FSS Zirlai 2: THU ELAWKNAK

ZIRLAI 2 October 7 - 13
THU ELAWKNAK

SABAT TLAI LAM: Oct. 7

TUZARH ZIR DING: Heb. 8:6; Matt. 19:17; Rev. 12:17; Lev 23; Acts 15:1-29; Gal. 1:1-12.

BIBLE CANG KEN: “Pathian daan cu Mosi hnenih sin in pek. Zangfahnak le thutak cu Jesuh Khrih ihsin pek a si.” (John 1:17).

A KAWHHRAN hmaisa rak dintu Judah miphun pawl kha hmakhatte an lung thawhnak ruangah Messiah an pomnak a si lo. An pu le pa san ih zumnak le Pathian thukam tuahmi ah mi tampi kirpi sal dingin le lam ding zawhpi sal dingih an ruahmi a si. Zumtu Judahpawl in thupi zetih an ruahmi cu Khrihfa si ding cun Jesuh an pom a tul an ti. Cule Zentail-pawl hrangah cun Jesuh an pom hlanah Judah miphun sinak neih hmaisak a tul an ti. 

Jerusalem ih khawmpi a um hnu lawngin thu hngetkhoh an nei. Kan pupapawl ih an tuahdan kel vekih tuah dingah Zentail-pawl hi harsatnak pek lo dingin an rel cat. Jesuh zum dingah Zentail-pawl in Judah miphun an si hmaisak a tul nawn lo.

Thu relcat zomi a si hmanah zirhtu thenkhatpawl in kawhhran sungih Zentail-pawl kha daan vekih tuah dingmi an tuah a tul. Vunzim tan a tul tiih buaipitu an tam zet. Himi hi a kherkher in an ti lo nan Khrihfa mi pitling pawlin an tuah ve dingah an duhmi a si. Himi hi Zentailpawl hrangah thukam a nei mi miphun sungah an tel thei venak dingah a si. Zentail-pawl in Israel mipi vantlangih an ngahmi cotha covo an ngah theinak dingih tuah ringringmi dan hi tuah ve sehla a tha tiah an ruat. 

An suahpi mi thupawl hi ziangso a si? Ziangtin so na relfiang thei ding?

THAWHSAL NI October 8
A THA SAWNMI THUKAM

Hebr 8:6 kha siar aw. Hitawk ah ziang thucah so  um? A tha sawnmi thukamnakpawl ziangtin so kan thei thei ding?

Sakhuanak ah thlung hlun le thlung thar a danglamnak cu Thlung Thar sanah cun Nazareth khua mi Jesuh Messiah timi a ratnak in hramthoknak an tuah. Runtu Bawi si dingah amah cu Pathian ih tirhmi a si. Amah ngaihventu hrangah rundamnak a si. Amah ih hlanawknak ih remnak a tuahmi ruangah sual ngaihthiamnak kan ngah. Amai thianhlimternak ruangah Pathian hmaiah soisel ding um lo kan si thei. Rundamnak hi thildang tel lo Jesui dingfel thianghlimnak ruangih kan ngah mi a si. 

Thlung Hlun mi thianghlimpawl in rundamnak thukam Messiah rat ding kha hngak hlap zetin an thlir. Thlung Thar mi thianghlimpawl cun an mithmuh le tham thei in an ton mi a si. Nazareth khuami Jesuh kha Messiah si dingah Pathian thlahmi a si tiih an pom  ruangah rundam an si kem?

Amai sinak ngaingai vekin an zumih an pumpekawk ahcun laksawng in pek mi dingfel thianghlimnak ruangah rundam ngahnak a si. Nun ziaza le thinlung khal thlung thar sanah a thleng mi a um lo. Ziangahtile Pathian a si ruangah a thleng ve lo. Thukam Hlun san lai vekin Thukam Thar san khalah Jesui ziaza le Pathian ih ziaza kha kanmah ah a um a tul thotho. 

