SINNA 15 – MIDIKTE’ TAWNTUNG INN

SINNA 15 – MIDIKTE’ TAWNTUNG INN 

Thupatna: Pasian in hih leitung a pian sak lai-in na khempeuh a hoihin bawl hi. Singkungte etlawm mahmahin a tehte pulh ngei lo hi. Paakte zong vul ngei lo hi. Mihing leh ganhingte om khawm diamdiam uh hi. Mawhna in haamsiatna hong tuna nuntakna a nei khempeuh cina hi. Pasian in hih leitung a pian cil lai mah bang kik sak nuama, mihing zong ama dinmun ngei mah tung kik sak nuam hi. 

1. Vantungah bang a bawl khol dingin Jesu pai hiam? John 14:2,3. 

Theih ding: Ama gam sungah eite ih kihel theihna dingin Jesu in a hih theih zahin na sem hi. 

2. Abraham l eh a dangdangte in mai lama a tenna ding uh koi lai lamen uh hiam? Hebrews 11:9, 10, 16. 

Theih ding: Gam dang khatah Abraham vakthakp hi. Tawldamna leh lungnopna a omna mun lunggulh hi. A tate khempeuh' a dingin Pasian in khuapi khat lam hi. 

3. Kum tul maanna khit ciangin tua khawpi koi-ah kikoih ding hiam? Mangmuhna 21:1,2.  

Theih ding: Jesu hong pai kik ciangin mi siangthote in vantung ah Amah zuito ding uh hi. Kum 1000 a cin ciangin Jesu tawh, khawpi tawh, mi siangthote tawh hih leitung ah hong kum suk ding uh hi. Satan in hong tho kik mi gilo honpite makaihih khawpi hong umcih ciangin, mi siangthote khawpi sungah om ding uh hi. Khawnpi pua lama om Satan leh a pawlte khempeuh Pasian' kiang pana hong kia meikuang in kangtum ding hi. 

4. Mi siangthote' luah ding tawh kisai-in Jesu in bang gen hiam? Matthew 5:5. 

Theih ding: Mi gilo khempeuh a kisuksiat hun ding Jesu in gen hi. Matthew 6:10 leh Daniel 7:18 en in. Midikte a tawntunga a tenna ding mun pen hih leitung mahmah a hih lam kithei hi. 

5. Tua hun ciangin Pasian' geelsa bang pen hong picing ding hiam? Isaiah 45:18. 

Theih ding: A geelsa a picin theihna dignin a sih lawh dongin Pasian hanciam hi. 

6. Lai thaka khawnpi ding a hi Jerusalem thak a nopcit zia gen in. Mangmuhna 21:18, 22-25. 

Theih ding: Pasian in a mite' a dinga a koih kholhsa a lamdang nate mihing' ngaihsut zawh hi lo hi. Mawhna in ih lungsim hong khimcip a hih manin nate a hoihna taktak kingaihsun zo lo hi. 

7. Jerusalem thak ah mi siangthote lo a dang kua teeng lai ding hiam? Mangmuhna 21:3. 

Theih ding: Mite tawh Pasian hong om khawm ding hi. Amah ih mu theih dinga ih hopih thei ding hi. Tua mah nuampen ding hi. 

8. Leitung buppi bang hong ci ding hiam? Isaiah 35:1,2. 

Theih ding: Mawhna hangin leitung in haamsiatna ngah hi (Piancial 3:17). Mawhna leh haamsiatna a kihepkhiat ciangin leitung a hoih ngei-in hong hoih kik ding hi. 

9. Lei Thaka a teeng mite' nasep ding leh lungmuanna ding koici kigen hiam? Isaiah 65:17,21-23. 

Theih ding: Lei thak ah cidam tak leh lungdam taka nasepna om ding hi. Tu hun banga gimpi tak leh lungkiapi-a nasep om lo ding hi. 

10. Lei Thaka teengte a pumpi uh bangci ding hiam? Isaiah 35:5,6,10;  Mangmuhna 21:4.

Theih ding: Lei thak ah natna satnate om lo bek lo dinga, tu laitaka a pumpi tung uha a neih uh poina, hemna, maphawn cihte nangawn om nawn lo ding hi. 11. Lei Thaka teengte in bang hun tengin bang hih dingin khawpi pai ding uh hiam? Isaiah 66:22,23. Theih ding: Mi siangthote in khawpi sung leh gam sungah omna nei ding uh hi. Amaute a piang sak pa leh a tan pa uh a bia dingin lungdam takin maanmaanin hong kikhawm ding uh hi.

12. Tua gam nuam sungah kuate bek teeng thei ding hiam? Mangmuhna 22:14. 

Theih ding: Picinna gam nuam sungah mawhna a kisikkik lote kitung sak mah leh zong amaute in nuam sa lo ding uh hi. Amau' a dinga a hoih zaw ding leh Pasian tawh a kithuhualte' a dinga a hoih zaw dingin amaute a kisusia ding ahi hi. Lei Thak ah midikte bekmah om thei ding hi. 

Thukhupna: Mihing in nuam a sak theihna dingin Pasian in na khempeuh a hoihin bawl hi. A hi zongin mihing in a utut (deihdeih) a teel thei dingin Pasian in itna tawh bawl hi. Mihing in langpan ding a teel ciangin, mihing' nopsakna dinga Pasian' geelna teng kikhel hi. A hi zongin mihing' a ding a hoihpen mah Pasian in geel veve lai hi. Mawhna leh Satan a kisuk maimang khit ciangin Pasian' geelna teng hong picing ding hi. Tua hun ciangin mihing in a taansa - nutakna, gamtat hoih, inn hoih leh, leitunga om nuntakna a nei khempeuhte' tunga thuneihna, cihte ngah kik ding hi. Amah a piang sak pa tawh maitang kimu-a a kiho theih kik ding mah a lungdam huaipen hi ding hi.

Sinna 15 – Midikte’ Tawntung Inn by DavidLian on Scribd