MSS 2: Laamna Inndeipi Sung Saang Suak

Nipi Nihna: Laamna Inndeipi Sung Saang Suak

April 14 - Marshall Tuikulh

Agen: Nojab Lemari, kum 66

(Nupi ahihkeh, Siama khat geensak in).

1980 kum in, Ebeye tuikulh ah zatopi khat hon theih na dingin Adventist Pawlpi in US kumpi tawh  thukimna letmat a thuh laai-un, Seventh-day Adventist pawlpimi khat zong teeng naailo hi.

Tualaai hun-in, Ebeye tuikulh ah mi 12,000 teeng uhaa, USgam ii huam mun khat ahi hi. Tua laai ah kiphuan Zatopi ah zato siama ka seem hi. Ka pasal Rellong pen Ebeye tuikulh ah palikbu makai semin, leitang hoihna mun zapi ka nei uh hi.

Kum 4 sung zattopi a hong Adventist pawlpi in pawlpi makaite, siavuante leh zato siamate hong paipih uh hi. Siama lak ah a makai thak Jerry Whitland kei leh ka pasal Lai Siangtho sin dingin hong sam hi. Ko zong ka thukim uhaa, nitaak simin ka inn uh vuah hong hawh pah hi.

 Tua hun laai-in, ka sanggampa Tommy Kilma pen Adventist pastor khat hiaa, Guam panin pawlpi makai nih ka teenna uh tui-kulh ah hong pai uh hi. Amaute’n Adventist pawlpi leh saang ka pasal hongsak uh hi. Khuasung makaite tawh inn khat saang aa zat dingin ka pasal tawh kikum uh hi.

Tua inn pen laamna in a kizang hiaa, ka inn vuah Lai Siangtho sinna ka neih kawmkawm un, ka pasal tawh lem ka sak lohna uh hong khang semsem hi.

1980 kum in tan 4 leh tan 8 saang kihong aa, ka tapa upa peen R. D.. in tan 4 saang ah a kah masa pen saangnaupang khat ahi hi.

Saang inn ah kikhopna ka neih masiah uh, Sabbath ni sim in ka inn vuah ka kikhawm uh hi. Kum 3 sung kainn vuah Lai Siangtho sinna ka bawl uh hi. Khat veivei, zato siamanu in Lai Siangtho sinna hong makaih aa, a hun dangte ah Zatopi aa makaipii te a hihkei leh, zatopi aa seem siadangte in hong makaih uh hi.

Ka buai lua peuhmah hi. Sunday khauhtakin a zui innkuan panin a khangkhia ka hiaa, ka pa pen upaneu hilaai hi. Ka Siapa uh a om loh ciangin zong ka pianna Namu tuikulh ah biapiakna ah mipite ka makaih uh hi. Lai Siangtho sung panin ka pasal tawh thumaan hong kihilh hi ka tel uhaa, 1983 kum in tui kakiphuum uh hi. Ebeye tuikhulh ah Adventist a suak masa peenpeen ka hipah uh hi.

Ka pa in ka upna thak pen hong thukim pih hetlo hi. Ka kituiphum zawh uh kum khat a sawt ciangin ka inn vuah ka hawh aa, puan ka sawp laaitakin ka pa kikhopna pan hong ciah hi.

“A bangci peuhmah na hia? Sunday ni-in na nasepna hangin Thukham Sawmte na palsat hi,” ka pa in hong ci hi. Kei zong ka Laai Siangtho bu leempah in, ka pa kiangah tuin, Topa Zesu a thawhkik hun laai aa Sunday thu ka sim pih hi. Matthew 28:1, “Tu-in Sabbath khit ciangin, kaal khat sung aa ni masa ni khua hong vaak ding ciangin, Mary Magdalene leh adang Mary te haan ah hong pai uh hi,” ci-in ka sim hi. Tua khitciangin, Luke 23:54 sung ka leem leuleu aa, “Tua ni peen Kiginni hiaa, Sabbath ni hong tung dektak ta hi,” ci-in ka sim leuleu hi.

Tua khit zawh, ka pa in Sanini aa Sabbath ka tanna thu bangmah hong genpih nawnlo hi. Amah in a biakna ni a kheel ngeikei hangin, Topa’ Sabbath nimaan ka muh lam aman tel hi.

Ebeye tuikulh ah, saang khangto mahmah in, U.S. gam Washington pyine(State) aa kiphuan Walla Walla College (tu-in, Walla Walla University) panin saangmaang masa peente hong tung uh hi.

Ebeye khuapi omna Marshall tuikulh in 1986 kum-in, suahtaakna ngah hi. A ningkum ciangin a taangzai zaw ko innkuan neihsa innpi khat ah ka saang uh ka tuah uh hi. Tua munthak ah ka hon uh saang ah Mucu pan tan 12 dong ka hong to uh hi. Ka tapa upa peen uh R. D. zong tan 12 hong ongta in, College (kawleih) zom dingin Texas pyine (state) aa kihong Southwestern Adventist University ah va kah ta hi.

Ka nuihmaai tawntungna mite’n hong muh ciangin ka mainuihna a haang hong dong uh hi. Haksatna ka tuak zeelzeel aa, ahihhangin, Pasian in lampi dang hong honsak zeelzeel hi.

1987 kum in, ka pasal pen a tuap tawh a naak zawh nawnlohna hangin thukin takin Hawaii ah a va leen loh phamawh hi.

Siavuante in ka pasal dam kik ding maw cih telgeen thei lo uh hi. Ka pasal aading thu ka ngetsak uhaa, ni (5) ni ciangin zato pan ka tuakta uh hi. K pasal a ci hoihtakin damkik ta hi. Ka pasal nuntakna hong kepsak tohtohna hangin Topa Pasian tungah lung dam ka ko hi. 2017 kum ciangin kum 67 hong phata aa, Khazih sungah hong ihmutsan ta hi.

Ka pasal damlohna pan hong dam zawh a sawt loin, cidam na lam ah haksatna khat ka tuak leuleu uh hi. Ebeye aa teeng, Adventist pawlpi sungah upa a seem, ka naupate innkuan sung panin pasal naungeek khat suak hi. Naungeek pasalno’ lutang lian seemseem aa, zatopi ah nawhsa takin ka lak uh hi. Siavuante’n naungeek lu sungah tohkuai om ahihmanin Hawaii Zatopi ah vanleeng tawh nawh satakin lah ding kisam ahihna hong gen uh hi.

Honolulu vanleeng tual ah zingsang nai thum in vanleeng hong tuk ciangin, “Zatopi sung i lut ma-in thu ngeen ni,” ka ci hi.

Vanleeng sungah thu ka ngeenpah uh hi. Zatopi ah zong siavuante ka ngak kawmun thu ka ngeen leuleu uh hi. Sivuan pa-in a veel ciangin toihkuai natna mu lo hi. Pasal no lutang damta hi!

Thungetna vangliatna ka um hi. Topa Pasian hangin ka maitai hi. Ama’ tungah na khempeuh ka pia hi.Amah in zong na khempeuh hong vaihawm dingin ka lam en hi Nojab Lemari, 66, pen Zatopi ah zatosiama makaipi a sepna panin pensen la-in, Ebeye tuikulh ah Adventist pawlpi a huhpi in maa pang laai hi.

Tu kuata kaal sawmlehthumna Sabbath school sumpi pawlkhat tawh Nojab leh a pasal in pawlpi tungah 1987 kum aa a piak uh uhaamte saangkahna kipuahkik ding hi. Sumpi nong piak manun lungdam mahmah hi.

#######@@@@@@@#######