Kumkikna Lamen Innkuan - Khen 18

THUKHEN 18

Thaman Kipiakikding

TU LEH MAISANG THAMAN

Thumaan Nu leh Pate Thamanin Ngak.—Nu leh pate in atate uh ahoih pilna pia hile uh tate’ zia leh tong hoihtakin apattahna thaman amuh uhciangin lungnuam ding uh hi. A ki-uk, akikhal, Pasian kihta bek hilo innkuan dangte ahuzaapna tawh Pasian apahtawite na uh hangin amaute in thaman ngah ding uh hi.1

Thu-um nu leh pate aw, natate’ kalsuanna makaih ding tavuan nanei uh hi. Biakna ah makaih ding kisam hi. Pasian ait takpi ciangun nangmah thupha hongpiain, na deihsakna amuh uhciangin zahtakna hong lakding uh hi. Amaute’ deihna leh utna thumaan takin nakhalna amuh uhciangin hong pahtawi ding uh hi.2

 Lungsim sungah aneucil panin khaici kituhin akihah baih ciangin ngahding septhaman tampi om hi.3

Nu leh pa in mailam thaman ding zong ngaihsunin nasem ding uh hi. Khitui tawh vawhin, lungkiatna tampite lakah thu nakpi takin ngen ding uh hi. Amaute in kamciam muding uha, azekai atawm anlakna neiding uh hi. Tua hitaleh khaici vawh tawlnga ding hituanlo hi. Tui khempeuh kiangah khaici vawhdingin, hun ngah khem peuh la-in atate akhangkhan nading leh ameet nadingin hanciam ding hi. Tuabang khaici vawhna in amawkna hilo ding hi. An akilak ciangin lungdamna tawh hong ciahpih ding uha, buhlomte hong puading uh hi.4

Tate akhuak uh khangkhan un. Khalamah pantah un. Alungsim uh akip, asiangtho thukhun tawh dalun. Hun naneih laitakun numei pasal picing nadingin thuhilhun. Thaman azah tulin hong kithuk ding hi.5

Tate Vantung tawh Kilawmin Pattahna.— Pasian’ laibu sungah innkuan nuam leh inn auk nu vaiah, “Atate hong tho uha, amah pen thupha ngah nu ci uh hi; apasal in zong amah aphat hi” naci hi. Innkuan nasemte sangin kua-in phatna ngahtuak zaw hiam?6

Tha leh hehnepna apiadingin nu in Pasian muang in, Pasian’ pilna ngahin Am ah kihtakna tawh nisim nasepte asep leh, amahin ama lungtang tawh apasal khih dinga, atate numei pasal picingin khangkhiasak dinga, anu ie kha nuntakna nungzuih ding uh hi.7

Naupangte phatakin kipantahin, sungnung kizepna neiin, lungsim nemin gamdaiin, vantung alut theiding kilawmna nei uh hilehleh Topa innsungah ataang nuntakna in agim atawl anu’ thalawpna ahi hi.8

Vantung Lungnopna Innpan.—Tuucingte-in vantungmite lasakna angaih lai mahbangin tuni in vantung leh leitung kigamla lo hi. Leenggah huan leh lolai ah vantungmite tawh kiholai, sun nitang nisim nasepte akisep laitakin vantungmi tawh kiho hun mahbangin mihingte vantungin phawk hi. Akingeinaseh nuntakna ah vantungin naimahmah khading hi. Vantung innpi anin vantungmite in Pasian’ thupiakna tawh ihkalsuannate hong cinsak ding hi.9

Leitung nuntakna in vantung nuntakna akipatna ahi hi. Leitunga pilna sinna-in vantung thukhunteah kipat satna hi. Hih laiah kipattahna in vana nasep nading ahi hi. Tu-a ihgamtat leh asiangtho nasepnain ahongtungding nate ie lima hi hi.10

Lungsim takpi tawh nasepna-in thaman lian pia hi. “Asimthamin amu na Pa in tangpi maiah thaman hong piading hi.” Christ’ hehpihna tawh nuntakna tungtawnin gamtatna ihkhangkhan hi. Acila mi-in aneih ngaihbanna hong kipia masa ding hi. Tuaciangin Christ ie lungsim paaite hong kiguan dinga, Pasian’ lim leh meel hong kilangkhia ding hi. Pasian tawh lam atonkhawmte’ maipuakin vantung kilemna pulaak hi. Hibang mite adingin Pasian gam kipan khia hi. Vantung khuahun tawh amaute kikim-um hi. Amaute in leitung mite adinga anungta Christ ie lungnopna neiding uh hi. Topa zattheih mi suakding uha, Ama’ min tawh Ama’ na asem dingin muanna ngah uh hi.11