Matt 19:17; Rev 12:17; 14:12; James 2:10,11 pawl siar aw. Himi thlung thar Bible cangpawl in Pathian thukham ziangtin so in khihhmuh? Israel-pawl in urhsun zetih an tuah theumi raithawinak daanpawl kha thukam hlun san laiah cun anmah temtawntu le phundang zetih a langtertu a si. Hipawl in Jesuh le a thihnak a khihhmuh ih a thihnak ruangah puithiam bawibik hnatuannakpawl a cemter. Cumi ai-awh in tuahdan thar a thok. Cumi cu a tha sawn mi thukamnak sirhsan ih tuahmi a si.

Judah sakhuanak ihsin Khrihfa sakhuanak ih thlengawknak kha Judah le Zentail miphunpawl in an theihthiam theinak dingih bawmtu ah Paul in Rom cabu sungah daan hrampi ih tumtah mipawl a rak ngan theh. Jesuh pomtu Judah mipipawl cun himi thlengawknak sunglawi hrangah tiarawknak an rak nei lo.

Bible ih thukam mipawl ah na uar bikmi ziangso a si? Cui thu cu ziangtluk ih tamin so na sim theu. Khami thukam na nunah thleng famkim thei dingin duhhrilnak ziangvek so a tuah theu? 

TLAWNGKAI NIKHAT October 9
JUDAH-PAWL IH DAAN LE AN TUAH THEU MIPAWL

Puithiam cabu sungih thu tlangpi lawrkhawm sehla, Lev. 12,16,23 hi mi sungih thupawl kha an tuah theu mi daan le thupek pawl na siar tikah na thinlung sungah ziangvek ruahnak so na neih? Thlung Thar sanah kha mipawl thlun a rem thei lonak ziangah so a si?

A thuhla bangaw mi Thlung Hlun ih daan thupawl kha a remcang danin then sehla – (1) Nun ziaza le thinlung put lamdan, (2) Raithawinak daan, (3) Ram uknak daan, (4) Daan thu le thuthennak, (5) Harhdamnak daan tivekpawl an si. A thu bangaw mi le a thu netnak tla bangaw ih ruahmi an si. A hlanah himi an danglamnak a then felnak an rak hmu lo.

Nun ziaza le thinlung putdan thu hi a tawi zawngin thukham 10 timi a si (Exo. 20:1-17). Himi ah milai ih thinlung put le nun ziaza ih a tul mi a um theh. Thukham 10 hi Mosi cabu panga sungah thuthencatnak ah a phunphun in an hmang. Pathian ih thukham (10) pekmi hi ziangvek dinhmun khalah an thlun dingah a kawhhmuh. Ram uknak daan hi a dangten a um. Cumi tla thukham (10) sirhsan ih tuahmi a si thotho ih thuneitupawl parah ram mipipawl thawn an pehzomawknak le mipipawl hnenih tuah dingmi a si. Daan buartu daantatnak ah hmanmi a si. 

Raithawinak daan cu puanthlam sungih tuah theu mi a si. Mipipawl ih an tuah dingmi le thawiawknak daanpawl an si. Puai ni kha a hleice in thianghlimten an celh ding mi a si.

Harhdamnak daan khal a thunetnak ahcun thukham (10) ah an tongaw thotho. Daan thu phun tampi thawn an pehzomaw ih, raithawinak ruangih a thianghlim lo mipawl hi a hleifuan in an fehih, harhdamnak hrangih a thianghlim mi dan hrampi tiangin a tel. Himi hi sa ei thiang le thiang lopawl a si ih taksa ih tuahmi a si.

Judah-pawl in himi daanpawl hi Pathian hnen ihsin a ra mipawl an si ih, thinlung in ruah ding a si tiah kau zetin an pom. Thukham (10) hi Pathian amah rori in milai hnenih a simmi a si. A dang thukhampawl cu Mosi hnen ihsin pekmi an si. Raithawinak daanpawl cu thawiawknak puanthlam biakinn sung hnatuan canih thlun ding a si.

Ram uknak daan cu kau zetih then a si ih, Judahpawl anmahte ih ukawknak an neih lo ahcun miphun dang uknak tangah an hmang thei lo. Thawiawknak daan tla biakinn pi a siat hnu cun tuah theih lomi daanpawl a um ve. Messiah a rung thlen hnu ahcun a thlam ih rak hman mi le khihhmuhnak ih tuahmipawl kha a tak Jesuh ah a thlen famkim hnu cun a cem zo mi a si ih tuah a tul nawn lo mi a si.

