“Sim Peuhmah Loin Gen In Maw!”
Agen: Allerly Macias Figueroa, 32
(Nupi khat ahihkeh Siama khat geensak in)
Gamdang Adventistte thuthang ka simna in ka lungsim hong sukha aa, kum 17 ka phaak in, ka teenna uh Mexican gam, Chiapas piine (state) aa om ka inn uh ni khat ni ciangin nusia in saangmaang (missionary) khat suah ding ka ngiim hi.
University panin ka on khit ciangin gammialna mun ah ka pai nopna ka phawk hi, ahizongin, sum ka neikei hi. Ka innpua vuah zan khat lam ka siau aa, “Topa aw, saangmaang khat ka suak nuam aa, Nangma’ na ka seem nuam hi. Ahizongin, vanleeng let-mat ka lei zokei aa, ka innkuanpih in hong huh zolo uh hi. Saang maang ka suah ding nong deih leh nasep khat hong guan in, tua hi leh ka pai ding hi,” ci-in thu ka ngeen hi.
“Tua zawh ni nihni ciangin Mexican gam, Tabasco piine (state) aa kihong Khanglam Adventist zatopi pan phone tawh sapna ka ngah hi. “Nang aading nasep ka nei uh hi. Thu kikum khawm dingin hong pai in,” ci-in siapi khat in hong hopih hi.
Zatopi in anhuanna ah a makai dingin hong cial uhaa, an huan ding vai kheempeuh a vaihawm ding kahi hi. Hih nasep pen ngaihsut theihloh zah dong aa Pasian in ka thungetna hong dawnna ahi hi. “Hih ka nasep tawh sum ka khol thei dingaa, saangmaang khat ka suak ding hi,” ci-in ka ngaihsun hi.
Tua zawh kum khat khit ciangin, Adventist Kipumpiakna Nasep (Adventist Volunteer Service) ii website pan in nasep siauhna khat ka aat hi. Marshall Tuikulh aa om Ebeye Seventh-day Adventist saang siapipa in ka siauhna laai hong saang hi.
“Topa aw, Ebeye ah ka pai theih nadingin hong huh in,” ci-in thu ka ngeen hi.
Vanleeng letmat ka leima ni thum ni-in ka pano si ciitciat hi. Ko innkuan in ama’ tungah leiba ka nei uhaa, ka innkuanpih in loh nading sum neilo uh hi. Tua ahihmanin, ka kholsa sumteng tawh leiba ka loh uh hi.
Ebeye Adventist saangsiapipa kiangah ka pai nading sum ka neih loh lam ka gen leh aman hong telsiam hi.
Tua zan mahin thu ka ngeen hi. “Pasian aw, saangmaang khat suak ding ngiimna hong neisak na hihleh, banghangin pai theilo ding kahi hiam? Nag aadingin zatopi ah na ka sem hi, ahizongin, gamdang pai nuam ngiat ing,” ka ci hi.
Kum khat hong beito leuleu in, Ebeye ah ka pai nadingin sum ka khol leuleu hi. Ahizongin, ka sanggamnu tuahsia in nasia takin liam aa, ka sumkhol khempeuh ama’ tungah ka pia leuleu hi.
Ebeye Adventist saangsiapipa tungah ka pai theihlohna vaai ka geen leuleu hi.
Tua zawh kum nih ciangin, nasep hoih ka ngah aa, sum tampi ka khol theita hi. Tua leh, nitaak khat ka lup kawmin mawtaw khat leh inn khat lei ding ka geel hi. Ebeye saangpi zong ka phawk hi.
Kaal khat sung tawntung, Ebeye dventist saang pi thu bekbek ka ngaihsun hi. Pasian tungah saangmaang khat suah ding ka kamciam ka phawk aa, ahizongin, “Adventist zatopi ah na sem kahih manin Nangma’ na a sem kahi hi. Banghangin ka nasep nusia in gamdang pai laaizang ding kahi hiam? ci-in Topa ka to hi.
Topa hong dawnna ka ngaih kawmkawm in, ka lungsim sungah, “Ebeye, Ebeye, Ebeye” bekbek hong suak hi.
