Kumkikna Lamen Innkuan - Khen 16 (Azom5)

INNKUAN: MISSION PHUALPI

Nu leh Pa in Tate Lampi Maan Lak.—Christian nu leh pa in tate lam maan lak ding hi. Amaute pen kidawmtakin, pilvang takin, Christbang nasepna lampiah kipaipih ding hi. Ama’ nasep nadingin nu leh pa in Pasian tawh kiciamna la-in tate pantah ding hi. Tua bang huzaapna tawh kiumcih hileh mihing’ ading nasepna teel ding uha, pattahna piakding eite tavuan masa hiding hi.1

Tate in Tuni Daniel leh Esther bang hiding.— Ih tapkuang meikiang panin akhangkhia tate adinga Pasian ngimsakna in ih muhna sangin zai zaw, sang zaw, hi. Leitung munsangpen ah Ama’ adingin tetci pangding asapkhiat mite in mi kiniamkhiat athumaante lak pan ahi hi. Tulai hun khangno tampite zong Judea gamah akhangkhia Daniel bangin, Pasian’ kam leh asepnate simin, thumaan nasepna sinin, kumpi gamukte kikhopna ah dingin, kumpite’ Kumpipa adingin tetci pang uh hi.

Mi tampite tuabang azai nasepna ah kisam ding hi. Leitungbup in gospel adingin kihong hi. Leikiu li te panin mawhnei mite in Pasian’ itna thei nuam uh hi. Hih theihna aneikhin eite leh ihtate in hih thu apia dingin amaute ngetna adawngding hi. Innkuan leh sang simah, nu leh pa sialin, sia leh tate khat simin, gospel khuavak ngahkhin uh hia, Esther bangin Israelte’ buai laitakin “hih bang hunin hih kumpi gamah nong paiding kua in theiding hiam?” ciding uh hi.2

Christ ading agualzo Tetci Panna.—Gamdangah missionary dingin mikim kipai zolo ding hi. Ahihhangin ihvekin inn leh ihvengte adingin innkuan missionary ihsuak thei hi. Pawlpimite in thu apuak theih nading lampi tampi om hi. Mi huhtheih, leh angsungkhuatlohna in ahoihpen lampi ahi hi. Sum tampi bei kullo selo-in nuntakna haksatna atuamtuam aphukhate kinna leh awlmawhna ahi hi. Migitna tawh hopihna, huhna piakna in amaute’ zeetna meeilomte leh patauhnate kaihkhiat sakding hi. Dik takin Christbang hehpihna ihpiak khiatna in mite’ lungsim kongkhakte hongin Christ ie kha in amaute lawng thei hi.3

Numei leh pasal ading nasep theihna tanzau mah mah hi. Anhuan siam, puankhui thei, zato siama, in huhna pia thei hi. Mizawng innkuante anhuan dan lakin, puan bangci khui in phop dinga, cina bangci kepding, inn neihsa bangci kepding, kihilh thei hi. Naupangte nangawn zong itna leh hehpihna na asemdingin migenthei lakah kisawl thei hi.4

Midangte Huhna ah Khangnote zong kihel.— Aki awnghah nadingun pawlkhatte in “Ka inn nasep, katate in ka sum leh ka hun la khin” ci thei uh hi. Nu leh pa aw, tate in note ahong huhding hia, Topa adingin naneih uh vangliatna leh siamna hong behlap uh hizaw hi. Tate in Topa’ innkuan sunga khangno pawlpi mite hia, Pasian tungah aki apdingin makaihin, piansakna leh gupna hangin Pasian’ neihsa ahi uh hi. Pumpi, lungsim leh kha thahatnate in Pasian’ neihsa ahihna hilh ding hi. Angsunggenna aomlo nasepna peuhah akipantah ding uh hi. Hih nasep nadingin natate masuan akhakte hisak keiun. Amaute in kha leh taksa vangikte ahong puakpih dinguh ahi hi. Midangte ahuhna uh tawh amaute’ lungnopna leh kimanna khangsak hi.5

