Nov. 19 - 25
Nipini (Sabbath) Nitak lam Nov. 19
Sim Dingte: Pau. 17:28; Job 13:1 - 15; James 2:20 - 22; I Cor. 15:11 - 20; I Pet. 1:18 - 20; Pian. 22:8.Kamngah:
“Pasian mai ah migilote pai ngam lo ahih manin ka hanna in ka gualzawhna hi ding hi” (Job 13:16).
British lai at siam William Hazlitt, genna ah, mihingte pen “anui akap thei, nate piandan leh nate apian danding akilawm cih te kikal vaite abuaipih ganhing nam ahi hi” na ci hi.
Nate pen akilawm bangin piang lo hi. Kumkikna kamciam anei Christian te adingin lametna om a deih abang dingin lametna lian ih nei hi (2 Pet. 3:13). Mawhna in hong muhsak theih loh alamdang ahoih hong piang (I Cor. 13:12), ngaihsut khak loh zah hong om ding hi. Hih bang thu pen a leitung vai lungsim muhna kawciikte in a ngaihsut khak loh uh thu ahihi.
Tu kal sung Job thubu pan thuaksiatna vai ih telkan kawm in, thuaksiatna kawmkal ah deihna tel zawhloh leh kilawm lo thupiangte kal ah Job in lametna kammalte paukhia thei lai hi.
Tua lametna bang hi a, eite in zong tua lametna koici neih thei ding cih hong gen hiam?
* Nov. 26, adingin tu akal sinnate hong kiging in maw.
Zuauthu Genpi a Aneite
“Apaulo mihaipa apil kisa a; akam acip ciangin, apil in kituat hi” (Pau. 17:28, RSV).
Job thu ih gen ciangin amah mun khat ah tuucip in hehna, dahna, kawmkal ah alawmte cih bangbang ngaih hithiat ding hi theilo hi. Job thubu pen adik leh adik lo kigawm alawmte‟n ama dawnkikna thugente vai tampi hong om hi. Alawmte‟n bel hehpih in thu siam khol lo uh a; Pasian lam ah pang bang keek in Job thuaksiatnate adik in gen uh a, akilawm bang a athuak hi teh aci nuam uh hi pipen bek lo in thuaksiat zawk ding kilawm zawlai aci nuam uh ahihi! Hih bang ngaihsutzia tawh akigen khempeuh hoih lo kim ding ban ah Job lawmte pen hong uanglua laisawn uh ahih manin amanh zong dawng kik hi.
Job 13:1 - 14 sim in. Amah akingawhna vaite ah Job in akoici dawn dan hiam?
_____________________________________________________________
_____________________________________________________________
_____________________________________________________________
_____________________________________________________________
Alian 2 sung ah alawmte hong pai cil Job amuh uh ciangin, ni 7 sung, bangmah peuhmah gen lo uh hi. Anung lam ciang hong pau khia uh a, ahoihpen ding a angaihsut zia mah uh hi kim tek hi. Job in zong tua bang mah in ngaihsun hi.
Job cihna ah amaute in zuauthu gen hi bekmawk lo in Pasian zia vai zuauthu agen uh ahihi. Thubu tawpna lam ah thu piangte lunglut huai khat suak hi (Job 42:7 en in). Adik lopi gen sang pauloh bel hoihzaw ngel ding hi. (Hih thu adikzia athei kha ngeilo om kei ni maw?). Pasian zia adik lopi a gen bel suukzaw leh kilawm hi. A nawngkai mahmah na khat pen Pasian leh Ama zialehtongg, Job thuakna vaite ah agen gawpnate pan agup bawl a kinei hi laideep uh hi. Job genna mite adingin san hak mah ta leh hih mite pen “zuau thu genpi a aneite” ahihna uh, agenna uh pan kilangh hi (Job 13:4).
Na gen loh ding adik lopi na gen nunung pen bang hun hiam? Tua bang a na gen khialh khak kik loh nang in koici kigin thei ding nahi hiam?
