Sabbath Sawm leh Thumna Hungeelna

September 30                                                                         

Sabbath Sawm leh Thumna Hungeelna

v  Mipite muakna:                       Sabbath School makaite khat

v  Mipi in Pasian phatna la:         “A NAI A GAMLA LOTE AH”

                                                            ZBC 285

v  Kipat nading thungetna:

v  Adventist thuthang genna:     “Mailam Hun In Tu mahmah Hita     

v  Sabbath School sumpi donna: “Zeisu in kei hong it hi” cih la naupangte’n sa ding

v  Tawpna la:      

v  Hun zawh thungetna:                                     

A kihel dingte: Thu puak ding mi thum leh a taangthu paipi a gen pa/nu (kum 15 gual khangno khat a om leh taangthu paipi gen sak ding)

Mi a tawm leh thu gen ding mi 2 bek zang ding. [Theih ding: a kihelte in amau gen ding thute lot ngah kul lo a, ahi zongin bang thuteng om cih tel in lai khempeuh sim akul lo dingin kiging ding hi. Kisin khol le uh gen hun ciangin suakta takin gen thei ding uh hi].

Taangthu gen pa/nu: Southern Asia Division sungah gam thum om a, tua gamte in Bhutan, India, leh Nepal gam ahi uh hi. India gam pen division sungah mi a tampenna gam hi a, mi tengh tul sawm leh nih (1.2 billion) val om hi. Leitung bupah a zaipen gam nihna ahi hi. India gam ah mi 100 lakah 80 in Hindu biakna zui uh hi.

Mi 100 lakah 13 in Muslim biakna zui uh a, mi 100 lakah 2.3 in Khristian biakna zui uh hi.  Seventh-day Adventists thu-umte tengh sawm leh guk (1.6 million) om uh hi. Adventist thu um mi khat in India gammi 870 tungah teci pan ding leh kikheelsak ding masuan nei hi.

            A beisa kum 100 laai-in, Adventist pilna in Lungdamna thu bucing taangko dingin na phah khin hi. India gamsung khempeuh ah ih saangte thupi kisa mahmah a, Khristian a hilo te nangawn in zong a tate in pilna hoih a ngah theih nadingin Adventist saang ah hong kahsak uh hi. 

A dang saangnaupangte zong saang hong kah nadingin a lawmte ahih keileh a tanaute in a nu a pate kiangah genpih uh hi. Ahi zongin a tate un Pasian’ itna taangthute a sin uh ciangin a innkuanpih te kiangah genkhia sawn uh a, nuntakna kilamdang sak uh hi.

Thupuak 1: Alisha pen Tapidaw a hilo innkuan pan ahi hi. A nu leh a pa in Tapidawte saang a hih lam theilo pi-in a lian Adventist bawdaa saangah a tanu uh kah sak uh hi. Alisha in bel saang hong kah ma-in Topa Zeisu thu tawmtawm thei khin hi. A masa lam in laisinna ah Mangkam tawh lai kihilh ahih manin Alisha in Mangkam theithei nailo hi. Ahi zongin damdam in thei toto hi.

            A masa lamin Alisha in a saang bawdaa vuah nisim in Pasian’ biakna a kibawlna a haang tel meelse lo hi. Ahi zongin damdam in Topa Zeisu leh hong itna tel seemseem a, Topa tungah itna hong ta hi. Pasian biakna pen a saang thak ii thu mungpi a hih lam hong mukhia hi.

            Alisha’ lawmte in ama’ kiangah Pasian’ thu kuppih zeellzeel uh hi. Alisha in amah Tapidaw suak leh a nu leh a pa in amau tanu in ngaihsun nawnlo ding ahihna thei hi. Tua bang thu om himah taleh, Alisha in a lawmnu khat tawh Topa Zesu itna hong saang uh a, a simtham in tui kiphum uh hi.

            Saang khak ciangin tua numei lawmta inn hong ciah uh a, Lai Siangtho sung panin a sin uh thute a nih un kikum khawm in khuapih te kiangah genpih uh hi. A innkuanpihte in a thugen uh a telloh nadingin kidawm in Mangpau tawh kiho uh hi. Alisha in a nute a pate muh loh nadingin a Lai Siangtho  seelsim hi.

Alisha in mailam ah a tuah ding ton ate thei khol hi. Banghanghiam cihleh amahin Tapidaw suaah ding khensat khinta hi. Ahi zongin Pasian in makaih ding hi cih aman thei hi. A nungta Pasian thu leh a mnapha a Tapa Topa Zeisu thu a sinna uh a saang ah saang a kah theih nadingin a lawmta uh a makaih Pasian tungah lungdam ko uh hi.

Taangthu gen pa/nu: Adventist saangnaupangte in a saangkahpihte a upna uh kikuppih dingin hunpha ngah uh hi. Tu tadih in saangnaupang pawlkhat in Adventist saang ah a kah sung mahin Sabbath ni thu tawh buai uh hi. Amau cihtakna in Pasian in thungetnate hong dawng hi cih midang tampi tak mu sak thei sak hi.