Pawlpi sialah khangno numei pasaltein Pasian’ nasep nadingin kiap ding uh hi. Innkuan sungah kei-nialna zang uh hileh, agim atawl anu un bangzahin kikhelna ngahding hiam? Tua hileh nute in innvengte ah hawh manding hi. Naupangte in zong hun alem ciangin hehpihna leh itna piadingin kisawl khia thei hi. Upna akibanglo innkuan tul tampite sungah kilut zo ding hi. Cidamna leh kidek kidamna laibute amaute innsungah kikoihsak zo ding hi. Laibu hawmkhiatna in athupi nasep ahi hi. Hih laibute in natna bawldan ding zong kihela, siavuan acial zolote adingin nuamtuam mahmah hi.6

Pasianin Tate zong Missionary hisaknuam.— Naupang aneulaite zong Pasianin Ama’ innkuan sungah kem nuam hi. Akhangno uh hangin upna innkuanpihte hithei uha, thuakna tampi ngah thei uh hi.7

Akhangno lai pekun Pasian’ nasepnaah tate kizang thei hi. Amah in ahehpihna pia in, Khasiangtho pia hileh lungtomnate zozo dinga, kisialhna leh mawhna dangte zo thei hi. Jesu in naupangte it hi. Amaute ading Amahin piakding thupha nei a, nu leh pa thumangte mu nuam hi. Ama’ adingin missionary note hisak nuam hi. Amaute’ deihna nialin, agualnopnate nusia uh hileh Ama’ na sem theiding uh hi. Khanghamte piak theih nasepna bangmah in kisang hi.8

Gupna angah nailote ading na asem dingin nu leh pa in thuhilhna leh limlahna tate pia ding hi. Uhamte leh agentheite ahehpih theidingin kihilh ding hi. Amaute gentheihna panin huhkhiatding hanciam theiding uh hi. Missionary nasepna ah akuhkal dingin zong kihilh ding hi. Aneilai panun kei-nialna leh midang noptuam nadingin kipiakkhiatna leh Christ adingin masotna pia dinga, Pasian tawh kikop in nasemte hiding uh hi.9

Nu leh pate in Jesu’ sungah aom thumaan tate hilh ding hi. Amaute in asinsa thumaante alawm agual lakah zangkik theiding uh hi.10

Pawlpi in Khangno’ nasepding Nei.—Pawlpi makaite in khangno numei pasalte akipia talentte azatkhiat theih nadingin kipattahna neiding uh hi. Pawlpi sungah khanghamte in deihsak takpina tawh naupangte leh khangnote adingin vaihawmsak ding hi. Missionary nasepna ah khangnote ahel theih nadingun thuhilhsiatein zong geelna neiding uh hi. Thuhilhna leh sermon genna bek tawh amaute’ lungsim tawhkuang zolo ding uh hi. Ngimna panin utna lungsim khanglo sakin, panmun khat tek lensak ding hi. Amaute ngah nasepte asemsiam dingin kihilh ding hi. Nipi khat pan nipi khat amaute’ missionary naseptein zasak ding uh a, Christ hehpihna tungtawnin athuak khak nate pulak ding uh hi. Aki-ap nasemte in hibang thu zasakna aneih uhciangin missionary kikhopna in cimtaak huai lo pah hi. Utna lungsim tho ahihmanin mi kikhawm tawmlo ding hi.11

Innveengah Hunhoih Zongding.—Mikhempeuh batnaah hamphatna kikoih hi. Sepding nasepte naveengah sem khia in, tua in hong kilametna ahi hi. Masuan anawt dingin kisawlna ngakin. Zekailo in kalsuanin. Ama’ adingin naneih tavuan phawkin. Ihmutna panin hong khanglo sak Christ ie sapkhiatna aza bangin nathatangte sal inla, Ama’ adingin sitlo in semkhia in. Nangmah bangin kua in huzaapna akibang ngah, cih amudingin khuadak kei in. Aki pum-ap nahihleh, kizangdinga nakipiakna tawh midangte tungah thumaan tungdinga, khuamialna ah aom mi tampite khuavak puakna ah khutzat khat nasuak ding hi.12