_____________________________________________________________
Hong That Mah Leh Zong
Tu quater kipat in, atawpna pawlkhat leep in atawpna ah Job adingin bang thu hoih hong piang cih mu hang. Tua bang a, thuaksiatna kawmkal ah, Job in lamet ding nei veve hi. Ih nuntak sungin laisiangtho bup kankhia leng Job in tua hun lai a, angaihsut khak theih ding sang lamet theih tampi omzaw lai hi.
Atate hong si in, aneih alamh teng abei mang ciangin, acidamna hong kiam mang in amasuan mu kholl thei lo hi. Ama theih sun pen anuntak vai kisia manggawp cih thu bek hi mai hi. A khasiat a lunglenna vaite a tamlawhna ah, apiang lo hi vet leng ahihkeh naubu pan hankhuuk zuan pah hi lengh acih hangin, Job in lametna nei veve a, tua laitak a amah a bawlsia a atuat Pasian tung mah ah, alametna koih veve hi.
Job 13:15 sim in. Hih mun ah bang lametna thu kigen hiam? Job in
bang agen himawk hiam?
______________________________________________________________
______________________________________________________________
“Hong that liang zongin, ka muang veve ding hi.” Hih kammal in ama upmuanna vai atelkheh thu hi khong lo hiam! Athuaksiat kawmkal ah, sihna tawh zong kinaih mahmah a, Pasian in zong tua bang piang sak kha thei ding hi. Tua bang thu piang mah leh zong, Topa muang takin hanmual zuan ding hi.
“Khazih hehpihna picinzia ih ngaihsut den ding ahihi. Ama hong itna thute kepcing huai mahmah hi. Na upmuanna Job a banghsak in la, “hong that mah leh zong, amah muang veve ning” hong ci sak thei ta hen! Vantung ih Pa hong kamciamte len gige sa in nungsang a nang leh ama nasemte aompihzia; “Pasian a it mite adingin na khempeuh ahoih lam in piang” takpi hi. E.G. White, R.H., Oct. 20, 1910.
Mihing‟ ngaihsutzia tawh, Job a dingin bel lamet om hetlo hi. Ahi zongin, Job in mihing ngaihsut bang bek a ngaihsun mi hi lo hi. Tua bang hi leh, bang lamet ding om peuh mah mawk? Hih bang upmuanna leh lametna hong genkhiat ciangin Pasian amuan takpina hong kilangh hi.
Dotna tangglam khat pen: hih bang thupiang teng kawmkal ah Job in a upmuanna koici kep zo ahi tam? Job 1:1 leh James 2:20 - 22 sim in.
Hih thute in hih dotna’ dawnna in hong koici huh a, tua dawnna in muanhuaina leh thumanhna Christian nuntak ah athupitzia bang hong hilh hiam?
Lametna Pulaak
“Amah in ka hotkhiatna zong hi ding a, akineih mite in Ama' maitang mu ngam lo hi
(Job 13:16, NKJV).
Hih thu pen zann a ih sim tawh akizom lian ahi hi. Hih thu in bangthu bangla teng kawmkal ah, Job in lametna nei a, ama lametna pen Pasian sung ah ahihzia hong koici tellah hiam?
_____________________________________________________________
_____________________________________________________________
_____________________________________________________________
Akigensate zomto in alunglut huai mahmah thu ahihi. Job si ding ahi zongin, Pasian in that mah leh zongh, Job in hotkhiatna vai ah Pasian muang veve hi. Hih thu akitukkalh bang ih sa kha zongin apicing mahmah ngaihsutna leh lunggeelna ahihi. Sihna pan a suahtakna lo tawh hotkhiatna ih cihcih bang hi mawk? Gupkhiatna asang angah mite adingin sihna ih cih pen tawlngakpakna khat leh mengmetpakna hi lel a, tawntung nuntakna ah thawhkikna in zomhto ding hi lel lo maw? Tawntung nungta ding a thawhkikna pen Pasian mite‟n akum 1000 a angak uh hi mawk lo hiam? Job in zong hih mah alamen ahihi.
I Cor. 15:11 - 20 sim in. Tua mun ah hong kitangko lametna bang hiam? Tua lo tawh bang hang in lametna om theilo hiam?
