MS 11: Lai Hilh Nuam Ke'ng

Tserenpil “Ogie” Otgontuya, Kum 40 

September 15, 2018

Ogie (O-ji), Kum 40, Mongolia gamah Seventh-day Adventist in khat i neihsun Sangah Siapipa hi.

Mongolia University ah kahding ka kipat ciangin, “Sangsia sem kei ning” ka ci hi. Ka nu in Naupang hilh siama hi a, naupang gamlum ka zak thadah lua hi. Biakinnah zongPastorpa in naupang hilh dingin hongsawlsawl hi mah leh, "naupang deih ke'ng" ka ci ziau hi. Laisiangtho tangthu te tawh hong hatthot ciangin, ka lungsim hong zo mah taleh, naupangte ka muh ciang,"hilh nuam ke'ng," ka ci kikkik hi.

University professor nu khat tawh ka kitenguh a, ta khat nei in, khuaneu khat ah, Pasian na kasem uh hi. Ka pasal in,"Hih khuaneu ah bang na utna hiam" ci'n hong dong hi. "Thei se lo, lai hilh noploh manpeuh" ka ci kik hi.

Sangtuak ciangin, ka lawmpa'n sangnaupang te innah samzel hi. Ke'n zong anlim nono ka huansak hi. Mongolia gam ah, sa pen an thupi pen hi napi, sabuai tungah teh leh gah vive a om seusau ciangin, sangnaupang te 'n lamdang sathei mahmah uh hi. “Bangan a hia? Banghangsane lo?” ci'n hongdonguh hi. Laisiangtho tawh kituak cidamna thu a hilh ka hi gige hi.

Tua hun mah in, veng nupi te ka pawlbawl a, hong hawh uh ciangin, a tano te laisiangtho tangthu ka gen hi. Lai hilhlo ding ka cihcih hi napi, lai hilhhilh mah ka hi veve hi.

Ka pasal in tua khua ah pawlpi phut a, amah zong,Adventist University of the Philippines ah pilna sinbeh ding kisawl hi. “Topa, hong huh in. Philippines ah, ke'n bang hih peuhmah ding?” ci in Topa ka ko hi.

Kha tampi mah thu ka ngetnget khit uh ciangin, university professor khat, Philippines ah ka omnathak vuah hong hawh hi. "Kum 2 ½ sung hi ding hi ven, bang na cih diam" hong ci hi. “Accounting maw, nursing,” ci'n ka dong hi.

“Thu ngenkhawm ni, Pasian in hong makaih ding hi,” hong ci hi.

University’s nursing program teng ka ensuk a, kum 5 sawt ding hi. Business lam ka en leuleu a, accounting pen kum 4 sawt ding hi.Accounting lak ka sawmta mai hi. Education sia khatin hong hopih a, Mongolia ah omngei cih ka theih ciangin kizopna kipkhat kabawlpah uh hi. Mongolia apai ngei mi Philipines ah kamuh masakpen mah hi a, kiho zong nuam mahmah hi. Amah'n education la in hong ci hi. “Hmm, hi ve,” ka ci hi. “No” ka cihbak noploh manbek hi. 

“Tanu no nei hi ve cin, na sin dia? hong ci hi” Ki hoho mai. Amah sanglut ta ding a hih teh naupang sangah hong en in hong ci hi. Lamdang lua hi. Naupangte'n nuamsa thei lua uh, Siama te zong khamuanhuai lua hi.

Ka dawp kawikawi leh, kum 3 tawh degree kingah thei ding cih ka thei hi. Tua ni zan ka nupa un sawtpi ka kiho uh hi. MongoliaAdventist in sang cih thadah, sangsia zong nei nailo, bang cih ding kalung uh kham hi. Ka pasal in," "Topa deihna bang in Sia i suak leh zong suak tamai ni," hong ci hi. "Hmm, hive, ka ci a, ka sangsia utlohna teng beizo hi.

Kum 2 ½ sungin sang kazo a, kapasal in zong hong zo hi.

Mongolia ciahkik in, Adventist sang ka hong uh hi. Nungdeuh mah in, ka sang vuah Siapi ka suak hi. Naupangte laihilh nuam kasa mahmah ta hi!

Tuni, Tusgal Sang in sangnaupang 124 nei a, a tamzaw Adventist lote vive hi. Tanlang pan Plus 2 dong om hi. 2015 kum a Sabbath 13 na sumpi tawh nong huhna te uh lungdam mahmah ung. Sangnaupang khangkhang a hih manin, Bawda zong hontoh sawmlai ung. Tu quarter Sabbath 13 na sumpi te in tua Bawda te hong lamsak ding hi.

Topa min ka phat uh hi. Tanau te'n, “Sangsia suak ngeikei ning na ci si. Tu'n lah Sangsia na hi a?” hong cih uh ciang, “Sangsia suak dingmi kuamah'n thei khollo hi. Pasian bekin thei hi. Lungduai in thumang leng, Pasian in hong geelsak hi.”

Tserenpil “Ogie” Otgontuya, in Andrew McChesney kiang a gen bangbang hi.

Theihhuai Thu

• Mongolia khangno kum 15 pan a tungsiah 100 ah 53 Buddhist, 39 in bikan neilo. Christians 2.1 bek om hi.

• Mongolia gampen Russia leh China kikal ah lei in umcip hi. Mipi a lang phial Ulaanbaatar khuapi sung ah teng uh hi. Adangtengpen khuata mi hi.

• Mongolia gampen mualtung vive hi a, a huam in a saanna pen tuipi pan pi 5,183 (1,580 meters) hi a, leitungah gamsangpen a hihi.