Zomi Sabbath School SINNA 8: PETER LAIKHAK SUNG PAN IN ZEISU THU

SINNA 8                                                         May 13-19

NIPINI (SABBATH) NITAK LAM May 13

SIM DINGTE: 1 Pet. 1:18, 19; Col. 1:13, 14; Isai. 53:1- 12; John 11:25; Ps. 18:50; 2 Pet. 1:1.

KAMNGAH: Eite, mawhna lamah misi bangin, thuman lamah nungta-in i gamtat theihna dingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi. (1 Pet. 2:24)

Peter masa, I sinna sungah, a kician mahmah abulphuh thu khat in, Topa Zeisu thu a hi hi. A laikhak bup sungah Zeisu thu bekbek mah ahuampi in kihel hi. A laigual masa pen ah zong, Zeisu Khrih’ “sawltak” “keimah” Peter. A laikhak tawpkhak na ah zong, Khrih thu um note khempeuh tungah nopsakna thupha hong tung ta hen (1 Pet. 5:14) na ci hi. Peter laikhak a mungtup in Zeisu Chris in ei te tangin a hong thuakna, Etteh a I neih ding thu lehminpua bek Messiah ho lo in,”Sathau kinilh pa” a hih zia leh Pasian taktak ahihna, cih bangin na gen hi. 

Tu kaal sungin bel Peter masa sung I enkik dinga, Topa Zeisu thu a kician zaw, in I suut to ding hi. 

NIMASA NI (SUNDAY) May 14
ZEISU, EITE KITHOIHNA

Laisiangtho sung buppi a huam in I et ciangin, a kidawk penin, Pasian in a puk Leitung mite hong hong hotkhiatna ahi hi. Adam leh Evua a pukna a kipan in, Mangmuhna sunga Babylon a puk dong Laisiangtho in, lampi khat pan lampi dangah, “a mangthangte a zong ding leh a honkhia dingin” (Luke 19:10) Pasian kalsuan zia vive hong lak hi. Peter laikhak in zong tuamah bulphuh hi. 

1 Pet. 1:18, 19 leh Kol.1:13,14 simin. Tatkhiatna I cih in koi dan hiam? Tatkhiat ngah theihna dingin sisan nasep koi dan hiam?

_________________________________________________________________________

Redemption(Tatkhiatna) cih kammal pen, man tawh tankhia cihna kawk hi. Gentehna in: Exo. 34: 19, 20 sungah Mihing leh La-no suakcil peuhmah Pasian aa, ahih manin, a nei te in tuu tawh tan kik uh hi. Lev. 25:25,26 sungah, haksatna tawh mikhat in a lo a zuak leh, sum a neih kik nini in tankik thei hi. haksat na hangin Sila dingin a kizuak khin pa zong kitan kik thei hi. (Lev. 25:47-49).

1 Pet. I:18, 19 sungah Peter gennop thu in: "Pu leh pa te nuntakzia, bangmahin a kimanglo nuntakna panin a hong suahtaksakna theihna ding in man apiak pen, a man a kiam thei ngun leh khamte bang hilo in, Tuuno bangin paubaan’na a omlo, a manpha mahmah Khrih, biakna-in a hong kipiakna tawh Pasian in note a hong suaktasak ahi hi" ci hi.

Gupkhiatna kalsuan na ah, I lamet theih om sun pen, Eite tang dingin ai-awh sihna athuak ganno (a hih kei leh Zeisu) tungtawn bek a hih mah manin, Gupkhiatna ngah theihna dingin “Pasian tung bek ah koi ci bangin hong kinga sak thei hiam?"

NINIH NI (MONDAY) May 15
ZEISU’ THUAKNA

“Passion of Christ” (Zeisu’ thuakna) cih kammal I zak mun mahmah khat a hi hi. Greek pau in “gimthuak” cihna kammal a hi hi. Topa Zeisu ii’ Leitunga ahun nunung sung teng a kawk nuam ahi hi. A diakdiak in, Jerusa lem ah gualzo taka a lutna panin, a hun tawp a sih dong huam hi. Tua thuakna sungah Peter zong a mu kha a hi hi.

