FSS ZIRLAI 3: THUPHUAN CABU LE JESUH

ZIRLAI 3: THUPHUAN CABU LE JESUH
 April 14-20

---

SABAT TLAILAM: April 14

TUZARH SIAR DING: 1 Cor. 10:1-11; Rev. 12:1-17; Rev. 19:11-15; Eph. 1:20; Rev. 11:19; Rev. 1:10-18.

BIBLE CANG KEN: “Nehtu ka si! Ka pai hnenih a Bawi tohkham ah ka to vekin nehtupawl cu ka Bawi tohkham ah ka toter ding” (Thupuan. 3:21).

THLUNGTHAR kan siar veten a thupi zetmi thutak a lang. Thlungthar le thlung hlun hi then theih lo a si. Thuthangtha cabupawl le cakuat ngan mipawl in a tu le a tu thlung hlun thu kha langhngan in siseh, peh hel in siseh an lak theu. Bawi Khrih amah rori ih rawng a bawlnak langter a si tikah ca thianghlim thu a thleng famkim ding a si tiah a tu le atu a sim (Matt. 26:54,56; Mark 14:49; John 13:18; John 17:12).

Thuphuan bu le Daniel bu in an thusimmi an bangaw ih Thuphuan bu kha Daniel vekih theih thei lo dingmi a si maw? Hitei pahnih in thu bangaw an sim ih, hmun khatih zirtlang ding an si.

Jesuh in Thlung hlun sungih a poimawh zetmi thupawl kha thuphuan sungah a simsal. Thuphuan hi Jesui thu a si ih, (1) Tuah zo mi a sinak, (2) amah zumtui hrangah ziangso a rak tuah, (3) can cemnak ah teh kan hrangah ziangso in tuahsak ding? Ni neta ih thil thleng

ding mipawl ah Jesuh kha hmai tawngtu bik ah ret dingah thuphuan bu ih a tumtah mi a si. Thuphuan bu sung ihsin Jesuh hmuhdan tuzarh sungah kan zir ding.

THAWHSAL NI April 15
THUPHUAN IH PIANHMANG (OR) UMDAN

Daniel le Thuphuan hi Bible budang tampi hnakin an thu a bangaw ih, thupi then hnih in a um. (1) Thuanthu, (2) ni neta ih thil thleng dingmi tiah then a si. Hi cabupawl hi theih harsa a hnok zetmi an si. Ni neta ah leitlun pumhuap ih thil thleng dingmi zohthimnak thilpawl a si. Thlung hlunih thilcang mi kan zirsuaknak in a tu kan san le a ralai dingmi sanah ziangso a cang lai ding timipawl kan thlir thei a si. Himi tuahdan hi Daniel le thuphuan in rikhamnak a tuah cuang lo.

1 Korin 10:1-11 siar aw. A tlunih thupawl ziangvek in so a fehpitdan kan hmuh thei?

Dan. 3:6,15,27 le Dan. 6:6-9,21,22 ah thuanthu a si mi hmun pakhat ih thil cangmi a lang ih a hrekkhatpawl tla cu thuphuan sungih can netnak ih thil thleng dingmi a langtertu an si ih, kan dung zarhah kan zir. Himi thuanthu zirnak thawngin can netnak lamah Pathian zumtupawl in an ton ding mipawl thinlung mitthlam ih kan hmuh theinak dingah a si. A poimawh zetmi si khal sehla ngaihsak loih kan um ahcun luatnak famkim ngah thei dingin kan hna a ngam thei kem? Thuphuan ih in zirhmi cu rinum ih nehnak thutiam kam mi kan si.

Revelation 1-11 ih thuanthupawl kha famkim lonak um hman sehla, Revelation 13-22 sungah can cemnak thu pehzom in a sim.

Rev 12:1-17 siar aw. Himi bung hi tui can thu ah maw, can netnak ih thil cang leh dingmi ah so kan ret ding?

Himi bungah thil phun hnih pehzomaw mi kan hmu thei a si. (1) Setan van ihsin hlon thlaknak thuanthu (Rev. 12:7-9), (2) Naute Jesuh kha Setan ih a donak (Rev. 12:4). Cui hnuah kawhhran hremnak (Rev. 12:14-16). Can netnak ah Setan in a tanglai mi kawhhran a donak thu (Rev. 12:17) pawl an si.

