Zo Phualva Thupuak Vol 08, Issue 06: Kum Tul Mi Ahk Tangkum Pu

Zo Phualva Thupuak Vol 08, Issue 06: 

Kum Tul Mi Ahk Tangkum Pu

---

Babylon gam hauhna le nopsakna tawh akidim laitakin, Nebuchadnezzarin alupna tung panin thu ngaihsun hi. Bang tanvei hih ka kumpi gam kip dinga, kei sih khitciangin bang suak ding hiam? ci-in ngaihsun hi.

Tua banga alungngaih laitakin, kumpipa mengme kha hi. A mang sungah mel tuamtuam tawh akizem ataang mahmah milimpi khat mu hi. Tua amuh milimpi tawh kibang khat vei beek mu ngei nailo hi. Kumpipa akhanlawh ciangin thakhatthu-in alupna pan diangkhia a, amah acingte kiangah hih bangin gen hi: “Manlang takin mitphial bawltheite mipilte, aksi lam siamte hong sam un, ka mang hong khiatsak thei kha ding uh hi,” ci hi.

Kumpipa’ mipilte khempeuh manlang takin alungkham mahmah Kumpipa mai ah hong kikhawm uh hi. "Mang lamdang mahmah khat ka nei-a, akhiatna ka thei nuam pha mahmah hi, ci hi.” Dan 2:3. Kamsang kisiamsak khat in dawngin, "Na mang hong gen lecin akhiatna kong gen thei ding hi.” ci hi. Ahih hangin Kumpipa in ka mang bang hiam ka thei nawn kei hi tua ahih ciangin ka mang le akhiatna hong gen un, nong gen theih uh le letsong tampi kong pia ding hi, aci hi. Hih Babylon mipilte in Pasian kiang pan-a thu thei bangin kibawl uha, ahih hangin Kumpipa in a-up nawn phat loh nading hong kipanta hi. Hih mun lian ah atheih taktak uh le taktak loh uh hong kitel nading hita hi. Kumpipa in a sawltakte kiangah gensak a, Ka mang le akhiatna hong gen un, nong gen theih uh le letsong tampi kongpia ding hi. Nong gen theih kei uh le na sa uh kong semnen dinga na innte uh nin kholna mun ka suaksak ding hi, aci hi.

Mitphial bawltheite le aksi lam siamte in, ki-im thei nawnlo-in Kumpipa mang theih phot lo-in, akhiatna agen theih het lohna uh siangtakin hong pulak ta uh hi. Tua ciangin Kumpipa heh mahmah a, Babylon mipil teng khempeuh thah khit dingin thupia hi. Ahih hangin tua mang sunga agol mahmah Kumtul Mi ii thugen athei ding le akhiatna akhia thei ding Pasian in Babylon mipilte lakah mi khat nei hi.

1. Banghang Pasian in Babylon kumpipa hih mang mansak hiam?

Dan 2:28 Ahih hangin a lak thei vantungah Pasian khat a om hi. Amah in mailamah bang thu hong piang ding cih nangmah Nebuchadnezzar kumpipa tungah a hong hilhzo hi.

Phawk Ding:   Hih nam tampi akigawm milimpi in mailam kum 1000 lom te sungah bang hong piang dinga, kumpi khat khit kumpi khat hong pian nading lam Pasian in Ama mite hong thei sak hi.

2. Kumpipa mipilte in mang le akhiatna atheih loh uh ciangin Kumpipa in bang thupia hiam? 

Dan 2:12. Tua thu hangin kumpipa heh mahmah a, Babylon kumpi' thudot mipilte khempeuh khit dingin thu a pia hi.

Phawk Ding:   Aksi lam siamte le mitphial bawlte in nalamdang bawl theih nadingin vangliatna nei bangin kibawl uh hi. Ahih hangin mang le akhiatna hong gen theih loh uh ciangin a zuauphuakte, mi khemte ahih na uh hong kilang hi. Kumpipa in a mang gen thei hi zen le, amau ut bangin akhiatna gen sawm uh hi. Hehna tawh kumpipa in mipil teng khempeuh aom lote nangawn thah khit mang dingin thu hong pia hi. Tua aom lote lakah, sila ahi Pasian akihta kumpi nasem dinga kisincil Daniel aom hi.

