Kumkikna Lamen Innkuan - Khen Sawmna (Azom1)

 THUKHEN 10

Innkuan ah Nu-Kumpinu

NU’ NASEP MUHKHIALHNA

Nasep Thupilo ci-in Nute Kize-et.—Nute nasep pen athupilo tawh kibang hi. Kuamahin zong pakta lo hi. Midangte in ama’ kin leh vangikte theihpihlo hi. Anite pen nasep neuneu tawh kidim hi. Ahihhangin lungduai ding, kikhal ding, pilding, zawtsiam ding, leh apiakhia ki itna cihte neihding ahi hi. Ahizongin asep zawh nate ah kisial ngamlo hi. Bangkua sung vai akuanding bekmah ngaihsut in nei hi. Gim leh buai kinken hi. Tate’ ziadam takin hopih a, tate manlah sakin lungnuam sak hi. Lam maanah tate khe paisak hi. Hinapi in bangmah gualzo kisa lo hi. Tuabang hilo zel hi. A nasep tawh thagumte bei lawhin, nisim apuak vangikte bekmah ciamteh hi. Leitungah ama’ min kitheihsaklo ding ahihhangin Tuuno’ Laibupi sungah kiciapteh sak hi.1

Nu leh zi taktakin anasepte maitaina leh vangneihna in sem hi. Innkuan aki uk nadingin nasepnate vang neu huai salo hi.2

Mission Nasepna sangin Kineu Muh zaw.— Bangzahin thupi hiam! Hinapi in nu pawlkhatin mission nasep lunggulh lai uh hi. Gamdang pawlkhatah paikhia in, nasem thei le-uh anasep uh amannei diak dingin ngaihsun uh hi. Bangkua sung nasepte semzomin omna pen gimhuai leh lungdam huailo sa uh hi.3

Mission nasep alunggulh nute’ khut langkhatin innsungah om hi. Inn sungah aom tate kha in lawkite kha sangin mansel zaw hiam? Akhangto naupangte lungsim kemcingin Pasian tawh kizomsak nasep thupi lo hiam? Pasian akihta, a it, nu in sem keileh kua in sepsak siam zaw ding hiam?4

Mi pawlkhatte in biakna nasepna tawh kizomin nasem kei leuh Pasian’ deihna asemlo kisa uh hi. Hihin khialhna ahi hi. Topa adingin mimal simin sepding khattek kinei hi. Ahiding bangin innkuan anuam sakding nasep in alamdang nasep hilo hiam? Pasian kiangah akiap mikhat adingin aneu pen talent nangawnin Pasian’ deih innkuan suaksak thei hi. Pasian adinga lungsim sitlo-in nasepna in khuavak tangsak ding hi. Numei pasal khempeuhin Pasian’ deihna azak uh bangin semin, Pasian’ deihloh asepkhak ding uh lau in, leh nuntak asiamdingin pantah uh hileh, thuhilhna tau tungah ading thuhilhsiate bangin Pasian nasem mah ahi uh hi.5

Akhut un atuah bangun asempah numeite in kidawpna lungsim tawh apasal vangikte maitai takin puakpihin, Pasian’ adingin tate pantah uh hileh, missionary taktakte ahi uh hi.6

Biakna Nasepin Innkuan Kepna Khuplo.—Nu leh zi nahihna tawh natavuante nungngatin, Pasian nasepna namkhat adingin nakipiak leh Pasian tawh nakitulhkalh loh nadingin kidawmin. Inn nasepdingte Amahin hong lak khin hi. Hih inn nasep sangin alian zaw asiangtho zaw, hong kipia hi, aci nahihleh khemna athuak nahi hi. Innsungah na thumaanna hangin nang tawh akinai pen khate ading asem nahihleh, azaizaw mission huanah asemdingin Christ in ahong sam hiding hi. Ahizongin innsung nasep anelhsiahte in midangte adingin nasem dingin kiging nailo uh hi.7

Inn, napasal, leh natate anelhsiah dingin Pasianin nang hong samlo hi. Pasianin tuabangin na sem ngeilo hi. Tate nusia in nasemdingin Pasianin hong samkhia ngeilo ding hi. Nute alangpan ding leh alawm agual tawh lamlak pilna angahdingin tate nusia ngei kei in. Hihin amaanlo in nakhuavak atangsak nahi hi. Pasian’ deihbangin natate apianding nahaksat sak kawmin vantung gam alut nuam nahi hi. Pasianin tate awlmawh hi. Pasian’ tanu nahihleh Pasian mahbangin amaute awlmawh in.8

