Zo Phualva Thupuak - Vol 02, Issue 20: KILEMNA KUMPI HONG PAI ZO

KILEMNA KUMPI HONG PAI ZO

Kilemna kumpi naungek Zeisu hong suah ma kum 700 hun lai in kamsangn Isaiah in nau min naphuak khin hi. Tua hong suak ding naungek min ding in:
(l)Lamdang Pa(Luke 1:31; Phil. 2:9; Heb. 1:4;
(2)Thu lak Pa(Isa- 11:2,3)
(3)Vanglian Pa(Luke 22:69
(4) Tawntung Pa (Dan. 2;44; 4:3)
(5) Kilemna Pa (Isai 11:6; John 14:27) si'n na phuak khol hi. Hih a tunga min teng lak pan 'KI LEMNA PA' or "Nopsakna Pa" cih tawh tha la ciat ni ci'in kong zawn hi. Bang hanga leitungah Zeisu um Christiante sungah kilemna omlo hiam cih ngaihsut ding ka ut hi. Eph. 2:14  sungah "Khris in eite gal ki lemna" hi na ci hi. Taanglai in Judah leh Gentilete bang mah in na ki thusim lo uh hi. Ui bang in na ki en niam uh hi. Tua bang zah a ki n niarn laitak un, Khris in Judah leh Gentilete ki kalah Ki lemna kumpi hong suak hi. Pasian in mihingte kilemdingin hong deih mahmah hi.

Kum 1914 kum pan 1918 ciang dong leitung galpi masa ong om in, tua galpi ven ciangin ieitungah kilemna a om theih nadingin leitung buppi kipawlna (League of Nation) gam l0 te in ki pawlna hong kiphuan khia hi. Tu laitak a ih pawlpi ih tido nate sang nasia zaw aa, ki dona om nawn ngiatlo ding leitungah gal bei sak ding, thaurmi thau tang tawh kido lo in, thuhaksa leh ki telkhialhnate beisak theihna ding kilem ngiat ding cih ngimna bulpi ahi hi. Leitungah kilemna leh daihna hih ki pawlnate in ong pia zo tuanlo ahih manin, kum 1939-1945 ciang dong galpi nihna hong puak kham leuleu in sisan ki luan na mah hong om to lai hi. Hih kidona lianpi hong pian zawh ciang leitungah ki sisan luanna, ki muhdahna, ki elna om nawn kei ta hen cihna tawh U.N.O. (Unitd Nation Organization) hong ki phuan khia leuleu hi.

hih hangin hih ki pawlnate in gal kidona kham zo tuanlo aa, tuni ciang dong gam khat leh gam khat kido in sisan naisan mah hong luang veve hi. Kidona hong tam semsem ciang in, Reagon Johson of Grantee "Iduk" in leitungah ki lemna ding a deih man'in "kilemna ding lai lianpi" Pope John II kiangah hong khak hi. Hih a laikluk sung ah a ki at pen, "leltung in kilemna kisam hi (the world needs lreace or the needs for world peace)," cih ahihi. Tua laikhak pen meter 2400 sau hi, vanleng tawhki khak ahihmanin laibu khak man Ks. 5119 bei hi. Laidal, laikung kaw (glue), puan leh a khui man vekpi gawm in Ks- 1700 bei hi. A zaina pi 3, a dung sauna pi 20, a laidal khempeuh peh leng a sauna km 24 ciang pha hi ci tih hi. Agih na a teh uh ciangin Kg 1005 gik hi ci hi. Tua laidal aki zuak hi leh Ks. crores 1 a lang bang man ding ci uh hi. Hihzah takin a lian, a thupi ki lemna laikhakpi aki gelh hangin leitung mite in ki lemna ngahzo tuanlo uh hi. Sanggamte aw tuni in nang ih minam sung, na innkuan na khuasung, na pawlpi sungaah ki lemna dingin bang na zangh hiam? Zeisu kumpipa in ki lemna ka hihi ci hi. Zeisu na neih man'in kilemna na ngah hiam? Ahih kei leh Zeizu na neih man'in galphuang na hizaw hiam? Ki ngaihsunpha dih ni.

Vantung mite hongpuak lungdamna lathak kilemna la ki kumsuk laini. btke 2:14 "Van a sangbel na ah Pasian minthang ta hen, teitung a deih mite' tungah "Nopna or Ki lemna' omta hen" ci hi. Vantung mite hongluak ki lemna pen Hebrew kam in "shalom" ahihi. Hih a khiatna in "daihna or kilemna" hi aa Lum leh tei tawh kido lo a ki lemna banah khat leh khat ki lemna leh kha lan cidamna" ki lemna a gen nuam ahi hi. Ki gal neihna om ngiatlo, Judah leh Gentile, Mivom leh Mikang cih bang deidan na omlo ding kilemna a gen nuam ahihi. Ki lemna hong puak vantung mite lasak a thu ngaihsun leng ngaih mahmah hi. Van a sangbel na ah Pasian minthang ta hen, leitung a deih mite tungah nopna om ta hen ci'in lasakna tawh kilemna hongpuak uh hi. Hih la en leng Pasian phat masak kul aa tua zawh ciangin leitungah nopna om thei pan ding ci hi. Vantung mite in kilemna thupha hong puakzo napi, tuni ciang dong mihing te in kilemna thupha ih nei nai kei hi. Hih kilemna thupha a om nailoh na pen, vantung mite zuau phuak ahi mai diam cih ngaihsut huai hi.

Leitung mite in ih masak ding peuh nunun mawk ih hih man'in kilemna omlo hi. Ih pilna lh siamna ih hauhna peuh, Lucifer bangin; ei leh ei ki muang ih hih man'in ki lemna hong om theilo hi. Pasian phat masak a kul ahihi. Pasian phat in nei masa leng ki lemna hong om pan ding ahi hi. Kei tungah nopna om masa henla, tua zawh ciang Pasian minthang ta hen, cih lungsim ih neih manin ih pawlsung mimal sungah ki lemna hong om theilo hi. Mihingte aki phat masak na mlm peuhah buaina, kisel kitotna hong piang den hi. Zeisu kumpi, kilemna kumpipa hong paizo hi. Kilemna ih pawlpi sungah a om nai hiam? Lungdamna thupuak Luke in, kilemna a deihte tungah omta hen ci hi. Kilemna a deih bek hilo in, a nei ih hih theihnang mimal khat tungah Topa in thupha hongpia henla, tu kumthak a kipan Zeisu hong kumkik dong kilem in, ma pang khawm dingin hih lai asim minmal khempeuh Topa'n thupha hon$pia ta hen cih ka thu ngetna ahi hi. Lungdam!
Itna Bulphuh, '
Do Thang
Spicer Memorial College
Pune, India