Mi pakhat cun thuanthu kan zirnak ah himi thu a tel ve lo a ti. Kha mi pomdan kha mi tampi ih an cin theu mi an palhnak a si ih, an damsung rei lo te daithlang ih an hmannak san khal a si. A liamcia mi canih thuanthu ihsin zir ding tampi a um ih, hivek palhnak tuah lo dingah ziangtin so kan hrial ding.

TLAWNGKAI NIKHAT Apirl 16
JESUI HMUIHMEL KENG (Images of Jesus)

A tangih Bible cangpawl siar aw. A rak tuah zo mi, a tuah rero mi le a tuah lai ding mi parah Jesui hmin a phunphunin an ngan. Bible cangpawl in Jesui thu ziangso in zirh?

Rev 1:5 ………………………………………………….

Rev 1:18 ………………………………………………….

Rev 5:8 ………………………………………………….

Rev 19:11-15 ………………………………………….

Rev 12:6 ………………………………………………….

Thuphuan bu cang malte sung lawngah Jesui hnatuannak le a sinak phun tampi in a ngan. Voikhat a ratnak ah tuu fa tiih kawh a si ih, cuih a sinak in kan sual hrang raithawinak in a pekaw. Nannih cu a tharih rawh mi sang nan si theinak dingah thilnu hlun kha hlon uh. Kan lantak tufa Khrih cu raithawinak ah pek a si zo (I Cor. 5:7). Amah cu voikhat a thi ih a tu ah kumkhua hrang nung dingah a thosal zo (Rev. 1:18). A thihnak le a thawhsalnak fiangten a langter. Khrih cu nasa zetin a tuar dingih a thih hnu nithumnak ah a thosal ding (Luke 24:46). Rev 19:11-15 sungah leitlun ih a ratsal tikah thuthennak sunlawinak le thiltitheinak a neih mi a langter. Milai fapa in vancung mipawl le a pai sunlawinak thawn a ra ding, an

tuah mi vekin laksawng a pe ding (Matt. 16:27).

Nunnak, thihnak le thawhsalnak le Jesui ratsalnak tumtahnak nei in kan damsung can tawite ah duhhrilnak ziangvek so kan tuah ding?

TLAWNGKAI NIHNIH April 17
THUPHUAN SUNGIH PUANTHLAM RIRUANG

A thupi zetmi thu phun hnih ih then zo hnuah Hebru-pawl ih puanthlam an sakmi thu a umsal. Puan biakinn thu hi a thupi zetmi thu phun hnih sungih khum mi a si lo nan, anmah thawn thu khatih fehtlang mi an si.

Puan biakinn lenglam tual hmaisabik ah mei-ur thawinak biaktheng a um ih, cutawk ah thawinak rannung an that theu. An thah mi tilva thihnak kha Cross hmuhsaknak a si ih, puithiam in hmun thianghlim ah a luhpi ih rawng a bawlnak kha Jesuh thihnak le a thawhsal

hnuah vanah so in hmun thianghlim sungih a hna a tuannak hmuhsaknak a si. Hihi meisa vannak thuam pasarih lakah Jesuh rawngbawl ih a toihvah reronak a sim duhmi a si (Rev. 1:13).

Rev 4:1,2 siar aw. Ongaw cia ih a ummi sangka in ziangso a khihhmuh. Khami kha khui ah so a um (Acts 2:33; Acts 5:31; Eph. 1:20; Heb. 10:12,13; Ps. 110:1; Rev. 12:5 khalah kan hmu thei).

Bawi Khrih vanih a kai hnuah van hmun thianghlim ah rawngbawl hram a thok. Cumi ihsin sangka a ong hmaisabik. Thuphuan bu ih Khrih a lang hmaisabiknak cu lei biakinn hmun thianghlim mei vannak thuam pasarih umnak khan le van hmun thianghlim khan hmaisa ih a rawngbawlnak kha a si (Rev. 1:10-18).

Rev 11:19 siar aw. John in hmun thianghlimbik sungih a ummi thukhaam kuang a hmu (Lev. 16:12-14). Van biakinn a ong timi ih a hmuhsak mi ziangso a si ding?

