FSS ZIRLAI 2: DANIEL LE CAN NETNAK

ZIRLAI 2: DANIEL LE CAN NETNAK

                                   April 7-13 

---

SABAT TLAI LAM:                                                        April 7

TUZARH SIAR DING: Luke 16:10; Dan. 1; Dan. 2; Dan 3:1-6; Rev. 13:11-15; Dan. 3:13-18; John 3:7; Dan. 4:6.

BIBLE CANG KEN: Siangpahrang cun Daniel hnenah, “‘Na Pathian hi Pathian dang  muahhmuah lakah a maksak bik, siangpahrang tlunah Bawi a si ih, mangbangza thil simfiangtu Pathian a si. Himi cu ka thei ziangahtile mangbangza thil nangmah in na simfiang so’ a ti” (Dan. 2:47).

HLANLAI Israel-pawl hrangah Bawipa in mangbangza khawkhannak a nei. “Nannih cu keimah hrangih pekmi miphun thiang, I riantu ding Puithiam miphun nan si ding” (Ex. 19:6). Himi uknak ram puithiam, miphun thianghlim, Johovah lawng hi Pathian  a si tiah tetti khan in leitlun ah sim phuangtu ding kan si (Isai. 43:10). Miphun thianghlim si dingih Pathian kawh an sinak vekin an nun lo ruangah Babulon sal an tang.

An thuanthu hi phuan theh mi a si ko nan ni neta ih kan can thaw cun a danglamaw tuk mi a si. Asinan, an sinak le an ziaza langter mi cu kan hmuh thei dingah a um lai ih santhar minung hrangih tuanvo latu an si. Ni neta ih a nung mipawl hrang lawngah si loin Pathian be lo. Babulon rorelnak zungpi ah fial mi an si vekin leitlun ah tettikhan dingin Pathian ih fialmi le kawhmi an si. An thuanthu ihsin zirsuah mi ziang so kan nei thei ding.Ral kaihmi harsatnak lak khalah Judah miphunpawl hi Pathian in a thuthangtha simtu dingah pumpak rori in a fial theu ti kan theih a tul. Judah le Israelpawl an dinhmun a siat zet lai khalah Pathian in Daniel le a rualpipawl kha a tumtah mi tuahsuak dingah a hleice in a hril. Israel miphun hi Pathian ta thianhlimter mi an sinak theithiam dingah hi minungpawl a hmang ti kan theih theinak phunkhat a si.

THAWHSAL NI                    April 8 A FATEBIK TIANGIH RINUM

Thil malte parih a rinum mi cu tampi par khalah a rinum. Thil fate parih rinum lo mi cu tampi par khalah a rinum lo ding (Luke 16:10).

Jesui thusim mi kha zohaw, thil fate parah  a poi lo ti a ol tuk. Hivek men titham a si lo an ti theu mi ah kan buai theu. Ziangahtile titlak lo thil tenau a si. A poi lo tiih mi tuahmi vek tuahih mi nun cawn hi kan hmu tam bik. Hi thamtham timi in thil sual dang tuahnak ah ngamnak in pek. Cule that lonak pakhat hnu pakhat in kan tuahih a netnak ahcun a tampi ah a cang.

A tu ih ruahdan kan simmi vek thinlung put le Babulon sal tang Juda tlangval pali ih an nundan Daniel bung khat thuanthu kha ruat aw.

Dan. 1 siar aw. Hi bangtuk hi Israel miphunpawl umdan a si tiah Daniel, Hananiah, Mishael le Azariah pawlin an nun danin an langter (Deut. 4:6-8; Zech. 8:28).

Midang hnakin a let hra ih an fim cungcuannak kha himi Bible cangin an ei in ziangtin so a langter (Dan. 1:20). Bible cangin a langter mi cu an fimnak le thiamnak hi Pathian pekmi ti ah a ti. A thianghlim lo mi Babulon ei in pawl ei duh lonak kha Pathian hnenih an rinumnak langter ih zawnlungtei an nun man thlawsuah a si. Ni neta khalah hi bangtuk thil tuahmi rak um hlah sehla rinumnak kan nei thei kem?

