HELL TAWH KISAI THUBU IN BANG GEN?

 

HELL TAWH KISAI THUBU IN BANG GEN?

 

1).  Migilote ki suksiatna ah Pasian a lungdam hiam?

Amaute tungah, ―Thupipen TOPA in, ‗Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?‘ ci hi. (Ezekiel 33:11, ZIV). 

2).  Migilote asih khit ciangin kihal kang pan uh hiam?

"Banghang hiam cihleh mawhna a bawl vantungmite nangawn Pasian in koihkhong loin hell sungah khia a, thu- khenna thuak dingin khualmial sungah sikkhau tawh a khihcip hi. Tua hi a, Pasian a kihta mite ze-etna pan a hot- khiat zia ding le thukhen ni cianga daanpiak dingin migilote a koihzia Topa in a thei hi." (2 Peter 2:4, 9, ZSV).

Note: Thukhenna le migilote daan kipiak nading kikoih khinkhian lai a, daanpiakna kipan nailo hi. 

3).  Hell meikuang bang hun pan kipan ding hiam?

"Amaute leitung maitang dimin hong kuan ding uh a, misiangthote omna, Pasian it khuapi a umcih ding uh hi. Tua ciangin vantung a om Pasian kiang panin meikuang hong kiasuk in amaute a valhtum ding hi." (Kilaakna 20:9, ZSV). 

4).   Itna Pasian in migilote nangawn mei tawh beisiang sak thei ding hiam?

"A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi," Thahatpen TOPA in ci hi. "A bul a hi- angin amaute a kinusiat kei ding hi. Tua ciangin migilote na tuancil ding uh a, hih nate ka hih ni ciangin amaute na khepek nuai-ua vut a suak ding uh hi," Thahatpen TOPA in ci hi. (Malachi 4:1,3, ZIV).

Migilote tomkha sungin om nawn lo dinga; amaute na zon hangin kimu lo ding hi. (Late 37:10, ZIV). 

5).     Thubu in "tawntung thukhenna" le "tawntung meikuang" acih teh bang a khiatna hiam?

"Tua mah bangin Sodom, Gomorrah khuate le a kimnai a khua mite zong numei pasal thangtat in a khelkhel in ci le sa deihna zui in gamta uh ahih manin tawntung meikuangpi tawh gawtna a thuak ding mite  hilhkholhna  a  suaksak  hi." (Jude 7, ZSV).

"A nung ciangin Pasian a thusimlo mite tungah a piang ding thu a lahna in Sodom le Gomorrah khuate thukhen in susia a, vut le vai a suaksak hi." (2 Peter 2:6, ZSV).

Note: Sodom le Gomorrah khuate "tawntung meikuang" tawh kihal hi, ahi zong tuni dongin kanglo hi. 

6).   Tualeh Thubu in "tawntung" acih bang a khiatna hiding hiam?

―Hebrew nasem khat na lei leh amah in kum guk sung nang na a sem ding hi. Ahi hangin a kum sagihna ah amah in bangmah pia loin suakta ding hi. Ahi hangin nasempa in,

―Ken ka pu le ka zi ka tate ka it hi; ka suakta nuam kei hi,‖ ci-a a khensat leh tua ciangin a pu in pel loin thukhente kiangah a paipih ding hi. Amah in kongkhak mungah dinga tukkilh khatin a bil a vuhsak ding hi. Tua ciangin amah a nuntak sungteng a sila a suak ding hi. (Paikhiatna 21:2, 5- 6, ZIV).

Note: "Tawntung" cih a khiatna in nuntak sungteng cihna ahi hi. Migilote mei sungah a kihal ciangin nuntakna tom dinga; vantung a om midik-te ahih leh a nuntakna uh bei lo in, nungta paisuak ding uh hi. 

7).   Hell meikhuk sungah a kihaltum Satan le migilote tungah bang piang ding hiam?

"Aman lo-a na sumbawlna le na mawhnate tawh na munsiangthote na ninsak zo hi. Tua ciangin nang panin mei ka kuangkhiasak a, tua in nang hong kangtumin nang hong vilgige-te muhna leilakah vut kong suaksak hi. Nang hong theisa minamte khempeuh in hong lipkhap uh hi; na beina a lauhuaipi hi-a, na om kik nawn kei ding hi." (Ezekiel 28:18, 19, ZIV). 

8).    A nunungpen in Pasian in dahna, thuaksiatna le natnate bang cih ding hiam?

"Pasian in amaute mit panin a khitui khempeuh uh a nulsak ding hi. A lui na khempeuh bei khinzo ahih manin sihna, dahna, kahna le natna thuakna khempeuh a om nawn kei ding hi." (Kilaakna 21:4, ZSV). 

9).  A sia le a pha kikal a kidona lianpi pen om kik zel lai ding hiam?

TOPA langah a sawmsimnate khempeuh uh amah in a beisak ding hi; lunghimawhna nih vei hong tung lo ding hi. (Nahum 1:9, ZIV). 

10).  Satan le a nungzuiteng in a nunungpen aphut khak ding uh bang hiam?

"Thuak tawntung ding uh a, a piang ngei lo mah a bang ding uh hi." (Obadiah 1:16b, RSV).

===== xxx =====