Tua ahihmanin hih bangin thu ka ngeen hi. “OK, Topa, Ebeye ah ka pai ding nong deih leh U.S. visa hong pia in.” ka ci hi.
Mexico gam pan Ebeye gam pai nadingin Calofornia pine (state) ii khuapi Los Angeles, Honolulu leh Hawaii khuapite a tuu vanleeng sap man ol peen hi. Tua manin U.S. visa a kisam kahi hi. A dang lampi tawh leitung kiimkot in Ebeye ah tu pan ahih manin vanleeng saap tam manlua hi.
Mexico gam ah U.S. visa ingah nading ol hetlo hi.
Ebeye Adventist saang siapi pa kiangah U.S. Taanzung (Embassy) ah ka lah ding laai khat ka ngeen hi.
Taanzung ah thudotna ka neih madeuh in, “Pasian aw, saangmaang ka sem nuam taktak kei hi. Nuntaak nuamsa lel ing. Tuma lam in pia nuam mah ing. Tun bel, pia nuam nawn keng. Hehpihna tawh US visa hong ngahsak sedah in,” ci-in thu ka ngeen hi.
Taanzung ah Thu dong Siapipa in, “Bang dingin US visa deih nahi hiam? ci-in hong dong hi.
“Marshall tuikulh aa om Ebeye tuikulh ah saangmaang sem nuam ka hihman hi,” ci-in ka dawngkik hi.
Thu dong siapipa in a computer maai en hi. Adventist saangsiapipa lai zong hong ngen loin, sum neihzah zong hong dong selo hi. Computer mai bek en gige hi.
A tawpkhakna ah, “OK, Tuu zawh kha khat a cin ciangin na visa na ngah thei ding hi,” hong ci hi.
Thudong Siapipa kampaute hangin, Topa Pasian in Ebeye pai nading lampi hong honsak ahihna leh ka kamciamte ka peelloh ding ahihna ka phawk saan hi. Tua ahihmanin na khempeuh Mexico aa ka nasep leh ka nuntaakna ka nusia ta hi.
Ka innkuanpihte kiangah mangpha khaak in, Pacific tuipi laaizang aa om, mi 12,000 a teenna, leitang ekah 80 a zai Ebeye tuikulh ah ka kikhiin ta hi.
Ebeye ka tun zawh kum khat khit cingin, ka kisiik hetkei hi. Taan nga ah lai ka hilh ciangin saangnaupang khat bek Adventist innkuan pan a hih lam ka theikhia hi. Hawaii lam hong ka lawmnu hong huhna tawh Lungdambawl hun in ka saangnaupangte Laai Siangtho ka sinpih hi. Tua saangkah kum sungin ka saangnaupangte (5) ki tuiphum uh hi. “
Banghangin Mexico gam aa na nasep nusia nahi hiam? Tu-in hih lai ah bangmah na neikei hi,” ci-in pawlkhat in hong dong uh hi.
“Na khempeuh ka nei hi. Hih lai ah ka lung nuam aa, Pasian in kei aadingin geelna khat nei a hihlam ka thei hi,’ ci-in ka dawngkik hi.
Kum 4 sung vilvel Ebeye ah pai ding hanciam in 2016 ciqngin ka tun pat pen kei leh kei lamdang ka kisa hi. Pasian in kei aadingin geelna khat nei hi dingin ka ngaihsun hi. Tua geelna pen bang hi ding cih ka theikei hi. Ahizongin, Topa in kei aadingin geelna khat nei aa, a hun a cin ciangin hong lak ding hi cih ka thei hi.
Ebeye Seventh-day Adventist saang siapipa Raian G. Villacruel in saangmaang sem dingin Allerly hong paina a haang theita hi. Ama’ saangnaupangte 100 lakah 25 tui kiphum uhaa, kum dang saangin saang ah tui a kiphuum zah tamzaw tham hi.
Tu kuata Sabbath sawm leh thumna sumpi pawlkhat tawh laaisina inndeite kipuahkik ding hi. Sumpi tawh nong huh manun lungdam mahmah ung.
