Etteh Huai Aa Omna ii Vangliatna

Nipi 3na (1st Qtr, 2017)

January 21                                                                                                                            Ireland

   Etteh Huai Aa Omna ii Vangliatna

(Agen: Elizabeth leh Mercha)

            “ Ka innkuansung uah numei (9) lak ah a upa bel kahi a, pasal nei masapen zong kahi hi,” Elizabeth in ci hi. “ Kha thum khit ciangin ka pasal ka maa a, maizum huai mahmah hi. Ka pasal in hong tawngtawng ahih manin ka pa in kilawm sa vet lo hi, banghanghiam cihleh, ka pa aadingin pasal tawh kikhen mawk pen etlawm sa hetlo hi”, ci-in genbeh hi.

            “ 1980 kum ciangin taamngai ka muutna tumtheih kipawlna min tawh America ah ka zin uh hi. Bus tawh tai 20,000 bang ka zin uh a, ni 71 sungin 63 vei Ireland gam tumtheih pawi ah ka tum thei uh hi. Hih khualzin naah violin a tum tangval Mercha tawh ka kingai uh hi.

            Tangval Mercha (Malca) tawh ka kiteeng uh a, a kumkik ciangin ka nau masa uh nau 3 peeng ka nei uh hi. Kei aadingin a nuam lo innkuan pan ka suakta a, a lungnop huai mun ka tung ta hi. Marcha tawh  a lam- dang sak huai nupa kilungtuak in innkuan nuam in ka om uh hi.

            Bangbang hi taleh, Elizabeth a inn uah a va hawh sim, inn hong tunkik simin kap hi. “Na inn uah na hawhsim dahna bekbek, na inn uah na hawhzel pen bang phattuamna om peuhmah hiam?”, ci-in a pasal Marcha in dong hi. Elizabeth pen a biakna hangun, anu leh apa, auu anau te leh R.C pawlpi in paampaih uh hi.

            Biakna in u leh nau tawh nu leh pa tawh hong kikhen sak mawk ahih leh biakna akici limlim zui nawn kei ning ci-in Elizabeth in hong khen sat ta hi. Bangbang ahi zongin Elizabeth in a teekte nupa’ lungsim hoihna leh hoihtak aa a bawlna uh leh ama’ nu leh pa ten a nawlkhinna hong tel seemseem ta hi. A pasal Mercha pen Adventist te nuntak zia tawh kituak in, a om nai kei hangin a nu leh apa in bel, Mercha hita leh Elizabeth hita leh mawhsak ngei se lo uh hi. Tua hun lai in Elizabeth ii teekpa in Romanian Adventist pawlpi ah makaipi seem in, Romania gam sung mun tampi ah buainate a lemtuah dingin ki paisak kawikawi hi, banghanghiam cih leh amah

pen uphuai loh zah dongin thu lemtuah siam khat ahi hi.

za ngei nai lo a, sinbeh nuam lai hi. Thu taangkona a tawp ni, 2016 kum, February kha in tui hong kiphum ta hi.

            Hih bangaa, hong kikheelna tungtawn in Elizabeth in, “A hoih penpen na bawl theih thu pen etteh huai in omna ahihi. Ka teekte nupa nuntak zia in, kei aadingin a lianbel a etteh huai nuntak zia ahi hi,” ci hi.

**********