_____________________________________________________________
_____________________________________________________________
_____________________________________________________________
Hotkhiatna thu amuanzia hong cian‟ gen mahmah khit teh, Job in “hanef, akih huai, Pasian theilote amai ah hong kilangh lo ding hi.” Hebrew pau a apiang theilo thu gensiangna hi. Job in ama hotkhiatna pen Pasian sung bek ahih lam thei a, ama thu muanhuai tak a amang nuntakna ahih kul cih thei hi. Tua ahih manin asiahuai Pasian nei lo mite (hanef) in tua bang lametna nei lo hi. Job in hih mun ah ama gupna, lungmuanna, ama gen theih dan a agen ahihi. Job in ganno tawh mawhmai‟ biakpiaknate apiak
hangin bang ciang dong in telsiam cih thei kei hang. Singlamteh hun ma lai khawng in Topa thu umte in singlamteh khit zah in akician in tel lo kha ding hi. Job in bel hotkhiatna vai pen Topa tungtawn Topa sung bek ah hi a, biakpiaknate pen hih hotkhiatnate hong koici pai ding cih lim a lahna ahihi.
Lei Pianma a Lametna
Job thuak bangh thuak khit ciang a, ama genkhiat vangnei tak a lametna thu agenkhia zo om kei mai ni maw? Akammalte bel ama upmuanna‟ nuntakna leh thumanhna lah denna suak hi.
Job in lametna apia Pasian muang ahih manin lametna nei hi. Mihingte mawhna siahuai kawmkal ah Eden huan a Adam leh Eve hong puk khit nung (Pian. 3), ni tawpni a Babylon akicip mang hun dong (Mang. 14:8), Laisiangtho in hih leitung hong piaktheih val adim den lametna hong lungngai thei sak hi.
Hih simlei pen Khazih khut sung hi a, Ama tungtawn in mawhnei mihingte adingin thupha khempeuh hong luang hi. Amah pen mi bang a hong pian ma leh hong pian khit a, honpa hi den hi. Mawhna hong om lim in honpa om khin hi.” - E.G. White, Khangcin Lunggulh, D.A. p. 210. Eite lametna bul lobuang kua dang gumpa om thei ngei mawk ding?
Anuai a munte in tu ni sinna a E.G. White gen alamdang lametna vai koici phungvuh hiam? Eph. 1:4, Titus 1:2, 2 Timo. 1:8, 9, I Pet. 1:18 - 2. ______________________________________________________________
______________________________________________________________
Hih bang munte pan Pasian theihkholhna, piansak hun ma limh in mihingte mawhna sung ah apuuk ding vai thei khin hi. 2 Tim. 1:9 sung a Greek kammal ah “tawntung hun mapek” in Khazih sung ah hehpihna tawh hong kisam khin hi na ci hi. Hehpihna tawh piansak hun ma a hong kipia khinsa hi a, “ih sepna tawh kituak hi lo in” (ei sep hi thei peuh mah lo, ei pian mapek a Zeisu tungtawn a hong kipia ahihi). Ei pianma limh in Pasian in
mihingte tawntung nuntakna thu lametna apiaksa ahihi. Ei kitanggsap khit ciang a hong piang hi lo in: a omsa hi a, ih kitanggsap hun in abaihsa a om khinsa ahihi.
Christiante ih hi a, lamet ding leh lamet nang thu tampi ih nei hi. Hong it Pasian bawlsa vannuai ah aom ih hi a, (John 3:16), hong tankhia Pasian (Titus 2:14) ih thungetnate hong za Pasian (Matt. 6:6), eite ading a palaai hong sepsak Pasian (Heb. 7:25), mangngilh lo ding a hong kamciam Pasian (Heb. 13:5), ih pumpi sihna pan thawh sak kik ding (Isa. 6:19), leh amah tawh tawntung nuntakna piak ding (John 14:2, 3) hong kamciam Pasian ahi hi.
“Hih vaite bang ci gen ding ih hi hiam? Pasian ei lam ah hong pang leh kua’n hong lang pan zo ding?” (Rom. 8:31).
Na tuah haksatna tuamtuamte kawmkal ah hih lametna nang a koici suah sak thei ding na hi hiam?
Lametna Limmte
Anuai a munte sim in. Khat sim in bang lametna hong lak tek hiam?