Van ih hmun thianghlimbik ih thukhaam thingkuang ih a langter mi hi el theih a si lo. Thuphuan cabu sung lawngah kan hmu loih, rinsan tlak zetmi lei puan biakinn rawngbawlnak le van biakinn rawngbawlnak ah inn khan pahnih a um ih, lei le van rawngbawlnak an pehzomawknak kan hmu betsal. Thuanthu sungah harsatnak lakih a umnak le Thuphuan cabu sungah ni neta ih thil thleng ding a langter mi ah hnangamnak kan ngah theinak ding a um. Bawipai ni a ra thleng dingmi ah zumtupawl khoh zetih ding thei dingin timtuahawknak ah vanih a ummi hmuahhmuah ih lungkimpinak thawn tangtlang in an tuan. Cutin van le lei hi naihaw zetih pehzomawknak an nei. E.G White, My Life to Today. Pp. 307.

TLAWNGKAI NITHUM April 18

THUPHUAN SUNGIH BAWI KHRIH (THEN 1)

Bawi Khrih hnatuan dingmi kha Thuphuan cabu ih tumtah mi a si. Curuangah a hramthoknak ihsin Jesuh KHrih ih thuphuan tiah (Apocalypsis is sou Christou) a ti. A tlangpi ih kan theih dingmi cu (1) Jesui thu phuansuah mi, (2) Jesuh Khrih thuhla phuansuahnak (Rev. 1:2). A thu in “Thuphuan” a si ruangah mi tampi in theihthiam har a si an ti theu. Kan Bawipa cu Bible cabu pawl neitu le phuangtu a si ih, a siartupawl theih thei dingih a tuah lo cun ziangah so a tuah ding?

Jesuh kha leilung tlun uktu le siangpahrang tiah Thuphuan cabu in a tarlang (Rev. 1:5 NIV). Rev 19:16 ah siangpahrang hmuahhmuah lakih siangpahrang tiah a ngan. Leitlun buainak hnaihnoknak karlakah a sunglawi zetmi thuthangtha cu ziangkim tlunih thuneitu Bawi in in duhdawt ih in run. Hivek runtu Bawi neih hi kan hnangamnak bik a si.

Rev 1:5, Bawi Khrih kha tlantu a si tiah fiang zetih phuansak kan si. In duhdawt ih a thihnak thisen thawngin kan sualnak ihsin in luatter zo. Hihi Cross parah a nun hlanih a thihnak thu a sim. Amah in thiam in coter men si loin thianhlimnak nun in pek (I Cor. 6:11). Himi in rundam hnangamnak kan ngah thei. Ziangahtile Jesuh in kan sual in kholhfai saknak a lang. Hihi kanmahtei kan tuah thei lo mi a si. 

Revelation 1:7 siar aw. Jesui thu ziangso in sim? 

Khrihfapawl ih lungphum mero thawn Bawi Khrih a rasal ding thukamnak a si. A rat tikah leitlun mi hmuahhmuah in an mit rori in an hmu ding. Kumkhua catuan thukam mi hmuaknak ah harsatnak, buainak le siatnak cu thil hmuahhmuah a netnak ah voikhat ah a ra thleng ding.

Revelation 1:8 Jesui thu ziangso in zirh? Lei ah hnangamnak kan ngah theinak dingah ruahsannak ziangso kan ngah thei?

TLAWNGKAI NILI April 19

THUPHUAN SUNGIH JESUH (THEN 2)

Thuphuan 1:10-18 siar aw. Jesuh in amai thu ziangso a sim?

Himi ah hmun thianghlim ah Jesuh a dinnak hmaisabik a lang. A thuphuan suahnak hi a ropi tukih John tla Jesui kehram ah a tluk. Jesuh in keimah hi Alpha le Omega, a hmaisabik le a netabik kumkhua a nungmi Pathian ka si tiah a phuangih tih lo dingin a sim. Cuih hnuah a thihnak le a thawhsalnak in ruahsannak a thlenpi. Jesuh kha thihnak thlan thim tawh kaitu a si. Jesuh in John hnenah a simmi kha Martha hnenah a tapa thih ih a simmi John cabu sungih a rak nganmi thu kha a sim sal. Kei cu thawhsalnak le nunnak ka si. Keimah I zumtu cu thi hman sehla an nung ding. Zokhal zumnak nei in ka sungih a nungtu cu an thi nawn lo ding. Himi hi na zum maw (John 11:25,26).