Kawhhran khalin kan tul mi kan dil theu mi thutak khal tampi pek zo mi kan si. In pekmi parah rinum le zawnlung in kan um maw? Hmual nei zetin Pathian hrangah tetti khan thei dingah pumpak in ziang vekin so tan kan lak cio ding?

TLAWNGKAI NIKHAT                                                  April 9

DANIEL IH THANGDORNAK

Leitlun ah zokhal ih an sim lo hmanah Daniel 2 thu an siarnak ruangah Pathian zumtu tampi an um. Pathian a um ko timi lawng si loin thil hung um lai dingmi a theih thei mi ruangah hmual nei zetin a pehzomter. Himi Bible cangin Pathian ih thil rak theihcianak a fimnak le kan parih thil a thleng mi ruangah Pathian a um rori timi a phuangsuak a si.

Dan 2 siar aw. Pathian a sinak kan pom theinak dingah himi ih in tuahsak mi ziangso a um? Himi Bible cangih a simmi tui san Europe ram kha zoh aw (Dan. 2:40-43). Kum 2600 a liam zo mi san ih Daniel kha mi ramih umdan dik a sim theinak kha Pathian thawn pehzomawknak tel loin a sim thei kem?

Siangpahrang ih cawmmi mifimpawl, polthiam le dawithiampawl in siangpahrang ih mang an let thei lonak kha a nehhnu lawngah Daniel in a thei. Midang thawn an bangawk lonak cu van ih a ummi Pathian lawngin thuthup le thuthuk a phuang thei ih amah lawng hi Pathian a si.A hnenah ah Pathian ih a phuan mipawl kha a dik rori tiah a zumih a pom ruangah mipi hmaiah a phuang ngam. Siangpahrang ih mang a simfiangnak lawng a si lo, theih thei dingih fimnak le theihnak a rakneih mi ruangah porhawknak olten a nei thei ve ko. Asinan, Daniel in porhawk hnakih a tha sawn mi a thei. Amai thlacamnak le midang ih thlacam bomnak kha (Dan. 2:17-23) Pathian an rinsan pumhlumnak a langter. Cuti si lo sehla mifim thiampawl an zaten an thi theh ding.

Tangdornak nun Daniel ih a neihnak, Pathian a rinsannak ruangah hmual nei zetin tetti a khan thei. Daniel ih tangdornak nun zohthim in kannih teh tangdornak nun ziangtluk tamih langter ding so kan si. Rundam khawkhannak in pekmi kha Daniel in a rak theih mi a si lo. Cui kan theih mi cu Cross parah Jesui tuah mipawl an si ih, khami kha tangdor nun kan neih theinak dingah tangkainak a nei maw?

Cross in tangdornak thu ziangso in zirh? Kha mi in misual kan sinak lawng si loin rundamnak ah Pathian rinsan pumhlum dingah ziangso in sim? Cross tel loih na nunnak ahuarawk ding na neihmi ziangtal a um maw? (Gal. 6:14)

TLAWNGKAI NIHNIH                                                April 10

SUI MILEM

Dura phairawn ah Hebru tlangval pathum (Daniel 3) thu le (Thuphuan 13) ih Pathian zumtupawl hremnak an rak tuar mi le ni neta ih zumtupawl in an ton lai dingmi kha pehzomawknak an nei a si.

Dan. 3:1-6 kha Rev 13:11-15 thawn zohthim aw. Hi thu pahnih an bangawknak ziangso a si?

Himi thu ih a tumtah mi cu sakhuanak a si. An pahnih in hramhram ih fialawknak a si. Uktui thuneihnak ih fialmi a si ih, thupek an suah can hi tuanvo latu Pathian ta a si.

Dan. 3:13-18 siar aw. Ni neta ah ziangso kan tong ding ih, ziangtin so kan din thei ding, hi thuanthu kan zirnak ihsin ziangtluk in so in bawm thei.

