ZSS LESSON 9: HUN NUNUNG KHEMNATE

LESSON 9                                                   May 26 – June 1

HUN NUNUNG KHEMNATE

NIPI NITAK

TUKAL SUNG SIM DINGTE: Rev. 2:13,24; 2 Cor. 11:1315; Ps 146:4; Gen 1:2-3; Rev. 13:1-17.

LAI SIANGTHO BULPHUH: “Gulpi kilawnsuk a, tua dawimangpa ahikeh Satana kici leituung buppi lampial-sakpa tua tanglai gulpi ahi hi.  Amah ama vansawltakte             tawh lei ah kilawnkhia suk hi” (Mang. 12:9, ZIV)

Satan in  a kilawtsuk ma in vantung nangawn ah vansawltakte khem lai hi. “Pasian oma mai panin a paikhiat ciangin lungkimlohna lungsim vansawltakte lak ah thehzak hi. A simtham a sepna le Pasian zahtakna melpuak khemna ah tawlkhat sung a ngimna maan ipcipna tawh vantung mite ukna thukham in a kisamlo kideekna piangsak hi ci in lungkimlahna khansak ding nakpitak in hanciam hi.” – Ellen G. White, The Great Controversy, p. 495.

Eden  ah, Eve khemna dingin pai in gulpi in kineih hi. Khangthu tawn in tuni dong leh kum tul maan khit nangawn ah, ama deih ngahna dingin khemna zang lai ding hi (Rev. 20:8). A dahhuai thu ah, eite sangin pilzaw, vanglianzaw, leh ngian nei zaw ahih manin ama thangzaak pan kidalna ding Jesu leh a kammal i letkip gige ding kisam pha hi. “Ahi hangin, Topa note Pasian a lenkip khempeuh tuni dong na nungta uh hi” (Eccle. 4:4, ZIV).Hih thu mah tuni dong maan lai hi.

Tukal, dawimangpa khemna lauhuaite bang hi a, tua te pan in koi bangin kidal thei ding cih thu te i sin ding hi.

SUNDAY                                                                      May 27

A LIANPEN KHEMNA

Tu quarter lesson masa ah hih leitung dong hong baan ahi “khuavannuai kidona” thu i sin hi. A buaihuai thu in, Christian zong kihel mi tampi te in Satan om takpi cih umlo ahih manin hih kidona lianpi zong um theilo uh hi. Amaute in, Satan le siatna thute gitlohna le thuaksiatna tawh kisai hilhna dinga kizang ciangbek in ngaihsun uh hi.

A nuai a Mangmuhna thubu munte sim in. Satan om takpi ahihna leh hun nunung thupiangte ah a nasepnate thu bang hong hilh hiam? Rev. 2:13, 24; 12:3, 7-9, 12, 17; 13:2; 20:2, 7, 10.

Hun nunung ciangin mi tampite tungah vangliatna a neihzia ding le mi tampite tatkhiatna pan lampial sak beklo in tua mite in Jesu tungah a muanhuai te a bawlsiat ding zia te Mangmuhna thubu in hong hilh zo hi.

Satan khemna galhiam khempeuh lak ah a lianpen in amah om taktak lo hi cih mite upsakna ahi hi. A om takpi a uploh siatna gal panin bukn ding bang hang zon kul ding? Christian kici tampi te in dawimangpa om takpi cih a uplohna thu a lamdang khat ahi hi. Ahi zongin, Pasian kammal awlmawhlohna leh ut banga deihkaih khiatna hang ahi hi. Lai Siangtho in teltak hong gen hangin Satan om takpi lo hi ci aa mi tampi tak upna in eite a dingin Lai Siangtho hong gen bang telcian ding bangzah thupi cih hong lak hi.

Hun nunung ah Satan khelpil khemna thu Mangmuhna in tampi hong gen a om hangin,eite a ding bang lametna Mangmuhna 12:11 ah kimu thei hiam? Siatna langah vangliatna koi pan in ngah thei ding i hiam?