3. Thah khit ding thu Daniel in a theih ciangin, kumpipa kiangah bang ngen a, alawmte kiangah bang gen hiam?

Dan 2:16. Tua ciangin kumpipa kiangah Daniel pai a, a mangmat a a hilh theihna dingin hun tawmvei sung a kingak laina dingin phalna a ngen hi. Dan 2:17, 18. Tua ciangin Daniel a inn-ah ciah a, a thupiangteng khempeuh a lawmte Hananiah, Mishael, le Azariah-te kiangah a ko hi. Amah in, vantung Pasian in eite hong hehpihin, tua thuthukpi genkhia thei-in, Babylon gam sunga mipil dangte tawh thahna i thuakkhawm lohna dingin thu i ngen ding hi, ci-in a gen hi.

Phawk Ding:   Daniel in Kumpipa kiangah, hun tawmkha apiak nadingin ngen a, mang le akhiatna ka hong gen ding hi ci hi. Kumpipa in amang thei nuam lua ahih manin Daniel ngetna a zak ciangin lungdam mahmah hi. Tua ciangin alawmte tawh na khempeuh athei apiangsak vantung Pasian kiangah mang le akhiatna atheih nadingun thungen uh hi.

4. Pasian in Daniel tungah mang le akhiatna ahilh khitciangin, amah in kua tungah phatna pia hiam?

Dan 2:23. Nang pen ka pu ka pate' na hi a, ka hong phat a, ka hong zahtak hi. Nangmah in pilna le thahatna na hong piazo hi. Ka thungetna nong za a, kumpipa kianga ka gen ding thu nong lakzo hi,” a ci hi. Dan 2:28. Ahih hangin thusim a lak thei vantungah  khat a om hi. Amah in mailamah bang thu hong piang ding cih nangmah Nebuchadnezzar kumpipa tungah a hong hilhzo hi. 

Phawk Ding:   Phawk Ding: Kumpi gam khat hong dinna le hong puknate mihingte bawl tawh akibat hangin, Daniel thungetna ih theih ciangin, mihingte hang hilo zaw-in Pasian bawl hizaw hicih ih thei hi. Pasian in atheih khakloh le aphalloh-a thupiang khat beek omlo hi. Khat veivei hih leitunga thupiangte banghang hiam cih ih tel loh tampi om-a, ahih hangin muanhuai taka ih theih thu khat in Pasian in na khempeuh uk hi cih ih thei hi. Daniel in kumpipa mang le akhiatna gen thei a, ahih hangin ama theihna hilo-in vantung Pasian kiang pan hicih limtakin gen hi.

5. Daniel gen Kumpipa in amang sungah amuh thu nam nih bang hiam?

Dan 2:31. Kumpipa aw, na mangin a te daldal milim lian mahmah khat na mu a, kihtakhuai mahmahin na mai-ah a ding hi. Dan 2:34. Tua banga na et laitakin mualtung panin suangtumpi khat kuama khuklohin hong tuk a, sik le buan kigawm khete dengtanin a kithehthang hi. 

Phawk Ding:   Amasa pen-in Kumpipa in anuai-a nam tampi kihel milim mu hi: A lutang kham, A awm ngun, A gil le aphei sumngo, A khe kahpasik, a khe te sik le buan kihel.

Tua laitakin kuama khuk loh suangtum hong tuksuk-in milimpi khe hong dengkha hi. Hih munah Kumpipa in kamka liangin lamdangsa-in akhiatna bang hong hitam maw ci-a kumpi tokhom pan-a angaih ding bel lamdangsak huai hilo hi. Daniel in Pasian hilh bangin a mang khiatnate gen hi. Laisiangtho le genkholhna thute gen nadingin amuanhuai pen le ahoih pen in Laisiangtho amah le amah ih kikhiatsak ding ahi hi.

6. Kham lutang khiatna bang ahi hiam?

Dan 2:38 . Tua kham pen nangmah na hi hi.

Phawk Ding:   Kumpipa pen gam khat lutang ahi hi. Tua manin Nebuchadnezar pen Babylon gam cihna hi a, genkholhna kipatna hong suak pah hi. Babylon ukna pen 612-538 B.C. sawt-a a minthang pen le alian pen hong hipah hi. Hih genkholhna kham lutang pen Nebuchadnezar hi a, Daniel hun pan hong kipan pah hi.

7. Babylon gam atawntungin akip mah ding hiam?

Dan 2:39. Nang' khit ciangin nang' kumpi gam sangin a neuzaw kumpi gam khat hong piang ding a, tua khit ciangin sumngo ahi kumpi gam a thumna in leitung khempeuh uk ding hi.