Thupuak 2: Jincy [JIN-sii], Cibin [Sii-biin], leh Remya [REM-yah] tee pen India gam khanglam aa om saangnaupangte ahiuh hi.Taan 10 laivuanpi a vuan khit uh ciangin sang a kah zom nuam te in kumpi laivuanna a phi kik ding kisam hi.

            Kumpi laivuanna pen Sabbath ni tawh kituak sese a, saangsiapi pa zong a ni dang khat ni aa lai a vun theih nadingin hanciam hi. Hi mah taleh lamet om lo hi. Ahi zongin, saangnaupang thum in Sabbath ni zahtaak ka hih manun kum khat kah kik lel nung ci-in hangsan takin gen uh hi.  Siapipa zong saangnaupangte aaiawh in thukhen zum ah va ngetsak a, a tawpkhakna ah thukhen mangpa in saangnaupang te’n Sabbaath khit ciang laivuan thei ding cih thukim uh hi.

            Laivuan ni tak ciangin Adventist a hilo saangnaupangte in laivuanna inndei sungah hongluut ta uh a, Jincy, Cibin, leh Remya te bel biakinn ah kikhawm uh hi. Biakinn kikhop khit ciangin laivuanna lam a ukpa kiangah hong kipulaak uh a, lai a vuan khin saangnaupangte tawh a kiho theihloh nadingin inndei tuam khat ah om sak uh hi.

A citak saangnaupang thumteng zong Sabbath sun lam pen lasakna, thu ngetna leh Lai Siaangtho simna in zang uh hi. “Ka khan sungah tuni Sabbath mah manpha sapeen ing. Ko tawh Topa Pasian hong omkhop lam ka thei uh hi,”Jincy in ci hi.

            Sabbath ni a tum khit ciangin laivuanna inndei sungah laivuan dingin Adventist saangnaupang thumteng hong tu ta uh hi. Hih saangnaupang thumte tawl ding hinapi uh, lungsim navaak takin lai vuan thei uh hi. Laivuanna mat ngahzah a kitheih ciangin a citak saangnaupang thumteng in a zingsang lam a vuan saangnaupang dangte saangin mat tam zawtham ngah uh hi. Pasian in hih saangnaupang thumte cihtakna thupha piak sak hi.

            Khuasung thuthang (newspaper) sungah hih a citak sangnaupang thumte thu kigelh a, Sabbath ni siantho sak nadingin Pasian’ thukhaam sawmte a za kha ngei lo ding mi tampite in Sabbath thumaan hong theikha ta uh hi. Banghangin Sabbath pen tuam diak hiam cih dot pawlkhtte in dong a, khangno thumte in amau tungah Sabbath a manphatna gen sawn uh hi.

            “Ka nu leh ka pa in Sabbath ka zuih ding tha hong pia uh hi. Laivuan hunsung ah zong thu hong nget sak ding in hong kamciam uh hi. Tua mah bangin ka laivuanna uh hoihtakin ka vuan thei uh hi. Hih pen ko hong ompihna taktak ahi hi,” ci-in lungdamtakin Remya in gen hi.  Saang in a huang sungah laisinna inndeite lam dingin geelna nei a, kumpi saangah a kah saannaupangte ki om sak ding hi. Tua hileh, Adventist sangnaupang khemppeuh in Sabbath ni lo a dang ni te ah   lai vuan thei ding uh hi.

            Tu kuata Sabbath sawm leh thumna sumpi tawh Southern Asia Division sungah a om Adventist saang nih ah laisinna inndeite kilm ding hi. Tua bangin khngno tampi takin Khazih pen pasian khat hi loin  a maan taktak Pasian hi cih hong sin thei ding uh hi.

Taangthu gen pa/nu: Khanglam Asia Division (Southern Asia Division) pen a pualam phaakna Pasian nasepna ah manlang takin khangto hi. Tapidaw pilna leh pawlpi mimal te Pasian nasepna geelna te hong huhna ahih manin lungdam hi ung. Pawpimite Pasian na a sep theih nading thusinna bawl nading phualpi zong kisam hi.

Na piak uh Sabbath School sumpi tawh leitung mun tuamtuam ah a teeng mite in Topa Zeisu itna a sin theih nadingin ki huh ding hi.

            Tuni aa ih sumpi in Khanglam Asia Division (Southern Asia Division) sungah a kihong Adventist saang nih ah bawdaa lam nadingin huh ding a, a dang saang nih ah zong laisinna inndette lambeh nadingin huh ding hi. Tua hileh, saangnaupang a tamzaw in Pasian in amaute a itna thu sin thei ding uh hi. Tua baan ah division bup pastorte leh pawlpimite thusinna phualpi lam saan pen a zawh siang nadingin huh ding hi.  Tuni-in Southern Asia Division aa a teeng ih sanggam numei leh pasalte baante  a laptohna uh ah,  ih hih theih zahzah in panpih ni. Phaltakin Sabbath School sumpi pia ciat ni. Tua hileh, amau nuntakna ah a khat veina Lungdamna thu tangkona za thei ding uh hi.

                                    $$$$$$$$$$$$$$$$#########################$$$$$$$$$$$$$$$$$