MONDAY                                                                     May 28

KHIALHNA LIANPI NIHTE

A nuai a Lai Siangtho munte sim in. Satan khemna a vangliatzia bang hong gen hiam?

2 Cor. 11:13-15 ______________________________________

2 Thess. 2:9-10 _______________________________________

Rev. 12:9 _____________________________________

Rev. 20:10 ___________________________________

Tuma sinna ah i sinsa bangin, Jesu in hun nunung khemna thu tawh kisai nungzuite na vauhilh khol hi. Tua te lak ah Christ zuaute le kamsang zuaute in mi tampi a khemna ding thu gen hi (Matt. 24:5).

Kidop ding khemna te in Christ zuau leh kamsang zuaute bek hilo hi. A hih theih zah a khem zawhna dingin galpa in lam tampi nei hi. Ei Christiante in tua khemnate i kidop ding kisam a, Lai Siangtho theihna le hong hilh bang zuihna bek tawh eite kikem zo ding hi hang.

Tua alian khemna nihte thu Ellen G. White in hong genna ah: “a si theilo kha thu le Sunday siangtho sakna khialhna lian nih tawh Satan in ama khemna nuaiah mite puksak ding hi. Amasa ah sikha tawh kisai upna bul piangsak ding hi. A nihna in Sunday siangthosakna dingin Rome tawh kizopna bawlsak hi. United States (US) a om Protestant te in sikha upna thu ah mapan ding a Rome vangliatna tawh khut kilen ding hi. Hih a kipawl vangliatna thum nuai ah lungsim siangtho tawh sia pha khentelna a susia Rome kalsuanzia America in zui ding hi” – Ellen G. White, The Great Controversy, p. 588.

Hih thute a gen khit kum tampi nangawn in hih khialhna lianpi nihte tu hun Christian te lak ah kithang in kideih mahmah ahihna ki mu thei hi.

Ni nunung khemnate zawhna dingin Lai Siangtho theihna le tua thutak zuih nopna in bang hangin a vanglian galhiam hi thei hiam?

TUESDAY                                                                    May 29

A SI THEILO KHA

Anuai a munte in misi te omzia bang hong hilh hiam? A lian khialhna nihte panin kikep na ding hong hilh thu bang om hiam? Eccle. 9:5, 6, 10; Ps 115:17; Ps 146:4; 1 Cor.15:16-18; Dan. 12:2.

Tukim teng lungtang sai huihdik khawl in si aa, tua khit ciangin khua a phawkkik mite tangthu thang kilunglut mahmah tek hi. Tua bang mite in si ci aa aki ngiahsut kal un a lamdang thu piang tampi nei ci in gen ciat uh hi. Pawlkhat in van ah lengto in a sisa a pumpi uh mu cih bang a gen zong om hi. Pawlkhat in a pumpi uh van ah lengto in khuavak tawh kituam itna leh dikna dim vanglian mi mu cih bangin gen uh hi. Pawlkhat leuleu in a sisa meltheihte tawh kimu kiho ci uh hi.

Hih bang om mun lua ahih maninmipil te in “Sihdek Thuakna” (Near Death Experiences – NEDs) ci in minvawh uh hi. Hih thu sanhak phial ta leh, Christian tampi te in a si theilo kha om aa, sih khit ciangin theihtheihna om lai cih upna nei uh hi.

Ahi zongin hih NED in khialhna lianpi nih te lak ah khat ahi hi. Mi khat a sih khit ciangin a nungta kha om lai cih upna in “sikha thu upna” ah khemna lianpi piangsak hi. Tua thu in Jesu – hotkhiatna – kisam sak lo hi. A taktak in, NDE a thuak mi a tamzaw te in mu a cih uh kha te in itna, lungnopna, leh hoihna thu bek gen uh a, Jesu sunga tatkhiatna thu, mawhna thu, le Lai Siangtho a om thukkhenna thu cihte gen ngeilo uh hi. Ahi zongin, a maute NDE a thuak ma uh sangin a thuak nung vuah Christian zia neilo zaw uh hi.