1 Pet. 2:21-25; Isai. 53:1-12 sim in. Ei tang dingin Zeisu thuakna ki koi ci gen uh hiam?

_________________________________________________________________________

Zeisu in, eite tang dingin a tuam vilvel in a hong thuakna bang hangin thupi hiam cih leh: Thumaan ah nungta-in i gamtat theihna dingin eite, mawhna mahmah singlamteh tungah a hong pua a hi hi. (1 Pet. 2:24)(etkak Act. 5:30). Mawhna in Sihna piangsak a hi manin, (Rom. 5:12), I mawhna tungtawn panin I sih hong kul ta hi. A hi zongin, “ Khialhna bangmah gamtalo a, zuau a genlam zong kiza ngeilo hi”(1 Pet. 2:22) A hi zongin, Mikhat in

eite tang dingin hong thuak hi. Tua ki piakkhiatna hang Hotkhiatna a luah thei te I hi hi.

“Satan in a hih theih zah mahin ze-etna tawh, Zeisu lungtang heksiat sawm hi. Han sung pan in hanpua lam muh theih in om lo hi. Gualzo takin han sung panin thokik ding cih zong lamet nei ngam lo hi. A ma ki pumpiak na zong, Apa in sang maw sanglo cih zong ki kup theih om nai lo, a puak Leitung mawhna hangin mawhna a hua, a Pa tawh hong kikhen sak suak kha leh cih zong patau mahmah hi. Mawhna sung tum mite adingin hehpihna in a taisan, lam-et bei te dinmun bangin Zeisu dah hi. Mawhna hangin, mihing te aitang in a mawhlawh tawi na in, Pasian hehna a thuak ahih lam kiphawk sak hi. Tua a hih man in, a dawn hai kha mahmah a, Pasian Tapa takpi a lungtang kitam liang hi." EG.White. DA.p 753.

Zeisu in ei tang dingin hih zahin hong thuakzo mawk a hih manin, ei te in koi ci thuk kik mahmah ding I hi hiam? 1 Pet. 1:21 in a gen mah bangin, Koi ci bangin a nung zui thei ding I hi hiam?  

NITHUM NI (TUESDAY) May. 16
ZEISU’ THAWHKIK NA

1 Pet. 1:3,4,2; 3:21; John 11:25; Filippi. 3:10,11; Rev. 20:6 sim in. Hih mun lai-at te in, bang lam-etna nei in, ei a dingin tua lamet na in bang khiatna nei hiam?

__________________________________________________________________________

Christian te neih lametna pen a nungta lametna a hi hi. Bang hang hiam cih leh, Sihna panin a thokik Zeisu Khrih tungah ki-nga a hih man a hi hi. Tua ahih manin “a kiam thei lo lametna" zong ki ci hi. (1 Pet. 1:3), Christ’ thawhkik na hangin, “Pasian in ama mite-a’ ding

a koih thuphate a sia ngeilo, nin ngeilo, a mual ngeiloin a om tawntungna vantungah hong koihsak khin zo “a hi hi. (1 Pet. 1:4). Tua hi a, Siatna in a hong nawkkhak hangin, I ngah ding hamphat na te mitsuan kawmin I nuntak ding ahi hi.

Zeisu thawhkikna in, ama sunga a sisa mite thokik ding hi cih, kician takin kitel na (aa-ma-khan) hong nei sak hi. (1 Cor 15:20,21). Khrih thokik lo hi leh I upna a mawkna hi ding a, Mawhna sung mah ah, a omlai i suak ding hi. (1 Cor. 15:17). Chritian te Upna in, sihna panin a thokik, sihna a zo, Zeisu Upmuan na tungah kinga a hih manin, Ni tawpni a dingin a thawhkikna hangin, I Gupkhiatna a ngakte hong suak hi.

