VANTUNGMI NIHNA TAANGKONA

VANTUNGMI NIHNA' TAANGKONA

"Tua ciangin, vantungmi anihna in hong zui-a, "Alian Babylon khuapi kiata hi, kiata hi! Amah in ahuk alanna leenggahzu, mi khempeuh tungah pia-in akham sak hi," aci hi. Mang. 14:8.

TAANGLAI BABYLON KIATNA

Lai Siangtho lui sungah taanglai Babylon akiat nading thu tawh kisai patau hilhkholhna genkholhna thu te akipulaakna kimu thei hi, "Babylon khuapi sung panin taikhia un, mi khempeuh kisuahtak ciat un! Babylon' mawhna sih pih kei un, bang hang hiam cih leh amawhna bangun athuakna dingun TOPA' thuhkik hun ahi hi." Jer. 51:6.

Babylon kumpi gam Medes leh Persia te khut sungah ong kiat tak ciangin Belshazzar leh apawlte in athuman PASIAN anitbang sakna thu ong kigen hi. "Thakhat in khamhai leh kuangte hong paipih uh-a, avekpi-un tua haite tawh zu ane uh hi. Amaute in zu ne uh-a, kham, ngun, sumngo, sik leh suang tawh kibawl pasiante aphat uh hi." Dan. 5:3,4.

Daniel tungtawnin Babylon gamah lungdamna thupuak kitaangko-a, Nebuchadnezzar kumpi ahih leh amaa theihna tuahkhakna thute tungtawn in biakpiak nading thu kihilh hi. Ahi zong, Nebuchadnezzar kumpipa asih khit ciangin amaa din mun, aza/nasep aliahte in kumpi Nebuchadnezzar' sin khak, tuahkhak nate ii hamphatna, amanphatnate amau gamtat siatna hangin suplawh, tantawh uh hi. A thupaizia asang penpen leh azaknop huai ong omna pen bang thu hiam cih leh Belshazzar kumpipa in asiangtho PASIAN biakpiak nading-a akizang biakinn sunga akizang asiangtho haite tawh Babylon gam sung panin apiang zute dawn-in milim pasian abia uh hi. Tua khit ciangin kawmpeek tungah khutmee in Babylon kumpi gam akiat nading thu leh Belshazzar kumpipa asih nading thu ong kilak hi. Steps to Life Bible Studies na sim un.

Leitung pen hi bangin ong siat nading apiangsak Babylon kumpi gam ii nasepna paizia phawk tek ni, "Babylon khuapi, TOPA' khut sungah aom khamhai tawh kibanga, leitungbuppi zu akhamsak hi. Gamdangte in azu adawn manun ahai khin uh hi." Jer. 51:7. A kum zalom tampi sung mah hih aksi lamsang (tawh kisai) pilna, upna te Babylon gam sunga Chaldeans te' tungtawn in atawpna ah "India, China, leh Indo

1/5

China (taanglai hun-a Malaysia, Indonesia cih banga tuikulh gam neuneu te cihna ahi hi) huampek dongah hi banga ai-san siamna, khut lamet siamna atuamtuam te kizelhthangzo banah pawl khat khat gamte ah tuni ciang dong kizang lai hi…… atunga i gen gamte tawh akilehbulh Syria, Egypt gam dong leh Roman kumpite uk ngeina gam dongah kizel pai suak hi." Franz Cumont, Astrology and Religion Among the Greeks and Romans.

KHANGTHAK BABYLON

John mangmuhna sunga lutang sagih anei ganhing tungah atu khamhai akhut sungah atawi numei asiangtholo khat ii thu tawh kisai tellah khiatna ong kipia hi. "Na muh numei pen leitung kumpi khempeuh tungah ukna anei khuapi ahi hi," hong ci hi. Mang. 17: 18 leh 17: 3, 4, 9 te zong na sim un). Nungzui John hih leitungah adam lai-in leitung a-uk, khuapi lian anei, leitung kumpi khempeuh a-ukte pen Roman minamte ahi hi; tua mual sagih khuapi in Amaa ukna, thuneihna leh amin pen amah azompaha ukna thuneihna anei pen numei tawh limciingna akinei Pope ii makaih Rome pawlpi ahi hi.