Christian khat hihna tawh eite theihna leh thuakna sangin Pasian kammal ah kingak ding banghangin thupi hiam?

WEDNESDAY                                                              May 30

SABBATH LEH AMA THUTAWM A PIANG (EVOLUTION) UPNA

A si theilo kha om cih thu tawh Satan in leitung a khem zawh mah bangin Lai Siangtho Sabbath panin Sunday ah khelna ah zong gualzo mahmah hi. Tu nai lam in, dawimangpa in ni sagihni Sabbath thu ah khemna namtuam ahi kikhelna tawh piangtawm (evolution) cih upna hong zang hi.

Genesis 1 – 2:3 sim in. Hih mun ah Paasian in leitung bangci bawl aa bangtan sawt cih thu om hiam?

Hih thu panin a zai zaw in en leng, “Piansakna thutak” nih kimu thei hi. Amasa in, geelloh a piang tawm, piangkha pak cih omlo hi. Lai Siangtho in geelloh a om kha pak cih hong hilhna omlo hi. Nihna ah, piansak nate amau namciat in kibawl a, khat le khat kikhen sinsen in a namnam in akilamdang in kibawl hi. Leitungah nuntakna nei khempeuh guikhat (cell khat) pan piang cih thu Lai Siangtho in hong hilh lo hi.Piancilna thu ahi bang lian in a khialo te ading nangawn in hih thunih te kician in siang mahmah hi.

Darwinism evolution kici Darwin in ahilh kikhelna tawh piangtawm cih thu in thunih hong hilh a: phengomna (geel sitsetlo) leh nuntakna nam khempeuh in gui khat nei khamw cih thute ahi hi.

Tua hi leh, bang hangin mi tampi te in Piancilna thubu hong hilh tawh kilehbulh in thuhilh mawk hiam? A taktak in, hih a khial evolution upna in mi tampi tak nawktuk bek hilo Christian kici mi tampi nangawn in amau Christian upna tawh kihual in bawl ding ngaihsun mawk uh hi. Bangbang hi leh, hih evolution in hun nunung khemna i lauhuaizia hong kitelsak zaw hi. Piansak hun sung ni guk hilo aa kum 3,000,000,000 (3 billion) sung bang sawt ahih leh banghangin Piansakna phawkna ciaptehna dingin ni sagihni Sabbath thupi bawl kul se hiam? Niguk sung piansakna thu in a taktak hilo phuahtawm tangthu bang bek in ngaihsutna ahi evolution in ni sagihni Sabbath thupi na te beisak hi. Piansakna hun sungin ni guk hilo in kum tul za tampi sung hi cih a umte in Sunday nial in Sabbath hangin sihna dong ah bawlsiatna thuak ngam kua a om diam?

THURSDAY                                                                 May 31

A KINEIHTAWM THUMGAWM PASIAN

Lai Siangtho bup ah Pasian pen thugawm khat ahihna kimu thei hi. Bangbang hi ta leh, hun nunung khemna leh bawlsiatna tawh kisai in Mangmuhna (Kilaakna) thubu in “a kineih tawm thugawm khat” ahi Mang. 13 sunga gulpi, tuipi sapi, leh lei pan pusuak sapi thu hong hilh hi.

Rev. 12:7; 13:1,2 sim in. Hih lai ah bang thu hong kilak hiam?

Hih lai ah gulpi pen a ukpi ahi Pa Pasian kineihawm ahihna thu kimu hi. Amah in tupi pan hong pusuak khia Christ kineih sapi tungah vangliatna le ukna pia hi. Banghangin hih sapi in Christ kineih ci thei i hiam?

Rev. 13:2-5 sim in. Tuipi sapi i pianzia te bang hiam?

Pa tung panin thuneihna ngah hing ci in Jesu in a gen bangin (Matt. 28:18) tuipi sapi in gulpi tung panin thuneihna ngah a, Jesu mah bangin sihna leh thawhkikna thuak hi (Rev. 13:3).Tua ban ah, hih sapi in a ma thuneihna “kha sawm li le nih” ahihkeh kum thum le alang in Christ nasep hun kum thum le lang tawh kituak lian ahihna zong kimu thei hi.