TLAWNGKAI NIHNIH October 10
MOSI IH DAAN VEKIN

Acts 15:1 siar aw. An lungkim lonak thu ziangpawl so an suahpit. Mi hrekkhatpawl in ziangah so himi hi Judah miphun hrang lawngah a si lo tiah an zum. Semtirnak 17:10 zoh bet aw.

Thlarau hlo Bawi Khrih hnenah hruai dingin taimak suahtu Tirhthlahpawl le Antioch khua ih kawhhran member rawngbawltupawl, Judea ramih Judah miphun zumtupawl, Farasi thenkhatpawl an tonkhawmawknak ah zumtuZentail pawl kawhhran sungih an luhpi mi thu kha an relkhawm ih nasa zetin an el-aw. Zirhtupawl in rundamnak ngah theinak dingah vunzim tan le raithawinak daanpawl an thlun kim hi a dikmi a si tiah an langter. Judah miphunpawl hi kha mi lawng si loin Pathian hnenih puai an tuah mipawl tla an porhaw zet. Jesuh Khrih zumtu anmah lakih mi tam sawnpawl khalin Pathian in amah biakdan thu voikhat fiangte ih a phuan zo mi kha a thleng sal timi thupeknak a um lo tiah ruahnak an nei. Vunzim tannak le Judah dan pawl hi Khrihfa sakhua ih luhnak dingah tuahdan pakhat a si hrimhrim tiah an ti. Pathian fapa Jesui thihnak kha raithawinak dan tuah mipawl in a khihhmuh mi a si timi a hnu ah nuamtete in an ruat thei sal. Cuih hnu lawngah Mosi san laiih raithawinak le biaknak dan tuah mipawl ih a awkkaiaw mi kan si nawn lo, a thlamih tuahmi a rak si tiah an thei.

Acts 15:2-12 siar aw. Himi hi el ding um loin ziangtluk ih hngetkhoh so a si? Pathian lamhruainak an thlir rero laiah Paul cun kawhhran pawlkomawknak sungah zumtupawl pumkhat sidan ding tuahnak thawn remaw ih thupeknak an nemhnget ding mi tiaraw cia ten a hngak. A thupi mi thu a hung suah tikah ruahnak pek a tul zet ti a ruat ih, a dikmi thuthen felnak tuah thei dingah fimnak, Pathian hnenah lung rualten an hawlnak kawhhran hmaiih an tuahmi a hmu ih lungawi zetin a um. E.G. White, The Acts of Apostles, p. 200. 

Theih hiar um zetmi Paul kawh a sinak a hnatuannak le simsung thupawl kha Jesui kawhmi le pekmi a sinak a sim theu mi kha kawhhran zatei hnenah sim ding kha a hiar zet. Kawh a sinak cu kawhhran pumkhatawknak dingah le a tuldan vekih tuan dingah a tum.

Kawhhran hruaiawknak danah na thinlung put ziangvek so a si? Ziang vekin so hna nan tuan tlang? Hnatuan tlang hi ziangah so a poimawh? Mi pakhat in a tuah duhmi lawng a tuah ih pawlkomawknak hmun ihsin a tlanhlo tikah ziangtin so pawlkomawknak in tuanvo kan lak ding?

TLAWNGKAI NITHUM October 11
ZUMTU ZENTAILPAWL

Act 15:5-20 siar aw. Thu relkhawm ih a ratupawl in ziang thu so rel catmi an neih? Thuthen cat ih an tokhawmnak kha Judah sakhua dodalnak thu a si. Judah daan thluntupawl in Zentail ringtharpawl vunzim tannak le raithawinak danpawl thlun seh ti an duh. Judah dan raithawinak le vunzim tannak pawl kha Khrihfa sakhuanak ah thathnemnak a nein awn lo. E.G. White, The Acts of Apostles. P. 189.

Himi thu hi Tirhthlah 15:10 ih nganmi thu a si. Peter in kan phur thei lo mi phurrit tiah a tarlanmi dan hlun a si. Judah-pawl ih phur theih lomi daan kha Pathian ih zirhmi a si maw? Khami daan kha a har zet vek a bang. Dan hi a hramthok ahcun lungawinak le thlawsuahnak a si ko nan hruaitupawl in an nunphung vekin an fehpi ih can reipi an kaa ih simawk men mi a si ruangah a netnak ah phurrit ah a cang. Curuangah roreltupawl in himi

phurrit ihsin Zentail-pawl luatnak ding an hawl. 

