Zomi Sabbath School Lesson: Zeisu in Atangsapnate Vuah Huu 2016 3rd Quarter Lesson 9

Sinna 9           Aug.  20- 26

Zeisu in Atangsapnate Vuah Huu

  

Nipini (Sabbath) Nitak lam     Aug. 20

Sim Dingte:  Mark 5:22-43, 10:46-52;  John 5:1-9; Late 139:1-13; Mark 2:1-12; Sawl. 9:36-42.

Kamngah:   “Zeisu in kikhopna inn sung ah thuhilh in, gam sung khuapi, khuaneu khempeuh ah vak kawikawi a, vantung gam lungdamna thu hilh a, cina luna khem-peuh adam sak hi”  (Matt. 9:35).

Africa gam a pension sang nupi khat nasep khawl nuam tuan lo hi. Aveng apaam teng HIV-AIDS tawh buaimang gawp in damhna kisam uh hi.  Akisamh masapen ah AIDS tagahte in ann kicing ngah lo uh hi.  2002 kum in apawlpi  tawh kop in tua naupangte kal khat in ni guk ann limci pia uh hi.  Naupang 50 tawh pankhia uh a, 2012 ciangin nisim naupang 300 piazo uh hi.  Tua pan in naucin’ sang hong pankhia uh a, tu in 45 te kah uh hi.  Asep ding pawlkhatte pen ADRA pan puan hawm in, vaimim leh anntehte ahuan bawlna uh pan mite hawm uh a, cinate donn uh hi.  Numei te khut siamsinna zong pankhia uh a, khat leh khat atheih tek uh kihilh in nungta zo uh hi.  Tua bang a Zeisu itna kilahnate tungtawn in pawlpi thak khat hong pokhia hi.  Akipat cil in mi 5 pha uh a, 2012 ciangin mi 160 bang kikhawm uh hi. Pasian in tagah inn, leh biakinn lamhna ding 2012 in lampi hon’ sak hi.
Christian te adingin mite kitanggsapna ah ih huh ih panpih ding athupitzia apiang thute ah kilangh mahmah hi.
*Aug. 27 Nipini sinna adingin hong kiging in maw.

Nimasani (Sunday)    Aug.  21
Pasian Nasepna ah Kibuai Sak

Caperanum  gei gunpang ah Zeisu gunkuang pan tuak hi.  (Mark 5 en in).  Anungzuite bel Decapolis ah dawi veipa tawh akituahna vai uh ah lungbuai gawp lai uh hi.  Angei bangin Amah angak amunuam mihon zong om hi.  Mihon lak pan mi khat Ama kiang nai nuam in hong kipankhia hi.  Huhna hong ngen lian in biakinn ukpa na hihi.

Mark 5:22-43 sim in.  Biakinn ukpa panpih ding a apai lai takin bangin nawngkai sak a, amanh koici donn hiam?  Athupi zawlai ah, hih thupiang pan bang sinna ngah in Pasian nasepna maban ah  hong nawngkai sak khawng aom ciang koici lah in koici donn ding ihi hiam?
____________________________________________________________________________________________________________________________________________________________________________________________________________________________________________________

Ki nawngkaisak pen kideih lo tek hi.  Hi mah lo hiam?  Kimanlah in sep ding tam a, pai nading tam in, geel ding tam hi.  Ngimna geelna kinei tek a, kitangtun nuam in ahun kilap nuam laisawn hi.  Tua kawmkal ah vaidang hong lut theilai hi.
Tua ziak in khat peuh in kitangsapna nei a, huhna hong nget ciangin hun kituah loh seplai khat peuh nawtsiat theih ahih loh sawn teh nokkhak kisa thei hi.  Khat veivei sep lai nusia in kihuh thei na pi huh nop loh man a, sep lai ih nusiat loh hunte zong e?
Mite ih panpih theihna hunpha pen ahun lemlo kawmkal mah hi thei zel hi. Tua bang a hong kibuaisak kideih lo in  geelnate
hong kipelh gawmpmang hi.  Zeisu nasep maban ah zong Ama panpihna piakte hunbuai kawmkal mah hi thei zel a, itna tak tawh huhna pia hi.  Ngaihsun leng tua bang hunphate a nokkhak kawmkal hithei zel hi.  Samaria midikpa thu thei khin hangh.  Koi ah pai a, bang sem bang bawl ding cih thei kei hangh.  Tua atuahna mun ah khawl in panpih hi.
Hong kinokkhak sak hunte gen ding hi leng bel maw!

