MS 13: Sabbath Bei khit Setbing

September  29, 2018

01. Mipi Phatna la “Sabbath Mangngilh Ke'n”

02. Muakna Sabbath School Makai

03. Hunap Thungetna

04. Program “Sabbath Over Bicycles”

05. Sumpi : Sumpi don laitak, naupang te'n “Zeisu'n hong it hi” cih la Senpau a sakding ( bit.ly/childrensmission).

06. Phatna la “Ke'n Zeisu Deihzaw Ing”

07. Hunzawh                      Lungdamkohna A kihel ding teng: Thusungpi leh thugen ding.

* * *

Sabbath Beikhit  စက္ဘိန္း

Thu sungpi: Tu quarter sungin South Korea, Japan, Mongolia, leh China a om, Northern Asia-Pacific Division a pawlpi mite i mu khin hi. Tuni Taiwan mite i mu leuleu ding hi.

Thegen:  khawng zutsiang cih nasep pen, Taiwan ah khasum tam khollo hi mah taleh, nasep thuhpi khat hong hi veve hi. Sabbath ni awl thei hi.

Jin Rong Gao in a zi tawh mi16 a pha workshop nasempawl ah lut uh hi. Anupa un, Sabbath buaina hangin a nsaep masa nusia uh a, Taiwan dollar 15,000, (US dollar 500) sangin nadang sem uh hi. "Tualai in nasep tamlo mah taleh, Sabbath kikhawl a hih manin nuam kisa mahmah hi.

Kha tawmvei khit teh, a sanggampa, sanggam numei 4 te, innkuanpih dangte, Sabbath buaina a neilai te phawk hi. A bosspa kiang ah, a sanggamte nasep piaksak ding ngen taleh, bosspa'n piaksaklo hi. “Nasep tam i nei kei hi” Jin Rong in ci a, tua pi mah tanau 7 nasep piak sak hi.

Jin Rong zong tua khasum tawmno mah tawh, kumthum sung hanciam in nasem a, nasep hoihzaw khat zong hi. Ahih hangin Sabbath ni na a kisepsak ding dah mahmah hi. “Khasum lianpipi sangin, Upna kiplet dingmah thupi sa zaw ing, ” ci hi.

Pasian in Jin Rong kisapte mukhin a, workshop ah  tampi hong kivaikhak hi. Jin Rong te nupa khasum in Taiwan dollar 70,000, US $ 2,300, hi ding hi. Jin Rong zong workshop makai in zaakhang hi. Khasum khangbel nuamtei napi'n, Sabbath ni seploh phamawh ding patau mahmah hi.

A laullau mah bangin, Friday nitak ciangin bosspa in, workshop kikhop na ah, mi16 minlo in, Saturday nisim na sem ding ci in tangko hi.

Jin Rong in thakhat in, “Kasem thei kei ding hi,” ci pah hi.

Boss pa'n, “Nang thu hi. Sabbath na tannop leh, nasep tawpin” ci hi.

Jin Rong, tua zan ihmu theilo hi. Amau nupa nasep bek hilo in, a tanau sagih teng i nasep zong taan ding uh hi. Tua a hih ciangin Pasian hong ko ta hi. Zingsang in, tanau te tawh biakinn pai uh hi. “Ka nasep uh sangin, ka upna uh lenkip zaw nu'ng,” ci uh hi.

Bosspa hehlua ta.Anasemte a lang tamzaw biakinn pai a muh ciang hehlua hi. A dang sagih omlai te zong khawlsak vet zaw hi. Sabbath bei nitum khit teh zansep vo ci ta hi. Nasep daanding hungeel ding Jin Rong sawl hi. Adventist tengin nuamlua in, Sabbath bei nitum pan Sunday ni in sem uh hi.

Ni thum khit ciangin Bosspa workshop ah hong pai kik hi. Tuesday ni in, Jin Rong kiangah, “khasum tamzaw na deih hiam?” ci'n dong hi.

Jin Rong, lamdang salua in. “Sabbath na tan leh nasep taanding nong cih hi lo maw?” ci kik hi.

Bosspa in,  order tamlua mahmah a hih manin, workshop thak khat hong ding, tualai ah, Jin Rong in makaipi semding, mithak zong tampi cial ding, khasum zong tamzaw ding hi. Jin Rong a ding pen Sabbath ni zong nasep kul ding hi bek hi," ci hi.

Nasep kamciamna ah bel mailam vang mahmah hi taleh, Jin Rong in bel Late 37:5, phawk hi, “Na vai khempeuh Topa ap in, Amah muang in, Amah'n hong zawhpih ding hi” (NKJV). A vai khempeuh Topa apin tua nasep nial ding khensat ta hi.

Heh ding sangsik in, Bosspa in workshop honhun a kipzaw in kheel zawsop hi. Jin Rong bang a nasem hoih, mi muanhuai, taisuah nuamlo a hih manin, Sabbath ni workshop kikhaak ding, nitumkhit Sunday ni kihong ding ci in hun kheel ta hi.

“Kuamah Sabbath ni nasemlo, Bosspa nangawn,” Jin Rong in ci hi.

Jin Rong upna kip hangin, naseppih te lungsim kikheelzo a, mi 4 ki tuiphumzo uh hi.

Jin Rong nasepna ah tawl thei mahmah ta leh, tua bang mah in sem paisuak zaw hi.

“Tawl mah talehang, upna lenkip thei ding in hong kem Topa tungah lungdam ka ko uh hi, Ka thungetna te uh hong ngai a, lungnuamtak a hong om sak Topa tungah lungdam ung,” ci phapha hi.

Narrator:

Taiwan ah mite bek thamlo, Northern Asia-Pacific Division sung a om pawlpi mite in, Zeisu hong paikik ding thu tangko ding leh upna lenkip thei ding in thu nak nget mahmah uh hi. Thirteenth Sabbath sumpi tampipi hong pia leu cin mitampi te in lungdam thu hong zaksak thei ding uh hi.

nnnnnnnnnnnnnnnnnnnnnnnnnnn

Andrew McChesney