Phawk Ding:   Babylon gam kip tawntung lo ding hi. Babylon sangin agina lo zaw gam khat in zogawp-in hong uk ding hi. Ngun in kham sangin mantawm zaw napi asak zawk mah bangin, Babylon nopsakna susia dingin Cyrus kumpi makai-in, 539 B.C. kum in Medo-Persian te in Babylon simin hong zo uh hi. Medes le Persian te in 539-331 B.C. hun ciangdong uk uh hi. Amau uk sung khempeuh siah apiak uh ciangin ngun tang bek zang uh hi. (Zop laiding) Ref: Amazing Facts, Storacles

Cidamna: Mit Thu

Tutung in mit dop dan ding leh mit aa ding aa hoihmehteh mehgah te anek huai dan anuai aa bang in kikup dingin kong tel khia hi. 

1 . Nisa lakah ih pai ciangin lukhu peekgol zat ding hoihpen hi. Banghanghiam cih leh nitang sung aa om ultraviolet light kici dat in ih mit tawh kisu kha leh siasak hi. Tua ahihmanin niliim ngah nading in lukhu gol kisam hi. 

2 . Maiphiat khit teh mai nul nading in kuamah tawh ki-tanglo mainul sinagtho sinsen zat ding hoih pen hi. Midangtawh ih ki tang leh mitnatna namkhat CONJUNCTIVITIS kici kingah baih pen hi. 

3. Tuipek tuibual ciang leh lettama nasep na khatpeuh-peuh ih neih teh mitdal goggle khat peuh zat ding hoih pen hi. 

4. Air-con kizatna mun te ah huih mut na lam ah om lo zaw in kidop ding ki sam hi. Cih nop na ah ih mit huih in hong tam mut leh keu ding aa, mit khuamuh na kiam ding hi. Ban ah, Abrasion kici mitnatna nam khat zong kingah thei hi. 

5. Laisim ciang leh na akizom aa sep ciang in nailang(30 mins) kihal in setkan sawmthum (30 seconds) sung apualam en ding, tua in mit gim luat ding phatuam sak hi. Singtehhing a engdildial khawng en le’ng mit in tawldamna ngah hi. 

6. Nipi kal khat in livei, nawhpai zekzek in lam siau ding. Adang in gen leng nikhat hal in lamsiau in paikhia leng mit-natna namkhat Glaucoma dal hi. 

7. Mitkhaumuh na ahoih nading in kawlkai (Sweet potatoes) nek ding hoih hi ci in kiciamteh hi. Kawlkai sung ah Vi-tamin A om aa tua in mit khuamuhna hoih sak aa, adiakdiakin zan khuamial sung ah mit khuamuh na khang sak hi cih kimu hi. Nidang ihpu/pa te hun lai in Vitamin cih bangkiza kha vet lo hi. 

8 . Red onions (Lothang san) sungah Quercetin kici antioxident dat nam khat om aa, tua in mitnatna Cataracts ( Kawl-pau in teng- ) apian ding kham hi ci in ki mu hi. Tua ahihmanin meh huan ciang hih red onion zat ding ciapteh huaihi. 

9 . Zingsang tung aa an nek(Breakfast) ciang in Bilberry kici singgah min ne leng hoih hi. Hih sung ah Anthocyano-sides dat om aa, tua in Mascular Degeneration kici mitnatna apian ding dal hi. Hih Bilberry pen zatui sai te ah zong kingahthei hi. Thawhbat gah (Avocado), Ankam tak san (Carrot) le haimin (Mango) te zong hoih hi.

10 . Nipi kalkhat in ngasa nihvei ne zo leh mit aading hoih hi. Ngasa sungah Omega 3 fatty acid om aa, tua in dry eye syndrome kici mitnatna dal hi. Ngasa aduh lo ten ngapi thau  capsule ne leh zong hoih hi. 

11 . Nipi kalkhat in Spinach vokpi an ling neilo mehteh te nih vei ne ding. Lutein kici datnamkhat Spinach sung ah om aa, tuain Cataracts leh Mascular Degeneration apian din g kham hi. Spinach pen nganhuam ahih kei leh garlic (Phulun) tawh helin sathau in kang ding hi.

Zo Phualva Thupuak - Vol 08, Issue 06 by DavidLian on Scribd