April 28 Marshall Tuikulh Mexican In Avekpi Nusia
Gamdang Adventistte thuthang ka simna in ka lungsim hong sukha aa, kum 17 ka phaak in, ka teenna uh Mexican gam, Chiapas piine (state) aa om ka inn uh ni khat ni ciangin nusia in saangmaang (missionary) khat suah ding ka ngiim hi.
University panin ka on khit ciangin gammialna mun ah ka pai nopna ka phawk hi, ahizongin, sum ka neikei hi. Ka innpua vuah zan khat lam ka siau aa, “Topa aw, saangmaang khat ka suak nuam aa, Nangma’ na ka seem nuam hi. Ahizongin, vanleeng let-mat ka lei zokei aa, ka innkuanpih in hong huh zolo uh hi. Saang maang ka suah ding nong deih leh nasep khat hong guan in, tua hi leh ka pai ding hi,” ci-in thu ka ngeen hi.
“Tua zawh ni nihni ciangin Mexican gam, Tabasco piine (state) aa kihong Khanglam Adventist zatopi pan phone tawh sapna ka ngah hi. “Nang aading nasep ka nei uh hi. Thu kikum khawm dingin hong pai in,” ci-in siapi khat in hong hopih hi.
Zatopi in anhuanna ah a makai dingin hong cial uhaa, an huan ding vai kheempeuh a vaihawm ding kahi hi. Hih nasep pen ngaihsut theihloh zah dong aa Pasian in ka thungetna hong dawnna ahi hi. “Hih ka nasep tawh sum ka khol thei dingaa, saangmaang khat ka suak ding hi,” ci-in ka ngaihsun hi.
Tua zawh kum khat khit ciangin, Adventist Kipumpiakna Nasep (Adventist Volunteer Service) ii website pan in nasep siauhna khat ka aat hi. Marshall Tuikulh aa om Ebeye Seventh-day Adventist saang siapipa in ka siauhna laai hong saang hi.
“Topa aw, Ebeye ah ka pai theih nadingin hong huh in,” ci-in thu ka ngeen hi.
Vanleeng letmat ka leima ni thum ni-in ka pano si ciitciat hi. Ko innkuan in ama’ tungah leiba ka nei uhaa, ka innkuanpih in loh nading sum neilo uh hi. Tua ahihmanin, ka kholsa sumteng tawh leiba ka loh uh hi.
Ebeye Adventist saangsiapipa kiangah ka pai nading sum ka neih loh lam ka gen leh aman hong telsiam hi.
Tua zan mahin thu ka ngeen hi. “Pasian aw, saangmaang khat suak ding ngiimna hong neisak na hihleh, banghangin pai theilo ding kahi hiam? Nag aadingin zatopi ah na ka sem hi, ahizongin, gamdang pai nuam ngiat ing,” ka ci hi.
Kum khat hong beito leuleu in, Ebeye ah ka pai nadingin sum ka khol leuleu hi. Ahizongin, ka sanggamnu tuahsia in nasia takin liam aa, ka sumkhol khempeuh ama’ tungah ka pia leuleu hi.
Ebeye Adventist saangsiapipa tungah ka pai theihlohna vaai ka geen leuleu hi.
Tua zawh kum nih ciangin, nasep hoih ka ngah aa, sum tampi ka khol theita hi. Tua leh, nitaak khat ka lup kawmin mawtaw khat leh inn khat lei ding ka geel hi. Ebeye saangpi zong ka phawk hi.
Kaal khat sung tawntung, Ebeye dventist saang pi thu bekbek ka ngaihsun hi. Pasian tungah saangmaang khat suah ding ka kamciam ka phawk aa, ahizongin, “Adventist zatopi ah na sem kahih manin Nangma’ na a sem kahi hi. Banghangin ka nasep nusia in gamdang pai laaizang ding kahi hiam? ci-in Topa ka to hi.
Topa hong dawnna ka ngaih kawmkawm in, ka lungsim sungah, “Ebeye, Ebeye, Ebeye” bekbek hong suak hi.