Hih genkholhnahun tawh kizui-in biakna leh ukna thuneihna anei Rome pawlpi ahih kei leh Pope thuneihna pawlpi pen taanglai Babylon tawh akibang, ahatna, aza kibang ahi hi. “Amaa lutang tungah akigelh min pen ALIAN BABYLON KHUAPI” ahi hi, Mang. 17:5. Roman pawlpi leh taanglai Babylon gam saikaak-in i et ciang lamdang phial mah tase leh kibatna tampi aneihna kilang hi, tua thute i et ciangin milim, lawki Babylon gam ii biakpiakna, avaangneihna, ahauhna, akhangzui-in akiluah suksuk thuneihna, biakinn sungah ngeina tatziate, siampite bek mah bangin pilna, lai simtheihna hun akipiakna, mi ataangpi in atheihloh taangpau nam tuam khat tawh biakpiakna aneih ziate, milim, lim leh meel asiangtho-in koih-a azahtak bawl ziate, dahna tawh akipan khia pawite kipakna tawh zompah-a atatzia tuamtuam te, mun tuamtuam ah biakpiakna apia te adingin akoih asiangtho nusian' limte cih banga biakna leh ukna thuneihna kigawmkhawm-a, atatzia, akalsuan zia pen taanglai Babylon leh Roman pawlpi pen kilamdnag hetlo hi. Ahi zong, hi tengah tehkaakna sangin alianzaw, athupi zaw om-a Babylon kumpi gam panin Roman kumpi gam tungah akiluah suksuk biakna, ngeina tatzia te zong hih Roman kumpi gamte sung pan mah in Roman pawlpi tungah zong akipia suksuk biakna vanzat, ngeina atuamtuam te akhang akhang in akizop suksukna kimu thei hi.

Hih athunei Roman Catholic pawlpi (R.C pawlpi) pen tui bang akiphumphial ahih kei leh tuiphumna anei Roman kumpi gam sangin themcik-in kimang thei liailiai zaw sam hi." A.C. FLICK, The Rise Of The Medieval Church (Putman's, 1909 ed.) p. 148.

Hih biakna thak ii upna leh tatzia lawki, dawibiate kiangah ong kipatkhiat theih nading nasep akipat ciangin "lawki, dawibiate' tatzia" bulpi pawl khat pen kizang suak ahihna Cardinal Newman in tua bang tatzia thu tampi tak amalmal in gual suk diudeu hi, tua teng lakah pawl khat te pen "biakinn azatzia uh leh misiangtho khat peuhpeuh minvawh in a-apna uh, nat leh sat aom ciangin adam kik pah theih nadingin singteh hing ano dikdekte, meivak, khuaimei, paknamtui cih banga vante pen damna ngah nading in azatna uh, tui siangtho, khua hun, hun leh ni thupi te, calendar, leitang tualpi thupha biakna tatziate, siampi vanzatte, phungzilut cianga sam mettolna, mopawi kiteenna ah zungbuh kipiakna, nisuahna-lam ngaa-a om zia, milim leh lim, tu hun ciang ong kizatna, thuhilhna nei-in kammal kizuihsak daudauna leh thoihna (Kyrie Eleison) cih banga gamtat nate lawki, dawibiate pawlpi sungah ong lutzawk theihkhak leh cih lam-etna tawh tuni dong kizang suak hi." J.H Newman, An Essay on the Development of Khristian Doctrine, 373.

Hih Roman kumpi gam in agam, aleitang bek aluah hi lo-in, biakna tawh kisai Greece gam leh ni suahna gam lampan in angah gamh ahi hi. A nungsang ciangin Roman minam dawibia, lawki, milim biakna sungah nisuahna lam-a aom pasiante' huzaapna in zogawp ahih manin nisuahna lam-a biakna paizia, pasian atuamtuam te in Roman minam dawibiakna sungah mun ong neita uh hi, tua teng khempeuh zong aksi lam pilna, ai-san siamna atuamtuam te'n zong huzaap ahih mah bangin 'Ni' biakna sungah ong tualbial uh hi, gentehna: Mithra pasian- hih pasian bang pen Persian minam leh Babylon minam te' sungpan na tuamtuam kikaih khopna tawh aneih, amin vawh pasian ahi hi. (Franz Dumont, Astrology and Religion Among the Greeks and Romans 1912 ed., pp. 89-91 te zong sim un).

