Sabbath Sawm le Thumna (June 24, 2017)

Sim Ding Hi Lo, Geen Ding!

June 24, 2017     Sabbath Sawm leh thumna Hungeelna

1. Kipatna La:                                  “A Nai, A Gamlaa Lote Ah”  ZBC 285
2. Mipi Muakna:                           Sabbath School Makaai
3. Hun aapna:
4. Adventist Gamdang Thuthang geenna: 
5. Sumpi donna:
6. Tawpna La:                          “Zeisu In Hong Gum Hi”  ZBC 406
7. Tawpna Thungetna:

A kihelte: A thupaipi a geen mi (1) leh  Thugeenmi (2)

           @@@@@@@@++++++++++@@@@@@@@@@@

Thupaipi a gen pa/nu:Tu kuata sung Gamdang Adventist thuthang pen Nitumna – A laizang lam Africa Division ah a om, a diakdiakin, Gabon leh Nigeria gam pan thuthang ahi hi.
Tuni-in Topa Jesu’ thu tumadeuh in a sinnapan Joshua in Nigeria gam pan thuthang khathong geenbeh ding hi.

          Thugeen 1na: Ka lawm Gift in a lamdangsakhuai Joseph leh a sanggamte taangthu hong gen khit ciangin, “Koilai pan na sin ahi hiam?” ci-in ka dong hi.
         Nui hiuhiau kawm in, “Lai Siangtho sungah om hi,” ci-in hong dawng hi. “Joshua aw, Adventist khangnote Pasian’ nasepna pawl ah hong pai lecin, nang zong hih taangthu na sin ding hi,” ci-in hong zawn hi.
         Gift pen Babcock University huang sungah om aa, khuasung ka inn uh tawh kigamla lo hi.Lai Siangtho thu a theihpen ka paakta hi. Kei zong Lai Siangtho thu ka sin nuam hi.

Thugeen 2na: Sawt loin Khaal sung Lai Siangtho sinna saang ka hong ding uh hi. Hong pai lo ding na hiam?” ci-in Gift in hong zawn hi.
Sunday ni khat Adventist Khangno Pasian naseemte tawh bawhlung ka suui uh aa, amaute ka paakta pah hi.  A kimawl dinguh ciangin biakpiakna tomno khat leh thungetna nei masa uh hi. Bawhlung suihna ah zong migi thei uh hi.
Khaal sung Lai Siangtho saang ka kah ding hiam aw, ci-in thu ka ngeen aa, Pasian in ka kah ding hong deihsak hi cih ka lungsim sungah hong luut hi. Ni masa ni ka kah leh ka lawm Gift geenpen na maan takpi hi. Lai Siangtho sung panin taangthu tampi ka zaak bek hi loin, Pasian tawh kisai late zong ka sin aa, khut tawh bawl zong om in, khat leh khat zong ka kimeeltheih uh hi. Ka sin uh thute lakah Topa Jesu in kei hong it lam ka theih manphaa ka sa peenpeen hi.

Thugeen 1na: Khaal sung Lai Siangtho sinna saang ka tawp uh ciangin Seventh-day Adventist ka suak nuam pah hi. Tuma kum khat laai-in tui ka kiphuum aa, Gift in kei tungah a upna hong geensawn bangin kei zong ka upna midangte tungah ka geensawn nuam hi.  Mite in Sabbath thu leh Topa Jesu nih veina hong pai baih ding ahihna thu ka theisak nuam hi.
         Tu kumin khaal sung Lai Siangtho sinna saangah ka lawm Favour ka sam aa, nisim in hong kah hi. Lai Siangtho taangthute zaaknopsa in khut tawh limsuaihnate leh kimawlnate zong nuamsa hi. Nidang in Topa Jesu’ thu thei naailo hi, ahi zongin tu-in Topa Jesu in amah a itna leh a khualna thu theita hi.

Thugeen 2na:  Ka lawmte a tamzaw in Seventh-day Adventist ka suah ciangin hong geensia uh hi. Na kasa simtham hi. Topa Jesu’ thu ka geenpih ding uut lo uh aa, ka gamtatna, ka sepna leh maitai takin ka omna tawh lahkhiat ding ka hanciam veve hi. Ahi zongin ka lawmte a vek-un tua zahta in hong mudah lo uh hi. Topa Jesu’ thu ka geenpih pawlkhatten bel, biakinn ah kikhop ding lungngaaita uhaa, tua in ka lung hong nuamsak hi.

Thugeen 1na:  Adventist khangnote’ Pasian nasepna pawl ah ka kihel manin ka gamtat ka luheek zia a hoih lamin hong kikheelsak hi. Tu-in veeng leh paam ah a teeng mite ka huh nuam aa, piteek puteekte ka huh nuam phadeuh hi. Amau thongipte ka puaksak nuam aa, kamkhum tawh hopih nuam in, ka zahtaak bawl nuam hi.

Khaal sung Lai Siangtho sinna saang in ka nuntaakna hong kikheelsak hi. Topa Jesu in kei hong it lam ka tel ciangin ka lung nuam mahmah hi. Nidang in keiguak tha tawh ka vangikte ka pua hi. Ahizongin, tu-in Topa Jesu in hong khualna ka theih ciangin ka van hong zaang mahmahta hi. Topa Jesu in vangik pan hong suaktasak hi!

Thugeen 2na:  Tu kuata Sabbath sawm leh thumna sumpi pawlkhat tawh Babcock University huang sungah a tuamtuam aa zat theih ding phualpi khat kilam ding hi. Banghanghiam cihleh tulaitakin Adventist khangno Pasian’ naseemte kipawlna in, kikhop nading leh hungeelna tuamtuam aadingin mun kicing neilo hi.
         Hih phualpi kilam khin leh khangnote khaa lamah khangtosak ding aa, kei hong phaak mahbangun, Topa Jesu aadingin mite a phaak nadinguh a siamna uh zong khangtosak ding hi.

Thupaipi a geen nu/pa:Tuni aa phaltak aa sumpi nong piak uh lungdam mahmah ung. Hih sumpi in Gabon gam leh Nigeria gam aa om khangnote nasepna mainawtsak taktak ding hi. Na sumpi un mi tampitak nuntaakna ah a tawntung kilamdanna piangsak taktak ding hi cihpen hehpihna tawh um in, lungmuang un. Lungdam lua!

@@@@@@@@@@@@+++++++++@@@@@@@@@@@@