Naupangte’ kum masa sung khoi-in, thungenin, lunggulhna ahoih aneidingin ahanthawn ding nahi hi. Hih nasep pen tatsat loin asem ding nahi hi. Pasian’ nasem dingin puankhui ding leh nute kipawlna ah akah dingin hong kisam mah ding hi. Natate tawh beltaka thuhilh thei khat anusia ding nahihkei leh thudang khat semdingin Pasianin nangmah ahong sawl innkuan’ nasep nutsiatna in pillohna ahi hi. Pasian deihbangin tate pattah ding semzolo liangin, naki awnghon thei kei ding hi. Christ tawh akipawl nasemte bangin amaute pantahin nasek ding ahi hi.9

Akipantahkhial akisui khial tate’ zia le tongin nute kongbiangah om hi. Tate mangngilh liangin biakinn nasepnate ah kikonlawh luat ding zong hilo hi. Nute akihel theihna ahoihpen nasepin tate pattahna ah khauzang khat zong nutsiat lohna ahi hi.

Ama’ hilh leh pattah ding akisam tate adingin kipum apna aneite bekin pawlpi adingin nasem thei ding hi.10

Azaizaw Mission nasep Sepnopna Mawkna.— Nu pawlkhatte in mission nasepna ah kihel nuam uh hi. Alampi ah Pasian piak nasepte paisan thei uh hi. Tate kinawlkhinin, innkuan zong anuam leh lungnopna pia lo uh hi. Inn sungah hanna, taina piang kinken hi. Naupangte in inn pen om nadingin anuamlo pen dingin ngaihsun sak hi. Tuahangin, inn panin asuahtak ding hun uh ngaklahin ki uk, kikhalna aomlo innte panin pusuakin leitungah paikhia nuam uh hi.

Nu leh pate in, tate tawh akikhih ding uh hinapi, Pasian piak tavuante thelthang sakin, mission phualzaite ah sepnopna lungsim nei uh hi.11

NU’ ETTEH MAANLO

Sidinga Kipumpiakna.—Lungkimna aneilo inn sung bangkua nasepna tawh innkuan lungdamna omlo hi. Bangkua sung nasepte nuamsa theilo uh hi. Tuabang nasep pen gentheihna-in ngaihsun hi. Maitai takin nasepna tawh anuam hamphatna asuak ding hinapi acimtak huai nasep suaksak uh hi. Sal bangin kingaihsun a, amah leh amah asidinga akipumpiak danin kiseh hi.

Innkuan bangkua nasepin haksatna tawh kipeng kinken lo hi. Tha bei in, lungduai zong kisam hi. Amaute’ uukna in aphakloh nuntaknate ah tavuan kipialo napiin nu tampite in amau’ piandante mawhsak uh hi. Amaute in asepding tavuan semlo in, amaute aki-ap muannate cimtakin, amau zuih thukhunte apelh uh ciangin hih bangin paupeng uh hi.

Bangkua silbawl nadingin lungduaina leh sikdona akisap nahangin mite agualleh laitakin nu leh zi in haksatna atuamtuamte zozo-in, ze-etna leh dongtuahnate adozawh manun midangte adingin kampau leh limlahna tawh mi huhdinga akilawmte ahi uh hi. Hun nuam sungah gualzawhna angahte in langpanna leh sittelna athuak uhciangin kikhelna ngah thei uh hi. Agentheihna uhtawh kituakin tolhkhia uh hi. Pianzia hun tawh akimawl dingin Pasian in hong siam hilo hi.1

Alungkim Theilote Hanthotna.—Innkuan sung nuam asalo pasal leh ta tampite in atawntungin taithuak, leh phunna za uha, gualnopna leh hehnepna azong dingin inn panin paikhia uh hi. Akikhaam namun ah pai thei uh hi. Nu leh zi in innkuan vai semin amanlah ciangin ziadam ding leh innkuan sungah pasal leh tate nopsak ding, agitlohna leh ahaksatnate amangngilh phial zongin, phawk khalo thei uh hi. Nekding, silhding bawlin amanlah laitakin pasal leh tate in leengla bangin sungtum pusuak uh hi.

