Bawlsiatna Thuak Hang, Citak Veve

March 4,                                                                                                                              Norway

Nipi 9na (1st Qtr, 2017)

Bawlsiatna Thuak Hang, Citak Veve

(Agen : Moalgn (Mawlai)

Nungkaal in i zak mah bangin, Oslo khuapi aa, a kiphut Bethel Adventist pawlpi pen Pasian’ nasepna ah thalawp in kizen mahmah hi. Norway gammi pawlpimite tawh kigawm in peemta tampi tawh pawlpi picing khat suak uh hi.

            Tuate lakah khat pen Mawlai hi a, Ethiopia ah khang khia hi. Apa in ana thuak sa bangin a mah zong a upna hang in bawlsiatna thuak hi.

            Mawlai in a telgen na ah, “ Ka pa pen Ethiopia ah Adventist a suak masapente lak ah khat ahihi. 1940 leh 1950 kikal sungin  Adventist te” Anti-Mary(Mary zuau) kici hi” ci hi. Mawlai ii pa pen thongkia bek  lo in sat thuak lai hi. “Ka pa khete sikkol thak a bulh ciangin kitan mang pahpah hi. Adang sikkol a bulh zel hang kitan kik pahpah hi,” Mawlai in ci hi. Pasian in Mawlai tungah na lamdang piangsak hi.

            Mawlai kum 16 a phaak ciangin a pa thuak haksatna thuak in, a up na zong khauhsak hi. Tua hun lai (1978 kumpan 1991 dong) Socialism kipawlna tawh neihna thukhun pen Ethiopia ah hong kizang in Pasian omlo hi cih upna zong biakna lam ah hong laang hi.

            Mawlai in a haksatnate pawlkhat pulak hi. “ Mi khempeuh in, “Pasian omlo hi” ci-in tangko kul mawk hi. Tua hun in tan(10) sang ah ka kah a, Sabbath nisim in a kibawl gamthu tawh kisai kikhopna ah ka pai lo uh phamawh hi,” ci hi.

            Mawlai leh a dang Adventist pawlpi mi(2) in Pasian omlo hi” ci aa tangko ding leh gamthu vai kikhop ding a nial ciangun, a dang khangno te’n nakpi takin a saat khit uh ciangin thong kia sak lailai uh hi.

Thong Sungah

            “Pasian a hamsiat gawp ding leh Lai Siangtho tungah ka khe tawh a ding dingin hong aana sawl uh hi”, Mawlai in ci hi. Biakna in mi thadah sak hi. Sani ni-in na nasep loh uh phamawh hi. Kua hi leltak nahi uh hiam?. Tapidaw dang te’n gam khantoh nadingin Sani ni-in nasem uh hi. Gam khantoh nadingin a kihanciam mahmah laitak hi. No pen khantoh na a khaktante hi uh teh! A dang khangno te zong biakna tawh a siatna dingun na hilh uh hi” ci-in haan lala uh hi.

            Apa thuak bang in Mawlai zong thong sungah satna leh bawlsiatna thuak hi. “Thau sialphei tawh hong sat in, ka paang hong betsak a, hong suigawp lai uh hi. Hih pen Lailawm lai hi.” Mawlai in ci hi.

            Ahih hangin khat veivei hong bawlsiat ding uh geelsa in nei uh hi. Zukham sain hong pai uh ciangin hehpihna themkhat beek nei loin hong bawlsia uh hi.” ci-in khasiat huai takin Mawlai in gen hi.

            “Ka nih un hong henkhawm uh a, khat veivei hong khaigawp in, khat veivei ka lulam uh lei ah omsak in ka khe uh khuaphiamei khau tawh hong bii sak in savun khawng tawh hong satgawp uh hi” ci-in genbeh hi.

            A thuak zawhzia a kidot ciangin, “Mawlai in, “Topa Jesu dong un. Bang piang cih zong thei tuan keng. Thu ngenngen ing” ci-in dawng hi.

            Kum khat sung bang Mawlai thongsung a om khit ciangin ama’ kiangah a pa a hawh ding kiphal hi. A pa in, Topa Jesu min hangin hih bang aa a thuak ngam tapa kong neih pen ka kipak mahmah hi”. Tu in mainawt inla, nung hei peuhmah ken,” ci-in hanthawn hi. A tapa kiangah, “ Ki mukik nawn lo mai ding hi hang. Ka sihna thu nazak ciangin kap peuhmah ken. Na lungsim buaisak se ken. Topa sungah na tawlnga ding hing. Topa kiangah ki mukik ding hi hang,” ci-in vantung lam kawk to kawm in hanthawn hi.