“Christian te a dingin, Sihna pen ihmutna bek hi a, tawmvei sung khawmial sungah daaitaka om pakna a hi hi. I nuntak kik theihna ding pen Zeisu sungah kiphum a hih manin, “amah hong kilat ciangin eite zong amah tawh kilang khawmin amah tawh a minthang khawm ding te" I hi hi. (Col. 3:4; John. 8:51, 52) Tua bangin nihvei hong kumkik ni ciangin, a manpha a ma sunga a si te in, a aw za ding uh a, sih theihnawn loh nuntakna tawh vanglian takin hong tho to ding uh hi.” E G White: DA. p.787

Sihna I cih pen, a kician sitset, mikim in I tuahkhak ding thukhat a hih manin, I Upna sungah thawhkikna in bang zah takin thupi in lamet huai mawk hiam?

NILI NI (WEDNESDAY) May 17
MESSIAH A HI ZEISU

Topa Zeisu’ Leitungah a hong paina ahang’ a thupi pen in “amah kua hiam” cih kidot na tungtawn pan in Peter in a dawnna ah, “Nang pen a nungta Pasian’ Tapa, Khrih na hi hi,” ci-in a dawn na a hi hi. Christ cih pen, Greek kamin ‘christos’ hi a, a khiatna in, “sathau nilh” cihna a hi hi. Laisiangtho lui hun pek a  kizang, Messiah I cih zong Hebrew lai in, ‘mashiyach’ hi a, kammal khiatna in, ‘sathau kinilh’cihna mah ahi hi. Tua kammal mah Peter

in, Topa Zeisu tungah a hong zang a hi hi.

Hih a nuai a Laisiangtho mun te sim in, “Messiah” cih leh “Sathau nilh” cih kammal te in, bang khiatna hong nei sak hiam? Koi ci bangin Peter in hih kammal te na tel

mahmah hiam?

Ps 2:2 _____________________________________________________________________

Ps 18:50 ___________________________________________________________________

Dan. 9:25 __________________________________________________________________

I Sam. 24:6 ________________________________________________________________

Isai. 45:1 __________________________________________________________________

Kha’ humopna tungtawn pan in, Peter in, Topa Zeisu pen “Messiah hi teh” na ci hi. (Mat. 16:16, 17). A hi zongin Peter mahmah I, Messiah I cihin koi dan ding hiam?

Messiah ii nasep in bang hiam? Messiah I cihin kua hi takpi hiam? cih te a hi zongin, a thupit na leh, a sepkhiat ding te zong telkhin lo kha mai thei tak hi.

Messiah thu tawh kisai, Peter bek hi lo in, Isreal mibup sungah zong ngaihsut dan a tuamtuam om lai hi. A tunga Laisiangtho mun sung tengah zong, Messiah hutawh kisai, a kician in zong hilhcianna om lo na pi, Messiah’ sepzia ding leh a koici dan ding cih pen, Amau te’ theihdan tek khat tawh theihtheihna, muhkholhna na nei uh hi.

John 7;40 sunga kigen mah bangin pawlkhat te in, David’ suan hi ding a, David’ suahna Bethlehem khuaah suak ding hi (Isai. 11:1-16; Mic. 5:2) ci pen na lamen khin uh hi. A maan na ciangkhat zong na om mah hi. A lunggulh pen uh in, David suan sung pan-in David mah

bangin Kumpi khat hongn piang dinga, Jew te ii gal khempeuh phialsiang sak mang ding cih a hi hi. A hi zongin, Rom te khut sungah singlamteh tungah hong si ding hi cih bel mangmat in nei kha het lo mah uh hi. 

Hih Peter laikhak te geel sungah Peter in, Zeisu pen Messiah a hi zia tel mahmah ta a hih manin, “Zeisu in Chris hi”cih bekbek 15 vei bang pulaak khiatna na nei hi. Messiah a hihna tawh a sepding teng leh a sep zia ding dan zong tel mahmah cihna a hi hi. 

NINGA NI (THURSDAY) May 18
ZEISU’ MESSIAH PASIAN

Peter in, Zeisu pen Messiah ahihna thu bek thamlo in, Amah in Topa a hinna zong tel mahmah hi. A laikhak na tungtawn panin, tua Messiah in Pasian a hih lam zong thei tel mahmah ta hi. “To” cih kammal pen, leitung vai ta leh, Pasian hihna ah zong na zang veve hi.( 1 Pet. 1:3; 2Pet. 1:8,14,16). Peter in Zesu min a lawh ciangin, Messiah, Chris, Topa, Pasian, cih bangin zang kawikawi hi. 