Tua ahihmanin hih bangin thu ka ngeen hi. “OK, Topa, Ebeye ah ka pai ding nong deih leh U.S. visa hong pia in.” ka ci hi.
Mexico gam pan Ebeye gam pai nadingin Calofornia pine (state) ii khuapi Los Angeles, Honolulu leh Hawaii khuapite a tuu vanleeng sap man ol peen hi. Tua manin U.S. visa a kisam kahi hi. A dang lampi tawh leitung kiimkot in Ebeye ah tu pan ahih manin vanleeng saap tam manlua hi.
Mexico gam ah U.S. visa ingah nading ol hetlo hi.
Ebeye Adventist saang siapi pa kiangah U.S. Taanzung (Embassy) ah ka lah ding laai khat ka ngeen hi.
Taanzung ah thudotna ka neih madeuh in, “Pasian aw, saangmaang ka sem nuam taktak kei hi. Nuntaak nuamsa lel ing. Tuma lam in pia nuam mah ing. Tun bel, pia nuam nawn keng. Hehpihna tawh US visa hong ngahsak sedah in,” ci-in thu ka ngeen hi.
Taanzung ah Thu dong Siapipa in, “Bang dingin US visa deih nahi hiam? ci-in hong dong hi.
“Marshall tuikulh aa om Ebeye tuikulh ah saangmaang sem nuam ka hihman hi,” ci-in ka dawngkik hi.
Thu dong siapipa in a computer maai en hi. Adventist saangsiapipa lai zong hong ngen loin, sum neihzah zong hong dong selo hi. Computer mai bek en gige hi.
A tawpkhakna ah, “OK, Tuu zawh kha khat a cin ciangin na visa na ngah thei ding hi,” hong ci hi.
Thudong Siapipa kampaute hangin, Topa Pasian in Ebeye pai nading lampi hong honsak ahihna leh ka kamciamte ka peelloh ding ahihna ka phawk saan hi. Tua ahihmanin na khempeuh Mexico aa ka nasep leh ka nuntaakna ka nusia ta hi.
Ka innkuanpihte kiangah mangpha khaak in, Pacific tuipi laaizang aa om, mi 12,000 a teenna, leitang ekah 80 a zai Ebeye tuikulh ah ka kikhiin ta hi.
Ebeye ka tun zawh kum khat khit cingin, ka kisiik hetkei hi. Taan nga ah lai ka hilh ciangin saangnaupang khat bek Adventist innkuan pan a hih lam ka theikhia hi. Hawaii lam hong ka lawmnu hong huhna tawh Lungdambawl hun in ka saangnaupangte Laai Siangtho ka sinpih hi. Tua saangkah kum sungin ka saangnaupangte (5) ki tuiphum uh hi. “
Banghangin Mexico gam aa na nasep nusia nahi hiam? Tu-in hih lai ah bangmah na neikei hi,” ci-in pawlkhat in hong dong uh hi.
“Na khempeuh ka nei hi. Hih lai ah ka lung nuam aa, Pasian in kei aadingin geelna khat nei a hihlam ka thei hi,’ ci-in ka dawngkik hi.
Kum 4 sung vilvel Ebeye ah pai ding hanciam in 2016 ciqngin ka tun pat pen kei leh kei lamdang ka kisa hi. Pasian in kei aadingin geelna khat nei hi dingin ka ngaihsun hi. Tua geelna pen bang hi ding cih ka theikei hi. Ahizongin, Topa in kei aadingin geelna khat nei aa, a hun a cin ciangin hong lak ding hi cih ka thei hi.
Ebeye Seventh-day Adventist saang siapipa Raian G. Villacruel in saangmaang sem dingin Allerly hong paina a haang theita hi. Ama’ saangnaupangte 100 lakah 25 tui kiphum uhaa, kum dang saangin saang ah tui a kiphuum zah tamzaw tham hi.
Tu kuata Sabbath sawm leh thumna sumpi pawlkhat tawh laaisina inndeite kipuahkik ding hi. Sumpi tawh nong huh manun lungdam mahmah ung.
######@@@@@@@#######
إرسال تعليق
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.