Khat peuh in kitangsapna nei a, huhna hong nget nunung pen bang hun hi a, nang koici donn’ kik nahi hiam?
__________________________________________________________________________________________________________________________

Ninihni (Monday)     Aug. 22
Ken Hong Koici Huh Thei Ding?

Mark 10:46-52 leh John 5:1-9 sim in.  Amun 2 ah Zeisu in dotna dongh hi.  Bang hang hiam?
______________________________________________________________
______________________________________________________________
______________________________________________________________

Amun 2 ah Zeisu in amau deih bang hiam cih dongh hi; adeih uh thei gige hi napi.  En thei kei leng zong Amahn thei peuh mah ding hi.
Hih dotna adotna tawh tua mite zahtak apia ahihi.  Amau genna angaihna tawh amau buainate ah adonnopna lak hi.  Vai tampite ah mite in adangdang sang in hopih ding, amau gen angaih sak ding deih uh a, ahang zong ih haksatnate ih genkhiat ciangin ih lung hong noptuam sak thei hi lo hia?
Ngaihsun lecin siavuan khat kiang ah pai in hong et ziau khit teh lai at ziau in hong paikhiat sanh kik leh na koici ngaihsut tam maw.  Na kitangsapna athei takpi tam maw ci kha ngel niteh.  Siavuan pa’n dongh lah hong dongh lo.  Sii lah hong tehsak bek lo ci ngel ding hi teh.  Zato nasepzia diktak pen “na bawl ma in athu telkan phot in” cih ahihi.
Zato lam tawh Pasian nasepna ah zong tua bang mah hi a, mipite bulphuh in amau kitangsapna khempeuh ngaihsut sak hi.   Pawlpi tampite in mite’ kitangsapna athei khin kisa uh a, bangh sep sak ding cih zong sehsa in nei uh hi.  Mite tawh amau kitangsapna vai ih kamkuppih ciangin tua in amau ih donn lam lak a, koici panpih ding deih cih zong kithei hi.  Tua ban ah lawm thak zong ngah sawnlai ding hi hang.
“Mite pen amau kitanggsapna ah ih panpihna tungtawn in asuuk pen langpanna zong beimang thei hi.  Khazih hih leitung a hong nuntak lai in mite tung ngiat ah alunglut hi.  Apaina peuh ah amau damhna ding ngaihsut in nei hi.  Eite in ahoih apha asem ama sep banga asem abawl ding ih hi a, agilkial adangtakte vak in guaktang a omte puan silhsak a, adahte ahehnem ding ih hihi.” - E.G. White, Welfare Ministry, p. 162.

Atamzaw in ih ngaihsutna kigen thei tek hi.  Mite genna angai siam theizaw koici suah thei ding ihi hiam?
____________________________________________________________________________________________________________________________

Nithumni (Tuesday)    Aug.  23
Athuuk Zaw Kitangsapnate

Zeisu in Topa ahih mah bangin mihingte thu amau akitheih uh sangin theizaw hi.  Lungdamhna thubute sung mun tampi ah, Zeisu in mite tutawm a, angaihsutna bek hi lo in (Mark 2:8 en in) amau tangthu zongh thei hi (John 4:18).

Late 139:1-13 sim in.  Hih mun ah Pasian kammal in bangh hong gen hiam?
_______________________________________________________________________________________________________________________________________________________________________________________

Zanni a ih muh sa bangin, Zeisu in mite kitangsapnate thei a, tuate ah huh in panpih  hi.  Sung lam kitangsapnate zongh thei hi.  Hih vai pen pumzawpa’ thu pan in atakpi ahihna kimu hi.  Atungtham pan in pumpi damhna akitangsamh ahih ban ah athuukzaw om a, alupna pua a apai malim in, “ka tapa aw, na mawhnate  mai ta hen” na ci hi (Mark 2:5).

Mark 2:1-12 sim in.  Hih pa vai tawh kisai in asung tawng lam ah bang piang hiam?  Koici bangin hih sunglam vai pen ih panpihnopte vai ah avaibuai hitheipen ding hiam?
_____________________________________________________________
_____________________________________________________________
_____________________________________________________________

Zeisu in hih vai pen pumpi vai bek ahihloh lam thei hi. “Pumpi damhsakna bek adeih hilo in, mawhna vangik pan hotkhiat akisamh hizaw hi.  Zeisu mu kha in, maisakna ngah ding kician takpi leh van lungmuanna ngah in; asi a ahing zongin Pasian deihna ah lungkim ding hi”. - E.G. White, Khangcin Lunggulh, DA, p. 267.
Zeisu bangin asung-tawng vaite mu thei kei kha mah ni.  Kua kua tung ah panpihna pia hi mah leng, mawhna’ suksiat piansakte vive ahi uh hi.  Tua hi a, bang munmun ah kisam himah leh hehpihna, kitheih cianna, amau ading a asi, ahoih pen teek mah adeihsak amau a it Pasian a om lamtak atheih ding uh kisamh uh hi.

