SUAHTAKNA PAN KHRIS NIHVEINA HONG PAINA

 HUN NUNUNG ADING KIGIN KHOLHNA

KHAWKPI 12
SUAHTAKNA PAN KHRIS NIHVEINA HONG PAINA

KI GIN’KHOLHNA A KI ZANGH TE

1. Lai siangtho leh Spirit of Prophesy sinna

“Tu lai thumaan ka thei hi aci a kinei mitampi in, amau pauna atel nai lopi a om na hi mawk uh hi, ci in hong kilak hi.

Amau upna thu, bang hangin um cih tel nai selo uh hi. Tu hun a nasemte pahtakna huhnopna nei lo uh hi. Hun haksa hong pai ciangin, tu khawnga midangte tunga thu hilh a akinei tampi in, amau dinmun akisittel ciangin lungkimna tham ding, “A hang” nei lo in, phi kik thei lo uh hi. Tua bang sittelna hong om tanghial mateng amaute mot-om tanghial ahih lam uh kiphawk zo nai hetlo uh hi. Amaute upna telgen ding a, tang sapkhiat thusitna a thuak uh ciangin, amau thumaan san’ zia bang ci san’ a, bang teng hiam? cih abuai gawp lel uh ahih lam akiphawk phing ding uh hi.” 5 T 707. (2 TT 312).

“Hih kisiatna hun ading a kip zo mi in, Laisiangtho sung amau teci panna a tel sinsen in a thei ding uh hi.” GC 559.

“Thumaan theihnop na tawh hanciam a azong mi in, amau’ kha-sawl manna tawh apuah siang nuam a akithasan mi in, tua kidona ding kigin kholhna bawl ding a, thumaan Topa sungah bukna dinmun amuanhuai angah ding hi.” GC 560.

“Laisiangtho thanuam taka sim a, thumaan itna asang mite bek mah, leitung buppi ahuam khemna vanglian panin kidalna angah ding uh hi.” GC 625.

Sittelna hun hong tun ciangin, Pasian thu bek tawh agamta te hong kilang ding hi. Singteh dum hun sungte in, ateh no den kungte leh, kung dangte kilamdan na nei lo ahih hang in phalbi hong tunga, singtehte hong kausan ciangin, tehno den kungte pen amel kikhel lo a, akung dangte ateh khempeuh pulhkhia khin uh hi.” GC 602.

“Kidona lian nunung ciangin Laisiangtho thumaan ah alungsim a bulhkip vinvente bek longal, kuamah in thuak zolo ding hi. Tua hun ding khentelna pen tu mahmah in hong tungta hi.” GC 593, 594.

“Laisiangtho ah zong-khia un. Nidanga nasim bang bek hilo in na Laisiangtho uh sim un. Tua bang nahih kei uh leh, biakna thu ah asangzaw kahto a, asiangtho zaw nuntakna mun ah Topa hong kilat ciang adingin akigingsa nahi kei kha ding uh hi.” 5 T 717 (2TT 324).

Hih leitung bei dingin a naihzawk mah bangin, hilhkholhna in ni nunung nite thu ding agennate, ih telsim mahmah ding kisam phadiak hi.” COL, 133.

“Pasian Khasiangtho ih, Laisiangtho bu sung adal om khempeuhte taangsak a, ahih hangin alawp tatak zolo mite adingin teltakin theithei lo pah uh hi.” TM 112.

“Pasian in patau ko dinga, vantung mite van kimlai a leng tang dingin mite hong sawl ciangin, Amah in eite khempeuh in tua thu awlmawh leng hong deih hi. Lauhuai thukhenna in sapi leh amilim biakna pen gensia hi. Mang. 14:9-11. Thanuam taka hilhkholhna thu ih sinna dingin, sapi ciamtehna ih cih pen bang hi a, tua panin bang ci pengh ding ci-in hong theisak hi.” GC 594.

“Tua bangin hilhkholhna in ih mailam thu kitel takin hong gen a, nung zuipite in Khris kammal pan azak bang mah veve uh ahihi. Hun hoih kong kikhakna tawh kizom a na piangte leh, haksapi hun adingin kiginkholhna zia dingte teltak in hong lak hi. Ahih hangin mipi in, nidang in akilak ngeilote ahih nak leh, bang mah telbeh tuan lo uh hi. Amaute in gupna angah khak theih nading a pilnate Satan in matkhiatsak a, tua bangin amaute kiging lopi in hun-haksapi in nawk hi.” GC 594.

“Kisiatna hunte ih mai ah om hi. Thumaan athei mi peuhmah khangh-lo in, alungsim, apumpi, akha, Pasian ukna nuai a koih ding ahihi. Galpa in hong sim hi. Amah nang dingin khangh-lo in ih kikem ding hi. Pasian galhiamte ih silh ding hi. Spirit of Prophesy in ahong lamlahna bang ih zui ding hi. Tu huna thumaan om bang ih zui ding hi. Tua in khemna thahatpi pan in hong suakta sak ding hi. Pasian in eite ahong hopihna dingin a thu hong pia ahihi. Amah in Testimonies te tungtawn in thu hong gen a, tu hun a ih dinmun pan atheih nop dingin thu hong gen hi. Tua patau tangkona kipia khin a, gualkhat pan gual khat, lamlahna khat pan adang lamlahna khat, awlmawh a sin dingin hong gen hi. Tuate ih awlmawh kei mawk leh, bang ci suahtakna ngah thei ding ih hi hiam?” 8T 298, (3 TT 275).

“Mi tampi in Pasian hong khuavak piak leh lam-pang zuan in pai hi. Bang hang hiam cih leh amau in tua laibu sim nuam lo uh a, asunga thu om kikep nading siamna khuavak pan, kikawk khiatna leh patau kohnate theilo uh hi.” 4 T 931.

“Laisiangtho leh Spirit of Prophesy teltak a theih lohna pen, thumaan theih kim zawhlohna hi a, thanuam tak leh thungetna tawh sim lo uh ahih hang ahihi.