TOPA A'DING NI THUPI KHAT

 

TOPA A'DING NI THUPI KHAT

 

1). Banghang Pasian ih biak kul hiam?

"Topa aw, minthanna, pahtawina le vangliatna a ngah dingin na kilawm hi. Banghang hiam cihleh na khempeuh nangma piansak hi a, Tuate nangma deih bangin a kipiang- sak le nangma deih banga aom ahi hi." (Kilaakna 4:11, ZSV).

"Tua bangin vante le leitung – na khempeuh a vekpi-in kimansiang dimdem hi. A ni sagih ni ciangin Pasian in nasep zo khin a; a ni sagihna ni-in tua a nasep khempeuh pan a tawlnga hi. Pasian in a ni sagihna ni thupha pia-in a siangthosak hi, bang hang hiam cih leh tua ni-in a sepsa piansakna khempeuh panin a tawlnga hi." (Piancilna 2:1-3, ZIV).

―Sabbath ni a siangtho-a tanna tawh phawk-den in. Note nasep khempeuh niguk sung tengin na sem ding uh a, ahi hangin a ni sagihna ni, TOPA note Pasian‘ Sabbath ahi hi. Tua ni-in note na hi uh a, na tanu na tapate uh ahi zon- gin na sila numei na sila pasalte uh ahi zongin, na ganhing- te uh ahi-a, note huang sunga pemtate ahi zongin kuamah in na khatpeuh na sem kei ding uh hi. Ahang in, TOPA in niguk sungin lei le vante, tuipi le tuate sunga omte bawla, ahi hangin a ni sagihna ni-in a khawl hi. Tua ahi ciangin TOPA  in  Sabbath  ni   thupha   pia-a,   a   siangthosak   hi.‖ (Paikhiatna 20:8-11, ZIV). 

2).  Judah mite ading bekin Sabbath kipia hiam?

Tua ciangin amah (Jesu) in amaute (Pharisees) kiangah, "Sabbath ni pen mite aa dinga kibawl hi a, mite pen Sab- bath ni aa dinga kibawl hilo hi. Tua ahih manin Mihing Ta- pa in Sabbath Ukpa zong ahi hi," a ci hi. (Mark 2:27-28, ZSV). 

3).  Jesu in Sabbath ni atang mah hiam?

"Tua khit ciangin ama khankhiatna Nazareth khua ah Zeisu a pai hi. Ama zatngei bangin Sabbath ni in kikhopna inn ah lut a, Laisiangtho sim dingin a dingto hi." (Luke 4:16, ZSV). 

4).  Jesu in a nungzuite Sabbath ni atang sak nuam mah hiam?

AD 70 kum in Ama nungzuite in Rome galkapte kiang pan tai khia cih thei kawmsa in, Jesu in, "Na tai hun uh phalbi laitak le Sabbath ni ahih khakloh nadingin thungen un," ci hi. (Matt 24:20, ZSV). 

5).  Sawltak Paul in Sabbath ni in thugenna anei hiam?

"Kikhopna inn pan Judah mite a paikhiat uh ciangin, Gentile-te in amaute kiangah Sabbath ni kik ciangin hih thute mah a genkik nadingun a thum uh hi. Sabbath ni kik ciangin Pasian thu ngai dingin khuazang phialin a hong kikhawm uh hi." (Sawltak 13:42, 44 – ZSV).

"Sabbath ni in khuapua lam ah pai khia in thu kingetna mun gungei ah ka pai uh hi. Tualai ah ka tu uh a, kikhawm a om numeite kiangah thu ka gen uh hi." (Sawltak 16:13, ZSV).

―Tua ciangin Paul in ahih ngei bangin kikhopna inn ah lut a, amaute tawh nipi thum sung Lai Siangtho kikum in a om hi.‖ (Sawltak 17:2, ZSV).

―Paul in Sabbath ni simin kikhopna inn ah thu kikuppih in Judah mite le Greek mite a zol hi.‖ (Sawltak 18:4, ZSV).

Hih munte in kikhopna inn (biakinn) a om kei phial zong Paul in Sabbath ni atan na hong lak hi. 

6).  Hih ni thupi ni pen John in bangci gen hiam?

"Topa Ni in keimah in Kha sungah ka om a, tua laitak in ka nunglam panin pengkul ging tawh a kibang awging lianpi khat ka za hi." (Kilaakna 1:10, ZSV). 

7).  Topa' Ni in bang ni hiam?

―Ahi hangin a ni sagihna ni, TOPA note Pasian‘ Sab- bath ahi hi. Tua ni-in note na hi uh a, na tanu na tapate uh ahi zongin na sila numei na sila pasalte uh ahi zongin, na ganhingte uh ahi-a, note huang sunga pemtate ahi zongin kuamah in na khatpeuh na sem kei ding uh hi.‖ (Paikhiatna 20:10, ZIV).

Banghang hiam cihleh Mihing Tapa in Sabbath zong a Ukpa ahi hi," a ci hi. (Matt 12:8, ZSV). 

8).  Pasian in Ama Sabbath asiangthosak te bang thupha kamciam hiam? 

―Sabbath palsat loh nadingin na khe na kep a, ka ni siangtho ni nang nopsak bangin zang lo-a, Sabbath ni a dei- hhuai ni le a pahtawi huai TOPA ni siangtho hi ci a, nang deih bang zui loin nang nopsak bangin gamta lo a, na mot paupau kei leh tua ciangin TOPA sungah lungnopna na mu dinga, leitung a sangnate ah hong khaangto-in na pa Jacob luahte-in kong vak ding hi, TOPA kam  in  cikhia  khin  hi." (Isaiah 58:13-14, ZIV). 

9).    Pasian mite in khang tawntung ah Sabbath ni a Amah biakpiakna zang suak ding uh hiam?

"Ka bawl ding athak vante le lei thak ka mai-ah a kip den bangin, note le na suan na khakte uh min a kip ding  hi,‖ TOPA in cikhia hi. Kha Thak khat pan adang khatah, Sabbath khat pan adang khatah mihing khempeuh hong pai

-in ka mai-ah a kun ding uh hi,‖ TOPA in ci hi. (Isaiah 66:22-23, ZIV).

===== xxx =====