MS 12 - Dawite’n Hong Hopih

Thei O!  Sim Vetken Maw! Geen Ciatciat In!

June 23                                                                                            Arizona, USA

Dawite’n Hong Hopih

Ageen: Pierre Ortiz, 24

Holbrook Seventh-day Adventist Indian Saang ah pasal bawda uk Pierre in saang honkuan, nitaak khat lum dingin  a kithawi laaitakin, phone hong ging hi. Amah a huhpa kum 28 a phaa David in zaankim lam in lam a siauh nopna geen hi.

Pasal bawda ukpa zong manlaangtakin hong kithawi in,  a kongkhaak ah hong daakkhia hi. Amah in David thu tam theih lo hi.  David’ nu in US gam, Arizona pine (state) aa kihong bawda saang ah kahsak hi, banghanghiam cih leh Pine khuapi Phoenix ah kahsak leh a tapa nuntaak nading a lung kham hi. 

Pierre gei ah tawlkhat sung gamdaai takin David lamsiau hi. Tua zaan pen vaan siang in, khaa zong taang laai hi. 

Khawl mun nuam mualtung khat a tun uh ciangin, a nih un tu khawm in, aksi te zaizaite en khawm uh hi.

Tua khitciangin, David in thakhat in, “Dawite in khatveivei hong hopih uh hi,” ci-in geen ta mawk hi.
Bawda ukpa in, “Na thugeen, bangci thu e?” ci-in dong hi.
“Dawite’n hong hopih hi. Khatveivei mi  a bawlsia dingin a hih keileh, ka geen noplohte a geen dingin hong tawsawn hi,” ci-in David in geen hi.

“Tua thu banghangin ngaihsun na hi hiam? ci-in Bawda ukpa in dong hi.

David in, “A haang ka theikei hi, ahizongin, hih laai ah kong pai ciangin suuk seemseem hi,” ci-in geen hi.

Bawda ukpa in, thu nget ding hun pha hi dingin ngaihssun hi. A nih un lukuun in Bawda ukpa in Dawi hopihna tawh a kipelh nadingin thu ngetsak hi.  Hong hah ciangin, “Banghangin dawite hong suuksia seemseem hiam cih a thei dingin ka kingaihsun hi,” Bawd ukpa in ci hi.
“Banghangin maw? Hong geen dihve,” ci-in David in kal hi.

“Banghanghiam cihleh, hih laaisan takah nong pai ma-in, nang bekin  dawi vaai na thei hi. Ahizongin, tu-in Topa Zeisu tawh kizom ta na hihmanin, dawi in deih vetlo hi,” ci-in bawda ukpa  Pierre in geen hi.

“A hang thei keng, hih mun ah kong pai aa kipan dawite suuksia seemseem hi,” David in ci hi.
David in tawlkhat sung lungngaai deedaa hi.

“David aw, mi tawh omna pen bang tawh kibang hiam?” ci-in bawda ukpa in dong hi.
“Tua pen thupi lua hi. innkuan khat a bang ihi hi. Makaai i muh ngeikei haangin, hong sawlna pen laibawm sung laidal kigelh aa, hong sawl bangin na ka sem uh hi. Eite peen innkuan khat ihi hi,” ci-in David in dawngkik hi. Pierre in, “Thei ing ei. Na makaaipa mulo napicin, sawlna ngah in na seemkhia hi. Tua pen na thaman maw,” ci hi.

Pierre nuikawm in, “David aw, hih in pawlpi hi. Pawlpi in innkuan khat ahi hi. Paikhia in giitlohna zelhthaang sakaa a hoih lote sep bang hilo in, na hoih i seem hi,” ci-in geen hi.

David in Bawda ukpa geen saangsiam hileh kilawm hi. Kah hong kipan hi. Bawda ukpa in David a kap thei dingin ngaihsun  khalo aa,  ahizongin, a paang tungah a khituite hong luang deudeu hi.  Ama’ kahdaan pen a suakciil uinote kah tawh kibang hi.

“Mr. Pierre aw, Pasian in kei hong deih nawnlo ding hi,” David in ci hi.

“Na gen thu na theihloh thu ahi hi. Pasian nangawn na theih lohpi,” ci-in bawda ukpa Pierre in dawngkik hi.

“Tu malam in mi ka that hi. No Pasian’ thu-um te’n mi na thah loh lam uh ka thei hi. Tua ahihmanin, Pasian in hong deih dingin ka ngaihsun ngam kei hi,” ci-in maigum takin David in geen hi.

Pierre in Pasian in mawhna a maaisak mithatte taangthu Laai Siangtho sungah tampitak kigelhna thu David kiangah geen hi. “Laai Siangtho sung panin mi thahna thu la khia khin leeng, a buneu mahmah khat hong suak  ding hi,” ci-in Pierre in geen hi.  Amah in, “Pasian in mi thatte zong iit hi,” ci-in geenbeh hi.

David in, “Dawite in khatveivei, hong hopihna uh saangin a tuamtuam in hong bawlna uh tamzaw hi. Ka pumpi leenpih uhaa, ka ci liinggawp in, ka kam pan ka lua gawp aa, tua pen khawl hun nei lo ngiau mawk hi,” ci-in aw liing daldal  kawmsa in geen hi.

A kap David haangin bawda ukpa a lung nuam hetlo hi. “Hih thu haang mahin, Holbrook Adventist saang ah pilna a sin nahi hi. Hih mun peen Pasian’ leitang hiaa, Dawite in bangmah vaangliatna neilo uh hi. Na tungah thusia hong pian leh thu hong ngetsak in, na gaal hong dopih thei ding hi ung,” ci-in Pierre in awneem taktawh geen hi.

Zingsang nai khat hong saat ta in, khua zong hong dam seemseem ta hi. Pierre in David aadingin thu ngetsak kik in, tua khit ciangin a nih un, bawda inn lam zuan in hong ciah khawm uh hi.

David in Topa Zeisu Gumpa in saang hiam cih Pierre in theilo hi. Phoenix ah David ciahkik in, lamdung migilote tawh a kikholhkikna thu za hi. Pierre in Pasian itna geenpih aa, lungkim hi.

“Hih naupangnote ka phaak zawh nadingin tawlet vangneu mahmah khat bek ka nei hi,” ci-in kum 24 a phaa, kum 2 sung pasal bawda uk a seem, Pierre in geen hi.

Saangnaupang 65 sung panin, hong pai in paikhia kik uh aa, zingciangin om nawnlo khamai ding uh hi. Ahizongin, i vawh khaaicite Pasian in thuphaa hong piaksak ding hi cih muanna i neih kul hi. Saang hong kahsa saangnaupangte a tuntunna vuah, Topa Pasian in na lamdangte na piangsak ding hi cih ka thungetna ahi hi,” ci-in Pierre in lunghiang lo takin geen hi.

Tu kuata Sabbath sawm leh thumna sumpi pawlkhat tawh  Holbrook Seventh-day Adventist Indian saanginn ah kum 72 a cing khin innpi pen phel in, anhuan buuk leh an neekna inndei thak lamna ah kizang ding hi. Sumpi nong piak manun lungdam hi.  

#########@@@@@@@@##########