John le Martha hnenah Jesui thusimmi in thawhsalnak ruahsan ding in neih ter. Hihi Khrihfa zumnak lungphum a sim. Himi ruahsannak um lo sehla ruahsan ding ziangso kan neih?

Rev 22:7,12,13 siar aw. Jesui thu ziangso a tarlang.

Bawi Khrih hi Alpha le Omega, Thlung hlunih semtirnak le Thlung Thar ih thuphuan kha a si. Hi cabu pahnih tonawknak cu Bawi Khrih ah a si. Adam pahnihnak ih zawnlung thuthlunnak in Pathian le Adam hmaisa remnak a tuahsak. Zoh mawi lo zetih Adam hmaisa sunghnak kha Adam neta in Setan ih tukforhnak ah nehnak famkim a co. E.G White Comments, The SDA Bible Commentary Vol. 6. Pp. 1092. Jesuh hi a hramthoknak le a cem netnak a si ih, amai kutin a hramthok ihsin a sersiam ih a cem netnak khalah in sersiam sal ding.

A hram a thokih a net tiang a thlen, himi hi thuanthu zirnak menmen a si lo. Ni neta ih thil thleng leh dingmi thu a si. Thuphuan cabu hi (Apocalypsis Iesou Christou) Jesuh Khrih ih thuphuan suahnak a si. Can cemnak ih thil thleng dingmipawl kan zoh kirsal ahcun thil hmuahhmuah ih a bulhrampi kha Jesuh a si.

Kan nunnak ih a hrampibik Jesuh si dingah nitinten ziangvek in so kan kilhimawk ding?

TLAWNGKAI NINGA April 20

RUAH BET DING: Thuphuan sungah Pathian sinak thuthuk a langter ih thawkkhum hmin pek mi a sinak hi thuphuan ti a si ih, on thiang lo tacik khen mi cabu thawn a kalhaw. Thupuan timi cu thil phuansuahnak a si. Bawipa in a tirhthlah hnenah cabu sungih a ummi thu khirhkhanpawl kha mi hmuahhmuah ih zir thei dingah a onsak mi a si. A langter duhmi thutak cu John san lai minungpawl vekin tui ni neta lei can cemnak ih a umtupawl hrangah a si. Himi simsungnak thil thleng tampi ah hlan lai thilpawl an langih a hrekkhat cu a tuah a um rero mi a si. Van lal fapa le thimnak lal karlak ih buainak nasa zetmi kha himi simsung thu ih sim duhmi a si. Lei thar ahcun tlenciapawl ih nehnak lungawinak a taktak in a thleng ding. E.G White, The Acts of The Apostles. Pp. 584.

A hramthoknak cabu le a netnak cabu pahnih hi tu zarh sung kan zirmi a si ih, Jesui thu ziang tlukin a tam timi a langter. Thlung Hlun sung hmuahhmuah ah Thuanthu vekin thil thleng mipawl a tarlang. Thuphuan bu ah Jesui thu tampi in zirh (Rev. 3:14; Rev. 5:5,6; Rev. 7:14; Rev. 19:11-16). Jesui thu kha Thuphuan cabu sungah tam zet a ngan. Himi Bible cangpawl hmunkhat ih kan ret ahcun Jesui hmin aiawh ih an hman mi kan hmu thei. Kan hnenih a langter duhmi cu dungthluntupawl hnenih a phuan mi kha a si.

RELTLANG DING:

1. Thlung Thar hmuahhmuah in thlung hlun ih nganmi thu an lak mi kha kan hrangah  sullam ziangso a neih? Himi in Bible hi kan zumnak lungphum sidingah le Pathian thu kan sunsak theinak dingah ziangso in sim. Kan kawhhran khawvel le kan pumpak nunah Bible thuneihnak huham a mal vivo lonak dingin ziangtin so kan kilhimawk thei ding?

2. Thuphuan cabu le a dangpawl in a tlangpi ih an sim cio mi kha Jesuh a si. Nan zirnak hmunah himi hi ringpi in siar uh. Kan Bawipai ziaza huham le a hnatuannak kha tabavuah (nature) umdan in na hnenah ziangso an lo sim. Himi in ziangvek hnangamnak so na ngah thei? 

3. Lei pumsa thihnak ihsin ruahsannak kan zir thei mi ziangso a um? Mithi thosalnak thukam mi in ziangvek in so hnangamnak a lo neiter thei?