"Leitung kumpite in tua apaktat mahmah nu tawh gamtat hoihlo gamta uh-a, leitung mite in amaa paktatna leenggahzu dawnin akham uh hi." hong ci hi. Mang. 17:2, 4 zong sim un.

Taanglai hun-a Babylon minamte' biakna pen gamtatna, omdan lim leh meel nei-a, ahih hang khangthak Babylon leuleu in khalam tawh kisai paktatna lam ah manawh zaw mawk hi, tua mah bangin upna, zuihdan adiklo thu leh lawki, dawibiate' zat ngeina teng tawh pawlpi nin sak, sia sak uh hi, tua ban-ah pawlpi ukna, paizia leh thuhilhna akhauh tektek nadingin leitung kumpi thunei-te tawh alipkhaphuai kizopna bawl uh hi, tua mah bangin main pua pong taanglai Babylon' gamtat zia mah bangin Roman Babylon in zong amaa hai sung panin asiangtholo leenggahzu minam atuamtuam te dawn sak uh hi.

KHAZIH' HAI LEH BABYLON' HAI

Topa Zeisu' nitak anneekkhopna sungah ahai zat lungngai un, “Hih hai pen thuciamna thak akipsak Keimaa sisan ahi hi." Luke 22:20. Hih thuciamna thak thu lamsang (tawh kisai) pen athupi mahmah athulaigil tawh kilakkhia hi, "Ahi zongin, tuin Israel mite tawh Kabawl ding thuciamna in hih bang ahi hi. Amaute sungah Ka thukhaam Kaguan ding-a, amaute' lungtang tungah gelhin, amaute' PASIAN Ka hi dinga, amaute, Keimaa mi ahi ding uh hi." Heb. 8: 10. Khazih in mihing' lungtang sungah na asep ciangin lungsim pen ahoih takpi-in kikheelna nei hamtang hi, "Bang hang hiam cih leh Khazih Zeisu tawh ahong kipawlsak Kha Siangtho in mawhna leh sihna apiangsak thukhaam panin kei hong suakta sak khinta hi. Mihingte thahatlo i hih manin Thukhaam in ahih zawloh thute Pasian in ahih zo hi. Mawhna abeisak theih nading in mihingte sunga om mawhna tungah thu akhenna-in Amaa Tapa hong sawla, Amah pen mihingte' mawhna lungsim mah anei-in hong pai hi. Eite' deihna bangin nungta lo-in Pasian' Kha Siangtho deihna bangin anungta eite sungah Thukhaam' deihna teng akicin' theih nadingin Pasian in A Tapa ong sawl ahi hi." Rom. 8:2-4.

Pasian' thukhaam tawh kipelh theih nadingin mihingte in thuhilhna atuam dang khat ong zang, ong behlap uh hi. "Mihingte' bawl tawm thukhaamte, Pasian' thukhaam zahin mite tungah hilh uh ahih manin, kei hong biak hangun akiman'na omlo hi….. na khanglui ngeina uh na zuihtheih nadingun Pasian' thukhaamte anawlkhin zia nasiam mahmah uh hi." Mark 7:7-9.

Hi tengah hai nih om hi, TOPA' hai leh Babylon' hai ahi hi. TOPA' hai sungah “athuman Zeisu sungah aom" anungta thumanna om-a, Babylon' hai sungah akhial upna, anungta kammal leh PASIAN' thukhaamte heikhia-a mihing' ngeina, tatzia te leh hi, PASIAN' vangliatna sungah kingak sangin Amaa thugen te akip theih nadingin athumanlo kipawlna leitung kumpi thuneite tawh kizopna nei uh hi. Tua mah tawh kizui-in azahtakkaai Pasian tatzia te akepcing sawm uh hangin Amaa thuneihna, Vaangliatnate deih lo-in nial leuleu uh hi. II Tim. 3:1-5.

