“Nowa Huta ah Leitung Thak Khat”

Nipi 5na (1st Qtr, 2017)

February 4                                                                                                                            Poland

                        “Nowa Huta ah Leitung Thak Khat”

                                  (A gen: Agnieszka (Akinisizika)

            “Nowa Huta” a cih nop na pen a picing biakna nam khat bek a nei kipawlna tawh a ki phut khuapi cihna ahi hi. Galpi nihna lai aa akisiatcip khit ciangin Russia gam in a lam ahi hi. Nowa Huta a khiatna pen “Kahpasiik Angawina set Thak” hi a, Poland gam Krakow (Kalakau) khuapi pua lam ah kilam hi.

            Biakna khatbek tawh gamphuhna ah pawlpi dang leh biakinn lam ding cih geelna om ngei lo hi. Bangbang ahizongin gammi pawlkhat te in biakna dang phuh theih nadingin a kum sawm aa sim sawt in kumpi tungah biakinn lam theih nadingin ngen uh hi.

            1967 kum ciangin biakinn lam theih nading thu ngah ta uh hi. Ahita zongin gam uk thunei te’n biakinn lam nadingin a kisam vante bawl ding phallo mawk uh hi. Tua ahih manin biakinn khat lam ding pen thu haksa mahmah khat ahihi. Bangbang ahi zongin gammi pawlkhat in a mau khut uh tawh a bawl theih bangun biakinn daan khat hong lam uh a, Roman Catholic Biakinn ci-in min vawh uh hi. Tu ni-in tua biakinn pen “Topa’ tembawpi” ci-in ki thei hi.

Mite Vaphakna

            1970 kum in Seventh-day Adventist te tungah Nowa Huta ah a tengte vaphak theihna hunpha kipia hi. 1989 kum ciangin biakna khat bek neih ding cih kiukna a siatcip khit ciangin biakinn lam nasepna hong ki zelh thaang hi.

            1993 kum, nikhat ni-in kum 20 apha, khangmoi lai nungak khat in mehgah mehteh an vai leh cidamna vai thusinna om ding cih laisuan khat khuasung mun khat ah mu hi. Sa a ngawl nuam Agnieszka(Aknisizika) in thusinna ah pai ding khensat pah hi.

            Agnieska (Aknisizika) in mehteh mehgah anhuan  sinna leh cidam na thu a ngahnate

nuamsa himah taleh LaiSiangtho thu tawh kisai thusinna te kin se lo hi. Lai Siangtho thu asin

nuamte aadingin lai a kihawm ciangin Aknisizika in  balkeek ziau lel hi.

“Ngiimna Khatbek”

            “Ok! Hih lai munah kong paina pen thudang kihel lo, ngimna khat bek” ci-in Aknisizika in ngaihsun hi. “Ka uuk zong hi beek kei. A sin mawkmawk pak hi ing” ci sawnsawn lai hi.

            Ahi  zongin Aknisizika in cidamna tawh kisai thusinna nuamsa ahih manin thusinna zom toto a, a sawt lo mahin Lai Siangtho thute zong zaknop sa semsem hi. Lai Siangtho thu a liveina hong sin khit ciangin amahmah in Lai Siangtho sin na lai (card) hong la ta hi.

            Aknisizika in, “ Lai Siangtho thu ka sin sungin Topa Jesu Khazih kei aadingin hong si hi cih thu ka tel a, ka lungsim hong sukha hi.” ci hi.

            “Lai Siangtho pen nism nuntak na dingin lam hong lak a hihna leh mihoih ih suah nading thu tawh kisai hong hilh ahih lam ka tel semsem hi.” ci-in lawptak in gen hi.

            Thusinna a man ciangin Aknisizika in tui kiphum ding khensat hi. Anu leh a pate R.C pawlpi ahih hangin Akzisizika in Seventh-day Adventist pawlpi mi a suah ding a khensatna pen langpan lo uh hi.

Maanmaan Aa a En Khat

            Tuni-in Akinisizika in khanglam Polish Conference zumpi laiat pi zum ah nasem in Krakow (Kalakau) khuapi aa om Alaizang Adventist pawlpi ah zong Sabbath School lesson hilh siama sem hi.

            “Adventist tangthu sung panin mi teci pannate la in ka lesson hilh na ah ka gen zel hi”, Aknisizika in ci hi.

            Tua ban-ah Aknisizika in Hope Channel Poland (Zutuh pan Pasian’ thugen na ) et leh ngaih nuamsa aa “Sabbath School lametna” cih zong maantak a, a en, a ngai khat ahi hi. Tu laitak aa, a kibawl geelnate dik a sak mahbangin Awkhumna (Studio) thak aadingin Sabbath sawm leh thumna sumpi khenkhat kiseh khia ding ahih manin Aknisizika in tha ngah mahmah hi.

Thu Kizakna Tawh A Pualam Phaakna

            Adventist Thu kizakna tawh a pualam phaak na nasep pen Poland gam ah 1980 kum, Radio tawh thugenna vai Poland gam kumpi tawh thukimna letmat a thuh khit ciangin kipan uh hi. “Huih sungah khah khiat ding thute ka kisakhol uh a, Portugee gam LisbonKhuapi a om AWR zum panin huih lakah khahkhia uh hi”, ci-in Hope Channel Poland makai (Manager) pa Jan Kot in gen hi.

            Tua hun lai in khahkhiat ding thu khempeuh AWR zum ah ki khak a, khaak ma in kumpi lam pan sittelna nei masa uh hi. Kumpi in sittel in phalna ciaptehna a bawl khit ciang bekin huih lak ah ki khahkhia thei pan hi.

            Ahi zongin tu-in “Poland kumpi in nasep zia laih a, biakna lam zong suahtak na kingah zawta hi. Tua ahih manin Poland minam khempeuh a kiphaak theih nading lampi thak ka zong uh hi”,  Jan in ci hi.

            “Tawlkhat sung mimal neih television phualpi te ka zang uh hi. A hi zong in zatman tam lua hi. Internet hong om ciang in nasepna hong ol semsem ta hi” ci-in Jan in gen hi.

            Tua khit ciangin Youtube hong om leuleu ciangin voice of Hope lametna awging pawl in youtube ah video(limtaang) tawh khahkhiat kipan leuleu uh hi. Tuni-in internet hong omna hangin nasepna tampi takin hong tangzai zaw hi.

            “Tu ni-in a kipatna nai 150 pan 200 dang geelna leh youtube tawh a en mi awn khat (sang 10) bang pha hi. “ Jan in ci hi. “Facebook ka zang uh a, hungel nate taangkona lemsak mahmah hi. Kha simin gam 50 val in ka facebook laimaite na en uh hi. Banghanghiam cihleh Poland minamte leitung gam tuamtuam ah teeng uh hi,” ci-in Jan in genbeh hi.

            Hope Channel Poland in Warsaw khuapi aa om a mun toi mahmah sii, nasem siate lah tamsi, Poland Union Conference zumpi ah a nasep na uh khan ah ta lo uh hi.

            Amau te’n a nasepna uh a dawl sangzaw ah bawl dingin kigin gkhin uh ahih manin studio (aw khumna mun) kisam lua mahmah ta uh hi. Hih geelna pen tu kuata Sabbath sawm leh thumna sumpi phaltak leh cingh takin nongpiak na uh tungtawn in kilam zo taktak ding hi. Poland gam aa teeng mite aading bek hilo in leitung mun tuamtuam ah  a teeng Poland minamte phaak nading hih a thupi mahmah nasepna aadingin nong huh uh lungdam mahmah hi.

***********0**********