Gupkhiatna kitheihcianna leh Pasian in hong it ahih lam na theihna ngaihsun in.  Midangte tua bang kiciatna leh itna angah nang un koici panpih thei ding nahi hiam?

Nilini (Wednesday)      Aug. 24
Joppa  a  Dorcas

Sawl. 9:36-42 sim in. Dorcas in akiim apaam kitangsapna te amuh ciangin Joppa ah bang hong semkhia hiam?  Sawl. 9:41 sung ah “thu um mite, meigongg diakdiakte cih kammal in bangh kawk hiam? (NIV).
__________________________________________________________________________________________________________________________________________________________________________________________

Dorcas pen sep tawh athuahpah nungzui khat ahihi. “Joppa ah Tabita kici nungzui khat om hi (Sawl. 9:36, NIV).  Zogam ah zomite nungzui pawl khat Pi/Pu/Nu/Pa/Lia/Tang—(Namin/,Pawlpi) leh midang tampite ahoih apha sepna bawlnate tawh kidim uh hilo hiam  (Sawlt. 9:36, NKJV)?
Tua “thu um mite” in Christian pawlpi mite hi a; “tua meigonggte” cihna ah pawlpi ahi leh ahilote kihel thei ding uh hi.  Dorcas in bel anih un huh ngel ding hi.  Nang “Joppa pen pawlpi sung leh pua hi uh hi.  Na pawlpi sung mite donn’ kinkenna zong tangko nasepna vangnei mahmah khat hi a, (Sawl. 2:42-47 en in).  Pawlpi pua te’n zong en ve vua, hih Adventistte kidon diak peuh mah ve uh aw!” ci thei ding uh hi.

John 13:34, 35 leh John 15:12 sim in. Tua mun thumte sung ah akibangh thupuak bangh hi a, bang hang in eite zuih dingin tua thu thupi mahmah hiam? Ahi zongin, bang hang in, khat veivei zuih hak lua thei ding hiam?
____________________________________________________________________________________________________________________________

Pawlpi pualamte kiang ah na ihsep ding ciangin na sepzia na bawldan dingte na ngaihsut hong kul ding hi.
Amy Sherman in pawlpi khat peuh in midangte panpihna a zattheih nam thumte agenna ah:
1. Inn sung dan ah biakinn kiim leh paamte’ kitangsapna ngaihsut sak hi.  HIV/AIDS vai nasepna ah ama kiimleh paam pen ama “Joppa” suak hi.
2. Huan’ sung dan ah pawlpi mi ahilo kiimleh paam a om mite hi a, huan neite in a inn sung akep khit teh ahuan sung akep adonn dan ahihi.  Khat veivei pawlpite kipawlkhawm in mihon nasepna khat semkhawm thei uh hi.  Khuapi sung khat ah pawlpi tampite in cidam-huai ann zuakna tungtawn a, pawlpi thak kipan hi.
3. Tuu cingg dan sepzia ah mun khat cih sangin mizia kibang hon teng khawm kawikawi a sepna ahihi. - Adapted from Ronald J. Sider et al., Churches That Make a Difference:  Reaching Your Community with Good News and Good Works (Grand Rapids, Mich.: Baker Books, 2002), p. 146

Ningani (Thursday)   Aug. 25
Na  Asem  Pawlpi

“Nasep peuh Topa ap in, tua hi leh Amahn na geelnate hong kipsak ding hi”  (Paunak 16:3, NIV).

Na pawlpi in na kiim na paam ading mapan theih nang amuh theih khit ciangin pawlpi bup a hanciam khopna tawh ataktak suah sak ding ahihi.  Nang leh nang “makai” a na ki-ngaihsun kei zongin na panpih thei hi.  Pawlpi bup in telkim leh zong hoih a, vengleh paam ading a, pawlpi’ masuan hong hita hi.
Pawlpi’ ngimna leh geelnate pen anuai a mun thum pan bek hi hamtang leh deihhuai hi.
1. Laisiangtho leh SOP (Kamsanna Laiat Thukhunte) pan;
2.  Kiim leh paam kitang-sapnate leh
3. Mihonte thukimpihna leh sepkhop bawlkhopna cihte ahihi.  Pawlpi pawlkhat ah ngaihsut bang genkhopna, pawlpi mite kihel kim hun a, pawlpi puahpha a sepkhiat nang vai angaihsutnate uh leh asunmangte uh kitaang kupna hun pan zong hithei hi.