Roman pawlpi in Lai Siangtho leh ngeina thu hi bangin gen uh hi " hih avaangnei thu nih te gel ii amungpi, azungpi pen tua sungmah amau' sung mah ah om ahihphial hangin, abulpi amau' siangthona, vangliatna thu leh hih thu nih te gel ii siangthona, vangliatna akikim phial zongin, hih thu nih te gel in asiangtho, athuman alakkhia tuak ahihphial hangin eite adingin NGEINA pen kician zaw, hoih zawin, khamuanhuai zaw hi." Catholic Belief, p. 45, 1884.

Babylon' suan-lehkhak, anungzuite in amau pianna nu (apiakkhiatna mun) ii gamtatzia alahkhiat dan uh hoih takin ciamteh ni, "A taltang tungah, 'APAKTAT NUMEITE LEH LEITUNG KIHHUAINA KHEMPEUH APIAN'NA ALIAN BABYLON KHUAPI" ci hi. Mang. 17:5. Article 10 na ah Upna, pawlpi ah thuneihna anei Pope Pius IV in hi bangin gen hi. "Keimah Pope Pius IV in hih asiangtho Catholic sawltak pawlpi pen pawlpi khempeuh ii pianna nu leh athunei numei hi ci-in kaciamteh hi. Hih akineih tawm, akipulaakkhia protestant pawlpi te in khangthak Babylon ii tanu te akicih theih nadingin PASIAN ii kammal, avaangliatna, athuneihna te sangin leitung mite' upna, ngaihsutna, ngeina, tatzia ahih kei leh leitung ki-ukna thuneihna te pom zaw, sangsiam zaw uh-a Protestant pawlpi ii upna laigil leh athuguikhun te awlmawh nawnlo in, thusim nawnlo uh hi. Hi bangin upna taktak panin akiatna pen amau sungmah pan kipankhia ahih ban-ah hi bangin agamtatna uh pen khangthak Babylon akiat nading ataangkokhia, apulaakkhia hi uh hi.

Upna lampialna, khangthak Babylon akiatna, pawlpi' pianna nu leh amaa tanu te ahih leh akiatna lam amanawh taktak uh ahi hi. Tua khit ciangin vantung panin vantung midang khat ahong pai suk kamu hi. Amah in thuneihna alian mahmah nei-a, Amaa vaangin leitungbuppi ataan' hi. Amah nakpi takin kiko-a, " Alian Babylon khuapi kicim hi, kicim hi! Tu-in dawite' kua suak khinta in, kha gilote' omna suak khinta-a, akihhuai, amuhdahhuai vasa nam kim in omna –in neita uh hi. Bang hang hiam cih leh amaa hukna leenggahzu mi khempeuh dawnsak-a, leitung kumpite tawh paktat-a, amaa hukna hangin leitung sumbawlte in ahauhlawh uh hi," aci hi. Mang. 18:1-3.

PAIKHIAT DING PASIAN IN HONG SAM

PASIAN kiang panin thuhkikna tawh khangthak Babylon in atawpna lampi ong zuanta ding hi. Tua ciangin, athahat vantungmi khat in an-gawina suang tawh akibang suang lianpi khat la-in tuipi sung den'na-a, "Alian Babylon khuapi hih bangin kilawm dinga, kimu kik ngei nawnlo ding hi….. nang Babylon khuapi hi bangin gim hong kipiakna pen kamsangte leh mi siangtho akithatte' sisan leh leitungah akithat mi khempeuh sisan nangma sungah akimuhna hang ahi hi." Mang. 18:21-24.

Babylon khuapi panin pai khiat ding sapna taktak ong gingkhiata ding hi. "Tua ciangin, vantung panin aw dang khat kaza-a, "Keima mite aw, amawh gamtatna-ah kihel kha-in, agim thuakna thuakpih kha ding na hih manun hong pai khia un. Amaa mawhna in van ban-a, Pasian in gamtat hoihlohnate phawk gige hi." Mang. 18:4, 5.

Babylon panin hong paikhia mite in gualzawhna la taktak ong sa ding uh hi, "A vaanglian eite Topa Pasian kumpi suak khin ahih manin Pasian phat un. Tuuno' zi neih ding hun hong tungta-a, alawmnu akithawisa-in om khin ahih manin lungdamin kipaakin amah phat ni". Mang. 19:6, 7.

Ref: Vantungmi Nihna Taangkona