Rev. 13:11-17 sim in.Leisung pan hong pusuak sapi thu bang kigelh hiam?

Kha Siangtho in Jesu a minthang sak bangin (John 16:13,14) hih lei sung pusuak sapi in tuipi sapi deihna ultungsak in panpih ding hi. Kha Siangtho in a vanglian na lamdang ahi vantung pan mei a khiatsuk theih bangin (Acts 2:3) lei sung pusuak sapi in zong tua bang nate bawl ding hi (Rev. 13:13).

“A tawpna ah, lei sung pusuak sapi in bawltawm Pentecost piangsak ding hi. Bang ding in? Hih a kineihtawm thumgawm pasian in Pasian maan hi cih lahtelna ding ahi hi” – John Paulien, What the Bible Says About the End-Time (Hagerstown, Md.: Review and Herald Publishing Association, 1998), p. 111.

Eite kidop ding kisam hun nunung khemna dang bang om aa, midangte in zong khemna bang aa amuh theihna dingun koi bangin panpih thei ding i hiam?

FRIDAY                                                                        June 1

NGAIHSUT BEH DING: Hun nunung thupiang tawh kisai in Sabbath panlak thu ah evolution i huzaap ngaihsun in. Hih thu a phuangkhiapa Charles Darwin in evolution hong patkhiatna a bulpi khat in gitlohna le thuaksiatna te itna leh dikna tawh kidim Piangsakpa gawmtuah in ngaihsun khawm zo mahmah lo hi. Hih khialhna hangin, aphi mun dangpan hong zong ta hi. 1800 laizang pan a nunung lam ah Darwin in evolution thu a gelh zawh hunpawl in, Pasian in Darwin thuhilhna khempeuh langah a pang Seventhday Adventist pawlpi a khankhiatsak pen a kituak kha tawm mawk thu hilo hi. Darwin thuhilhna hong kipat hun lai in amin mahmah ah piansakna a u mte a kilangsak Seventh-day Adventist pawlpi hong khanngkhia aa a kizelh pen a lamdang thu khat ahi hi.

Darwin in Ellen G. White lai gelh lak ah, “samsiatna in leitung a siatsak tei hangin, pianngei nate in mihingte thusinna bu ding hi lai hi. Tu in ahoih bek hong lak thei nawnlo a, mun khempeuh ah gitlohna om in ama nitna tawh leitung, tui leh huihte melhemsak hi. Hun khat lai in ahoih mahmah Pasian nunzia a ki-atna munte ah tu in siatna theihna ahi Satan nunzia zong kigelh ta hi. Hoihna leh siatna hong lakkhawm pianngei nate panin mawhna i gahte thu vauhhilhna mite in sin thei den ding ahi hi” cih thu bawm beek na sim kha hi leh khialhna te ahi leitung in a laizang ah om a ni leh in kiimvel cih geocentrism upkhialhna leh nuntakna neilo pan nuntakna piang cih upkhialhna khit ah a lianpenpen khialhna piangsak khalo mai thei hi. – Education, p. 26.

Pasian nunzia leh nunzia, a mawh khin hih leitung ah eite nuntakna thu a telkhialhna hangin Darwin in evolution thu hong phuangkhia ta hi. A dahhuai thu in, a nunung buaina hun ciangin ama thuhilhna hangin mi tampi Satan khemna sungah puuk ding uh hi.

KIKUP DING DOTNATE:

1.    Banghangin Christian tampi te in Satan om takpicih thu umlo thei hiam? Hih thu in Lai Siangtho hilhna te nialna bangzah in lauhuai cih hong bangci muhsak hiam?

2.   Sihdek Thuakna a nei mi khat in ama thuakngeina ah sih khit ciangin a nungta kha om lai hi hong ci leh na bangci dawn ding hiam?

3.  Banghangin hun nunung ciangin evolution a umtekhemna in zo baih deuh ding hiam?