Thukham (10) thlun a tul lo tinak tarlan mi pakhat hman a um lo mi kha hminsin aw. Culawng a si lo, kan thinlung mitthlam ih kan cuanter dingmi cu roreltupawl in sathi sen ei ding a si lo tiah an ti. Khami kha nupa sualnak tuah le tual thah dan bawhsiat tlukih ngai poimawh dingah an sim sawnih thlah dingah an ruat lo.

Acts 15:20,29 ah zumtu Zentailpawl hrangah ziang dan so an tuah? Ziangah so himi hi a dangten an tuah?

Asinan Judah miphun zumtupawl cun an nunphung le an daan pawl kha Zentail-pawl parah thilrit si dingah  tuahter an tum lo. Roreltupawl in Zentail-pawl in himi danpawl an tuah lo ahcun Bawi Khrih ah pumkhat sinak ah Judah miphunpawl ih duh lo le pom lomi ah an ruataw pang ding ti tla an phang zet. Tirhthlahpawl le Upapawl in Zentail-pawl hnenah zirhnak cakuat dingah kan lung a kim ih, milem biaknak ih an hlanmi rawl nan ei lo pei, sathi nan ei lo pei, hngawng rekih thah mi sa nan ei lo  pei, nu le pa sualnak nan tuah lo pei tiah an ngan. Mi hrekkhat cun hitawk ah sabat ulh ding a tel nawn lo, Zentail-pawl hrangah sabat a tul nawn lo an ti theu. (Thukham 10 sungih thuphan per hlah timi le lai that hlah timi vek asi an sim lo ruangah kha mipawl an hlo zo tinak a si lo.)

Kanmai nunih tuah ding mipawl hnakin Pathian thusuak mi thil hrekkhat ah midang parah thilrit kan retmi a um thei maw? Rak um bang sehla ziangvek so a si? Na ruahmi kha zirlai zirnak ah suahpi ve aw.

TLAWNGKAI NILI October 12
PAUL LE GALATI MIPAWL

Roreltupawl in fiang zetih an rel hnu khalah anmai thinlung duhnak ih a fehtupawl in Zentail-pawl kha Judah nunphung le dan thupawl thlun dingah an fial thotho. Zumnak lam ahcun a thupi lo ziangih siar tham lo a Sinan Paul hrangah cun himi hi a poimawh zetmi pakhat a si. Kha mi in Khrih ih thuthangtha a dokalh ih a pom duh lo ruangah a si.

Galati 1:1-12 siar aw. Paul in himi thu hi ziang tlukih poimawh zet ah so a hmuh ih Galati khua mipawl hmai sanin a suahsalh. Himi thusuhnak ziang tlukih poimawh so a si ti kha mi in ziangso in sim?

Rak tarlang zo mi vekin Galati ih thil umdan hi Rome cakuat sungih thu poimawh umtertu a si. Rome cakuat kha Galati cakuat tumtahmi langter dingih bawmtu a si. Judah miphun zumtu hrekkhatpawl in Pathian in Mosi hnenih pekmi daan thupawl hi an thupi zetih Zentail

ringtharpawl khalin tuah ve seh tiah an forh rero. Paul cun hi mipawl hi an umnak hmun le a umdan ahcun a dikmi a si tiah langter a tum rero. Hi milaipawl in Galati  khua ih an tuahter mi vekin Rome ah tuahter dingah Paul in a duh lo.

Rome cakuat le Galati cakuat ah Paul in raithawinak daan (or) thukham (10) kha thusuhnak tuahsal thei lo dingin a sim. Himi thu elawknak hi Zentail ringtharpawl in vunzim tan le Mosi thukhampawl an thlun ding maw, thlun lo ding timi thu elawknak a si. Jerusalem  ih rorelnak ah himi thusuhnak kha an rel cat theh zomi a si. Cumi thuthen catnak duh lotu mi hrekkhatpawl ih thu elnak a si.

