BANG HANG TUI KIPHUM DING?

 

BANG HANG TUI KIPHUM DING?

1).   Thu-um mite a' dingin tuiphumna a thupi mah hi- am?

"Thu um in tui a kiphum mi in hotkhiatna a ngah ding hi. Ahih hangin a umlo mi in mawhsakna  a  thuak  ding hi." (Mark 16:16, ZSV).

"Zeisu in, 'Aman takpi kong cih in ah, tui le Kha tawh a suakkiklo mi peuhmah Pasian kumpigam sungah a lut thei kei ding hi.'" (John 3:5, ZSV).

"Amaute in hih thu a zak uh ciangin a lungtang uh vut a, Peter le sawltak dangte kiangah, "Sanggamte aw, bang hih ding ka hi uh hiam?" aci uh hi. Tua ciangin Peter in amaute kiangah, "Na mawhna uh kisikkik unla Zeisu Kha- zih min tawh tui kiphum un. Tua hileh Pasian in na mawhnate uh hong maisak in Kha Siangtho letsong na ngah ding uh hi. Amau thugen lungdamtak in a sang mite tui kiphum  uh  a,  tua  ni  in  mi   3000   bang   a   kibehlap hi." (Sawltak 2:37, 38, 41, ZSV). 

2).    Laisiangtho in tuiphum dan nam bangzah hong theisak hiam?

"Topa khat, upna khat, tuiphumna  khat  bek  a  om  hi." (Ephe 4:5, ZSV). 

3).  Jesu koi bangin tui kiphum hiam?

"Tua hun laitak in Galilee gam Nazareth khua panin Zeisu hong pai a, John in Jordan gun sungah a tuiphum hi.

 

Tuisung pan a hong paikhiat phetin van kihong a, Kha in vakhu bangin ama tungah hong kumsuk  John  in  a  mu  hi." (Mark 1:9-10, ZSV). 

4).   Jesu a om nawnloh ciang nungzuite in koi bangin tuiphum uh hiam?

"Tua ahih manin amah in a sakolleng khawlsak a, Phil- ip le Ethiopia mangpa tui sungah paisuk in Philip in amah tui a phum hi. Tui sung pan a hong paikhiat uh ciangin Topa Kha in Philip lakhia ahih manin Ethiopia mangpa in amah mu nawnlo a, ahi zongin lungdamtak in a paisuak  hi." (Sawltak 8:38-39, ZSV).

Theih ding: "Baptize" cih kammal ii khiatna in "tui sungah phum" cihna hi. 

5).   Jordan gun ah Tuiphumpa John in Jesu tui aphum laitak in, bang thu nih piang hiam?

"Zeisu tui a kiphum khit ciangin tui sung panin a dingto pah hi. Tua laitak in, en in, vantung kihong a, Pasian Kha in vakhu bangin hong kumsuk in Zeisu tungah a khawl, John in a mu hi. Vantung pan thakhat in aw khat hong gingkhia a, 'Hihpa in a hong lungdamsak mahmah ka it ka Tapa ahi hi,' a ci hi." (Matt 3:16-17, ZSV). 

6).  Pasian in tui kiphum khempeuh Khasiangtho silpiak hong pia hiam?

"Tua ciangin Peter in amaute kiangah, 'Na mawhna uh kisikkik unla Zeisu Khazih min tawh tui kiphum un. Tua hileh Pasian in na mawhnate uh hong maisak in Kha Siangtho letsong na ngah ding uh hi. Banghang hiam cihleh tua kamciamna in note aa ding hi a, na suan na khakte uh le Topa i Pasian in a saplai ding gamlapi a om mite khempeuh aa ding zong ahi hi,' a ci hi." (Sawltak 2:38-39, ZSV). 

―Note tungah tui siangtho kong theh dinga na siang ding uh hi; na siantho lohna khempeuh uh ahi na milimte khempeuh panun kong siangsak ding hi. Note lungsim thak kong guan dinga; na sunguah kha thak ka guang ding hi. Na suang lungtang uh ka lakhia dinga satak lungtang kong guan ding hi. Note sungah ka Kha ka guang dinga ka thukipte hong zuisakin ka thukhamte limtakin kong tangsak ding hi.‖ (Isaiah 36:25-27, ZIV). 

7).  Tuiphumna tawh kisai Thuciam Thak thuhilhna in a beisa hun a ih mawhnate Pasian' maisakna zia hong koici telsak hiam?

"'Tu in zong bang ngak na hia hiam? Tho inla tui kiphum in. Topa minin thungen inla, na mawhnate silsiang in,' a hong ci hi." (Sawltak 22:16, ZSV).

8).  Tui a kiphum ding mi khat in a theih dingte bangte hiam?

Kisikkik in: "Tua ciangin Peter in amaute kiangah, 'Na mawhna uh kisikkik unla Zeisu Khazih min tawh tui kiphum un. Tua hileh Pasian in na mawhnate uh hong mai- sak in Kha Siangtho letsong na ngah ding uh hi." (Sawltak 2:38, ZSV).

Um in: "Tu in, amaute paisuk uh a, tui omna munkhat a tun uh ciangin Ethiopia mangpa in, 'En in, hihlai ah tui a om hi. Tui ka kiphum ding bangin hong khaktan ahi hiam?' a ci hi. Tua ciangin Philip in, 'Na lungsim khempeuh tawh na up leh na kiphum thei hi,' a ci hi. Amah in, 'Zeisu Kha- zih in Pasian Tapa ahi hi cih ka um hi,' aci hi." (Sawltak 8:36-37, ZSV).

Sin in: "Note kong piaksa thu khempeuh a zuih nad- ingun hilh un. En un, hun a bei dongin note kong ompih tawntung ding hi." (Matt 28:20, ZSV).

===== xxx =====