“A Kimaisak Theilo Ding Mawhna Maisak – Khen 2na” (Mission Story)

10th Sabbath of 3th Quarter, 2016

September 3, 2016                                                                                     Rwanda

                                                                                                                      

“A Kimaisak Theilo Ding Mawhna Maisak – Khen 2na”

(Agen:  Pastor Isaac Nawani)

             

Tangthu om zia: Tualgal sungah a innkuanpihte a sih khit ciangin Pastor Isaac pen Rwanda gam a saklam aa om galtaina phualpi ah om sak uhhi. Tua munah amahin Adventist pawlpi khat phut hi

.

            Pawlpi khantoh nadingin committee ka phuan uh a, Sabbathni sial in thu ka kikum uh hi. Galtaina phualpi ah ka om uh hangin inn ah ka om lai bangmah un, ngah bangbang sawm aa khat leh sumpite ka pia tangtang uhhi. Khatveivei, Uganda pan mi hong hawh in sum hong pia zel uha, ko zong pawlpi ah sawm aa khat leh sumpite ka ap uhhi. Sawm aa khat pen Rwanda aa om pawlpi ah na a kisep theih masiah hoihtakin ka kem uh a, sumpite pen gal sungah a liamte huhna in ka zang uh hi.

            Ko Adventist pawlpimi a omsate baan ah midang tampi tawh Sabbathni sial in ka kikhawm uhhi. Galtai na phualpi ah ka om zawh kha 4 hong sawt ciangin kha manpha 300 te tui kiphum dingin a kigingsa in om uhhi.

Tualgal Khit Ciangin

            July kha in tualgal hong veng a, I returned to Kigali khua ka ciahkik ciangin Adventist pawlpi ah bang mah kisem nai lo hi.  Kei zong khua sungah vak kawikawi in pawlpi ah hong kikhop kik nading uh ka thuum hi. Damdam in pawlpi mite hong kikhawm kik uh a, hih pawlpi thak ah kum nih sung Rwandan Union ah laihawm khiat lam makai ka sep kik hun dong president hong sem sak uh hi.

            Kum 5 hong sawt khit ciangin ka innkuanpihte a kithahna mun ahi, Mugonero huang sungah cikmah a ka sep ngei loh president sem dingin sapna ka ngah hi.

            Tua panmun vai aadingin thu ngen in sep ding ka khensat hi. Ka innkuanpihte hong thah sak mite kiang pai kik aa Pasian’ na ka sep dingpen a khat veina a hihi. Tua mun ah ka pai kik ciangin ka gen ding ka thei kei a, “Topa aw, hih mite kiangah ka gen ding thu hong hilh in la, thakhauhna hong guan in” ci-in thu ka ngen hi.        Hih mun ka tun kik ciangin Pasian in ka nasep zia ding hong lah nadingin zan thapaai thu ngen ing. Zingsang in zum ka pai ciangin, “Thu kikum dingin mi khempeuh sam in” cih sawlna ka ngah hi.

             

Suakta takin Hopihna

            A kipat pan mahin mission president ka hihna tawh hopih kei leng hong maingap thei lo ding cih thei ing. Tua a hihmanin amau tawh bangmah buaina ka neih loh lam suakta tak a, ka gen ding kisam hi. Ka sep khop ding uh bel, Topa Zeisu in hong vaikhak lungdamna thu tangko ding a hihi.

            Sabbathni in Pasian’ thu kagen ma in amau tawh ka kiho a, kikhop man ciangin thu kikupna  nei khawm ung.
            “Rwanda Union in lungdamna thu a tangko ding leh hih mission a makaih dingin hong sawl hi” ci-in ka gen hi. “Ka innkuanpih a thatte nong gen dinguh ka ut kei hi. Siapa aw ka lawm hi teh nong cih dinguh zong ut tuan keng. Ka lawmhoih pen in, Pasian a it a, Ama’ na a sem nuamte hi. Pasian ih itna tawh mapang khawm ni” ci-in ka hanthawn hi.

            Tua mun ah kum thum sung Pasian’ na kasep khit ciangin Kigali khuapi ah as president of the Nisuahna A laizang lam Rwandan Mission ah President sem dingin hong sam uh hi. Tua mun ah tu dongmah ka sem lai hi. Tu in ka Conference uh ah pawlpi mi 2004 kum in 65,000 pha a, tu in 110,000 val phata hi.

Phu La Keng

            Ka Lai Siangtho mun deih pen, John 3:16—“Pasian in leitung mite hong it mahmah ahih manin ama Tapa a um mi khempeuh si nawnloin a hin' tawntung theihna dingun a Tapa neihsun a hong piak dongin a hong itna a hong lak hi.” (NKJV). Pasian in leitung aa ommi khempeuh it a hihleh, va pai in mithatte va that ding ka hiam! That lo ee! Pasian in amaute zong it in a kisikkik nadingin hun pha pia lai hi.

            Tualgal sungin galtaina phualpi ah ka om laitakin tadensa a gelh siapa khat in ka innkuanpih hong kithah sakna thei a hihmanin pulaak ding vai ka ngaihsutna hong dong hi.  Ka Lai Siangtho bu la in, Hebrews 10:30-31; ka sim a, “Bang hang hiam cih leh, "Phulakna keima-a' hi a, ka thukkik ding hi," a cipa leh, "Topa in ama mite thu a khen ding," a cipa i theih ahi hi. “A nungta Pasian' khutsungah thumang loin i tun'khak ding a lauhuai mahmah ahi hi”

            “Topa hong pai ding a, hong man ding hi” ci-in ka gen leh aman zong lamdang hong sa in phu laakna tha a pia hi teh maw hong ci hi. Ken zong Lai Siangtho sungah a dawnna om hi, ka ci hi. Mithatte thu a kigen ciangin eite tungah a lungduai Pasian nei hi hang ci-in ka phawk sak zel hi. Topa pen mi khempeuh tungah lungduai hi. Ama’n kuamah a sih ding deih lo hi. Pasian kiangah mawhmaisakna a ngen khempeuh Pasian in mai sak hi. Pasian in a maisak theih loh mawhna om lo hi. Sihna in Pasian lauthawng sak het lo a, Ama’ aa dingin buaina lian hilo hi. Pasian in tua sihna aa dingin dawnna nei tawntung hi.