Luke 14:25-35 sim in.  Hih mun ah kiaapna leh pawlpi nasep vai a picin nang a geelna vai tawh koici kinahvawh hiam?
____________________________________________________________________________________________________________________________________________________________________________________________________________________________________________________

Na kiim na paam te tangsapnate limh phatak a panpih theih nang ngaihsun leng: hun tampi leh vai tampi om hi.  kitomkaih nuam khazel hi.  Sepkhiat leh nungzui suahsak vai a baih-bawl huai loh lam gentehna 2 tawh hong kihilh hi.  Geelkholh ngaihsut kholh kisamh hi.  Ahoih tak a kepna vai hipah hi.  Luke 14:34 a cii  i limhna alna pen kipumpiakna gen nuam hi.  Sepna bawlna-lo tawh nungzui ih hihna in khiatna neilo hi.  Eite in citak leh muanhuaitak a kipiakna kimanawh a, tua ihneih nak leh nasepna ah muanhuaina in hong zui ding hi.
Nakiim napaam na bat kim zawk theih nang in geelna leh patkhiatnate na neih ma in pawlpi tawh sepkhop theih bang ci bangh lampite khawng hiam?

Kiginni (Friday)   Aug.  26

Ngaihsut beh Ding:  Thuhilhk. 15:11, Job 29:11-17; Paunak 14:31; 19:17; Sawl. 3:6; James 1:27-2:5; E.G. White, “Pioneering in Australia,” pp. 327-338, Taangpi Tunga Taangkona, Welfare Ministry, pan sim in.

Zeisu bang mah in Paul zong mite kitangsapnate sem in thamang hi.  Hih vai Mars mualtung Athen khuapi vai ah kimu thei hi.  Sawl. 17:23 ah Paul pen Athente milim biak vaite in lungham sak a, khuapi makaite, mipil misiamte leh akimuhpih khak mite tawh kikum uh hi.  Amau kitangsap leh thu-meineite mu hi.  Amaute in theih loh pasian anuntakna uh ah tua amann Pasian thei a, kimanna neilo milimte abiak nawnloh ding uh ahihi.  Tua khit teh kikhopna inn ah Jew te leh “Gentile biakpiakna piate” kiang ah thu gen hi (Sawl. 17:17, NKJV).  Kammal dang in gen leng a hunpha ngahte limhtakin zangh a, lungdamhna thu tangko hi.  Paul in amau mun uh pan in zawnkhia a, kikhopna mun sungleh pualeh lampite ah kikuppih hi.  Mihonte in bel Pasian banghdan vangliatna nei om cih ngaihsutna nei ahihna uh “theih loh Pasian’” tau zong na lam uh hi (Sawl. 17:23).  Tua thu tung-tawn in Paul in, “theihloh pi a na biak uh” Pasian cih tawh lak-khia hi.”  (Sawl. 17:23, NKJV).  Amau laate sung a om thumann agelh khak uh siiksanh in:  “eite zong a suanleh khakte ihi hi” na ci hi (Sawl. 17:28, NKJV).  Amite dinmun pan amilimte uh paisan in anungta Pasian leh Zeisu, sihna pan athawhkikna thu lam zuatpih hi.  Atom in, ahilh nop mite kitangsapna en in, tua akitangsapte uh ngahsak dingin hanciam hi.
Kikup Dingte:
1.  “Lungmuanna leh lungdamna ngah nang lampi ahilh nuam, adeih sak pa in tutawm a akitangsapte uh zongh akha lam tanggsapna vai uh bang mah in ngaihsut pih hi.  E.G. White, Khangcin Lunggulh, DA, p. 365.  Mite’ kitanggsapna ah ih huh ih panpih ding vai ahang, bangh athupi thupuak hong kipia hiam?

2.  Thumann puaksawn vai ngaihsutna ah, ih ngimna bul mangngilh loh ding bangh hang in kidop kul hiam?  Tua ngimna bangh hiam?  Na dawnna ahang hong gen in.

3.  Ki buaisakna pawlkhatte sinsona suaksak lo a, sepkhiat theih nang asiangtho thupha bangin koici muh thei ding ihi hiam?  Gal. 2:20 in hih vai ah hong koici huh hiam?