MS1: Kawm Neilo Biakinn

Gen Masakpen Ding!

Tu kuata Sabbath sawm leh thumna tawh a nuaiaa phualpite kihuh ding hi.

 Lungdamnathu Taangkona Phualpi, Antillean AdventistU niversity, Mayaguez, Puerto Rico

 University Biakinn ding, Southern Caribbean University, Maracas, Trinidad

 Veeng leh Paam tawh kizopna ding dawl 7 a phaa Phualpi khat, Southeast Adventist Zatopi, Villahermosa, Mexico

############@@@@@@@@@#############

Sim peuhmah ke’n!!, Geen in!!

January 6 Puerto Rico Gam

Kawm Neilo Biakinn (Agen: Raquel Marrero Torres, 52)

Sabbath zingsang tuung nai nga hun-in Puerto Rican paak-huan ah thu ngen ding, Lai Siangtho sim ding leh kiallap zingan ne khawm dingin pawlpimite pawlkhat hong khawlkhawm uh hi. Sabbath ni khat, inn neilo mi pawlkhat in na ngak uh hi. Tua paak huan pan-in khuapi laiazang ah a kikhop nadingun ki aana sawl hi.

Khasim in a bawl biakpiakna pen inn leh lo neilote aadingin Sabbath sim zingan neekna leh biakpiakna hong suak hi. Nung Sabbath ni-in, Pastor Easter in a tuamdiak neekhopna ahi, khesilna, khomun balneen khopna leh leengtui dawn khopna ah makaih hi.

An neek ding a vaihawm, Univesity ah Ganaan a hilh, kum 52 a phaa Siapi Raquel Marrero Torres in, “Kikhopna mun pen kawm neilo biakinn ci-in min ka pia uh hi,” ci hi. Kawm neilo Biakinn pen Seventh-day Adventiste’n Caribbean tuipi ah a om Puerto Rico khuapi ah a teeng kiim leh paamte kiangah 2 Topa Zeisu’ hong itna a taangkona lampi khat ahi hi. Pawlpi pawlkhatte in amau inn ah Sabbath ni sim-in an vaak uhaa, a dangte’n kaal khat sung tua mun ah a teengte’ inn va hah sak-in, va puahsak uh hi.

Raquel ii pawlpimite in Antillean Adventist University omna ahi, Puerto Rico gam sungaa om Mayaguez khuapi’ paakhuan ah kha khat in khatvei ta kikhawm uh hi. Ahizongin, khuasung kipawlnate in 2012 kum in khuapi sung laaizang mun zaina ah a kikhop nadingun thu pia hi. An a neek laaitakun, pawlpimi khat in tua kiim ah inn neilo mi tampi a om lam a theih ciangin an a neekpih dingin sam uh hi. 

“Tua niaa kipanin tua pawlpimi khat in Sabbath ni sim-in inn neilote an vaak ding khensat hi,” ci-in Raquel gen hi. Tua pa in sumzonna nasep neu khat neiaa, kum 50 phaata hi. Amah in khuapi laaizang munzaina ah be meh, pongmoh, singgah leh singgahtui Sabbath sim-in kha tampitak mah hong kengin, inn neilote an vaak hi. Tua khitciangin Raquel tungah, “Nang na va pai ding ka deih hi. 

Amaute an bek ka vaak nuam kei hi. Pasian’ thu a zaak dinguh zong ka deihsak hi,” ci-in veina taktawh gen hi. Raquel pen, amau pawl lakah a thanuam makaai khat hiaa, a Sabbath

kik ciangin ama’ nasep a huh dingin thukim pah hi. Sabbath zingsang tuungin, Raquel in pasal leh numei kigawm 35 te kiangah Lai Siangtho sim hi. Tua bang ahih khitciangin, 2017 kum masa lam-in anvaak tavuan hong lata hi.

Tua nite in, mi 65 pan 70 te’n Sabbath zingsang sim nai 7 in Pasian’ Kammal a ngaai ding leh zingan a ne dingin hong pai uh hi. A kipumpiak zote in tutphahte gual-in Leenglate tusak uhaa, amaute’n la sa in minute 20 sung Pastorpa thugenna ngaai uh hi. Pastropa in a hong pai te Lai Siangtho sinpih in, thusinna a zo khinsa (40) te Adventist biakinn tawh a kinaai mun khat ah gualzawhna pawi bawl dingin bus tawh kipai pih hi.

Zingsang nai 8 ciangin gualzawhna pawi ah an a kivaak pan ding hinapi-in, gualzawhna pawi ah a kihel dingte zingsang nai 7 hunin hong tungta uh ahihmanin Raquel in lamdang saliangh hi. “Inn neilote an ka vaak masa uhaa, Pasian’ thu a za nuamaa hong paite zong an ka vaak uh hi,” Raquel in ci hi. “Amaute tu uhaa, a Laai Siangtho bute uh sim in, laa zong sa uh hi. Lamdang mahmah hi,” 3 ci-in lawptakin Raquel in gen zom hi. Sabbath ni sim-in kikhopna pen inn kuan khat bangin kikhopna hong suakta hi.

“Ka nui zel uhaa, ka kap zel uh hi. Ka kikhopihte uh a si hong om ciangin amau tawh ka dah khawm uh hi. Innkuan khat a bang hi ung,” ci-in Raquel in maaitai takin gen hi. 

Kikhopna ah hong kihelte a tam zawtham in Raquel’ phone nam bat neiciat uhaa, cinatna leh kisapna a neih uh ciangin Raquel sam uh hi. Inn neilo pawlkhat in khua sungah om nading inndei ngahta uh hi. Pawl pi mitein a innthak vuah a lal ciangin a kisam bangbangin va huh uh hi. 

Zingan vaihawmna pen pawlpimite leh midangte piakkhiatna tawh a kivaihawm ahi hi. A kipumpiak sangnaupang khat ii a nu in leitung bup a huam company khat ah na sem hi. Tua company in nute ni leh pate ni aadingin shampoo, savan, hanawtnaza, leh kinulhna dialte nupite leh papite tungah letsong in pia uh hi.

Easter ah, a kipumpiak nasemte in khuapi laaizang ah amasapen neekkhawm bawl dingin vaihawm uh hi. Khesil nading kuangte leh sabuaite biakinn pan pua-in Pastorpa in makaih hi. Khat leh khat khe a kisilsak uh ciangin mitampitak mah khitui luang hi.

“Amau’ khete a kisilsak pen Topa Pasian in a mawhnate uh a sawpsiang tawh kibang kisa uh hi. Hih neekkhwm pen a mau aadingin a khatveina hiaa, Lungnophuai mahmah hi,” ci-in lawptakin Raquel in gen hi.

Kuateng ki tuphum khin cih Raquel in a telloh hangin Kha Siang tho in tua a kihelte lungsim sungah na seem hi cih khamuanna nei hi. Amah in, “Kha khaaici pung ding hi cih ka thei uh hi. Amaute’n Pasian a it lamuh ka thei uh hi,” ci-in lungkim takin gen hi.

  Tua a kipumpiak nasemte lakah Antillean Adventist University pan sangnaupang pawlkhat kihel uh hi. Tu kuata Sabbath sawm leh thumna sumpi tawh tua university ah a kiphuan Lungdamnathu Taangkona phualpi a picin nadingin kihuh ding hi. Sabbath School sumpi

phaltakin nong piak manun lungdam hi.

############@@@@@@@@@#############