Galati le Rome ah Paul ih cakuat nganmi an siar tikah thukham (10) thu (or) thukham ih a palinak kha Khrihfapawl thawn hnamhnoihawknak a um lo a ti. Himi cakuat ih a tumtah mi an thelh rori a si. A rak um zo mi thilih pehzomawknak le Paul ih a thu sim duhmi an thelh. Paul ih a hmuhmi cu thukham (10) thlunnak ruangah rundam ngahnak a um loih rundamnak cu zumnak lawngih ngahmi a si tiah thupi bikin a sim. Hiti ih a sim mi ah thukham thlun a tul lo timi voikhat hman a sim lo.  Thukham (10) hi thlun a tul timi thu tla Paul in a thu suahpi mi a si dah lo. Khamipawl kha a um tlangmi thupawl an si ih a catlang siar tikah pehzomaw ih tuahmi a si ruangah Paul in khami a buaipit nawn lo.

Sabat hi Khrihfapawl thawn a sengaw lo titupawl ziangtin so na sawn theu? Thuthangtha sunloihnak dingah ziangtin so na langter ding?

TLAWNGKAI NINGA October 13

RUAHBET DING : Kan kawhhran ih thu elawknak le thinhengnak a ton theu mi ah mangbang ding a um lo. Thilthar le thuthar khal a si lo. Setan in kawhhran parah a thin a hengih a ngiarnak a si. Khrihfa hmaisapawl sanlai khalah zumtupawl ih dinhmun ah lungkim lonak le thu elawknak a um zo. Cumi kha thu elawknak pakhat a si ih, a dingpek te kawhhran siatsuah theh ding tumtahnak ih a tuah hrimmi a si mai thei.

Jerusalem ih um zumtupawl lak ihsin zirh sualtupawl ih zirhmi in a thu nun theh ih Galati zumtupawl lakah pawl thenawknak, fehsualnak le taksa hiarnak a suahtertupawl zamrang zetin an karh ih hmuntin an luah khat. Zirh sualtupawl in thuthangtha le Judah dan le nunphungpawl kha cawkrawi in an zirh. Jerusalem khawmpi ih thu relcatmi tla zianghman ah an siar lo. Zentail zumtu tharpawl kha raithawinak daan thlun dingin an zirh. E.G. White. Acts of Apostles, p. 383.

RELLANG DING:
(1) Tlawngkai nithum ni ih thusuhnak netabik khan a phi theh zo mi a si. A tul lomi phurrit kha nangmai parah (or) midang parah (or) na innsangah (or) na kawhhran ah ziangvek phunin so na phurhter? Hivek thil kan tuah ti ziangvek in so kan theihawk thei ding. Tihnung zet in rei tuk kan tuah pang maw? Vanlam ih Jesui kawhnak nun lang thei lo dingah daithlang ih umnak hi ngaihsamnak ihsin a ra um ti ziangtin so kan theihthiam ding?

(2) Thueltu hrekkhatpawl in tuisan Khrihfapawl hrangah thukham (10) hi a tul lo an ti. An sim duhmi ziangso a si? Ziangtin so himi thu kan relfel thei ding? Khavek kan ton tikah an dinpi mi thu a palhmi a si ko, thukham (10) hi Khrihfa thawn pehtlaihawknak a nei lo tiih an zum ahcun ziangahso an nundan ihsin an langter lo?

(3) Galati 1:1-12 siar salaw. A thu a fehpitdan ah theihthiamawknak neih lo ding a sinak ziangvek in so a si? Paul in a theihmi thuthangtha parah ziangtluk in so tha thonak a nei? A hleice in tuisan ah huap kau pomdan sakhuanak hmuahhmuah in Pathian le a rundamnak ah in hruai theh timi zumnak ah le thudik hi a tlaitluan in a dik cuang lo, milai ih ruahdan ah a dikmi a um timi an zum. Kan zumnak parah hnin loten ziangtin so kan din thei ding timi hi pawlin ziangso in sim? A hmanmi zirhnak tla pom ve tho si in theihthiamawknak neih a that lonak hi ziangtin so in sim?

(4) Protestant remthatnak thu suahpi mi kha zirlai zircan ah reltlang uh. Khoh zetih um lonak thawn an danglamnak ziangvek so a si?