Innkuan nupi silanu in ahisetset in innvai ahawm zongin ama’ saltanna sungpan mahin phun thapaai hi. Ama’ tavuante uanggenin, numei dangte nuntakna nuam tawh kisaikak thei hi. Anuamzaw nuntakna alunggulh laitak mahin lungkimlohna leh innkuan sunga apasal leh tate nuam asalo dingin abawlna in mawhna hi.2

Leitung’ Haina tawh Kikai-awk.—Nu leh pa leh tate’ lungsim Satanin zolsak hi. Nute khemzo hileh nasia takin agualzo ahi hi. Leitung’ zia in khemna, zuau, leh cihmawhna tawh kidima, ahihhangin Satanin aut huai dingin kilang sak hi. Naupangte leh khangnote phatakin kipantahlo hileh lampial ding uh hi. Thukhun kip neilo uha, ze-etna nang zolo ding hi.3

Akisamlo Vangik pua.—Nu tampite in akisamlo nate sepna in hun tampi zang uh hi. Amaute in hun leh amaute thuakna adingin tawlngalo uh hi. Tawntung nuntakna dingin ngaihsun manlo uh hi. Tate tampi kikoihdapin, naupangte in gilo, ngoltol, leh pilna ngahlo in khangkhia uh hi.4

Adiakdiakin nu in Pasian’ piak ama’ dinmun thupi theii hileh amaute tawh akisai khalo aveengte vai khawng buaipih hetlo ding hi. Inn khat panin inn khatah veengte mawhna, khialhna, thumaanlohnate kikumlo ding uh hi. Amaute’ tate akep dinguh phawk ding uha, veengte mawhna zong manlo ding uh hi.5

Hehnepna leh tawldam nadingin nupite in Pasian’ tha zong uh hileh, apasal’ muanna ngah dinga, mite zahtakin atanu tapate khangkhia ding uh hi. Amasuanah aom nasep a awlmawhloh uhciangin atavuan uhleh ahun hamphatnate uh midangte tungah kisuan hi. Kidawm takin avawhloh manun anlak hun ciangin nakpiin kahna aw kiza ding hi. Hih leitungah hunhoih angahzawh kei uhleh, anlak hun ciangin avawh uh tawh kituakin an lading uh hi.6

NU’ CIDAMNA LEH AMEELPUAK

Nu’ Cidamna Dawmding.—Nu cidamna phatakin dawmin. Ama’ thate nasepna, kinvai hawmna, leh vangik puakna in kiam ding hi. Pa leh pasalin pumpi taksa thukhunte telkhinlo hi. Nuntakna ding thalawhna, hauh nading sepna, buainate leh kin thute adingin hun zanga, hun haksate sungah nu leh azi pen vanpuakna tawh athate kisukkangin thanemna leh natna ngah hi.1

Innkuan hoih nading ngaihsunin nu in akisam lualo vai tawh ki-awhsaklo in, Pasianin apiak nuntakna leh thate leh cidamnate akisam vaiah azat ding hoih hi. Hun tawmkhat pen innpua ah zangdinga, tha lading hi. Tua hileh innsungah zatding thate tawmkik theiding hi. Tua hileh amahin inn ie khuavak leh thupha hiding hi.2

Nu in Cidamna Puahkikding.—Pasian’ deihna nute tungah phatakin kilak hi. Thuhilhna leh limlahna tawh cidamna lamkik ding hi. Tua thu-ah kiptakin ding dinga, ama’ sunga Pasianin abulhsa pumpi thukhunte palsat ngeilo ding hi. “Amaan ngimna adingin” ngattakin lending hi. Tua hileh kha-tha leh vangliatna Vantung panin leitungah hong tangsuk ding hi. Ama’ lampi maan leh atate zia leh tongah kilang ding hi.3