Hih Pen Ko Hi Kei Ung

            Kum (7) sung thong a kiat khit uh ciangin Mawlai leh a dang Adventist  nih tawh thunei makai te in sihdaan a piak nopna gamke zumpi ah paipih uh hi.

            “Ka thum un thah dingin hong sawm in hong tawnggawp uh a, ahih hangin Pasian in hong ompih ahih manin hong that thei lo uh hi” ci-in Mawlai in teci pang hi.

            Asawt lam ciangin thunei pa in, “Nomau mah thong a ki kiasak hi uh teh. Sawtpi laipek aa na suahtaak dinguh a kilawm ahi hi. Thu khat ah, na upna uh hangin kum (7) sung thongkia in thuah uh teh. Na upna uh ah khauhpai mahmah nahih manun hong paakta ing,” ci-in lamet het lo in gen hi.

            “Hih pen ko hi kei ung, Pasian hi,” ci-in Mawlai in genkik hi.

            Thunei pa in hopih lai a, “Ethiopia mite zong khangto ta ahih man un na suakta ding uh hi. Ahi zongin kuamah in na thugen te uh leh na tangko uh na upna uh hong saang lo ding uh hi. Note pen tuipi sungah tuitaak khat zong a bang zo lote nahih manun a hong khahkhia ka hi uh hi,” ci hi.

            Mawlai in dawngkik a, “ Ka suahtakna uh pen ka picinna man un zong hi kei. Nang thudikna hang zong hi tuan kei. Ka suahtakna uh pen vantungah a om Pasian’ hang ahi hi. Topa Pasian in geelna khat a neihna hang hi zaw hi. Hih khuamial inn sungah lungdamna thu tangkona

Marusevek sang pan azawh ciang in Cakovek khuapi aa kiphut sangpi (University) ah Croatian kampau leh tan (4) sangah sia asep theih na dingin a pilna zom hi. A thusinna aman ciangin Cakovek sangpi ah lai hilh dingin Maja kisam pah hi. Marusevek khua Adventist sang ah zong sang siama dingin sapna ngah hi.

            “Marusevek Adventist sangah a sem dingin hong kisap ciangin a ki sap na pen thupi mahmah dingin ka um hi. Pasian deihna ka theih na dingin thu kangen a, Pasian kiangpan sapna hi dingin ka um hi,” Maja inci hi.

            Tua sapna bangin Maja in Marusevek Adventist sangah sang siama sem hi. Sang huang sungah a pasal leh kum (2) leh kum (4) apha tapa (2) tawh teeng uh a, numei bawdauk zong sem thuah hi.

            “Hih sang ah lungnop na kicing ngah ung. Kha lam khantohna pen kei aadingin a thupi penpen hi. Gamtat hoih ding, cidam ding leh khut tawh sep siamna a nei ding in sang naupangte leh siate tha ka pia uh hi. Tua baan ah numeite aadingin a kisam phadiak pen Topa Jesu tawh kimeeltheih ding ahi hi. Tua pen mikhempeuh aadingin zong a thupi penpen ahi hi,” ci-in lawp takin gen hi.

            Maja in a makaih numei sang naupangte tungah veina nei a, “Itna kisam uh hi. Avai uh telsiam sak ding leh tha piak ding kisam hi. Kei mah bang in amau zong Pasian kisam uh hi,” ci-in veina tawh gen hi.

            Tu ni-in Marusevek Adventist sang ah pilna a sin sangnaupang 230 pha uh a, a tamzaw pen Adventist hilo uh hi. Numei bawda kicing nawnlo ahih manin numei bawda thak ka kisam uh hi,” ci-in Maja in telgen hi.

            Tu lian in, laisinna khaan pen pasal bawda in kizang hi. Tu kuata Sabbath sawm leh thumna sumpi khenkhat pen pasal bawda te omna innkhan pi pen laisn na ding in ki zang thei to ding hi.

            Maja in huhna hong ngen a “Hih sang pen ka Union sungah a lianbel nasepna hi. Thu tampi nong ngetpih ding uh kisam ung. Kum sim in Adventist ahi nailo sangnaupang tampi mah sang hong kah uh hi. Hih sangnaupang te mailam ah Pasian’ nasem dingin ih nuntak zia leh ih hilhna tawh ih kigin kholhsak ding kisam hi. Tuma kum (23) lai in Lai Siangtho sim in tui ka kiphum mah bangin amau zong Lai Siangtho sim uh a, pawlkhat tui kiphum uh hi.