Laisiangtho a aat dangte mah bangin, Peter zong Zeisu leh Pasian kizopna, Pa leh Tapa cih kammal tawh na gencian zel hi. (1 Pet. 1:3, 2 Pet. 1:17). 

2 Pet. 1:1; Johan 1:1 leh Johan 20:28 simin. To Zeisu a Pasian hih zia hong koi ci gen hiam? 

_________________________________________________________________________

2 Pet. 1:1 sungah, “Zeisu Chris’ eite Pasian leh Honpa”a cihna ah, Greek kammal luanzia tawh, Zesu in Pasian a hihna leh, Gumpa ahihna hong gen nuam hi a, Zeisu in Pasian a hihna “Za ah Za” hong lak ahi hi.

Pawlpi masa lai hunin, Topa Zeisu hihna na buaipih khop mahmah uh hi. A hi zongin damdam in hong tel to semsem uh a, Peter laikhak sung tengah Pa, Tapa leh Khasiangtho cih te, a tuam vilvel a hih zia uh hong pulaak khia hi. ( Pa leh Tapa vai: 1 Pet. 1:3, 2 Pet. 1:17 sungah kimu thei hi” ) Khasiangtho vai: (1 Pet. 1:12; 2 Pet. 2:21 sungah ki mu hi.) Ei SDA te in zong To thum Pasian I pom a, I “SDA te’ Thugui let 28" sungah zong “Trinity” ci

in Thumgawm Pasian thu I upna zungpi sungah I koih hi.

Zeisu Pasian hi ci si a, a hong pianna leh a hong sihna na lungngai ngei hiam? Pasian khatin eitang dingin hong sepsak nate tungtawn in koi ci bangin a mah It muang semsem thei ding I hi hiam? 

KIGINNI (FRIDAY) May 19

SIMBEH DING: Messiah cih kammal in Greek leh Hebrew pan in a khiatna luanzia a kibang “sathau nilhpa” cihna hi a, Chris ci a kisap na tungtawn panin, Laisiangtho aat te in Zeisu pen, a tuamdiak nasep’ asem dinga, a ki tuamkoih pa hi ci in a telsiam uh hi.

Christos (Chris) cih kammal pen, Laisiangtho thak sungah vei 500 val bang kidawk hi. A hi zongin, Zeisu hun laitakin, Jew mite’ lamet ahong tung ding Messiah nasep in tam khollo in, Pasian tawh a kimeltheih, a mau khanghun sungin hong piang ding, Ama gam hong phut ding, Amahin a Pasisan vang tawh ama mite, a gal te khut sung panin hong hong khia ding hi cih ciang bei mah hi mai hi.

"Zeisu in zong, Messiah ci in a kilawh ding nial khol lo hi. Bang hang hiam cih leh, gamsung ki-ukna vai ah buai thei ding cih a muhna tawh tua min tawh a kisap ding bel deih masa tuak lo hi. A hi zongin a ma Nasepna tungtawn in, a ki pulaak na mun te ah phak takin tua Messiah cih min zatkhuan a pia hi. (Mat. 16:16, 17 ah Peter in sam hi, John 4:25,26 sungah Samaritan numei nu in zong a lo hi.) A mahin Messiah a hih zia kitel mahmah a hih manin, Mark 9:41 sungah, “Chris min tawh kipawl na hih manun, tui hai khat hong suah mi peuhmah in thaman ngah ding hi ci hi." (SDA: Bible Commentary, Vol. 2, p 165.)

KIKUP DINGTE:

1. Isai. 53:1-12 simin. Zeisu in eitang dingin bang hong sepsak hiam, tua te amal amal in aat suk in? Koi ci bangin ei tang dingin a hong sepsak mah dingin kilawm pen ahi hiam?

2. Ninga Ni sinna ah en kik inla, Zeisu pen Pasian ahihna koici gen hiam? Zeisu pen Pasian a hih leh koi ci bangin Pasian zia leh tong a hong lak hiam?