VANTUNG A OM TAKPI MAH HIAM?

 

VANTUNG A OM TAKPI MAH HIAM?

 

1). Vantung thu Laisiangtho in bang hong gen hiam?

Tua ciangin keimah John in Pasian kiang, vantung panin a hong kumsuk a siangtho Jerusalem Khua Thak ka mu hi. Tua in a pasal aa dingin kizemsa a om mothaknu tawh a kibang hi. Tua ciangin vantung panin aw ngaih mah- mah khat ka za a, tua aw in, "En in, Pasian biakbuuk mite lakah om dinga, Pasian zong mite tawh teengkhawm in amaute Pasian ahi ding hi. Amaute in zong Pasian mite ahi ding uh hi." (Kilaakna 21:2,3, ZSV).

"Pasian in amah a it mite aa dingin A bawlkholhsa nate in Mittang tawh kimu ngeilo, Bil tawh zong a kiza ngeilo, Mihingte lungsim sungah zong, A om ngeilote ahi hi." (1 Corinth 2:9, ZSV). 

2).  Hih Jerusalem thak bang tawh kibang hiam?

"Khuapi in kiuli nei in a dung a vai a kikim hi. Van- tungmi in tua ciang tawh khuapi a teh ciangin tai 1500 pha a, a dung, a vai le a sanna a kikim hi. Tua ciangin kulhpi teha, pasalte tong tawh a kikim vantungmi tongin tong 144 a sang hi. Tua kulhpi in jasper suangmanpha tawh a kibawl ahi hi. Khuapi zong kham taktak hi a, limlang bangin a te deldel hi. Khuapi kulhpi tawphah zong suangmanpha nam tuamtuam tawh a kizem hi. A masa pen jasper, a nihna sap- phire, a thumna chalcedony, a lina emerald, a ngana sar- donyx, a gukna sardius, a sagihna chrysolite, a giatna beryl, a kuana topaz, a sawmna chrysoprase, a sawm le khatna jacinth, a sawm le nihna amethyst-te ahi hi. Kongpi sawm le nihte in kepsung pekpi sawm le nih hi a, kongpi khat ciangin kepsuang pekpi khat tek ahi hi. Khuapi kongzingte kham taktak hi a, a pailet a kimu limlang tawh a kibang  hi." (Kilaakna 21:16-21, ZSV).

3).   Jerusalem thak in khuapi taktak ahih mah bangin, tatkhiatsate in zong taksa pumpi mah asilh uh diam?

"Ngai un, thusim khat kong gen ding hi. Eite khempeuh a ihmucip ding i hi kei a, i vekpi in i kikhel ding hi. A nunung pengkul hong gin ciangin, mitphiat kal tomkha sungin i kikhel ding hi. Banghang hiam cihleh pengkul hong ging dinga, mite a muatthei nawnlo in kithosak ding uh a, eite zong i kikhel ding hi. Banghang hiam cihleh hih a muatthei pumpi in muattheihlohna silhin hih a sithei pumpi in sihtheihlohna a silh ding hi. Tua bangin hih a muatthei pumpi in muattheihlohna silh a, hih a sithei pumpi in sihtheihlohna a silh ciangin, "Zawhna sungah sihna a ki- valhtum zo hi." (1 Corinth 15:51-54, ZSV).

"Kong itte aw, tu in Pasian tate i hi hi. Tua hi a, tunung cianga i omzia ding ahih leh a kilang nai kei hi. Ahi zongin amah a hong kilat ciangin amah tawh i kibang ding hi cih i thei hi. Banghang hiam cihleh ahihna bangbang in amah i mu ding hi." (1 John 3:2, ZSV).

"Ka khut ka khete hong en un. Kei mahmah ka hi hi. Hong lawng unla thei un. Sikha in hih bangin satak le guh le tang neilo hi." (Luke 24:39, ZSV).

Sihna panin a thokik Jesu pumpi taksa bangin eite in ih nei ding hi. 

4).  Tualeh hih taksa pumpi a damlo, cina, ahihkeh asi thei lai ding hiam?

"Pasian in amaute mit panin a khitui khempeuh uh a nulsak ding hi. A lui na khempeuh bei khinzo ahih manin sihna, natna, kahna le natna thuakna a om nawn kei ding hi." (Kilaakna 21:4, ZSV).

"Tua ciangin mittawte mit kihonsak dinga bengngong- te‘ bil a kivaksak ding hi. Tua ciangin khebaite sazuk bangin diang ding uh a, a pau thei lote lungdamin a awng ding uh hi. Gamsimtham ah tui phulkhia dinga sehnel-gam ah lui a luang ding hi." (Isaiah 35:5-7a, ZIV). 

5).   Eite in vantung ah bang ihih diam? Bang in eite hong cimsak lo ding hiam?

"Amaute in inn lamin a sungah teng ding uh hi, lengguite suan ding uh a, a gah a ne ding uh hi. Amaute lamsa inn sungah midangte teng nawn lo dinga, amau suansate midangte in a ne kei ding hi. Ahang in, singkung khat a hin tan mah ka mite nungta ding uh a; ka teelsate in amau sepsa nuamtakin sawtpi a ne ding uh hi." (Isaiah 65:21-22, ZIV).

6). Ih innkuanpihte le ih lawmte e leh? Vantung ah zong kizopna ah nuam ih sa khawm ding hiam?

"Tua nung ciangin Pasian in kei hong theih bangin a kicing in amah ka thei ding hi." (1 Corinth 13:12b, ZSV).

"Thawhkik ni ciangin kipi kiteenna om nawnlo dinga, van a om Pasian vantungmite  tawh  a  kibang  ding  uh  hi." (Matthew 22:30, ZSV).

"Ken kong cih in ah nisuahna le nitumna lam panin mi tampi hong pai in Abraham, Isaac le Jacob-te tawh vantung kumpigam sungah a tukhawm ding uh hi." (Matthew 8:11, ZSV).

7).  Kuate in leithak luah ding uh hiam?

―A lungnemte in mihampha ahi uh hi. Banghang hiam cihleh amaute in leitung a luah ding uh hi.‖ (Matt  5:5, ZSV).

―Ama thupiakte a zui mite in mihampha ahi uh hi. Amaute in nuntakna singkung pan nek theih nading le kongpite tawnin khuapi sungah lut theih nading thu a ngah ding uh hi.‖ (Kilaakna 22:14, ZSV).

===== xxx =====