Khut Tawh Akigelh Thuciaptehna (Agen: Monika)

October 15, 2016                                                                                  Austria            

Mission Story - Nipi 3na (4th Qtr 2016)

Khut Tawh Akigelh Thuciaptehna  (Agen: Monika)

            Thu ciaptehnate khut at vive tawh kiciamteh masa hi. Amanlang theipen in Monika in at a, Germany pau in thu a gen pawlpi upa a sem apa aadingin thugen ding vaihawmsak hi. Filipino nurse(5)te’n a khangno lai Monika’hanciamna hangin lungkim mahmah uh hi.

            1970 leh 1980 kum in gam sungah zato leh siikhan te a kicin lohna hangin Philippine leh Austria gam kumpi te in cidamna lam nasemte Austria gamah sepsak ding thukimna khat bawl uh hi. Hih geelna tungtawn in Filipino nurse tampi tak nasem dingin Austria gamah hong pai uh hi.

            Marietta zong Vienna khuapi ah nurse zatolam siama sem dingin tavuan kipia hi. Philippines pan a paikhiat main, “Vienna khuapi ah Aventist pawlpimite om hamtang ding hi” ci-in a pa’n hantawn hi.  Sabbath masa pen a zingsang ciangin, amau’ pawl sungpan adang Adventist zato siamate tawh  kikhawm dingin kizem uh a,  Seventh-day Adventist biakinn zong dingin . khuapi sungah  hong pai uh hi.

Adventist Pawlpi Khat Zong

            Marietta in, “Biakinn ka zong uh a, biakinn khat ka muh uh hangin a sungah kuamah kikhawm lo hi.  Sabbath ni simin biakinn ka zong zel uh a, Adventistte tawh akibang kuamah ka mu kei uh hi” ci-in lungzuang takin gen hi.

            Marietta leh a lawm Adventist zato siamate tawh Sabbath ni kikhop nading biakinn a zon uh hangin mu zo tuan lo uh hi. A lung uh kia ta a, Marietta in, “Pa aw, hih laiah Adventist biakinn khat zong mu zo kei ung!” ci-in  apa lai khak hi.

            Tua lai hun pen internet a kizatma hi a, Marietta’ pa zong Philippines gam aa om mission zumpi ah lai khak pah hi. Mission zumpi pan-in siapi ten zong Vienna khuapi ah a om Austrian Union zumpi a mun pen  Marietta na khak pah uh hi.  Marietta zong Adventist biakinn mun  a theih ciangin lungdam a, a lawmte tawh Sabbath ni ciangin kikhawm pah uh hi. Tua pawlpimite’n zong hoihtakin na muak uh a hih manin lung nuam mahmah uh hi.

Manlang takin Khangto

            A kha bangin hong sawt khit ciangin zato Siamate zong Monika leh ama’ anu leh apa kiangah hong kipulaak uh a, Monika in manglai tawh phen a, a gelh laite a vaihawmsak na mun  pawlpi ah kikhop hong kipan pah uh hi. Hunte hong pai toto in, Vienna khuapi ah hong tung Filippine te tam semsem a, tua baan ah Asia  gamte leh Africa gamte panin Mangpau a thei gambeel mi hong kibehlap hi.  

            Vienna Adventist biakinn ah Mangpau kizatna Sabbath school khan pen manlang takin hong khangto pah hi.  Tua ahih manin  Monika in a khut tawh Germany pau panin mangkam tawh phen a, a gelh thugente (sermons)  hoih kisa a, ahi zongin Mangpau thei hong tam semsem ciangin kicing nawn lo hi.

            Kum 1987 ciangin, gam tuamtuam pan Mangpau thei hong tam semsem ciangin amauteng a kituamkhop ding kisamta hi. Tua ahih manin Germany pau zangteng mun thak ah kikhawm uh a, gam tuamtuam pan pawlpimi teng kikhop nadingin a biakinn uh awn uh hi.

Gam Tuamtuam Pawlpi Biakinn

            Austria gam, Vienna khuapi ah a kiphut Gamtuamtuam  Seventh-day Adventist pawlpi pen pawlpimi 19 tawh 1987, kuata 4na ah thu hoih taktawh kiphut hi.  Tua zawh a sawt loin, pawlpimi 40 hong phato a, Sabbath ni simin hong kikhawm lengla zong hong tam semsem hi.  Vienna khuapi ah mite sungtum pusuakden a hih mah bangin Vienna Adventist pawlpi pen khalumna, gualhuaina, kha lam khantohna leh kilawmtaatna mun nuampi khat hi ci-in minpha ngah hi.

            Tuni in pawlpimi 153 tawh kalsim hong kikhawm lennglaateng tawh a cillai sangin nasiatakin khangto hi. Sabbath School hun leh sun hunpi khit ciangin anneekkhopna omden a, tua in mi zol mahmah hi. Adiak diakin  Vienna khuapi sungah sang tuamtuampan leh university pan sangnaupangte tam pen hi.

            Pawlpi kem Pastor Felix Metonou in, “Gamdangmite Vienna khuapi hong tuncil lai-un pangpa kisa uh hi. Ahi zongin Tapidaw a suah naikei uh hangin amaute khual a, amau theih kampau kizang in an zong ne uh ahih manin hong kikhop uh ciangin lungdam in nuamsa uh hi” ci-in gen hi.

Haksatna leh Khantohna

            Adventists pawlhatte pen a gam uhah citak takin kikhawm uh a, ahi zongin, gam thak hong tun uh ciangin a innkuanpihte leh kha lamah a lawm agualte om nawnlo ahih manin lungkia thei uh hi. “Hih a nungta Adventist pawlpi hangin gamdang pan hong pai Adventistte limtakin ka makaih thei uh hi”ci-in Pastor Felix in genbeh lai hi.

            Gamdang pan hong pai Adventistte in kikhop nading biainn pen khuasung vialvak aa zon ding kisam nawn lo hi. “Tuma kum 7 lai-in pawlpi leh kikhop hunte internet ah khah khia ing. Kal khat zong sawt lo in internet tungtawn in pawlpimite tawh kizopna nei thei ing” ci-in Pastor Felix in gen hi.

            Nung deuh mahmah in, a kikhop nasa hih biakinn ah Monika hong hawh a, khantohna a muh ciangin tha ngah mahmah hi. Tuma kum 30 lai aa biakpiaknate phawkkik in, “’Bangzah na lian’ cih la ka sak uh ciangin ka lungsim hong sukha pen hi” ci-in gen hi. “Biakinn golpi sungah mi tawm bek ka kikhawm uh a, tu-in a hihleh kita zo phalo liang hi! Hih bangin pawlpi a khangto dingin lamen ngei keng.  ‘Topa, lungdam lua ing’ cih ding sim lo gen ding dang nei keng” ci-in lawptakin genbeh lai hi.

#######@@@@@@@@@@@@@@@@@@@#######