in, Khazih itna kihel kei leh; apha bawl dingin vang nei thei lo hi.  Leitung ah tua bang nuntak in huzaap nei lo hi.” - E.G. White, Khangcin Lunggulh, DA p. 439.

  Akihel tuamtuamte enkik ni.  Ci bek hi leh lim thei lo hi.  Ci tam lua leh zong kine zo theilo thei hi.  Ci pen akibat pih lohte tawh gawm kul hi.  Tua hi a, leitung mite mah ih bat a, ahih kei leh leitung mite tawh ih kibat mahmah mawk leh, kilamdanna piang sak thei lo ding hi hangh.  Ih piakkhiat ding hong omlo ding hi.  Tua  ci in kimanna hong neilo ding hi.  Zeisu genna ah koi ah kikoih ding?

  Ahi zongin, Khazih’ itna sung ah tualbual leh, “apualamte” tawh “asung lam” ah om khawm nuam in midangte kikhel sak dingin kikhawl khawm in anuntakna uh ah apha lam kikhelna piangsak in, tua ban ah, midangte tung ah akitangsamh taktak Zeisu sung ah hotkhiatna lam zuatpih ding hi hangh. 

Thuhilhk. 12:30, 31:20, Isa. 2:8 sim in.  Hih munte in bang thu lauhuai hong hilhkhol a, tua thangg ah a awkk lo dingin koici kidop thei ding ihi hiam? 

Nilini (Wednesday)                                                                     July 27

Lokho Nasemte Bangin

John 4:35-38 sim in.  Hih mun ah Zeisu in kha ngah nang a kisamh thu tuamtuamte bangci gen hiam? 

______________________________________________________________

______________________________________________________________

  Lokho mite’ nasep namtampi ahihi.  Ann lak ma a sep ding namtampi tak om hi (Matt. 9:35-38).  Ann late bek Topa lo lai ah kisamh cih hilo hi.  Lokhopa in anasemte kiang ah, “tu’n annlak hun ta ahih teh, khai tuh ni ei” aci dingin ngaihsun leng maw? Ann lak pen lo nasep zawh kuan ciang a sep ahihi. 

  Lokhawh nasep pen lo lei kalh, lo lei bawl hong kisamh hi.  Lei hoihsa bawlsa hilo hi.  (Matt. 13:3-9 sim in). 

Na pawlpi  in “lei sakh” anip sak ding leh “suangtumte” leh “lingte” koici lakkhiat thei ding hiam? 

______________________________________________________________

  Nasemte in ann lak mapek in agim atawlnate pan phattuam ngah dingin ahaksa leikalh leh adangte sem uh hi.  Thupha tangko nasep ah alei bawl sang annlak vai bek peuh kilim ngaihsut kha zel hi.  Tua bang ding hilo hi.  Tua aki tangko ma in lei akipuah ding kul a, tua pen ann lak ding lametna hang mah ahihi. 

  Ann lak nasep zong aban ban a ih ngaihsut kul hi: alei encian ding, alei puah in bawl ding, khai tuh ann vawh, tui pia, lei hoih sak, lungno kaunote bei sak, ngak, ann la, saal ah kem cih te ahihi.

  Ann lakna ah buh at, vakhop tuah pen amengno khat bek hi a; pawlpi sung ah tua lokhawh cih pen alei etcianna ahi tua mihonte kitangsap diak te etna, amihonte zia etcianna, amakai pawl tawh holimna cihte ahihi.  Alei puah leh bawlna ahi; akitangsapnate uh ngaihsut sakna, khaici tuh a vawhnate ahi kidot kikupnate, Laisiangtho sinpihnate, mihon nonote’ vai, leh guah zuk ding thungetna - Khasiangtho kibuakna cih te ahihi.  Nam khat bek tawh mi tawm bek kingah ding hi.  Lampi tampi zangh in  ih pattah kul a, lak theih ding ann hong om ding lametna aom sak semsem ahihi.  Hih pawl nei in, hih loh pawl nei leng, annlak theih ding hong om ding lamet hong tawm mahmah ding hi. 

Kha gupkhiatna vai teng ah bang mun ah mapang in na mapanh lohna bangte khawng tu’n na muh aom hiam?

Ningani (Thursday)                                                                    July 28

Pawlpi Phuh Tawmna Vai

          

Matt. 10:5-10 sim in.  Zeisu in bang hang in akiim apaam uh a khuate ah bang mah keng lo in paisak hi ding hiam? 

__________________________________________________________________________________________________________________________________________________________________________________________

  Zeisu nungzuite in anasepna munte uh ah nektawm zattawm keng mello a, pai ding thupiak pen lamdang sak huai hi.  Thu khat ah bel Pasian tung ah kinga ding, leh tua mite ading na asep kawm un amau tawh kilawm bawl ding cihna zong ahihi.  Tua bang in tua mun a mite in amau nasepnate thupi ngaihsut in na panpih ding uh hi. 