Pian. 3:15____________________________________________________
______________________________________________________________
Pian. 22:8____________________________________________________
______________________________________________________________
Siampi. 17:11__________________________________________________
______________________________________________________________
John 1:29 _____________________________________________________
______________________________________________________________
Gal. 2:16 _____________________________________________________
______________________________________________________________
Philip. 1:6_____________________________________________________
______________________________________________________________
I Cor. 10: 13___________________________________________________
______________________________________________________________
Dan. 7:22_____________________________________________________
______________________________________________________________
Dan. 12:1, 2 ___________________________________________________
______________________________________________________________
Matt. 24:27____________________________________________________
______________________________________________________________
Dan. 2:24 _____________________________________________________
______________________________________________________________
Hih munte ah aki dawngtawi toto thute ngaihsun in. Avekpi un Chris-
tian te in Zeisu sung ah ih neih lametna vai bang hong gen uh hiam?
Ngaihsutbeh Ding:
Laisiangtho sung a thu om khempeuh in lametna tawh kidim hi. Keima sung ah lungmuanna na neih nang un hih thute kong gen hi. Leitung ah na thuaksia ding uh hi; ahi zongin kipak un, leitung ka zozo hi (John 16:33, NKJV). Leitung bei dongin note tawh ka omkhawm
tawntung ding hi (Matt. 28:20, NKJV). Thukham samsiatna pan Khazih in hong tanhkhia a, eite adingin samsiatna hong suak hi (Gal. 3:13, NKJV).
Nisuahna leh nitumna aki gamlat zah in ih mawhnate hong lakkhiat sak hi (Late 103:12, NKJV). Bang hang hiam na ci uh leh sihna ahi zongin, hinna ahi zongin, vantung mite ahi zongin, ukna ahi zongin, tu laitak a om te ahi zongin, tu nung ciang a aom dingte ahi zongin, asanna, aniamna a kipan aki piangsak khat beek in Khazih ih Topa Zeisu hang a ih ngah Pasian hong itna tawh hong kikhen sak zo kei ding hi ci in mann takin ka um hi (Rom. 8:38, 39, NKJV). Sakhitui hup meeilak ah om ka en ding a, leitung a nuntakna neite khempeuh tawh ka bawl atawntung thuciam ka phawk ding hi” (Pian. 9:16, NKJV). Eite in Pasian tate cihna ih ngah nang in Pa‟ hong piak itna ngaihsun un! Leitung mite in Amah thei lo ahih manun eite hong thei kei uh hi (I John 3:1, NKJV). Topa pen Pasian ahihna thei un. Hong bawl pa in Amah hi a Ama mi ih hihi. Ama khah tuu te ih hihi. Ei mah a piangtawm ihi kei hi (Late 100:3, NKJV). Hih thute in Pasian kammal ei hong kipia hi a,
koici bang ahih thu leh Ama hong piak nate thu ahihi. Laisiangtho sung pan hong kipulaak kei leh eite in banhg lametna peuhmah nei thei ding ihi hiam?
Kikup Dingte:
1. Lametna thu hong pulaak Laisiangtho mundangte koite khawng hiam? Koi bang te nang adingin thupi diak a, bang hang hiam?
2. SDAte upna guipite sung pan akoi pen lametna tawh kidim na sa pen hiam?
3. Leitung haksatna, dahhuainate, leh khialkhemnate kawmkal ah, Laisiangtho sung a hong kipia lametna tungtawn in koici bangin kipaakden thei ding ihi hiam? Lametna tampi hong kipiak hangin lungkiat ding bang hang in baih lam mahmah hiam? Tua lametna mitsuan in lungdam tak in ih septheih ding bang om hiam?
4. “Lametna, upmuanna, leh Pasian tung ah lungdamkohna vaite gen in nei ni. Khazih sung ah lungkim in, lametna tawh om ni. Ama min phat den dingin kipil suah ni. Hih thu in lungsim leh pumpi natnate pan damna tui hong luan ding hi” - E.G. White, Mind, Character, Personality, Vol. 2, p. 492.
Topa min phatna in bang hangin Topa sung ah lametna tawh kidimh theih nang hong panpih dingin bang hangin thupi mahmah hiam?
إرسال تعليق
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.