Zo Phualva Thupuak - Vol 01, Issue 17: APPLE PUM THUM

APPLE PUM THUM

“Keep my commandments, and live; and my law as the apple of thine eye.” Proverbs 7:2

“Kong gen bangin gamta lecin na nungta ding hi. Kong thuhilhte, na mitnauta bangin hoihtakin kem in.”

Kong gen bangin cihte leh kong thuhilhte cihte kong gen sawm kei zaw a, kei deih kammal khat laa in kong gen sawm zaw hi. Tua in apple cih ahi hi. KJV Laisiangtho bup sungah apple cih mun giat ah kimu thei hi. Ahih hangin kawllai leh zolai te ah apple cih kimu lo in mitnauta tawh na kamlet zaw uh hi.

Epel (apple) pen zogam ah zong piang ahih ciang in atheilo leh ane ngeilo omlo ding in kong ngaihsun hi. Apple pen cidam nading in zong hoih mahmah hi. Cidamna tawh kisai in zong gen ding cileng honkhat mah om khathei ding hi ahih hangin cidamna lam kong gen sawm kei zaw hi.

Tu akipan in mimal khattek in epel pumthum ta tan theih ding in kong puak hi. Kagen atel te bek in tua epel ngah ding a kagen atel lo tading in pumkhat zong ngahlo ding hi.

1.Pumkhat na in Adam apple hi.

Ih gawl a, abawk bilbel pen Adam apple kici hi. Nakhat peuhpeuh ih valh ciangin kilang phadiak hi. Adam leh Eve in Pasian in nekei un acih huan laizang a om singgah anek khakna pan agawl ah thamsuak in Adam apple kici ci’n ki um hi. Ka neulai in pasal te bek i neih, cihdan ka zangei hi ahih hang in Columbia University pan Adam in nei ahih leh Eve in bang hang neilo ding hiam cih ahi hi. Mihing pumpi theitel te in Adam apple pen numei pasal neilua hi cih thei khia uhhi. Ahih hangin numei tasang in pasal ta gol zaw hi pasal pawlkhat zong adawk khollo zong omlai hi. Tuate nu-mei maw leh hituan lo hi. Hih gawl a guhdan abawk pen (cartilage, thyroid, lump) aw (deepen) khauhsak, sangsak hi.

Puberty, tangval kipat leh nungak kipat cilin hih guhneu bawkpen ompan hi ci uhhi. Numei te kum 12 ah pasal te kum 14 ah dawknuam pen hi. Naupang nawnlo uham kipat sia leh pha theih theihna neih hun tak ciang in dawk a, Adam leh Eve zong sia leh pha theihna singgah nekha ahih manin Adam apple kici suak hi.

Laisiangtho in tua singgah anek kik khakloh nadingin huan pan mite paikhiasak in vantungmi cingsak hi.Tua ahih ciang in Adam leh Eve ih nekkhak singgah pen tulaitak a ih neknek apple ahihloh lam bel kilang hi. Ahih hangin singgah nekkhak man tawh leitung bup mawhna sungah ih tungkha hi, tuapen nial theih hilo hi. Tuaman in singgah nekkhak manin Adam apple ong piangkhia ahi hi. Adam leh Eve in singgah pumkhat na (Adam apple) anekkhak manin mawhna sungah ki om ahih lam bel mimal kim in sangthei dingin kong lam-en hi.

2. Pumnihna in Sir Isaac Newton Apple hi.

Isaac Newton suahni 25 Dec 1642. Banghang in apple leilak ah kia mawk hiam ong kici leh bangteng in na dawng ding hiam?

Minlua hiven, gollua ahih ciang akung in khoh zolo, huih in mut, lung in ne ahih ciang a leilak a kia suk hi kici thei ding hi. Isaac Newton omkei leh tuateng mah kici ziau lel ding hi. Ahih hangin aman tuateng nangawh lozaw in leitungin hupna tha nei ahih man hi naci se hi. Minih khau kisut thalehtha akibat laitak pen akhau tang zize hi. Tua pen aman formula na laa in kikimna (equality) naci hi. Khat in zo mah leh atung lam kilawn lo in leilam mah ah kipuk suk veve hi.

Mawtaw tungtuang in ahawlpa’n ong nawhhawl simtham hi tualaitak lamkan a mipai khat mu ahih man in mawtaw hathawl laitak thakhat thu in brake ongkang in atung a tuang mihing teng mailam awngdang hi.

Tuma kum 400 lai in Isaac Newton mai ah Apple gah nakia kei zenzen leh tuhun a ihkhan toh zah in ki khangto lo thei lua hi.

3. Pumthumna Apple =Apple computer Inc.

Hih company pen 1 April 1976 in mithum kipawl in na phuankhia uhhi. Tua teng in Steve Jobs, Steve Wazniak, Ronald Wayne hi. Tulaitak in apple inc ih bawlkhiat na peuhpeuh kideih mahmah hi. CEO lui Steve Jobs nangawn zong nasep kikhawlsak ngei hi. Tua akikhawl sakna hangin nasep ong hanciam zaw in idea hoih nono tampi ong bawl khiathei sakzaw hi. Aman nakhialh nakhat aomleh sawtpi diah ken la amanlang in kipuah pha in ci hi. “i” tawh kipan electronic van khem-peuh phial pen Apple te bawlkhiat ahi hi. Tua te in iphone, ipod, ipad, itunes, ilife, iwork.

Tulai caartoon pawlkhat ah innkuan khat om in anu in iphone, atapa ubel in ipod anauzaw pa in ipad tuateng pen apa un I paid na ci hi.

Khupna: Apple khatna in leitung mawhna sung ah ong koih hi. Hi mah taleh apple nihna in, Pasian bawlsa lei-tung in hupna nei hi cih themkhat ong theisak hi. Apple thumna in mihing te leitung nop ihsak theihtheih nading in ong bawl hi.

A li-na apple pen kuan bawl ding hiam tuapen nang leh kei tungah Pasian in hun hoih hun pha ongpia hi. Ap-ple khatna hangin sihtheihna ih tuah hangin ih keytext om mah bangin Pasian thu ne peuh leng na nungta ding hi Topa in ong ci hi. Nang apple li na koi ci bawlsawm bang piangsak nuam? Ih Topan apple li na Pasian leh agam ading abawlkhia zo leh azangsiam dingin ong bawl tahen.  Sia Pau Suan Khai, Church Elder