Van Mihon tawh Kilawm Kisuihna.—Vantung’ ngimna sepkhiatding Pasianin deih hi. Pasian vaihawmna innkuan khempeuhah, pawlpiah leh sangte ah omding hi. Itna tawh akipawl hih mihonpite in Christian picinna, thusiamna, leh piakkhiatnaah sisan tawh leisa mite adingin vantung thukhun tawh kituakin semkhia ding hi. Innkuan khempeuhah pianthakna kimu dinga, hihmite in Pasian’ khutzah hiding, vantung khuavak leitungah puakding uh hi. Pasian’ sekna leh pattahna tawh vantung mihon tawh akibangding ahi hi.12

Nitawpni ciangin Thaman Kisangding.—Tate adingin sepkhiatnaah Pasian’ thahatna lenin. Thungetna tawh natate Pasian’ tungah ap in. Gimlo tawllo in Amau adingin nasem in. Pasianin nathungetna hongza in, Ama’ kiangah amaute nakaihuai ding hi. Nitawpni ciangin Pasian kiangah paipihin “Nongpiak katate tawh hihlaiah ka om hi,” naci ding hi.13

Samuel in minthanna lukhu angah ciangin zahtakna piakna leh Christ ie thupha ahi anu ie thumaan taka ahilhnate phawk hi. Pasian’ tokhom maiah alukhu lamto in, tu-in nuntakna lukhu angah ahihna pulaak hi.14

Apil nu leh pate nasepna leitungmite in pakta khollo ding hi. Ahihhangin thukhennaah laibupite akihon ciangin Pasian’ muhbangin amaute’ nasepna hong kilangding hi. Mite leh vantungmite maiah thaman kipia ding hi. Hoihtakin akikhansuah naupang khat in Pasian’ maiah khuavak bangin atang hi. Naupang khat ie gamtat laptoh nadingin khitui luankula, lungkhamin, ihmutloh hun zong tam ding hi. Pilna’ nasepna hangin nu leh pate in Topa kiang panin “ahoih nasem zo hi” cih zading uh hi.15

Kumpipa’ Inn sungah Lutna Kipia.—Khangnote leh naupangte adingin vantung siambu panin akigan “patpuan, asiangtho, akang” nateelsak ding uh hi. Leitung misiangthote in tua puante silh ding uh hi. Tua puanin nin abaanglo Christ ie zia leh tong hia, mihingte tungah amawkna in akipia ahi hi. Amah a um mi khempeuhin ngah dinga, hihmunah zong silhding uh hi.

Naupangtein alungsim uh asiangtho, aithuai ngaih- sutna, itna, leh huhna nasep asemdingin kipia hileuh, Ama’ gamtat hoih puankang silh ding uh hi. Tua puanin meelhoih sak dinga, hihlaiah ithuai ding leh ahong paiding leithak ah zong Kumpipa inn sungah lut nading phalna hiding hi. “Amautein kilawmna nei uh ahihmanin Kei tawh puankang silhin paikhawm ding uh hi” cih kamciam om hi.16

Tatkhiatte Kidawntuah.—Khuapi siangtho sung panin vantungmite in minthanna lukhute ahong puakkhiat kamu hi. Misiangtho khat simte min zong tua lukhu tungah kigelh hi. Jesu in tua lukhute anget ciangin vantungmite in Ama’ kiangah hong paipih uha, misiangthote lutungah akoih sak hi. Tuabang mahin vantungmitein tumtheihte hongla uha, Jesu in misiang thote piakhia hi. Vantungmi makaite in tum masa uha, tuaciangin aw khempeuhin lungdamna phatna la sa uh hi. Tumtheih khauzangte tungah khutmetein siamtakin sai uha, azaknop, aw kihual music luangkhia hi.

Tuaciangin Jesu in tatsa misiangtho honte khuapi kongpiah apaipih hi. Kulhkongpite kihongin, gam khempeuh panin thumaan akem khempeuhte alut dingin asam hi. Khuapi sungpen etcim theilo na tawh kidim hi. Minthanna tawh akidim khuapi sung enkawikawi uh hi. Tuaciangin Jesuin tatsa mihing khempeuh enin, amaute maipuakah vaangtaang hi. Amaute tungah Ama’ itna mittangte tawh acian-et ciangin awkhum in, “Ka khuisatna hong en un, tu-in Kei kalungkim hi. Hih hauhte atawntungin naluahding uh hi. Tu-in nadahnate uh beita hi. Sihna om nawnlo ding hi. Dahna leh kahna zong omnawnlo ding hi, natna zong omnawnlo ding hi.” Hotkhiat mihonte in lukunin atelzialzial akham lukhute uh Jesu’ khephungah akhia uh hi; tuaciangin aithuai akhut lamto in, amaute in kham tawh akibawl tumtheihte sai uha, azaknop musicte in vantung dimin Tuuno la asak uh hi.

Vantungthu gen nadingin kampau kicinglo hi. Asaanglam hong ki en sak a, lamdangsa in kakimansuah hi. Genbeiloh hoihna leh minthannate tawh kei hong kipuakhia a, ka laikung khia in, “Oh itna, bangzah alian itna” kaci hi. Akitawisangpen kampau nangawnin vantung’ minthanna gelhsiamlo ahihkeileh Honpa itna athukna gensiang zolo hi.17