Christian Innkuante in Khuamial Gamte Lut hen.— Khuamialin khialhna atam mihon phualpite ah vai akuandingin Pasian in Christian innkuante sam hi. Topa adingin pilvang tak leh kuhkal takin semding uh hi. Hih sapna ihdawn nadingin keinialna omding hi. Pawlkhatte in dongkholhna hemkhia masa ding uh hi. Khate in lametna neiloin nasi hi. Leitungah kikhangkhan nading lametna tawh nate pilna ngah nadingin natna lungno atamna mun leh gamte ah gilkial dangtakna thuakin kuankhia uh hi. Honpa’ thupuak aneidingte in koiah om uh hiam? Gospel akisapna mun leh gamah apaidingin numei pasalte koiah om uh hiam? Amaute in khuamial sungah aom mite Jesu kawkmuh theiding uh hi.13

Khalam khuamial sungah aom mite’ mun leh gamah innkuante in vatung theih uh hileh Jesu Christ ie khuavak in amaute tungtawnim tangkhia dinga, nasep lianpi kizo ding hi. Tua nasepte buaina omlo, daitakin kipankhia uh hen. Mihonte tam luain, huhna in atanzawhloh ciangin, pawlpi’ sum huhna kisam ta hi.14

Midangte Septheihlohnaah Naupangten Sem.— Khanghamte in tulai thumaan akigentheih nawnloh hun vantungmite in amuhciangin Pasian’ Khansiangtho in naupangte tungah hong kibua dinga, khangham Pasian nasemte in asep theihlohna munte ah thumaan tangko ding uh hi.15 Amaute kikim um ding hi.

Leitung beikuan ciangin naupangte leh khangnote’ thumaan tetci pannate mitein lamdang sading a, mawltakin gen uh hinapi vangliatna tawh kidim ding hi. Pasian kihtakna amaute kihilhkhin a, thungetna leh Laisiangtho simna tawh amaute lungsim kinipsak khin hi. Asawtlo in naupangte in Khasiangtho tawh kidim ding uha, leitungah khanghamte-in thumaan atangko theihloh hun ciangin thumaan tangko ding uh hi.16

Pawlpi sangtein Pasian’ vaihawmna tawh akihong hia, hihbang nasep lian sephun adingin kiginna ahi hi. Hih laiah naupangtein tulai thumaante kihilh dinga, mission nasepnaah kizek khiading uh hi. Cinate donin, agentheite apanpih galkap hon abang nasemte lakah akihelding uh ahi hi. Naupangtein zato nasepna tawh mission nasepnaah kihelding uha, athem anengin masot ding uh hi. Amaute hangin Pasian’ thu kithehthaang dinga, hotna pia cidamna nasep tawh leitung gam khem peuhah na kisem ding hi. Tua hia, pawlpi in tuunote adingin vangikte pua uh hen. Naupangte pilna kipia in, Pasian nasemdingin kipantah uh hen.17

Sepna tawh Septheihding Sin.—Itna leh thumaanna panin amaan nasepna lungsim luangkhia hi. Ama’ itna in alawnkhakna tawh lungtangin Ama’ adingin nasep nopna pia hi. Hih sepnopna lungsim hansuah in maantakin makaih ni. Innah ahizongin, innvengah ahizongin, sangah ahizongin mizawngte omna mun ah ahizongin, migentheite lak, laitheilo lakah, akamsiate phawkding hia, nasepding amaute lakah hamphatna-in sanding ahi hi.

Hih nasepna panin sepsiamna ihngah hi. Nisim nasepnate ah kipattahna tawh akitangsamte leh agentheite ading nasepna kisiam pan hi. Hihbang hanciamna lo-in, kimanna neilo bek thamlo-in natna kipiabeh thei hi. Mihingin tuipek asiam nadingin leitang tungah hilo, tuisungah asin kul hi.18