MS 8: Adventist College Khat ah Awk

Yasuki Aoki, kum 42

August 25, 2018

Aoki in Christian mungeilo, laisiangtho hong ngeilo pi in Seventh-day Adventist college ah minpia in kah hi. Saniku Gaku in College zong Christian sang a hihlam thei selo in, a nu leh a pa in, kumnih ai sangsum piaksak venvan hi. Aoki bel sanghoih khat ah manglai sin nuam hi ziau lel hi.
Kum 18 a pha Aoki in, pasal te bawda a lutcil nitak in, awliatna pan "Biakpiakhun hi ta, kikhopna inndei ah hong lut un" cih tangkona aw a zakciangin lamdang saluahi. Mi nungzuipong phot in kikhopnamun lut hi. Labu, Laisiangthobu cih te neilo bek thamlo mungeilo pahphot hi. Mi lasak teng ngai dedu pong, laisiangthobu hongpong hi.
“Keilo siah in la sa thei e, Keilo siah in laisiangthobu hong ziauziau thei uh, cih na'ng thei ke'ng,” ci hi.
Biakpiak khit teh, Aoki ciahkik nuamta hi. A nu leh pa in kumnih ai sangsum piaksaksa cih phawkin, ngak tentan in om lel hi. “Christiante tawh ka kimuhcilna mah hipah ey,” ci hi.
Aoki bang Japante tampitak in, Christian mu ngeilo uh hi. Mipi awn 127 lakah Christian 100 a khatbek om a, tua te lakpanin zong 15,151 bekmah Adventist hi lai hi. A gambup un Buddhist vive hi. Aoki bel Adventist college a lutlai in, Buddhist hilo hi. Khalam thu peuhmah ngaihsut in nei vetlo hi.
Hi mah taleh a ksangkapih te leh Siatehoih mahmah a, Christian thu limtakin hilhcian hi. “Amau lawmhoihlua a hih manun, Christian hoihna ka muhlawh hi,” ci hi.
Biakinn kah a, lawmleh gual tawh holim nuamsa mahmah hi. Adventist numei khat zong hong ngai pah hi.Ahih hang kituiphum sawm nailo veve hi.
Kumnih khit teh, English hilhtheihn license ngah a, Adventist college khat ah semding cih lunggulh hi. Tuabangin nasem leh Adventist a suakkul ding a, laisiangtho a naksim kul ding cih phawk hi.
Aoki in theology major lakna dingin laibawlpah hi. Pastor bel suaknuam hetlo hi; Laisiangtho hilhnuam bek hi. Theology sinna'ng form a bawl khitphet in, Siapipa in zumhsungah sam a, “Bang ngaihsun nahiam, na mailam ding bang geel, Christian na suak diam?” ci in dong hi.
“Khatvei teitei suakkulmah lo dia, “Tu'n bel hi nailo,” ci hithiat hi.
Siapipa'n nai et mahmah in “Khatvei teitei na kituiphum ding veve tu'n kiphum zaw in, banghang hun sotsot na? Mailam thu kuamah'n theikhollo, Tu'n ki tuiphumin,” cimai hi.
Sawt simthammah kikumkum uh hi. Aoki in Siapipa telsiam hi. “Ngaihsut hun tawm hong piakbeh in,” ci phapha hi.
Siapipa'n Aoki mawkkhah nawnlo hi. “Mai nipisung nong paikik ciang, kituiphum dingni khentat in,” ci hi.
Aoki in, khuadang khatah lai a hilh , a Adventist lawmnu sam in, tua thuteng gensiang hi. "Nong paitheihding ni kituiphumning" ci hi. Siamanu zong tua khasung nikhat bekmah hun ngah a, tuani ciangtansak pah hi.
Tuni in, Aoki kum 42 pha ta a, Japan Union Conference ah makai khat a hihi. Japan gambup in khatbek a neih, Adventist khangno pawlpi Tokyo’s Setagaya Church ah Church pastor sem hi. Tu Quarter Sabbath 13 ni sumpi te in, Japan khangno te nakpi takin hong huh ding hi.
Japan khangno te Christ tawh hong kinaisak thusimpen Itna hi a,Adventist college te Christ kiang ah hong kai hi" Aoki in ci hi.
“Pasian in itna a hihlam hong hilh, laisiangtho hi masa lo hi, ka lawmte leh ka Sia te in itna kammal te leh, itna gamtatna te hong lak masa uh hi" ci hi.

Andrew McChesney

Theihhuai thu
• Japan te tangngeina khat ah, numei peuhmah in a haa te uh za tawh vomsak hamtang uh, Haa paak peuhmah melsia sa uh hi. Tua pen 1800 kiim dong kizang hi.
• Japan gam ah Adventist   sang thum nei uh hi. Aminte vuah "Saniku" cih kammal helkim uh hi. "Saniku" a khiatna in, San - thum iku - lamto, domto - mite lamto domto cihna hi.