Annekna ah Kikhalding.—Pumpi leh ngaihsutna ah siatna aomloh nadingin nu in picing takin kidek ding hi. Ama’ nuntakna pen Pasian’ thukham leh cidam thukhun tawh kituakin kemding hi. An in ngaihsutna leh lungsim paai huzaap a, adiakdiakin tha aomdingin an ne dinga, zongsatna tawh nelo ding hi. Theihna saguite khingsakin lungsim zong nemsak ding hi. Tua hileh tate omdan tawh kituakin baihlam takin lungduaina zangzo dinga, ngaihna tawh ukna lenkip zo ding hi.4

Khuahun tuamtuamte ah Ni Tangsak.—Nu in lungkiatna athuak ciangin theihna sazangte leh lungsim akep zawhding kisam hi. Acinat laitak ahiphial zongin maitai ding, leh awgin ngaihloh ding sin thak kul hi. Ama’ cidamloh nahangin alungkiatna tawh ta neute lungsim amkhamsaklo-in, inn pen hankhuk bangin, ama’ lupna khan pen leitunga asiahuai pen mun bangin ngaihsunlo ding hi. Khuak leh theihna sazangte utna tawh kithakhauhsak thei hi. Utna in theihna sazangte nuam sak hi. Na maimialnate natate mu sak ngei kei in.5

Pasal leh Tate’ Vangkhualin.—Sanggamnu aw, nasem dingin nakipat ciangin vasa hon nadinga kidap bangin alauhuai puan silh kei in. A etlawm, akituak puansilhna in pasal leh tate adingin lungkim huai hi. Zite leh nute pawlkhatin pasal leh tate’ muhin utut puansilh phamawh kei, ci uh hi. Amu khempeuhte adingin amun leh ahun tawh kituakin puansilh ding kisam hi. Pasal leh tate maiah vangkhualna leh leengla maiah vangkhualna bang kilamdang hiam? Midangte sangin pasal leh tate lungnop ding thupi zaw hi.6

Puan nasilh ciangin nangtawh akilawmdingin silh in. Tua in tate zahtakna khangsak ding hi. Amaute zong zahtak kaaitakin puansilh sakin. Polhtehna ah azongsang lodingin pantahin.7

Mihon Ngaihsutna ah Thongkiat Kullo.—Nute in zongsatna, puansilh, leh ngaihsutnate ah thei theilo uh hi. Midangte in amau angaihsut bangin saltang uh hi. Pasianin eite ahong ngaihsutna sangin mite in eite ahong ngaihsutnaah awkzawkding hilo hi. Mite’ ngeina tawh kituakloin simmawh ihthuak sangin Pasian’ thumaan nutsiat ding baihlam kisa zaw thei hi.

Mite’n nang ahong ngaihsutna tawh kol kikhih keiin. Ahangin, nu-in hihleitung leh ahong paiding vantung adingin tate apantah ding ahi hi. Puansilh nikteenah, nute in akisamlo kizepna tawh abuai ding hilo hi.8

Om Sitset na leh Sianthona Hilhding.—Nute in polhteh takin innah puansilh hile uh tuabang mahin tate in zongin silh thei hi, cih ahilh asuak hi. Innah utut in kisilh thei lel hi, ci in nute in ngaihsun thei hi. Tuabangin polhteh takin silh hileh inn sungah zahtakna kiam ding hi. Tate in anu silh leh apualam a nute silhdan saikak uha, nu azahtakna kiam pah hi.

Nute aw, mite mit ah a etlawmdingin puan silh un. Akidawk gawpin silh kei un. Asiangtho leh akilawm puan nasilh ding uh hi. Tuabang hileh nate un sianthona leh kilawmna asin uh hipah hi. Tate’ it leh zahtakna in nute adingin amanpha pen ahi hi. Mimal pumpi tungah sianthona leh etlawmna tawh puansilhna in lungsim tawh kizom hi. Mun leh hun tawh kituakin kilawmna om hi. Tate in tuabang mahin puanguan ding hi. Polhteh takin akizem anu hangin a etlawmdingin tate kizep ding bangci hilh ding hiam? Hihbangin polhteh leh thaanghuai takin puansilhna tawh vantung panin ahong pai leenglate bangci bangin leengla kido theiding hiam?9

Sianthona leh kilawmna in Vantung’ thukhun ahi hi. Pasian’ vaihawmna tawh kituakin ihnuntak theih nadingin sianthona leh kilawmna ihneihding eite’ tavuanin ahi hi.10

(Zop Lai Ding)