  Adventist om nailohna khuapi sung mun khat ah Pastor Frank’ makaite in pawlpi phut dingin kisawl hi.  Atuung in bel tua sepna ding sum leh paai bang mah nei lo hi.  Gamlim khat en in tua mun huam sung kankawm in amite leh aomziate uh vakan khia hi.  Mi tam tendiakna mun khat ah khawl in akiim apaam a nasepna mun tuamtuamte ah tua kiim nuntakzia vadongh kawikawi hi.  Na sep na bawlna munte, huhna panpihna pia nasepnate, khua sung makai zumh te, va hopih kawikawi hi.  Tua mun a tengg mi pawlkhat zong  lawmbawl in amau zong tawh kipawl dingin khoo hi.  Tua mite tawh aki holimna pan Presbyterian pawlpi biakinn huang ah saap ding mun zong mu hi.  Tua mun khuatual makaite’n ahahna, aza zutna leh mipi panpih nasepna mun ading a kisamh van nengnengte lei nang kipatkhiat nang sum pawlkhat pia uh hi.   Upa pawl in cidamna vai pen akisap pi pen uh hi cih hong pulaak uh hi.  Pastor Frank in tua mun ah kivelna mun leh kimuhkhop kikna ding mun zong tua mun a om mite ading in bawlsak hi.  Tua kivelna tuamtuamte pan asum kipiate tawh abeite kipia kik hi.  Asawt lo in Sabbath School no khat hong kipan in tua mun ah mite pawlkhat hong pai zelzel uh hi. 

  Pastor Frank in pawlpi phuh nang ahoih pen in tua mite’ kitangsapna ahuh ding nasepna mun bawlsak ding ahih lam hong thei a, tua pan pawlpi hong khangkhia ding hi.  Tua nasepna pan in SDA pawlpi mi 140 val hong pha pak hi.    

  Pastor Frank tawh apiang thu pen Zeisu hong hilh bang zui in amite tawh mapang khawm leng hong piantheih zia hong lak hi.  Zeisu in ahilh bangin koici sepkhiat hiam?  Nipi kik the Khazih’ sepzia “eite zong gualzawhna diktak tawh midangte ading a sepkhiatzia” ih en pha ding hi.” - E. G. White, Damna Thupha, MH p. 143. 

Kiginni (Friday)                                                                          July 29

Ngaihsut beh Ding:  Ih pawlpi in ih kiim ih paam ah amapanzia ding Zeisu hong hilhna dangte sim leng:  Matt. 7:12, 23:23, 25:31-46; Mark 4:1-34, 6:1-13; Luke 6:36, 11:42, 12:13-21, 14:16-24, 16:13, 18:18-27, 19:1-10; John 10:10, 12:8, 17:13-18.  E.G. White, “The Least of This My Brethren” pp. 637-641, Khangcin’ Lunggulh, DA, sung pan sim in la; “The Missionary Pattern”, Signs of the Times, March 19, 1894 pan sim in..

  “Pawlpi in leitung adingin khuavak ahih kei leh khuamial ahi hi” - E.G. White, Signs of the Times, Sept. 11, 1893.  Hih pen angaihsut huai mahmah thu ahihi.  Hih thu in Zeisu’ kammal, “Kei hong pawlpih lo te in hong langpan hi a, kei tawh akhawmkhawmte in mundang ah athehthangte ahihi” (Matt. 12:30, NKJV).  Zeisu in hong siang gen a:  kaingawi mun kikingkalhna vai ah omlo hi ci hi.  Khazih lam ahih keh dawi lam ih hihi.  Khuavak nasia tak ngah a,  azat kei leh, alang pan suak hi.  Eite hih leitung khuavak dingin hong kisam hi a; khuavak ih hih kei leh khuamial ih hi pah hi.  A thu hong paina akilamdan hangin vai khat hi uh a: “na sung a khuavak pen khuamial hi mawk leh nak mial mahmah mawk ding hi lo maw!”  (Matt. 6:23, NIV).  Hih vai teng hih kammalte tawh kikhup thei kha ding hi ven:  “tampi akipiate tung pan tampi kingen ding a, tampi aki aapte tung pan tampi kingen ding hi.”  (Luke 12:48). 

Kikup Dingte:  

  1.  Midangte tung ah ih tangko na dingin leitung mite tawh ih kikhawlh kul cih vai kikum ni.  Hih mun ah koici kimkhai ding; amaute tung ah na hoih bawl dingin koici ciang dong kikhawl in, tua sung ah awkkcip a, buailawh in ahonkhia suak lo a, adong- khawlh asuak lo dingin koici om ding ih hi hiam?

  2.  Mihon lak ah ih tualbual ciangin, kiukna vai tawh kibuai thei zel hi.  Ih huh nopna vaite zong tua vaite tawh kizomh ahi; zawngkhalna, pilsinna, cidamna vai cih bangte khawng ahihi.  Hih bang kiukna vai tawh hong buai a hong nawngkai loh nang in koici kidop thei ding ihi hiam?  Kiukna vai tawh kinahvawh loh lah phamawh zel a, tua bang kiukna thute’ gau pan ahi thei bangin koici kikep thei ding ihi hiam?

  3.  Alang khat lam pan in tua bang a kiukna vai ah ih kihelna hang in ih huh ih panpih theih hun zong om thei kha lo ding maw?  Ahih leh, koici bang dan hi a, ih tangkona nasep mapanna vai asupoi kha lo dingin koi cih ding ih hi hiam?