Leitlun hmuahhmuah uktu Nibukhanizar in tlangvalpawl le an biak Pathian kha hmuhsuam in a hnih san. “Zo so ka kut sungin a lo hum theitu Pathian cu” tiah a ti. Can rei lo te ah a lo hum theitu Pathian a ti mi cu a mit rori in a hmu. Cun a simsal mi cu “Shadarak, Mesak, Abenego pawlih Pathian thangthat si ko seh. A van mi a run thlah ih rinum zetih amah rinsantupawl a runsuak ti ih siangpahrang au-aw cu phundang zetin a thang. An nun pumhlum Pathian hnenah an apaw ih an biakmi Pathian siar lo an rian lo ih, an be fawn lo (Dan. 3:28).

Siangpahrang in mangbangza thil a hmuh hnu cun tlangval pathumpawl ih an biakmi le an rian mi Pathian zo a si ti a thei fiang.

Tlangval pathum kha meisa sung ihsin runsuak lo sisehla phundang zetin an hmu ding (Dan. 3:18). Meisa sungah kangral ta hai sehla siangpahrang thusuak el in ziangtin so thil dik an tuah ngam nawn ding? Hi thuanthu in a langter mi cu rinsannak, zumnak man ngah lo khalah an dingngamnak kha hmual nei zetin an langter.

Biaknak thu ah cozah thusuak kha ni neta bikih a um tikah anmah vekin rinumten kan um theinak dingah ziangvek in so kan um ding. Thil tenau thu hmanah rinum lo kan si ahcun ni neta ih buainak a ra thlen tikah ziangtin so rinumten kan um thei ding?

TLAWNGKAI NITHUM                                 April 11

PATHIAN BE LOPAWL LUNG THLENGNAK                                             

Dan. 3 ah Nibukhanizar in huham nei Pathian ngaingai a um ti a theihnak thu kha a ngan. Pathian le a thiltitheinak huham theih hi hrinsalnak Jesui simmi rundamnak thu thawn cun an bangaw lo (John 3:7). Dan. 4:30 ih a lang mi thlarau rundamnak lung thlengnak thu a

si.

Dan 4:30 siar aw. Kha pa ih biakmi kha ziangso a si? (John 15:5; Acts 17:28; Dan. 5:23).

Himi Bible in Nibukhanizar in harsatnak a ton laiah huham neihnak ngaingai hi Pathian lawngah a um ih, amah tel loin santlaihnak a neilo tinak thu a zirsuak.

Tluang khawng zetmi siangpahrang kha tangdor zet Pathian fa ah a cang. Dik lo zetih uktu kha mi zangfah thei zet le a fimmi siangpahrang ah a cang. A hmuhsuam ih a nautat mi Pathian ih thiltitheinak a cungnung mi huham a neihnak a tu ahcun a thei ngah hnu cun Pathian tihzahnak a nei sinsin ih a lungawinak sangbik ah a cang. Siangpahrang tlunih thununnak tangah a ummi Nibukhanizar ih a zirsuak mi thatnak kha uktu hmuahhmuah ih an zir dingmi a si. Johovah hi Pathian a si ti a thei ih, keimah Nibukhanizar in van Pathian ka thangthat, ka upat ih ka cawimawi tiah a ti. A lamzin a dik, a tuahmi hmuahhmuah in a hmun mi a si. Mi hngal cu tangah a thum tiah a ti. E.G White, Prophets Kings, pp. 521.

Deut 4:35 siar aw. Pathian thu ih thutak Nibukhanizar in ziangso a langter?

Danpeksalnak 4 sungah Jentail pa in Hebru-pawl Pthian thuneihnak a thiltitheinak le a uknak a thei. Hlanlai kawhhran sungih hi thil cang mi in Pathian huham thawngin Judah-pawl ih tetti an khannak ah Jentail pa in Bawipai thutak a zir suak ngah ih leitlun ah thutak a phuang a si.

John 3:7 siar aw. Ni netabik ih thil cang dingmi tuah dingih thu peknak, Pathian biaknak le hremnak pawl hi thil dang hmuahhmuah hnakin can cemnak hrangih kan timtuahawknak dingah Jesuh in ziangso in sim?

TLAWNGKAI NILI                                                      April 12

DANIEL RINUMNAK

Danpeksalnak 6 siar aw. A tangih thusuhnakpawl phi aw.

(1)Dan. 6:4,6 ah Daniel ih ziaza ziangso a sim? A ziaza kan hmuh suak theinak dingah zirlai ziangso kan lak thei ding?

(2)  Rev 13:4,8,11-17 sungih ngan mi ni netabik iha thleng dingmi thawn a bangaw mi cipciar zetih a simmi Dan. 6 ah ziangso kan hmuh thei?

(3)  Hivek canah Daniel dinhmun ah dingaw ter aw. Thlacam loin anmah thawn tongkam cuhaw in suanlam ziangso nahawl ding? Kiosa thawng sungah an hlonih hremnak a ton can khalah amai nunnak ding ruat loin dingfelnak a tuah vekin ziangtin so kan tuah thei ve ding?

(4)  Daniel kha thlacam tul lo vek a bang nan ziangruangahthla a cam ringring tina ruat dah maw?

(5)  Siangpahrang Darius in Daniel kiosa thawng sungihhlon a si hlanah Daniel biakmi Pathian ih huham a langmi a theih zonak thu ziangso a sim? Daniel in a biak mi le a ren mi Pathian thu siangpahrang hnenah amah rori in fiangten a sim zo timi siangpahrang in ziangtin so a sim?

4

TLAWNGKAI NINGA                                                  April 13

RUAH BET DING: Lei can cemnak kan pan rero ih Daniel ih a nganmi simsung thu kan ruat nasat a tul. Khakha kan ton dingmi thuhla thawn an pehzomaw a si. Thlungthar cabu netabik ih thuzirh mi thawn pehawknak an nei. Daniel ih nganmi le John ih nganmi Thuphuan bu kha mi tampi in theih harsa le theih thei lo mi thupawl an si tiah ruat dingin Setan in a duh. Asinan, himi thu zirtupawl in an theihthiam ruangah an lungawinak a si. Dan. 12:10 ah mifimpawl in Daniel ih langnak a hmuh mi kha ni neta ah theih thei lo dingih thuh mi thu a si lo ti an thei. Jesuh in tirhthlah John hnenih a pekmi thuphuan kha sankhat hnu sankhat Pathian zumtupawl hruaiawknak dingih a pekmi a si. Hi cabu siartu Prophet thusimmi a theitu le a thluntupawl cu mi lungawi an si tiah Thuphuan 1:3 ah a sim a si. E.G White, Prophets and Kings. Pp. 547.

Daniel cabu hi ram le miphunpawl doawknak le thuthennak khal kan hmu thei (Dan. 7:22,26; Dan. 8:14). Culawng si loin netabik ih harsatnak canah Pathian in amah zumtupawl a luatternak ding khal a si (Dan. 12:1). Daniel cabu ah kan hmuh mi harsatnak hremnak pawl ziangtik can khalah thleng hman sehla timtuahawknak kan neih cio theinak dingin zohthim dingih in pekmipawl tu zarh sungah kan zir  a si. Himi thuanthu ih in simmi cu ni neta ih um mipawl in kan hmai ih kan ton dingmi thucah kan theihthiamnak dingah a si. Sahrang hminsinnak, mangbang vansang ih umnak can le hremnak a rak thlen canah Pathian zangfah lainatnak kan tul lai cante ah himi thu kan theih mi in in bawm thei ding. Thildang hnakih kan tulbik mi cu Daniel le a rualpipawl le Nebukhanizar ih tonnun “Piantharnakpawl” an si.

RELTLANG DING:

1.       Dan. 9:3-19 ih Daniel thlacamnak kha siar aw. Thlaa camnak in zangfahnak thu a theihnak ziangtin so a langter? Kan thatnak ih kan phu lo mi kan parah zawnruahnak a neih ruangah ziangvek in so in runsuak? Himi thutak hi theih men lawng si loin a takih nunpi ding ziangruangah so a thupit zet?

2.       Daniel le a rualpi pathumpawl ih an biakmi thu anthlun ruangah ram uktu bawi ih hronak tangah ral tha zetih an ding theinak kha nan zir canah reltlang uh. Hivek thil na tonmi a um ve maw? Nan tonmi thawn an danglamnak a um maw? Hmual nei zetih thuthangtha sim thei dingah himi thu ihsin ziangso kan zir thei? Piangthar timi sullam ziangso a si? Kan pianthara tulnak thu Jesuh in ziangah so a sim?